عدلات - وصفة عمل الكفته بالبطاطس طريقة عمل كفتة البطاطس

السلام عليكم

طريقة عمل كفتة البطاطس الذهبية اللذيذة المقرمشة بطريقة جديدة وطعمها جنان

طريقة عمل كفتة البطاطس . طبعا من العنوان باين اننا النهاردة هنتعلم ازاى نعمل كفتة البطاطس بس معايا انا هعلمك تعمليها بكذا طريقة وكلهم طعمهم تحفة . وخللى بالك ان الاختلاف فى الطرق هيبقى بسيط اه بس بيفرق جدا فى الطعم بللا نبدا فى اول واسهل طريقة عمل البطاطس
مقادير عمل كفتة البطاطس

1 كيلو بطاطس مسلوقة ( لازم تبقى مسلوقة كويس اوى ولو عايزة تضمنى كدة ممكن تقطعيها قبل ما تحطيها تتسلق)
2 بيضة - معلقتين كبار بقدونس مفروم - معلقتين كبار شبت مفروم - معلقتين كبار كزبرة مفرومة - بصلة متوسطة بودر او مفرومة ناعم _ 4 فصوص ثوم مفروم ناعم او بودر - ملح - فجيتار - فلفل اسود - دقيق - بقسماط او بيك رولز مطحون
طريقة عمل كفتة البطاطس

نهرس البطاطس جيدا , وبعدين نضيف عليها الشبت والكزبرة والبقدونس ونقلب كويس . بعد كدة نضيف التوابل اللى هى الملح والفلف الاسود والبصل والثوم ولو تحبى ممكن شطة وهنضيف حوالى 3 معالق كبيرة بقسماط علشان تبقى متماسكة لما تتقلى .
بعد ما خلطنا كل المكونات ببعض نشكل البطاطس زى محنا عايزين ولو دى اول مرة ليكى يبقى من الاحسن انك تعمليها صوابع لانها مش بتفك بسرعة زى الاقراص . بعد كدة بتحطيها فى الدقيق وبعدين البيض وبعدين الفجيتار علشان تبقى مقرمشة وكمان يبقى لونها دهبى وجميل . سخنى الزيت كويس واول لما تحطى البطاطس فى الزيت
قللى النار على اقل حاجة علشان متتحرقش من برة وتكون لسة مستوتش من جوة . بتتقدم مع الكاتشب وشرائح البيض المسلوق وبألف هنا ليكى ولكل عائلتك .
طريقة عمل كفتة البطاطس بطعم جديد

طبعا هى هى نفس طريقة عمل كفتة البطاطس اللى لسة شرحنها بس التوابل هى اللى بتفرق وكمان الحشو .
الطريقة الاولى :- نفس المكونات بس هنزود 1 معلقة هيل صغيرة + نص معلقة صغيرة كركم + نص معلقة صغيرة قرفة وهنعملها بنفس الطريقة
الطريقة الثانية : نفس المكونات بس هنزود صنوبر مقلى فى زيت زيتون + زبيب وبرضة هنقلب كل المكونات ونقليها فى الزيت

ممكن انتى بنفسك تجربى طرق وتوابل مع بعض وتشوفى الطعم هيبقى ازاى

مع السلامه
:13::13::13: