عدلات - عمل ممبار,طريقة عمل الممبار,طريقة عمل الممبار الخطوات بلصور

عدلات (https://adlat.net/index.php)

- مطبخ اللحوم (https://adlat.net/forumdisplay.php?f=196)

عمل ممبار,طريقة عمل الممبار,طريقة عمل الممبار الخطوات بلصور

السلام عليكم ورحمة الله

هقولكم طريقة عمل الممبار

واللي ميعرفهوش هو عباره عن امعاء البقر والجاموس زي السجق بس كبير

1:اولا لازم تختاري ممبار طاااااازج عشان ميكونش فيه ريحه ويكون طعمو جميل وسهل التنظيف
2:هتلاقيه عامل زي الحبل الطويل خديه وقطعيه مثلا بطول معلقة الشاي كده
3:خدي كل واحده واقلبيها علي ظهرها ومعلش اتحملي الريحه شويه
امسكيها من طرفها وحكيها بالسكينه هتلاقي طبقه كده طلعت بسهوله معاكي
واعمل كده في كل الوحدات هو متعب شويه بس النتيجه هااااايله
4:خديه واشطفيه كويس جدا جدا بماء جاري واعصري عليه ليمونه وملح كتير وشوية خل
وسيبيه تلات ساعات عشان ينضف كويس

وده شكلو بعد ما نضف

https://upload.3dlat.com/uploads/3dl...4096320021.jpg

5: اعملي خلطة المحشي وهي عباره عن بصلتين متوسط+شبت+بقدونس+كسبره لاخضراي +عصير نص كيلو طماطم+ملح+فلفل اسود+قرن فلفل حامي للي عاوز+كوبين ونص رز +تلات معالق صلصة طماطم وممكن تعمليها بباكو صلصه بس بدون طماطم لانها غاليه اوي
والكميه دي تكفي كيلو ممبار
وده شكل الخلطه

https://upload.3dlat.com/uploads/3dl...4096320022.jpg

بعد كده احشي الممبار( ولكن اقلبيه مره تانيا واشطيه من الوجه بالليمون تاني) بالرز وما تملهوش خالص واخرجي الهواء منو يعني مثلا ف الواحد معلقتين رز وخلي الاطراف فاضيه زي كده

https://upload.3dlat.com/uploads/3dl...4096320024.jpg

وحطي حلة كبيره علي النار فيها ماء وحبتين هيل وشويه ملح صغير
وسيبيها تغلي وبعدين نزلي فيها الممبار بشويش خالص
وبياخد في السوا من 45دقيقه لساعه وتعرفي انو استوي خدي واحده ودوقيها لو الجلده اتقطعت معاكي بسنانك تبقي استوت خلاص
وده الشكل بعد السوا

https://upload.3dlat.com/uploads/3dl...4096320025.jpg

وبعدين ادهني صينيه زيت ورصي فيها الممبار وادهني الوش زيت وحطيه في الفرن للتحمير وبالهنا والشفا

https://upload.3dlat.com/uploads/3dl...4096320027.jpg

يا رب الصور تطلع
ويا رب تعملوها وتعجبكم
نصيحه للبنات نظفي الممبار في يوم غير يوم الطبخ
واعمليها يوم تاني
عشان متتعبيش :227::227::0451:
في امان الله