|
نفسيتى فى الارض وهتجنن ياريت تفيدونى ياعدولات
ازيكم ياقمرات انا عندى مشكلة كبيرة حصلتلى مع جوزى
قبل الجواز كان عارفة واحدة وغلط معاها وبعدين سافر ورجع عشان يتجوزها لقى اهلها جوزوها لواحد تانى المهم عشان مطولش عليكم طبعا هو حكيلى على كل حاجة قبل جوازنا يوم السبت اللى فات رجع من الشغل واكلته وبعدين قعدنا شوية ودخلنا ننام بصيت لقيت تليفونه بيرن الساعة 4ونص الفجر رحت اشوفه لقيت اسم بالانجليزى قلتله مين قال واحد تبع الشغل قلتله فى حد بيكلم حد فى الوقت ده المهم عدى كام يوم ويوم الاربعاء صحيت من النوم الساعة6صباحا على نفس الرقم ببص فى التليفون لقيت رسالة مكتوب فيها بحبك ياحبيبي اوى بحبك بحبك المهم اتصلت بالرقم من تليفونه لقيت واحدة بتقول ايوة ياحبيبي وصوتها طبعا مش هقولكم:14::14: المهم بقولها انتى مين قالت ورحت قايلة اسمى قلتلها انتى مين قلتلى انتى مالك رحت مزعقة فيها وقفلت التليفون راحت بعتتله رسالة انا اسفة ياحبيبي مكنش قصدى اعملك مشكلة بس هى معذورة متعرفش اللى بنا وانا مش هزعل من كلامها عشان خاطرك طبعا حصل مشكلة بينى وبين جوزى ونكد على الصبح وخناق وعدى يومين ويوم الجمعة بكلمه بليل قبل مايرجع من شغله لقيت الرقم انتظار اتصل مفيش مش بيرد عليا فين على مارد اسأله كنت بتكلم مين يقولى واحد فى الشغل قلتله طيب |
رد: نفسيتى فى الارض وهتجنن ياريت تفيدونى ياعدولات
اقتباس:
فى نفس اليوم بعتلها رسالة قلتلها مهما تعملى هو جوزى وبيحبنى انا وابو ابنى راحت بعتتلى 3 رسايل تقولى انتى صعبانة عليا عشان انتى لو واثقة من نفسك مكنتييش قلتى كده ومش بالعيال المهم مين اللى فى القلب ورسالة تانية كفاية انه بيكلمنى كل يوم واخر مرة كانت قبل مايطلعلك كان بيقولى بحبك ياحب عمرى ورسالة تالتة ياريت تكونى عشتيه كويس عشان هيصحى بدرى وقالى لما انزل هكلمك طبعا انا اسفة انى طولت عليكم بس الاحداث كتيير وطبعا اليوم ده انا اتجننت وقلتله مش هرتاح الا لما تكلمها وتقولها متتصلش بيك تانى وقدامى وفعلا عمل كده بس انا خايفة ترجع تكلمه تانى ومش عارفة اتصرف ازاى ياريت تفيدونى |
رد: نفسيتى فى الارض وهتجنن ياريت تفيدونى ياعدولات
لاحول ولاقوة الا بالله العلي العظيم
دي واحدة المفروض انه غلط معاها يعني زي ماعملت معاه ممكن تعمل مع غيره وغيره يعني المفرو مايبصش في وشها تاني وشكلة عاوز يرجع لذكريات الماضي ويعيش جو المراهقة ربنا يبعدها عنه ويهديلك العاصي انا مش عارفة الرجالة حصلها ايه |
رد: نفسيتى فى الارض وهتجنن ياريت تفيدونى ياعدولات
ربنا ييسرلك الحال يا حبيبتي عارفة ان الموقف صعب عليكي بس حاولي تتماسكي وحاولي تقعدي مع جوزك وتفهمي منه بالراحة هو ليه بيكلم الست دي وهدديه لو مبطلش يكلمها هتقولي لأهله وتفضحيه وكمان لو هي متزوجة قوليله انك هتكلمي جوزها او حد من اهلها وتعمليلها مشكلة وفضيحة ومعنتيش تتواصلي معاها بأي شكل عشان متديهاش فرصة تستفزك بكلامها وربنا يصلحلك الحال يا رب ويبعد عنك ولاد الحرام |
رد: نفسيتى فى الارض وهتجنن ياريت تفيدونى ياعدولات
بصي يا ستي طبعا غلطتك انك تعمليلها لازمه ولا هي ليها ثمن اصلا انتي كلامك ومشكلتك مع جوزك طبعا وماتقلليش من نفسك وتحكي معاها
مبدأيا اتكلمي معاه بما انه صارحك من البدايه وحكالك خديه كصاحب وقوليلوا انك مش هاتقدري تعيشي معاه وانتي مش مرتاحه واياكي تقولي ياانا ياهي انتي الاول والاخر وابنه وهو جوزك تفضلي معاه وهو يتصرف يغير رقمه ولو فضلت تكلمه يبقي بيكلمها وتقوليلوا انك هاتشهدي حد كبير من اهلكم فيه جربي وقوليلنا ايه حصل ربنا يهدي سرك ويجمع بينكم ويبعدها بشرها عنكم |
رد: نفسيتى فى الارض وهتجنن ياريت تفيدونى ياعدولات
يالهوي دي فهلا مشكله ده هوا عايز دي البنت عاا يختي انا مبعرفش اقولك ايه ربنا يساعدك والبنات افادوكي |
رد: نفسيتى فى الارض وهتجنن ياريت تفيدونى ياعدولات
والله عملت كل اللى قلته عليه قعد يقولى والله
مابحب حد غيرك هى اللى بتجرى ورايا انا لو كنت عايزها كنت اتجوزتها من الاول لما اتطلقت وبعدين اصلا هى على زمة جوزها وهو عارف انها بتحب واحد تانى وعادى رجعها تانى تعيش معاه وانهاردة بقوله تحط رقمها فى البلاك ليست راح قالى ربنا يسهل انا مش فاضى قلتله انا هعملها قالى انا غيرت الباسورد بتاع التليفون |
رد: نفسيتى فى الارض وهتجنن ياريت تفيدونى ياعدولات
وكمان عامل باسورد وانتي متعرفهوش انتي طيبة جدا وهو بيستغل طيبتك دي
انا عايزة اقولك حاجة بدام قالك كدة يبقي فيه مشكلة احيانا تكون عنده واحيانا ممكن تكون منك وانتي مش عارفة افضل حل تتكلم معاه الاول تستعملي سلاحك الانوثة وتعشية وتخلي مزاجه تمام بعد كدة تقوليله ايه اللي مغيرك ليه مش قريب مني زي الاول تحاولي نقربي منه بهدوء حاولي مرة و3 لحد ما يقولك وف نفس الوقت حاولي تغيري اسلوب حياتكم مع بعض لان ممكن يكون ده السبب انتي الليي تقدري تخليه ميبوصش لوحدة غيرك استمري كدة لفترة ولو حصل حاجة من دي تاني لازم تحطي حد ويكون ليكي موفف ولو عايزة مساعدة ف الطريقة دي كلميني ع الخاص |
رد: نفسيتى فى الارض وهتجنن ياريت تفيدونى ياعدولات
هو جه وحكيلك كل شئ صادق معاكى انت متديش نفسك فرصه انك تتكلمى معاها تانى وتستفزك بكلامها كمان انتى كدا هتبداء تشوكى بكل تصروفات جوزك مش تسمحى لى اى حد انه يفرق بينك وبين جوزك ابدا هى كدا عيزكى يبقا فى مشاكل دايما بينكم برسايل اللى بتبعتها انتى احتوى ومتتكلميش كل شويه فى موضوعها وتفكرى فا ييحصل زعل بينكم اوعى توصلها للى هى عيزها اتمسكى وربنا بيكون جانبك ان شاء الله حولى تبعدى عنها بكل قدارتك قربى منه اكتر صاحبى خلى ميكونش محتاج لحد غيرك وان شاء الله ربنا بيبعدها عنه عرفه ان الموقف صعب عليكى والله حبيبتى ربنا يجعلك قرة عين لزوجك ويجعلك اجمل امرأة الى قلبه يااااااااارب
|
رد: نفسيتى فى الارض وهتجنن ياريت تفيدونى ياعدولات
اقتباس:
ربنا يهدى سركم |
رد: نفسيتى فى الارض وهتجنن ياريت تفيدونى ياعدولات
انتى لازم يكون عندك اصرار ان انتى تحافظى على البيت وعلى زوجك وتعرفى ان انتى بتمرى بامتحان ولازم تنجحى فى انك ترجعى جوزك لحضنك ومتخليش واحده زى دى تاخد جوزك منك يعنى خديه وروحى مكان بعيد كام يوم استعيدى معاه لحظات حلوه اشغلى وقته كل لحظه يلاقيكى جنبه وان شاء الله يبعد عنك وعن زوجك اى شر
|
رد: نفسيتى فى الارض وهتجنن ياريت تفيدونى ياعدولات
بصي النتي اخرجي من جو الضحية المظلومة لانه هايشل تفكيرك وخليكي قوية جدا واعمليها حرب وشوفي انتي هتنتصري ولا الست التانية وانتي اتشطري واكسبية ومعدتيش تتكلمي معاه عنها خالص ولو ياستي بعتت له مليون رسالة دي ست مريضه وعاوزة تنكد عليكي انتي بقي بشطارتك كأنثي تغلبيها انتي عاملي جوزك بما يرضي الله وجددي من نفسك خليكي عشيقة مش زوجه يكون ليكي عشيق وينساها هو غلطان وضعيف وهي ست مش محترمه بس انتي لازم تكوني قوية وتحافظي علي بيتك مش علشان حاجة غير انك تثبتي لنفسك اك قوية مش اي ست مش محترمه تيجي وتخرب عليكي بيتك وخلي بالك الراجل دايما بيتشد للست الغريبة عنه فانتي بشطارتك تغلبي الست الوحشة دي ومتحرقيش في دمك وفي الحب والحرب كله مباح شوفي جوزك بيحب ايه وزودي وجددي في نفسك خليه يتشد ليكي ومع الوقت هاينساها واستعيني بالله وربنا معاكي
|
رد: نفسيتى فى الارض وهتجنن ياريت تفيدونى ياعدولات
انا بشوف انو كل الردود بتصب في انو هي اللي لازم تصبر وتحافظ على جوزها وانو الست الثانية هي اللي حابة تخرب وفارضة نفسها عليه بس اكيد هو مديها ريق حلو او فعلا حن ليها وبيكلمها زي هي ما بتقول ايوة انا معاكم في انها مش محترمة عشان بتكلم راجل متجوز بس لو مكنش في حاجة كان عمل باسوورد هو في حاجة اسمها باسوورد او كلمة السر بين الراجل ومراتو انا بجد دي اكثر حاجة بتستفز ماهو ليه عمل كدة اكيد مش عايزها تعرف حاجة انا شايفة انو لازم تخبر امه يعني حماتها لانو مادام سبق وخطبها يبقى هي تعرفها وتروح لاهلها عشان يلموها من غير ما يعرف زوجها هو الثاني بعمايل مراتو لاحول ولاقوة الا بالله انا لو مكانها كنت حتصرف بطريقة ثانية واشد ومش مع الست دي بس مع جوزي |
رد: نفسيتى فى الارض وهتجنن ياريت تفيدونى ياعدولات
ياااااااااه بترجعنى لذكريات متزعليش من صراحتى هو كلمها قدامك وقالها كده علشان يريحك وبعدها كلمها وقالها معلش كان لازم اعمل كده علشان اريحها بس انتى عارفه انك حب عمرى ..اوعى تبكى في يوم علي انه بيحب غيرك لانه هيجى يوم وهيندم واوعى تبينلها غيرتك اجذبيه ليكى عوضيه عن الحاجات الللا هى مديهاله وحاسسيه انك نسيتى الموضوع نهائي وراقبي من بعيد
|
رد: نفسيتى فى الارض وهتجنن ياريت تفيدونى ياعدولات
اكسبيه لصفك يا قمر ماتخسريهوش. خليكي لذيذة وبلاش نكد. واعملي كأن الموضوع انتهى ومش في بالك والبسيله وانتبهي ليه شوية. هو بس عايز يعيش احساس الحب زي قبل الجواز. اديهوله انتي. ماتسيبيش غيرك تعمل نفسها هي الرومانسية الحنينة وانتي ام العيال بتاعة شغل البيت والمسلسلات والنكد.
|
رد: نفسيتى فى الارض وهتجنن ياريت تفيدونى ياعدولات
اقتباس:
|
رد: نفسيتى فى الارض وهتجنن ياريت تفيدونى ياعدولات
اقتباس:
انت فاكرة انو باللين وانها تتنازل عن حقها وتبين انو مفيش حاجة لجوزها حيغير حاجة وانو الثانية حتحل عنو وعنها لازم يكون في منطق ونحط نفسنا فمكانها الست لازم تصبر وتضحي عشان بيتها ايوة بس مش انها تتنازل عن كرامتها وتوقف تتفرج على واحدة ثانية بتفكر تاخد جوزها منها |
رد: نفسيتى فى الارض وهتجنن ياريت تفيدونى ياعدولات
انتي مفروض تسألي جوزك عرفها ازاي وحصل ما بينهم ايه ولو انتي بتحبيه وواثقه فيه سامحيه وخليكي واثقه انه مش هيعمل كدا تاني وبلاش الغيره الزايده عشان ميتخنقش
بعني لما ام تقعد تقول لابنها انت بتشرب سجاير انت بتشرب سجاير وهو مبيشربش فأكيد اخر ما هيزهق هيشرب فا انتي خليكي واثقه فيه بعد كده لو موبايله رن الساعه 4 برده خليكي واثقه فيه ولو جوزك خيب ظنك فيه تاني يبقي هو السراحه ميستاهلكيش |
رد: نفسيتى فى الارض وهتجنن ياريت تفيدونى ياعدولات
عندك حق
|
رد: نفسيتى فى الارض وهتجنن ياريت تفيدونى ياعدولات
اقتباس:
|
رد: نفسيتى فى الارض وهتجنن ياريت تفيدونى ياعدولات
اقتباس:
بصى الحل الوحيد هو تخير جوزك بينك وبينها |
رد: نفسيتى فى الارض وهتجنن ياريت تفيدونى ياعدولات
الصراحة هيا السبيل الوحيد,تكلمي معه كصديقة و كان الموضوع لا يعنيكي
|
رد: نفسيتى فى الارض وهتجنن ياريت تفيدونى ياعدولات
نفس موضوعى بس مابكلمهاش ولا اعبرها وبوريله انى بثق جدا في نفسي لكن طبعا غضبت وانا حاسه بيكى جدا جدا جدا الا مجرب هايحس اكتر ومشعارفه اقولك حاجه غير انك تتجاهليه خالص وماتعمليش الحاجات الا بيحبها على طول منك الا هو القصد المعاشره عشان تحسسيه بقيمتك ومحدش يقولى هايبص بره لالالالا طعم الحلالالالالالالالال حاجه تانيه خاااالص اتقلى بس عليه وهاتشوفى انى صح
|
رد: نفسيتى فى الارض وهتجنن ياريت تفيدونى ياعدولات
رنا يصلح حالكم ويبعدها عنكم
|
رد: نفسيتى فى الارض وهتجنن ياريت تفيدونى ياعدولات
لاحول ولاقوه الا بالله ربنا يهديه ويصلحلك الحال يارب |
رد: نفسيتى فى الارض وهتجنن ياريت تفيدونى ياعدولات
علاقتك مع زوجك وليس معها ؛؛؛؛؛طنشيها،،،،،،،راجعي نفسك شو الشي الموجود عندها وعم يشد زوجك الها (بمعنى اخر :شو عم تنقصي عن زوجك)....شوفي الثغرات عندك اتغيري كرمالو (اعتني كتير بشكلك ..خليه يشوفك احلى وحدة..قدمي له الكلمة الحلوة ...ريحيه في بيتو...اهتمي فيه .. ...وبسلامة فهمك ..فهمك كفاية
|
| الساعة الآن 11:56 AM |