|
سؤال لما تجاوبي عليه هتتغلبي على ضعفك وكسلك وتقصيرك في حق ربنا ..تعالي جاوبي بصراحه
السلام عليكم
بصوا يابنات ارجوكي تقري الكلام دا للاخر كل مرة المفروض اننا بنقع فيها في علاقتنا مع ربنا نتكلم عن التوبة ...تمام لا المرادي اكتشفت ان في حاجه لازم نلمسها جوانا قبل ما نتكلم في التوبة ايه هي يا نسمة ؟ هقولك بس الاول عيزاكي تقرري بجد انك هتقري الكلام لاخره وبتركيز https://files2..com/2014/8/14083499081290.gif هنسال نفسنا سؤال انتي شايفة ربنا ازاااااااااااااي؟ يعني اصل علاقتك بربنا ايه؟ انا مش بسالك بتصلي ولا مبتصليش ولا بسالك بتذكري ولا مبتذكريش ولا بسالك بتقري قرءان ولالـأ مش بتكلم عن العبادات سواء بتعمليها ولالا انا بتكلم عن ربنا في حياتك في قلبك حتى لو شايفة نفسك ضايعه في كل حاجه https://files..com/smilies2012/smiley-upset.gifhttps://files..com/newsmilies/sFun_zipit.gifاستني كده ركزي واختاري .......فكري كده لو طفل سالك يعني ايه ربنا؟ مين ربنا؟ لما بفكر في ربنا بحس اني خايفة كده ومرعوبة منه ودا الاحساس الغالب لما بفكر في ربنا بحس انه بيحبني اوي وبيقف جنبي مهما عملت لحد ما ارجعله لما بفكر في ربنا بحس اد ايه ربنا كريم وعظيم واد ايه انا صغيرة ولا ربنا مش بييجي على بالك اصلا؟؟ ياترا بتشوفي رسايل ربنا ليكي ايلي بيبعتهالك علطول ولا انتي عندك غمامة كبيرة على قلبك ومش بتاخدي بالك من ولا رساله ايه دا يا نسمة هو اصلا ربنا بيبعتلي رسايل؟ اومال انتي فاكرة انه ناسيكي زي مانتي نسياه!! ايوة طبعا يومك مليان برسائل ربانية محدش ياخد باله منها غير ايلي شاغل تفكيره بيها وبربنا مش هتاخدي بالك منها غير لو دورتي عليها ووقتها هتلاقيها بسهولة ربنا بيحبك وفاكرك علطول ويخاطبك وبيقولك :اين تذهب ؟ ألك رب سواي؟ https://im62.gulfup.com/czXgOi.gif الحديث القدسي المشهور بس دا حديث ضعيف يعني العلماء ضعفوه من حيث السند لكن اكدوا ان معناه صحيح ودا جزء منه أهل معصيتى لا أقنطهم من رحمتى ، إن تابوا إلى فأنا حبيبهم ، وإن أبوا فأنا طبيبهم ، أبتليهم بالمصائب لأطهرهم من المعايب ، من أتانى منهم تائباً تلقيته من بعيد، ومن أعرض عنى ناديته من قريب ، أقول له : أين تذهب؟ ألك رب سواى ، الحسنة عندى بعشرة أمثالها وأزيد ، والسيئة عندى بمثلها وأعفو ، وعزتى وجلالى لو استغفرونى منها لغفرتها لهم " . معنى الحديث ان ربنا بيخاطبك لما بتبعدي وعشان بيحبك عمل مكافاة ان الحسنة الواحده هتاخدي عليها 10 حسنات https://im62.gulfup.com/Ui9ccq.gif انا بقيت شايفة بجد ان المشكلة مش في اني اغلط ولالا ولا المشكله في التوبة المشكله فينا احنا جوانا زي ما نكون بنستمتع لما نعذب نفسنا بروحنا يعني تلاقي الواحده مننا مثلا مبتصليش او بتعمل ذنوب مثلا وف نفس الوقت عارفه ومتاكده انها لو رجعت لربنا هيقبلها وكل غلطاتها هتتحول لحسنات كمان ومع ذلك بتأجل الرجوع او بتوهم نفسها وتقول لا اصل هغلط تاني او اصل ربنا مش هيسامحني احنا ايلي بنجني على نفسنا بنفسنا احنا ايلي بنعمل كده في نفسنا يبقى ربنا قال ( قل ياعبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم وقال ( والله يريد أن يتوب عليكم ويريد الذين يتبعون الشهوات أن تميلوا ميلا عظيما ( 27 ) يريد الله أن يخفف عنكم وخلق الإنسان ضعيفا ( 28 ) يعني ربنا يريد منك ايه ولا بلاش عايز يابنات دي عشان غلط نقول ربنا بيريد منك ايه؟ انك متيئسيش من رحمته لا اله الا الله اذا كان هو الملك بيقولك لو رجعتي هقبلك مهما عملتي .. طب انتي ليه مصعباها على نفسك ؟ ... ايه التشاؤم دا... ازاي معندكيش ثقة في الكريم الرحيم ...اومال لو موثقتيش فيه هتثقي ف مين اصلا؟؟؟؟وربنا بيريد ايه كمان؟ان يتوب عليكم بجد اجمل ايه ممكن الواحد يسمعها او يقراها فيها رحمة غير عاديه انتي متخيله معايا معنى الاية ؟ دا كلام ربنا يابنات يعني ربنا حبيبك هو من يقول كده بنفسه ربنا هو من يقولك توبى وهاقبلك يعني ربنا عارف انك ضعيفه وهتغلطي كتييييييير هو عالم كده ومع ذلك انتي لما بتغلطي مفيش اعتذار!! وكمان بمنتهى الجبروت تقولي هتوب بس بكرا مش انهارده!! او تقولي لا مش هيسامحني!!انتي مين اصلا في ملكوت الله عشان تحكمي على ربنا وتقولي لا مش هيسامحني؟؟؟؟؟؟؟؟؟ https://im62.gulfup.com/ut1IrF.gif بصوا بقى الحديث دا وعَنْ عُمَرَ بْنِ الْخَطَّابِ أَنَّهُ قَالَ: قَدِمَ عَلَى رَسُولِ اللَّهِ صلى الله عليه وسلم بِسَبْي فَإِذَا امْرَأَةٌ مِنَ السَّبْي تَبْتَغِي إِذَا وَجَدَتْ صَبِيًّا فِي السَّبْي أَخَذَتْهُ فَأَلْصَقَتْهُ بِبَطْنِهَا وَأَرْضَعَتْهُ، فَقَالَ لَنَا رَسُولُ اللَّهِ صلى الله عليه وسلم: أَتَرَوْنَ هَذِهِ الْمَرْأَةَ طَارِحَةً وَلَدَهَا فِي النَّارِ؟ قُلْنَا لاَ وَاللَّهِ وَهِي تَقْدِرُ عَلَى أَنْ لاَ تَطْرَحَهُ، فَقَالَ رَسُولُ اللَّهِ صلى الله عليه وسلم: لَلَّهُ أَرْحَمُ بِعِبَادِهِ مِنْ هَذِهِ بِوَلَدِهَا. رواه مسلم. بجد عايزة اقولكم ان الحديث دا بينقذني من احزان كتييييير بقع فيها كل ما اتالم او يحصلي هم او اي حاجه تزعلني افتكر الحديث دا والله في لحظتها ادمع من الفرحه لما تحسي ان ربنا ارحم بيكي من مامتك وباباكي انتي بجد متخيله يعني ايه بصي كده لمامتك او اي ام عموما شوفيها بتحب ابنها او بنتها ازاي وبتخاف عليهم ازاي دانا لو اقدر اقول ان حب ماما ليا مينفعش يتوصف بكلمه حب دي ايلي من حرفين لو في تعبير اقوى هقول شوفي الام لما تلاقي ابنها تعبان بتعمل ايه؟ او تلاقيه مهموم بتعمل ايه؟ اومال لو لقيتك في مرة بتعيطي هتعمل ايه معاكي ومع ايلي خلاكي تعيطي مثلا؟ انا مقصدش التشبيه والعياذ بالله بس بحاول اقرب الصورة تخيلي كل دا ربنا بقى اكتر من كده كمان يعني اكييييييييد مش حاجه سهله على ربنا لما يجدك بتعيطي او بتتالمي او او بس هو بيربيكي بيعلمك عشان انتي غالية عنده مش عشان بيكرهك بالعكس ولله المثل الاعلى الواحد بيهتم اكتر باللي يحبه اوي يهتم يعلمه الصح والغلط ويأدبه عشان يتعلم ولو قسي عليه فدا لمصلحته عشان هدف محدد ..صح ولا غلط انا بكلمك كل دا بحاول اعرفك مين ربنا بحاول افهمك بصي انتي غالية ازاي عنده ؟ ياترا وصلتي ل ربنا جواكي ولا لسه https://im62.gulfup.com/HLGz1d.gif الحديث دا برده لما بقراه بحس بالقوة والتفاؤل والثقه في ربنا عن أبي هريرة رضي الله عنه قال : قال رسول الله - صلى الله عليه وسلم - : إن الله قال ( من عادى لي وليا فقد آذنته بالحرب... انا قاصده مكملش الحديث عشان اول جزء منه هو ايلي يهمني دلوقتي معنى الحديث ربنا بيقول للي هيأذي اولياؤه ياويلك من عذابي ليك طب يانسمه الحديث حلو وكل حاجه بس احنا فيييييييييين واولياء الله فين .... احنا منجيش حاجه جنبهم هقولك طب انتي عارفه انك ببساطه ممكن تكوني ولي من اولياء الله هو انتي متخيله مين اولياء الله ؟ يعني ايه ولي؟ اهي الايه من القرءان: ألا إن أولياء الله لا خوف عليهم ولا هم يحزنون * الذين آمنوا وكانوا يتقون }(يونس: 62-63) ربنا وصف يعني ايه ولي من اولياء الله بكلمتين الايمان والتقوى يعني حضرتك لما تواظبي على طاعه الله ولو بالقليل مش بقولك قومي هدي الجبال عشان تثبتي لربنا طاعتك لا ومش معنى كده انك هتكوني ملاك هتستمري لا هتقعي برده بس ارجعي تاني وعاشر شوفتي بقى انك ممكن دلوقتي حالا تقولي يارب انا قررت اكون من اوليائك وهعمل عشان احقق الهدف دا وباذن الله هتقدري لانها سهله اوووووووووي هو انتي تطولي ان ربنا يجعلك من اولياؤه وتتخيلي كده لما حد يزعلك او يتكلم عنك في غيابك ربنا يحاربه عشان اذاكي بجد معنى حلو اوووووووووي مش عارفه واصلك ولالا بيعمل كل دا لأنه الودود سبحانه , الذي لا حدود لمودّتهِ , الكريم الذي لا مُنتهى لكرمهِ ولا مثيل لحسُن تعامله مع خلقهِ , مع أنه هوالغنيّ عنهم وهم الفقراء إليه . https://im62.gulfup.com/czXgOi.gif يابنات انا برده مش مشكلتي في التوبة دلوقتي المهم تكون توبة نصوح المشكله في التوبة التانيه يعني هقولك اغلبنا بيحصله ايه هتتوبي تمام وهتقربي من ربنا لفترة تمام هيحصلك سقوط مفاجئ عادي لكن المشكلة الكبرى بقى مش هتتوبي تاني او بتاخدي وقت طويييل لحد ما ترجعي لربنا تاني او بتيأسي بقى وتزهئي وهي دي الفكرة ايلي بكلمكم فيها وسبب المشكله دي ايه؟ جواكي انتي في حاجه ناقصة في تعريف ربنا جواكي بتنسي افضاله عليكي حلها ايه؟ انك لازم وقتها تقاومي نفسك بكل قوتك وتقولي لنفسك لا ازاي هعمل كده مع ربنا ايلي كرمني في الوقت الفلاني وجبر خاطري ف وقت كذا ورحمني ف وقت كذا وعاقبني عشان ارجعله ف وقت كذا وشفاني لما كنت مريضة ونصرني لما كنت مقهوره ووووو يعني لازم تفكري نفسك بكل افضال ربنا عليكي وتفكري نفسك ان ربنا حبيبك ميستاهلش كده منك وتفكري نفسك انه بيندهلك كل ما تبعدي مع انك انتي ايلي محتجاله وتتخيلي لو كان ربنا مش رحيم بينا كده كان ممكن يقول اننا مثلا لينا كام غلطه يسامحنا عليهم بس بعد عدد معين من الغلطات مش هيسامح .. ماهو كان ممكن يعمل كده ومع ذلك بيقولك باب التوبة مفتوح وانك اول ما ترجعي هيفرح وهينسى كل عمايلك في حقه .... بالله عليكي عليه بايه من دا كله؟ بيعمل كده ليه؟ بنتهاون في حقه وبيسامح بننسى انه ممكن ف لحظة يدمرنا ومع ذلك بيصبر علينا واحنا برده لا مبالاه عندنا بيعدي علينا ايام مبنقولش حتى من قلبنا لا اله الا الله وعادي القرءان مركون وعليه تراب ودا كلام ربنا وعادي لا مبالاه عارفيين اننا كل ما نغلط ونرجع لربنا هيقبلنا ومع ذلك بنطنش او نقول لا مش هيقبلنا ونتمادى في الغلط https://im62.gulfup.com/ut1IrF.gif انا مش عارفه احنا بنعمل كده ليه لو حد يعرف يجاوبني بجد في فرق بين انك طمعانه في رحمة ربنا وبين انك مستهونة بيها وبتغلطي وتعملي ايلي عيزاه وتقولي ماهو ربنا رحيم ربنا رحيم اه وصابر عليكي اه بس ف لحظة والله ممكن يدمرك وينتقم منك في حاجه كبيرة غاليه عليكي عشان تفوئي وقتها بس يكون قلبك خلاص انكسر اوووووي طب ليه دا كله ماحنا فيها اهو لسه يلا نلحق نفسنا ونصحح لنفسنا مفهوم ربنا جوانا يلا نفوء يلا بجد ننويها يارب توبة يارب من اللحظة دي مش من بكرا صفحة جديده معاك وانسانه جديده معاك هتعبدك وهدفي اكون من اوليائك يارب انت رقم واحد هعمل المستحيل عشان ارضيك واي حاجه بعدك تهون عشانك عيزاكي تقعدي مع نفسك انهارده اقفلي ع نفسك اي مكان لمده 10 دقايق اقعدي مع ربنا اه بجد والله كلميه ابكي ادعي اطلبي يسامحك اوعديه بحاجات هتتغير فيكي اطلبي منه يقف جنبك وصدقيني طالما ربنا وفقك انك تقري الكلام دا فعلشان يفتح قلبك ومعنى كده ان ربنا ارادك دلوقتي اراد يتوب عليكي بقى ويقولك كفاية كده متعبتيش ..لسه مقتنعتيش ان حياتك من غيري عذااااااااب دا كده اول واجب الصلح مع ربنا واهم حاجه الخلوة دي بجد هترتاحي بعدها اووووووي اسمعي كلامي وهتشوفي تاني واجب بقى تقعدي حالا تفكري ثواني وتكتبي موقف ع الاقل حصل معاكي وحسيتي ان الموقف دا رساله من ربنا مثلا او رحمه او تذكره او جبر بخاطرك معلش فكري شويا وركزي وهتلاقي مواقف كتير والحكمة من كده انك تحنني قلبك شويا والغمامه ايلي على عنيكي تتفك والتراب ايلي على قلبك يطير https://im62.gulfup.com/Ui9ccq.gif يلا مستنياكي تنفذي الواجب 1/ قولي موقف من ربنا اثر فيكي وحسيتي بوجوده جنبك 2/ اقعدي لوحدك خالص خلوة مع ربنا واتكلمي معاه واشكيله وتوبي 3/ شاور متين كده عشان نبدا الصفحه الجديده البيضا على نضافه وصلي ركعتين توبة |
رد: سؤال لما تجاوبي عليه هتتغلبي على ضعفك وكسلك وتقصيرك في حق ربنا ..تعالي جاوبي بصرا
إن الواجب على العبد أن يعبد الله وحده لا شريك له وأن نفرد الله جل وعلا بالعبادة والخوف والرجاء والرهبة والرغبة والتوكل والاستعاذة والاستعانة والصلاة والزكاة والصوم والحج والعمرة وسائر العبادات نفرده جل وعلا بهذه العبادات القولية والفعلية والقلبية ولا نلتفت إلى غيره كما يفعل المشركون قديما وحديثا الذين يتعلقون بغير الله من الأموات والأضرحة ويدعونهم من دون الله {وَيَعْبُدُونَ مِن دُونِ اللّهِ مَا لاَ يَضُرُّهُمْ وَلاَ يَنفَعُهُمْ وَيَقُولُونَ هَـؤُلاء شُفَعَاؤُنَا عِندَ اللّهِ} [يونس: من الآية 18]، كذبوا على الله جل وعلا، فالله لم يأمر باتخاذ الشفعاء بينه وبين عباده، بل أمر عباده أن يعبدوه مباشرة وأن يدعوه مباشرة بدون وسطاء وهو قريب مجيب سبحانه، فهذا ما توجبه معرفة عظمة الله سبحانه وتعالى أن نفرده بالعبادة وحده لا شريك له لأنه هو المستحق للعبادة وكل ما عداه فهو مخلوق فقير إلى الله.
وتسلمين حبيبتي وبارك الله فيكي وجوزيتي خيرا ياعدولة |
رد: سؤال لما تجاوبي عليه هتتغلبي على ضعفك وكسلك وتقصيرك في حق ربنا ..تعالي جاوبي بصرا
بارك الله فيكي حبيبتي
|
رد: سؤال لما تجاوبي عليه هتتغلبي على ضعفك وكسلك وتقصيرك في حق ربنا ..تعالي جاوبي بصرا
أولا شكرآعلى الموضوع الجميل الذى اقشعرّمنه البدن
ثانيا: حسيت بقرب ربنا ليا لما حلمت بالآيه"فأما من خفت موازينه فأمه هاويه" وما أدراك ماهيه*نار حاميه" حسيت ان ربنا بينبهنى انى لازم اتوب وارجع لانى كنت باجل التوبه باستمرار والحمدلله ويارب ثبتتنى وثبت المسلمين اجمعين |
رد: سؤال لما تجاوبي عليه هتتغلبي على ضعفك وكسلك وتقصيرك في حق ربنا ..تعالي جاوبي بصرا
بااارك الله فييييك ،
جزاااك اللله كل خيييير موووضوع راااائع |
رد: سؤال لما تجاوبي عليه هتتغلبي على ضعفك وكسلك وتقصيرك في حق ربنا ..تعالي جاوبي بصرا
بارك الله فيكى
|
رد: سؤال لما تجاوبي عليه هتتغلبي على ضعفك وكسلك وتقصيرك في حق ربنا ..تعالي جاوبي بصرا
ربنا يبارك فيكي يانسمة رغم انه الموضوع طوويل ولكن فيه الفائدة ان شاء الله انا كتيير والحمدلله بشعر انه ربنا معايا ... وأجدد موضوع حسيت فيه انه ربنا معيا قبل ثلاث شهور وهو لما كنت عاوزة أحفظ القران وكان زوجي معند شوي فعندها قلت يارب انا مخلصة النية في حفظ القرآن وبتمناها من كل قلبي فلين قلب زوجي وخليه يسجلني في مركز حفظ القران وبعدين كل ما أروح اسجل الاقي المركز مغلق او المسؤوله مش موجوده ... وكنت خايفة كمان من الوقت لانه عندي اطفال في المدرسة ومش عايزة وقت المركز يتصدم مع وقت اطفالي ورجوعهم من المدرسة فحددت انا الوقت وقلت يارب اجعل وقت المركز من 9-11 صباحا لانه ده الوقت الوحيد اللي فيه اقدر احفظ فيه القران واروح على المركز .. وسبحان الله اخر يوم بعد 3 ايام رايحين وجايين انا وزوجي لاقينا المركز مفتوح ولقيت وقت المركز زي ماطلبت من الله تعالى وبدل ما أحفظ جزء واحد زي كل الطالبات ربي أكرمني وحفظت جزئين ... وده كان أخر موقف كنت حابه ربي يوقف معايا لانه تحقيقه كا ن شبه مستحيل من حيث وضعي العائلي وسبحان الله ما خاب من توكل على الله ودعاه من قلب مخلص ونية صافيه https://upload.3dlat.com/uploads/3dl...2550284012.gif |
رد: سؤال لما تجاوبي عليه هتتغلبي على ضعفك وكسلك وتقصيرك في حق ربنا ..تعالي جاوبي بصرا
ياسلموووووووو
|
رد: سؤال لما تجاوبي عليه هتتغلبي على ضعفك وكسلك وتقصيرك في حق ربنا ..تعالي جاوبي بصرا
بارك الله فيك,,,
|
رد: سؤال لما تجاوبي عليه هتتغلبي على ضعفك وكسلك وتقصيرك في حق ربنا ..تعالي جاوبي بصرا
جزاكي الله خيرا وربنا يرزقك الفردوس الأعلي
|
رد: سؤال لما تجاوبي عليه هتتغلبي على ضعفك وكسلك وتقصيرك في حق ربنا ..تعالي جاوبي بصرا
رائع جدا جدا جدا بارك الله فيكي وربنا يهدينا جميعا |
رد: سؤال لما تجاوبي عليه هتتغلبي على ضعفك وكسلك وتقصيرك في حق ربنا ..تعالي جاوبي بصرا
|
رد: سؤال لما تجاوبي عليه هتتغلبي على ضعفك وكسلك وتقصيرك في حق ربنا ..تعالي جاوبي بصرا
جزاك الله خيرا .
موضوع رائع. |
| الساعة الآن 01:31 PM |