عدلات

عدلات (https://adlat.net/index.php)
-   فضفضة وحل المشاكل (https://adlat.net/forumdisplay.php?f=77)
-   -   مين الصح انا مخنوقه (https://adlat.net/showthread.php?t=358367)

doO 21-12-2017 10:36 PM

مين الصح انا مخنوقه
 
السلام عليكم
عاملين ايه يابنات
انا عايزة اعرف ارئكم في موضوعى انا مخطوبه بقالى سنه وشويه وبدأت انى احب خطيبي و اتعلق بيه واشوف معاه كل مستقبلي لكن في يوم انا كنت بفتح الفيس بتاعي لاقيت ظهر في التايم لاين عندى انه خطيبي عامل لايكات على صور بنات المفروض البنات دول كانو زمايله في الكليه فأنا غصب عنى اضايقيت خصوصا انى معنديش اى ولد على الاكونت ولا عرفت اى شاب غير خطيبي حاولت اتناقش معاه وعرضت عليه يمسح البنات اللى عنده لانى اتضايقت رفض وقالى دى قله زوق لما امسحهم وانا مش بحب فيهم دول زمايلي انا رفضت طبعا ففضل يقارن بيا و بين البنات و فضل يقولى صحبي متجوز واحد شبهك وهسبيها بعد شهرين جواز لانه زهق منها فأنا غصب عنى اضايقت روحت قولت له اصلا صحبك دة ربنا هيحاسبه لان زوجته كانت مبسووطه في بيت اهلها و كان ممكن يجي لها حد احسن ويحبها ويتقي الله فيها فقولت له انا محتاجه اعيد نظر في موضوع خطوبتنا دى و انت كمان فكر بردو عدى الكلام ده 5 ايام ولا اتصل واتكلم وفاتح الفيس عادى وعايش حياته فكلمته النهارده بقوله طالما انت متكلمتش فحبيت اتكلم انا لاقيت بيقولى اه انا لسه مفكرتش بعدين انا مشغول جدا وعندى شغل كتير واكيد شويه كده واكون قررت وقتها هنعمل قعده كده ونشوف مع بعض دلوقتى انا مش عارفه اعمل ايه انا السبب في اللي حصل بس من العصبيه تفتكرو القعده هيكون فيها ايه كمان هيكون اصلا في قعده ولا كده خلاص مشا و دى حجه مش اكتر مع العلم انه والدته بتكلمنى عادى جدا ولا كأنه في حاجه معلش يا بنات طولت عليكم بس انا مخنوقه اوى

العدوله ندي 21-12-2017 11:02 PM

رد: مين الصح انا مخنوقه
 
طالما مامته بتكلم عادي
يعني هو لو واخد موضوع القعده دي بجد اكيد كان قلها وانتي عرفتي من طريقه كلامها معاكي
اما في موضوع زمايله عادي يبنتي هو يعني بيقولهم كلام حب
علفكره كله بيعقل بعد الجواز وهاتي الموضوع مش بعصبيه
لانهم مبيحبوش يحسوا اننا بنتحكم وبيعاندو زياده
اما في حته المقارنه بعد متتصالحو فهميه بشويش انك مش بتحبي تتقارني وانك زعلتي منه
صدقيني النكد علطول والعصبيه سهل يزهقو اي حد

[MENTION=98361]doO[/MENTION];

ام مالك وميرنا 21-12-2017 11:09 PM

رد: مين الصح انا مخنوقه
 
وعليكم السلام ورحمة الله
اهلا بيكى حبيبتى منورة
انا من رأيى انك معملتيش حاجه غلط وانك من حقك انك تغيرى ولو هو حط نفسة مكانك اكيد رد فعلة كان هيبقى اكتر من كدة
لو انتى متعودة ان حد بيتدخل مابينكم مامتة مثلا او اختة ممكن تتكلمى مع حد منهم وتعرضى عليهم الموضوع انا شايفة ان هو ممكن يكون بيعمل كدة علشان متبقيش غيورة علية وتزهقية ومتعمليش كدة تانى
زى ماقولتلك كلمى مامتو او اختو فالموضوع لو دة مش هيضايقو دة الحل الوحيد
وبعدين حبيبتى الجواز حاجه تانية ومسئوليات كبيرة ومافيش راجل قبل جوازة ماكنش لية علاقات الاهم بعد الجواز
صلى استخارة واطلبى من ربنا انه يسهلك الامور ويقربلك الخير
وفى الاول والاخر كل شئ قسمة ونصيب
وحبيبتى متضايقيش نفسك وكبرى دماغك شوية ههههههه ياريت كان حد نصحنى بكدة زمان لانى دلوقتى بفتكر الحاجات دى واقعد اضحك على نفسي [MENTION=98361]doO[/MENTION];

doO 22-12-2017 04:39 PM

رد: مين الصح انا مخنوقه
 
اقتباس:

المشاركة الأصلية كتبت بواسطة العدوله ندي (المشاركة 2837562)
طالما مامته بتكلم عادي
يعني هو لو واخد موضوع القعده دي بجد اكيد كان قلها وانتي عرفتي من طريقه كلامها معاكي
اما في موضوع زمايله عادي يبنتي هو يعني بيقولهم كلام حب
علفكره كله بيعقل بعد الجواز وهاتي الموضوع مش بعصبيه
لانهم مبيحبوش يحسوا اننا بنتحكم وبيعاندو زياده
اما في حته المقارنه بعد متتصالحو فهميه بشويش انك مش بتحبي تتقارني وانك زعلتي منه
صدقيني النكد علطول والعصبيه سهل يزهقو اي حد

@doo;

ميرسي جدا لردك و مساعدتك ليا ربنا يفرح قلبك
انا كلمته امبارح و بسأله انه متكلمش بقاله 6 ايام فقالى انه لسه بيفكر زى ما قولت له فأنا قولت له ايوه صح انا كمان لسه بفكر وقال على القعده دى يبقي يرتب لها لكن صوته متغير عن كل مره انا مش عارفه فعلا غلطت ما قولت له لازم نعيد تفكير في خطوبتنا ونا بدفع تمن الغباء وحاسه انه كده هو مشا بس عايز يمشي بشياكه مش كده ؟

doO 22-12-2017 04:43 PM

رد: مين الصح انا مخنوقه
 
اقتباس:

المشاركة الأصلية كتبت بواسطة ام مالك وميرنا (المشاركة 2837567)
وعليكم السلام ورحمة الله
اهلا بيكى حبيبتى منورة
انا من رأيى انك معملتيش حاجه غلط وانك من حقك انك تغيرى ولو هو حط نفسة مكانك اكيد رد فعلة كان هيبقى اكتر من كدة
لو انتى متعودة ان حد بيتدخل مابينكم مامتة مثلا او اختة ممكن تتكلمى مع حد منهم وتعرضى عليهم الموضوع انا شايفة ان هو ممكن يكون بيعمل كدة علشان متبقيش غيورة علية وتزهقية ومتعمليش كدة تانى
زى ماقولتلك كلمى مامتو او اختو فالموضوع لو دة مش هيضايقو دة الحل الوحيد
وبعدين حبيبتى الجواز حاجه تانية ومسئوليات كبيرة ومافيش راجل قبل جوازة ماكنش لية علاقات الاهم بعد الجواز
صلى استخارة واطلبى من ربنا انه يسهلك الامور ويقربلك الخير
وفى الاول والاخر كل شئ قسمة ونصيب
وحبيبتى متضايقيش نفسك وكبرى دماغك شوية ههههههه ياريت كان حد نصحنى بكدة زمان لانى دلوقتى بفتكر الحاجات دى واقعد اضحك على نفسي @doo;

دة نورك يا قمر ميرسي جدا لردك عليا ربنا يفرح قلبك
انتى عندك حق العصبيه والمشاكل بيزهقو فعلا اى حد وانا كمان عشان بحبه عملت كده واكيد فعلا لو هو كان شاف العكس عمره ماكان هيسكت لى حتى لو هو اوبن مايند و عقله كبير بس للاسف انا مش بدخل حد في حياتنا ماماتو ممكن لما بتلاقيه زعلان بتتصل بيا تقولى انه زعلان جربت ادخل ماما في الموضوع وكلمته وقالت له تعالى انا عازماك واعملها مفجأه وتعالى قالها جاي حاضر ومجاش فمش عارفه اعمل معاه ايه

ام مالك وميرنا 22-12-2017 07:24 PM

رد: مين الصح انا مخنوقه
 
اقتباس:

المشاركة الأصلية كتبت بواسطة doo (المشاركة 2837643)
دة نورك يا قمر ميرسي جدا لردك عليا ربنا يفرح قلبك
انتى عندك حق العصبيه والمشاكل بيزهقو فعلا اى حد وانا كمان عشان بحبه عملت كده واكيد فعلا لو هو كان شاف العكس عمره ماكان هيسكت لى حتى لو هو اوبن مايند و عقله كبير بس للاسف انا مش بدخل حد في حياتنا ماماتو ممكن لما بتلاقيه زعلان بتتصل بيا تقولى انه زعلان جربت ادخل ماما في الموضوع وكلمته وقالت له تعالى انا عازماك واعملها مفجأه وتعالى قالها جاي حاضر ومجاش فمش عارفه اعمل معاه ايه

خلاص يبقى انتى سبية شوية متتكلميش معاه لحد ماهو ياخد القرار انتى كدة او كدة كسبانة لانك مش غلط انتى صح بس فى رجالة مش بيحبو ان الست تبقي ليها كلمة او شخصية
اكيد هو مستنى منك انا اسفة ومتزعلش ومش هعمل كدة تانى ويبقى تنازل منك وصدقينى لو اتنازلتى فالاول مش هتقدرى ترجعى شخصيتك تانى
سبية لحد ماهو يقول اللى هو عايزة وساعتها طبعا انتى كرامتك محفوظة سواء الموضوع كمل او لاقدر الله انتهى
وزى ماقولتلك صلى استخارة ربنا هيقدملك الخير ان شاء الله:227:

أميرة الشتاء 24-12-2017 06:50 PM

رد: مين الصح انا مخنوقه
 
من حقك تكوني غيورة
خطيبك لازم يحذف جميع البنات من حسابه احتراما لنفسه ولك

ربيعة القلب 26-12-2017 10:02 PM

رد: مين الصح انا مخنوقه
 
ماحصلش حاجة للدرجة انو يعمل كده. خلاص كنت مخطوبة لواحد نفس الشخصية على طول زعلان من اقل حاجة ومش عايز يكون ليه راى وسيبتو هو انتى عملتى حاجة انتى بتقوليلو بلاش بنات وده حقك ده حتى ماحولش يرضيكى او يكلم عادى معاكى وممكن يكون بيادبك شوية ومتفق مع مامتو عشان تعرف ميتك ايه وتجس نبضك هاتعملى ايه وهو اكنى زعلا ن وهو بيادبك شويه وطول مانتى بتكلمى امه هو مطمن ومش متوتر عشان عارف انتى مش هاتعملى حاجة يعنى من الاخر انتى ورقك مكشوف ليه عارف اخرك عشان كده مش ساال لكن انتى متوترة وخايفة عشان مافيش حد يكشفللك هو بيفكر ازاى عادى دى فترة كده وهايكلمك تانى بس سايبك شويه كده عشان مايطلعش انو غلطان وهو حاسس انو غلطان ويجيب عليكى الغلط وهايكلمك

هاجر صبرى 28-12-2017 05:02 PM

رد: مين الصح انا مخنوقه
 
اللهم صلى وسلم وبارك على سيدنا محمد وعلى آله وصحبه أجمعين

فيرووزة 11-01-2018 09:09 PM

رد: مين الصح انا مخنوقه
 
انا رايي تكبرى دماغك ومتخليش حاجة زى كدة تعمل زعل ما بينكم ومتحسسيهوش ان حاجة زى كدة تهز ثقتك فى نفسك هو خدها عند مش اكتر كل الرجالة كدة عنيدة صالحيه وعدى الموقف وربنا يهديكم لبعض

Moya 01-02-2018 05:54 PM

رد: مين الصح انا مخنوقه
 
بصي هي العصبيه وحشه و بتجيب مشاكل و انتي مكنش المفروض تقارني نفسك بالبنات دي لان لو عايز وحده منهم كان راح ليهم حاولي تصلحي الامور بس مطلعيش نفسك غلطانه اوي علشان ميطلعش فيها لانو مينفعش يقولك صحبي متجوز واحد شبهو و هيسبها لو متعدلش يبقي هو مان مستني تيجي منك علشان محدش يغلطو و يرتاح و يروح للبنات بس لازمي الاستغفار والله هتلاقي ربنا ريحك و حل كل الامور من عندو و ليكي خير في خطيبك ربنا يجمعك بيه

ريم_احمد 13-02-2018 10:20 PM

رد: مين الصح انا مخنوقه
 
حبيبتى من حقك طبعا تغيرى على خطيبك واللى بيعمله ده مش عادى انه يفل ضايف زميلاته لحد دلوقتى
ولما تحبى تخدى موقف يعاقبك اسمحيلى كدا نيته مش سليمه وهيتعبك لو اتدلقتى عليه
ولو طلب قاعده اقعدى بس معنتيش تكلميه تانى خااااالص الا لما يكلمك واتقلى عليه واعمليها زعله
نوع خطيبك ده لو بينتيله ضعفك هيديكى لامواخذه بالجزمه ..... ربنا يهديهولك

Yara1999 01-04-2018 12:52 PM

رد: مين الصح انا مخنوقه
 
التاني الصح

Princess Meme 08-08-2018 10:24 PM

رد: مين الصح انا مخنوقه
 
السلام عليكم
رأيي حبيبتي انه طلاما خطيبك كويس وانتِ واثقة فيه يبقي تكبري دماغك شوية عن كده وطلاما هما زمايله لازم
يحتك بيهم ومفيش مشكله طلاما ف اطار الادب والاحترام
وحاولي تطلعي النكد من بينكم وبلاش تكبري المواضيع
ربنا معاكي ويعملك اللي فيه الخير

الأميرة فلة 18-08-2018 09:36 AM

رد: مين الصح انا مخنوقه
 
مشكلة تمر فيها كتير بنات، محتاجين رأي مختصين.. انتي خوفيتني يا بنتي :!

ماسة بيضاء 13-09-2018 12:22 AM

رد: مين الصح انا مخنوقه
 
اهلا بيكى حبيبتى منورة

ماسة بيضاء 13-09-2018 12:30 AM

رد: مين الصح انا مخنوقه
 
ربنا يوفقك ياجميل فيما يحب ويرضي

Princess Gogo 20-09-2018 01:18 AM

رد: مين الصح انا مخنوقه
 
صلي استخارة وسيبيه يفكر وبراحته وانتي عادي مش غلطانة شيء طبيعي انك خطيبته وبتغيري وربنا يكتبلك الخير يارب

EMY H 05-10-2018 09:27 PM

رد: مين الصح انا مخنوقه
 
وكلت امرى للحى القيوم

Mariam makram 14-10-2018 04:22 AM

رد: مين الصح انا مخنوقه
 
سبيه يفكر برحته واتاكدي انك ماتسرعتيش ولا حاجه بدل ماتتجوزو وتحصل المشاكل بعد كده لاقدرلله

رنا سامر ر 21-10-2018 11:43 PM

رد: مين الصح انا مخنوقه
 
00962781340500 توفل الامارات ايلتس الكويت توفل

ياسمين جابر 31-10-2018 11:35 PM

رد: مين الصح انا مخنوقه
 
حبيبتى واضح من كلامه انه كان اصلا بيفكر فى الانفصال وطلاما قدر ياعد اسبوع من غير مايكلمك ولما كلمتيه بيقولك لسه مفكرتش لا انتى لو حتاعدى شهرين من غير ماتكلميه متكليميهوش انا حصل معايا نفس الموضوع وساعتها كنا سايبين بعض اتزليت واتحايلت واخر حاجه حسين انى اهانت كرامتى وان ده كان خطاء سبته اعد 3شهور ماعرفش عنه حاجه والمفروض اننا انفصلنا خالص وخد الشبكه ولكن لما حس انى خلاص مش فارق معايا رجع كلمنى كنت طبعا فرحانه جدا بس عرفت وقتها ان الراجل بيحب البنت اللى تتقل عليه متجبيش سيرة انفصال اقله لو هو عايز كده يبقى متخسريش حاجه كفايه خساره الايام وضياعها صدقينى لو اهملتيه دماغه حتوديه وتجيبه وغروره بنفسه حياكله وحيرجع هو يكلمك بس اصبرى على نفسك ومتستعجليش

Jori 01-11-2018 09:28 PM

رد: مين الصح انا مخنوقه
 
السلام عليكم
حبيبتي صداقات السوشيال ميديا م بتعني انهم عندهم مكانة خاصة عندو . و بعدين الخنقة في العلاقات ما حلوة الناس لازم تحترم خصوصيات بعض و توثق ببعض .. و بعدين هو إختارك إنتي

ربنا يهدي سركم

رضوى الجمال 30-12-2018 02:34 AM

رد: مين الصح انا مخنوقه
 
لو بتحبيه هاتيه بالسياسة ... الزن و النكد هيزهقوه و يخلوه يطفش
صدقينى


الساعة الآن 11:59 AM