https://www.bascota.com/up/uploads/135131114912.gif

حلقة جديدة من برنامجنا الاسبوعي

(( مطبخ نفرتيتي ))

انهاردا محضرالكم أكلة سهلة وخفيفة من مطبخي مع اضافة بسيطة للاكلة هي

~ كفتة داود باشا بالبطاطس مع الارز الاصفر~





https://upload.3dlat.com/uploads/13876643471.gif

ربع كيلو لحم مفروم
1-بطاطس
بصله مبشورة
فلفل اسود وبهارات
صلصلة طماطم
ارز مصري
كركم
زيت للتحمير
بقسماط مطحون


https://upload.3dlat.com/uploads/13876644161.gif


1- نبشر البصل والبطاطس ونعصرهم كويس من المية .

https://upload.3dlat.com/uploads/13886898791.jpg

2-نضيف اللحم المفروم والبقسماط (2 معلقه كبيرة)
والفلفل الاسود والملح والبهارات ومعلقة الصلصة ومعلقة صغيرة بيكينج بودر ونخلطهم كويس.

3-نعمل خليط الكفتة كور متوسطة الحجم وندخلهم الفريزر نص ساعه .

https://upload.3dlat.com/uploads/13886898792.jpg


4-في الوقت دة نحضر الصلصة بالطريقة العادية
(بصل مفروم ونحمرة في شوية زيت بعدين نضيف صلصة الطماطم
مع طماطم مضروبة ونسيبهم على النار يتسبكو شوية) .
نعمل الارز الابيض المصري العادي بس لما نحمرة نضيف علية معلقة كركم ونضيف المية والملح والمرقة ونسيبة يستوي .


https://upload.3dlat.com/uploads/13886898803.jpg



5-نطلع الكفتة ونحمرها في زيت غزير ونطلعها نحطها على ورق المطبخ عشان يشرب الزيت الزيادة
وبعدين نحطها في صلصة الطماطم الي سبكناها نسيبها تغلي شوية وبعدين نطلعها نقدمها مع الارز والسلطة الخضراء
وبالهناء والشفاء





https://upload.3dlat.com/uploads/13886898804.jpg



وكدة خلصت حلقتنا انهاردا
مع السلامة وانتظروني في حلقة جديدة الاسبوع الجاي بإذن الله
وزي كل أسبوع توقيع الحلقة برعاية العسوله ندى إم



https://upload.3dlat.com/uploads/13882298781.gif

الحلقات كلها موجودة هنا

برنامج اكلات وافكار جديدةلست البيت الشاطرة مع مطبخ نفرتيتي