عدلات - شات قعدة ستات فى بيت الست عدلات أنا قررت أعلنها حرب على الراجل بس مش ا

عدلات (https://adlat.net/index.php)

- دردشة عدلات (https://adlat.net/forumdisplay.php?f=76)

شات قعدة ستات فى بيت الست عدلات أنا قررت أعلنها حرب على الراجل بس مش ا

مساء الخيرات والريالات

مساء النور والدولارات
مساء الفل والجنيهات
مساء الريحاااااااااااا ن و الدينارات
مساء الورد والليرات
كل واحد حسب عملته
اخباركم عسل وشهد ان شاء الله
كيفكم وكيف عيالكم
ان شاء الله نتعرف
ونكنو احلى نسوان في دنيا
اهلا وسهلا بي كل عدولة هنا
اهلا وسهلا بيكم يا هوانم في الشات

أنا قررت أعلنها حرب على الراجل

ههههه بس مش أي راجل

لأ الراجل اللي بيخلي الست بتاعته تطق

بيخليها تخرج عن شعورها وتكلم نفسها

سواء قصاد المراية أو بينها وبين نفسها

من كتر عناده فيها وخناقه معاها

يالا يا ستات الصفحة ديه بتاعتكم

تعالوا قولوا فيها كل اللي في بالكم

وكل اللي هاممكم تعالوا هنا فضفضوا عليه
انا وانتي وهي وهي

تعالوا نعملها جلسة نسائية ميه الميه

ونقول ونعيد ونزيد على كل حاجة

اول قايمتنا طبعا الراجل

وبعده تيجي الاسعار اللي مبهدلانا

وممكن كمان نجيب سيرة عيالنا اللي تعبانا ومطهقانا

وشغل البيت اللي منه تعبنا وعايزين نعملها انتفاضة

ويمكن ننم شوية عن بنات اليومين اللي فضحانا اشي سترتش واشي بادي وآه يان

يالا يا ستات اتلموا تعالوا

هنروح سوا عند الست عدلات نشرب وياها كوباية شاي ساعة عصرية

بس قبل الشاي كل واحد تشوف هي طابخة ايه وتجيبه

والنميمة تشتغل لحد المغربية ههههههههه

وسامحنا يارب بقى المرة ديه

في جلسة حريمي أو ستاتي بساعة عصريه في بيت الست عدلات الحلوة ديه

فجأه جات سيرة الرجاله وقفت عدلات تشرب الشاي وبدأت تتكلم , قال ضل راجل ولا ضل حيطه , طيب بذمتكم عمركم سمعتوا عن حيطــــــه تقعد تشخر طول الليل وما تخليكي تقدري تنامي

فردت عليها الست هنيه ولا حيطـــــة تدخل من باب البيت تزعق وتجعر تبغى الغدا وبعدين تطين عيشتك علشان الملح طلع زايد في الاكل

ردت الست عدلات, على الأقل الحيطة بنعرف مكانها فين إنما المحروس الراجل يدوخك وراه عشان تعرفي هو سهران فين
قال إيه شغل عنده .. هيهيء حلوووة هيهئ دي بالمصري طبعاً

ردت الست حلاوتهم طيب بذمتكم فيه حيطه تحاول تطلعك غلطــــــانه في كل كلمة تقولوها عشان تثبت للأولاد أن الحيطة بتفهم أحسن مننا

وسكتوا عن الكلام في الحيط شويه إلى أن بدأت الست نعناعه تتكلم وتجيب في سيرة الرجال تاني

وبدأت الكلام بجملة قطيعه تقطع الرجال وسنينهم وأردفت قائلة والله فيه شبه بين بعض الرجال والحيط بمعنى لما تطلبي منهم فلوس ... لما تكوني نفسك تخرجي معاه ... لما تقوليله المدرسة أتصلت وعيزة ولي أمر الطالب يزورهم ولما ولما ...

المهم ردت أخيراً الحجه سنيه وهيه بتتريق طبعاً الراجل زي الحيطة ونص كمان ما عندوش عواطف ولا هوه رقيق ولا حاجة, يعني الراجل الحيطه ده لو جاتلوا حاله من الرقه حيبقى اكيد فيه شيء غلط

يا ست انتي وهي شوفوا الحقوا الست المفترية اللي بتضرب جوزها باطب

مصمصت شفايفها الست عطية وقالت سيبكوا بلا خيبة على رجالة اليومين دول شوفتوا الموضة بتعمل فيهم ايه حكم ههههههههههه

ولا شوفتوا بنات اليومين دول عاملين ايه في نفسهم يا خراااااااشي عليهم ولا ملكات الجمال كأنهم نازلين يعملوا استعراض او رايحين حفلة تنكرية ههههههههههه من كتر اللي عاملينه في نفسهم ومغيرين كمان شكلهم يالا بلاش نجيب في سيرة الناس بقى هههههههههههه