طبعا لما نيجى نأسس شقة من الاول خالص بنشبها اكتر الاوقات باللوحة الفنية وزى اى رسام شاطر بعد ما بيخلص لوحته بيهتم باللمسات الاخيرة عشان جمال اللوحة تكمل ومن غير اللمسات دى هتبقى حاسس ان فى حاجة ناقصة.
النجف زى اللمسات الاخيرة فى اللوح وهى الى بتخلينا نحس ان كل حاجة كملت ولوحة بيتنا بقت ممتازة.
https://static.wixstatic.com/media/7...60c99d~mv2.jpg


فى موديلات كتير من النجف زى نجف الكريستال ونجف البلافونيير (Plaphonnier) وكمان النجف الى بيعتمد على الليزر ومش اى نوع نجف يتحط فى اى مكان لازم نأخد بالنا من ملائمة موديل النجف لديكور البيت.
يعنى لو الاثاث بتاعك قماشة مزخرف او فى غرفة السفرة فممكن تحطى نجف كريستال او النجف المودرن ولو بيتك واخد طبع ريفى فاختارى نجف ريفى كمان.
https://static.wixstatic.com/media/7...cb5ab0~mv2.jpg


زى اى حاجة فى الديكور مينفعش نختار اى اثاث ونحطه بطريقة عشوائية يعنى لو الغرفة صغير يبقى بلاش تختارى نجف حجمه كبير لان دة هايصغر حجم الغرفة اكتر.
فى حيلة بسيطة ممكن تعمليها عشان تعرفى حجم النجف المناسب للغرفة : اجمعى طول وعرض المكان بتاعك والرقم الى هايطلع يبقى هو حجم النجف بس خلى الرقم لوحدة قياس تانى الى هى الانش :D
وفى حيلة تانى ممكن تعمليها وهى انك تخلى حجم النجف يبقى نص عرض الترابيزة
حاجة مهمة جدا لازم تعمليها وهى انك تعلقى النجف على ارتفاح مناسب يعنى ممكن النجف يبقى ارتفاعه 75 سم عن سطح الترابيزة :)
https://static.wixstatic.com/media/7...9bbe8~mv2.jpeg


غرف المعيشة بتحتاج ضوء قوى طبعا عشان نتفرج على التليفزيون ونقرأ براحتنا من غير ما يبقى الضوء خافت ومش عالى بس فى نفس الوقت خلى نجف غرف المعيشة يبقى بسيط .وممكن نحط اباجورات كمان عشان لو حبينا فى اوقات نخلى الضوء هادئ

وفى غرف النوم برضو نعتمد على النجف البسيط جدا لان غرف النوم اضائتها بتعتمد اكتر على الاباجورات بجانب السرير وكمان بيبقى الضوء هادئ مش ضوء عالى ومزعج.

اما غرفة السفرة فالاضاءة بتاعتها لازم ولا تبقى قوية اوى لدرجة انها تضايقنا وتتعب عنينا واحنا قاعدين ولا تبقى خافتة وبرضو مزعجة فلازم تبقى اضاءة نجفتها وسط

غرف الاستقبال من اهم الغرف الى اغلب الناس بيهتموا بيها ودة لانها بتبقى فى مدخل البيت وبنستقبل ضيوفنا فيها وعشان كدة لازم نجافها يبقى فخم وراقى جداا وطبعا فخم زى مثلا نجف الكريستال
https://static.wixstatic.com/media/7...0_1653_s_2.jpg