عدلات - اوعو تياسو من اى حاجة ربنا كريم اوى

عدلات (https://vb.3dlat.com/index.php)

- فضفضة وحل المشاكل (https://vb.3dlat.com/forumdisplay.php?f=77)

- - اوعو تياسو من اى حاجة ربنا كريم اوى (https://vb.3dlat.com/showthread.php?t=122182)

اوعو تياسو من اى حاجة ربنا كريم اوى

السلام عليكم ياحبايبى انا انهاردة الحقيقة عاوزة اركز على كزا موضوع مش عشان فاااااااااضية لعلى حد يتاثر بكلامى زى مانا اتاثرت بمواضيع ناس كتير هنا

اول حاجة الثقة بالله وحق التوكل انتى عارفة انتى لما سبيها على ربنا عمرة ماهيسيبك تعرفى لو توكلتى على ربنا انك تشيلى جبل من مكانة وربنا اراد هتشيلة معقول ؟؟ اة معقول بس اهم حاجة من قلبك تكونى فعلا سيبها على ربنا وافعلى الاسبابا وربنا هيوفقك وطول مانتى متوكلة علية لا حتخافى من حاجة ولا هتنعى هم حاجة اهم حاجة الصدق فى التوكل

تانى حاجة التوبة ..... انتى توبيتى ولالا ؟؟؟ ناس كتير وانا منهم كانت بتفسر الاية القرانية الله يهدى من يشاء ويضل من يشاء على اساس ان ربنا هو البيهدى ويختار لحد مادورت وعرفت التفسير وتقولى ماربنا الى بيختار انا وزنبى اية لالالالالا ربنا بيهدى الى عاوز يتهدى ونفسة ربنا يهدية ربنا بيسهلة اسباب الهداية

بصوا انا كنت بنت زى اى بنت دى فضفضة معاكم كل الى اى بنت مرت بية انا مريت بية انا متولدتش مهدية ولابسة واسع وبصلى لالالالالالا انا الدنيا كانت لهيانى طب اية الى حصل فوقت انا كان من جوايا نفسى ابقى كويس اعدت اعدى ربنا يهدينى والحمد الله هدانى كنت بلبس بنطلونات وفيستات كان عندى زمايل فى الكلية كنت بسمع اغانى ولا ربنا هدانى الى حواليا استغربوا اوى الى قالت اكيد حصلها مصيبة والى قالتى هى واحدة صحبتك ماتت عشان تتغيرى كدة كانى الى بيحاول يقرب من ربنا دلوقتى حاجة غريبة عارفين احنا لية كدة عشان بعاد عن ربنا مبنحولش نقرب ونسمع انتى لو قربتى من ربنا وسمعتى عظمتة وعرفتية هتبكى خجلا على كل الى بتعملية ربنا حنين وعظيم اوووووى ورحيم

جربى تصلى قيام اليل وفى خلوة اعدى اتكلمى معاة حتحسى انة سمعك اول ماتقولى توبت يارب اغفرلى زنبى هيقوللك غفرت لكى ربنا بيرضى بسرعة اوى وبيحبنا اوى سمعت حلقة للدكتور عمرو الكافى كان بيقول ان الواحد لما بياكل وميشكرش ربنا بعدها المخلوقات بتقول ربنا يارب دعنى ابتلع ابن ادم اكل من نعمك ولم يشكرك ربنا يقولهم يامخلوقات انتم خلقتموة يقولوا لا يقول لهم لو خلقتموة لكنتم رحمتموة انا احن عليهم من ابائهم ولو جالى عبدى بالزنوب لاغفر لة حغفر لة ياسلالالالام شوفتوا اد اية ربنا رحيم بينا شوفتوا قد اية بيحبنا

واحدة تقوللك البس جلباب او خمار او واسع وانا فى الكلية وابقى غريبة فى وسط البنات لحظة رضا من ربنا بمتع الدنيا كلها والله انتى لما حتلبسى كدة وتقربى من ربنا مش حتحسى انك مضيقة او غريبة حتحسى انك عفيفة ماشية احسن واحدة فى الدنيا وربنا حيحليكى فية والله

البنت لما بتحب واحد بتبقى عاوزة ترضية باى طريقة وتعملة الى هو عاوزة وهو ولا حاجة وربنا الى خلقنا وكل حاجة مقصرين فى حقة وربنا بيستجيب دعائنا نغضبة ونروح ندعيلة نلاقية ويستجاب لدعائنا وبيسترنا حتى لما بنعصية ياسبحان الله والله ياجماعة احلى حاجة القرب من ربنا بيسهللك ويبارلك فى كل حاجة الدنيا زايلة دحنا لو كاتبين حاجة لينا خاصة وزكرياتنا فى كراسة وحد خدها وادها لبباكى ولا اخوكى ولا حبيبك ولا صاحبك تترعشى وتبقى هتموتى ويقول عاليا اية امل يوم القيامة كراسة اعماللك قدام ربنا هنعمل اية؟؟؟؟؟

حاجة اخيرا ناس كتير كانت قريبة من ربنا وبعدت وتقوللك الايمان قل بتحصل يجى وقت الايمان بيبقى زايد اوى وبعدين يقل عارفين لية ؟؟؟؟؟ الايمان بيزيد بالطاعات وبيقل بالمعاصلى وقلة الطاعات كل ماتحسى ان الايمان حيقل زودية صلى اقرى قران اسمعى قران شوفى برنامج دينى هيقل درجة هتسكتى هيقل درجة تانى لحد ملااهتبعدى خالص لكن لو مواظبة علطول مش هيقل

ادعى ربنا يهديكى ويثبتك واخير ربنا يرزق كل محتاج ويشفى كل مريض ويهدى كل ضال ويرزق كل الناس بالزرية الصالحة ويفرج هم كل مهوم ويهدينا جميعا ويوفق كل الطلاب فى امتحانتهم ويسعدنا جميعا اللهم صلى وسلم على سيدنا محمد وعلية افضل الصلاة والسلام