تجربتي مع الحمل والولاده ، معلومات عن الحمل والرحم ذو القرنين
https://upload.3dlat.com/uploads/3dl...DF1D1E5A67.gif https://upload.3dlat.com/uploads/3dl...f269084921.jpg حلم كل بنوته تتزوج ومن اول يوم هو حلم الامومه وانا طول عمري بحب الاطفال جدا حتي انا قمت بتربية ابن اخي وهو عنده ايام كان دايم عندنا بمنزل ابي الله يرحمه ، اطعمه واغير له واراعيه، حتي تعلق بي كثرا حتي كبر وايضا قمت بتعليمه الحروف ومسك القلم وحزن حزنا شديدا لما تزوجت . المهم دي مقدمه بسيطه بشرح لكم مدي تعلقي بالاطفال والحمد لله لم يطل الانتظار لتحقيق الحلم فقد حملت ثاني شهر بفضل الله وفرحت جدا جدا وكان اسعد يوم لما قمت بالتحليل المنزلي وعرفت ان ربنا اكرمني وفرح زوجي ايضا كثيرا واخبرت امي وابي وكانوا سعداء جدا وزوجي اخبر والدته ووالده وكانت احلى مفاجأة. تاني يوم حجزت عند الطبيبه لمتابعة حملي والاطمئنان على الوضع الصحي . كانت المفجأة فقد اكدت لي الطبيبه ان الرحم من النوع ذو القرنين وهو ما يشبة القلب المقسوم نصفين على حد قولها وهذا يعني ان الجنين هيكون بجزء صغير من الرحم وهذا يشكل خطوره كبيره على وضع الحمل. https://upload.3dlat.com/uploads/3dl...e6fd32a312.jpg على قد ما فرحت بالخبر السعيد حزنت جدا من كلام الطبيبه وحسيت وقتها ان حملي هينزل وكنت حزينه جدا وزوجي بدا يهديني ويشعرني ان ربنا معانا . قررنا نذهب لدكتور تاني والحمد لله بفضل الله طمئئني قليلا وقالي الوضع صعب بس باذن الله بالتعليمات والارشادات هنعدي مرحلة الخطر. بدأ يديني مثبتات قوية وحقن قالي ممنوع الحركه تماما والزمي السرير . بدأت افكر طيب ازاي وابي كان الفتره دي تعبان كتير قبل وفاته وامي لم تستطع المجي عندي لمراعاتي وانا ايضا لا ايد ان اذهب اليها حتي لا اثقل عليها يعني كفايه معاناتها مع والدي. قررت افضل بمنزلي وواحده واحده طبعا بجيب اكل جاهز وزوجي الله يكرمه يساعدني كتير جدا واختي كانت ساكنه معي بنفس المنزل الدور اللي تحتي وكنت مش بنزل لغير الحقن او متابعة الحمل فقط. وكذا مره تم الاجهاض والرحم يفتح ويتم نقلي للعياده للمبيت والمتابعه واخدالحقن والمحاليل لقفل الرحم مرة اخري، لكن بفضل الله كل مره بتعدي على خير. مهما احكي لكم تعبت قد ايه مش هاعرف اتكلم ولا احكي معاناتي ده غير تعب الوحم بقي انتم عارفين . وفي من المرات اصر الدكتور يعملي عملية ربط عنق الرحم منعا لحال الاجهاض المبكر اللي حصلي كذا مره بس انا خفت جدا وتسولت اليه يشوف اي طريقه لمنع العمليه لاني لا اتحمل صحيا اكثر من اللي عانيته. اخيرا جاء ابني الكبير هاني نور حياتي ودنيتي كلها طلعت معاه كل المشاعر الحلوه وحسيت قد ايه ربنا كرمني بنعمة كبيره بشكره عليها وطلبت من الله يبارك فيه ويحميه ويكون من الذريه الصالحه يارب ارزق كل مشتاقه يارب https://upload.3dlat.com/uploads/3dl...2DF2C2BBA0.gif |
رد: تجربتي مع الحمل والولاده ، معلومات عن الحمل والرحم ذو القرنين
سبحان الله على قدر المشقة والتعب في الانجاب قدر الشوق والرجاء اللهم بارك لكِ فيهما وارزقك حسن تربيتهم وبرهم ومتعك بصلاحهم واجمعكم في الجنَّة كما جمعكم في الدنيا |
رد: تجربتي مع الحمل والولاده ، معلومات عن الحمل والرحم ذو القرنين
ربنا يباركلك فيهم يارب ويحفظهملك من كل شر
|
رد: تجربتي مع الحمل والولاده ، معلومات عن الحمل والرحم ذو القرنين
ربنا يباركلك فيهم يا هوبة وانا عارفة انو حملك بيبقى صعب وفاكرة برضو فترة حملك ببودي ربنا يباركلك في لقمرين وعقبال ما تجيبيلهم بنوتة حلوة زيك ان شاء الله |
الساعة الآن 04:18 AM |