عدلات

عدلات (https://adlat.net/index.php)
-   فن الاتيكيت والتعامل مع الآخرين (https://adlat.net/forumdisplay.php?f=58)
-   -   ازاى تعملى لنفسك كاريزما وانتى داخله اولى جامعه (https://adlat.net/showthread.php?t=254890)

mram a 19-08-2015 03:52 AM

ازاى تعملى لنفسك كاريزما وانتى داخله اولى جامعه
 

ركزى معايا اوى
هحاول افيدك بنصايحى وكلامى المتواضع ..
**(ومفيش مشكله اللى حابه تستفيد منه لوكانت اكبر من كدا ومازالت بالجامعه )

الكلام دا موجه خصوصا لطالبات الجامعه اول سنه
-
طبعا وانتى لسه مخلصه ثانوى وطالع عينك ف المذاكره وتعبتى بقى من زن الاهل ع دماغك (ذاكرى يابنتى عشان تنفعى ... ذاكرى عشان بنت الجيران ماتبقاش احسن منك والكلام بتاع كل ام مصريه
:8:

فاكره بقى هتدخلى الجامعه هتلاقى فتى احلامك اللى بتحلمى بيه وان الحياه هتبقى بيس والدنيا حلوه :14: ههههههههههه يبقى بتحلمى

.......... بصى دا موجود ودا موجود والجامعه مليانه وبره الجامعه موجودين برضه دلوقتى من السهل ترتبطى باى واحد بس انتى ف سن لسه افكارك ودماغك متشتته ( بالاصح دماغك لسه صغيره بالنسبه لدماغ الشاب اللى لافف وداير ومكلم مليون بنت )

........ بصى بقى ادخلى الجامعه خلى ليكى الكاريزما الخاصه بيكى .... ماتفهميش غلط بقى وتبقى معقده وتقولى اصل مرام قالت كاريزما :221:
الكاريزما يعنى اما تتكلمى يبقى كلامك بسيط بابتسامه وتواضع
مشيتك معتدله من غير ماتبصى ع حد حتى لو هتموتى وتبصى حتى لو لقيتى الحد دا مركز معاكى اوى ( اعملى نفسك مش واخده بالك وكملى طريقك عادى)

بصى بقى حركات الشباب بقى اللى بيعملوها مع بنات اولى جامعه
.. يجى بقى يقولك شكلك اولى ولسه ماشفتيش الهم اللى احنا شفناه انا اسمى حزلئوم ودا رقمى لو احتجتى اى حاجه هههههه

عارفه لو بتموتى كدا ماتعبريهوش وارفضى الرقم بشياكه

.....واحد تانى يجى يقولك انا معجب بيكى ووممكن يكون صاحبه اصلا ومتفقين

خدى بالك الشباب ف الجامعه عارفين بعض كلهم وكله بيوصل لكله

يعنى خليكى ثابته عند موقفك وماتخليش واحد يتعدى حدوده بلفظ او حركه انتى مش مجبره وقتها انك تبتسمى ولا تغطى ع احراجك وقتها سبيه وهو بيتكلم لانه كدا هو بيقولك انا مهزأ هزأينى

من الاخر ماتتسرعيش ف الاول وتعبرى اى حد اصبرى لحد مايبقى ليكى مكانتك ف كليتك وتبقى فهمتى الناس كويس ويعدها قررى وبالتوفيق

اوعى تكونى سهله ف ايد حد ولاتكونى معقده او انطوائيه
افهمى اللى قدامك كويس وماتتغريش بالكلام المعسول واتعاملى ع الاساس دا

اتمنى اكون خفيفه ع قلبكم واعتذر للاطاله

وانتظرو الجديد واى موضوع تحبو اكتب فيه ارجو ترك تعليق :12:


One Day Hope Will 28-08-2015 01:43 PM

رد: ازاى تعملى لنفسك كاريزما وانتى داخله اولى جامعه
 
تسلم إيدك حبيبتي ، مشكورة علي الموضوع ..

حياه الروح 5 28-08-2015 07:36 PM

رد: ازاى تعملى لنفسك كاريزما وانتى داخله اولى جامعه
 
https://upload.3dlat.com/uploads/3dl...1938b87d11.jpg

mram a 01-09-2015 01:43 PM

رد: ازاى تعملى لنفسك كاريزما وانتى داخله اولى جامعه
 
اقتباس:

المشاركة الأصلية كتبت بواسطة one day hope will (المشاركة 2151363)
تسلم إيدك حبيبتي ، مشكورة علي الموضوع ..

يسلملى قلبك حبيبتى مشكوره ع المرور

mram a 01-09-2015 01:45 PM

رد: ازاى تعملى لنفسك كاريزما وانتى داخله اولى جامعه
 
اقتباس:

المشاركة الأصلية كتبت بواسطة فريحه (المشاركة 2152175)

لاشكر ع واجب حبيبتى انا ف الخدمه دايما


الساعة الآن 12:47 PM