تنضيف وتنظيم الحمام بالصور
لازم كل ست تهتم بنضافة حمامهما بشكل يومي
وبشكل اسبوعي
وبشكل شهري
طبعا احنا عشان ننضف الحمام بشكل شهري
بنفضي الحمام كله من اي حاجة من ادوات تنضيف لادوات نضافة لفوط لاي حاجة
وبناخد الحمام من فوق لتحت
بندعكها دعكا مبرحا حتى يستغيث
وبنمسك كل الحيطان وبننضفها
وبنهتم جدا بالزخانيق والفروق اللي بين السيراميك انها تكون نضيفة وزي الفل ودا بيكون باستخدم المنظفات الخاصة بكده زي فلاش وهاربيك والمنظفات التابعة لبعض الشركات زي ماي واي
واي منظف عشان تشوفي نتيجته لازم بتسيبيه فترة لا تقل عن نص ساعة ولكأنك يعني نقعها زي ما بتنقعي الغسيل او حلة محروقة او غيره
والحمام بيكون بكل عام عبارة عن
حيطان
حوض
بانيو(مش الكل عنده بانيو)
وقاعدة او مرحاض _اعزنا واعزكم الله)
والحنفيات او ما يطلق عليه خلاطات
اولا: الحيطان
دي بتتنضف بفرشاة البلاط عادي بشوية صابون سايل وكلور وماية
طبعا الحيطان اللي مافيهاش سيراميك ومدهونة برضو لازم تتنضف عشان بتكون رطوبة
بتكون لونها اسود فلازم تتنضف زيها زي السيراميك بالظبط
دي الحيطة اللي فيها سيراميك


https://upload.3dlat.com/uploads/3dl...0c01f5649.jpeg

ودي اللي مدهونة

https://upload.3dlat.com/uploads/3dl...74db3bc10.jpeg

ثانيا:الحوض

https://upload.3dlat.com/uploads/3dl...69435a0512.jpg


طبعا لازم بشكل يومي يتنضف وبرضو تنضيفه مش صعب شوية صابون سايل وماية وكلور
وبالليفة او الاسكوتش وبتنضفيه
ممنوع استخدام السلك الالومنيا لانها بتجرح الحوض وبالتالي بيبان فيها الوسخ اكتر
ثالثا:البانيو
نفس الكلام في التنضيف
وما ننساش نضافة الستارة بتاعة البانيو
والناس اللي معندهاش ستارة البانيو انصحها بشراء ستارة للبانيو يكون لونها متنساق
مع فرش الحمام اذا كان دواسة او ستارة للحمام لان بيدي الحمام شكل متميز وجميل


https://upload.3dlat.com/uploads/3dl...0c01f5649.jpeg



https://upload.3dlat.com/uploads/3dl...5b1869737.jpeg


https://upload.3dlat.com/uploads/3dl...4c65a6c04.jpeg



https://upload.3dlat.com/uploads/3dl...124718111.jpeg



https://upload.3dlat.com/uploads/3dl...3398a6ac8.jpeg

https://upload.3dlat.com/uploads/3dl...3dd5e5943.jpeg





رابعا:الحنفيات
تنضيف حنفيات الحوض




https://upload.3dlat.com/uploads/3dl...32729b055.jpeg



او حنفية الدش

https://upload.3dlat.com/uploads/3dl...c65d76446.jpeg

مش محتاجة اي افتكاسات او وصفات او خلطات بالفرشاة الصغيرة او الليفة بس من
غير سلك مع الدعك وشوية صابون سايل بترجع زي الفل




واخيييييرا: القاعدة او المرحاض _اعزكم الله_


https://upload.3dlat.com/uploads/3dl...4a641c8b12.jpg


كلنا بيكون نفسنا نمسك القاعدة دي ننقعها في البانيو بالشكل ده في كلور خام عشان تنضف

https://upload.3dlat.com/uploads/3dl...7d38178c9.jpeg


طبعا في ناس مش نضاف مش بينضفوا القاعدة دي نهاائي وستات بيوت واحنا
شوفنا كلامهم هنا في القسم
تحت مسمى انهم بيقرفوا يعطب اللي بيقرف هيطيق يقعد يعمل بي بي في قاعدة
زي كده ويكون السيفون بتاعها زفت كده ازااااي؟

https://upload.3dlat.com/uploads/3dl...4c65a6c04.jpeg



https://upload.3dlat.com/uploads/3dl...9689f0dc6.jpeg


سوري لو كنت قرفتكم
بس لازم نشوف الحلو والوحش عشان نحمد ربنا على نعمة النضافة
لازم نحاول بقدر الامكان اننا نهتم بنضافة القاعدة داخليا وخارجيا
واللي بتقرف او ما بتقرفش واااااحد
لازم نتبع الاتي
نلبس جوانتي
نشد السيفون ونكب ماية مرة واتنين وعشرة عشان ننضف القاعدة دي من جوا ومن برة
وكمان ننضف الغطا بتاع القاعدة ساعات ناس بتهمل نضافة الغطا دا وبتسيبه بالشهور وبتنضفه في الاعياد
كمان قاع القاعدة لازم ننضفه من حمض البوليك المترسب فيه
اللي بنقول عليه طول موجود وناشف وبنسيبه
لا دا ناتج عن قلة نضافته
وبيتشال
ازاي؟
هتنشفي القاعدة من جوة من اي ماية عن طريق قطع قماش مانتيش عاوزاها هتشربي القامشة دي المية وترميها بعد كده لو انتي قرفانة منها وبعدين هتجيبي فلاش او هاربيك زي ما عضوة قالت انه ممتاز وهتحطي فلاش دا من بالليل للصبح
هتصحي الصبح تشدي السيفون هتلاقي الطوب دا بقى رمل وهتنضفيها بعد كده
عادي بالفرجون ودا اللي عندهم تكلسات في قاع المرحاض
وباذن الله هتلاقيها زي الفل من جوا كده


https://upload.3dlat.com/uploads/3dl...27a1edf77.jpeg


نيجي لمرحلة المحافظة على نضافة القاعدة
لازم كل يوم تتنضف من برة بالليف عادي
ومن جوا بالفرجون والصابون السايل ووشوية كلور
عشان ما يحصلش ترسبات


https://upload.3dlat.com/uploads/3dl...f011620a8.jpeg


ولازم بعد كل بي بي نعلم اهل البيت كبار وصغار شد السيفون حتى لو اضطريتي
تعلقي يافطة بكده او تدخلي وراهم وتقولي مرة واتنين عشان يتعلموا ثقافة شد السيفون زي
ما اتعلموا التشطيف بعد البي بي
تنظيم الحمام وترتيبه
اللي بيبين نضافة الحمام نظامه وترتيبه
وكمان لمساتك فيه بايديكي الطاهرة الغالية

https://upload.3dlat.com/uploads/3dl...4c331f453.jpeg



https://upload.3dlat.com/uploads/3dl...ddb2c2e64.jpeg



https://upload.3dlat.com/uploads/3dl...4c65a6c04.jpeg



ادوات النضافة الشخصية
ويجب ان يكون دائما الحمام منظم وادواته نضيفة
زي ادوات الحمام بتاعة نضافتنا الشخصية زي الليف وفرش الاسنان
وتلميع ازايز الشامبو والبلسم وعلب الكريم من الخارج كل اسبوع لان بيتكون عليها بعض
الاتربه وكمان مع بخار الماية بتكون سطح العلب مش نضيفة
وكمان لازم نجمعها بشكل منظم ماتكونش بالمنظر ده متنطورة ع البانيو او في كل حتة حاجة


https://upload.3dlat.com/uploads/3dl...d0e0addd06.jpg


وعشان تاخدي شاور تفضلي تلفي وتدوري جوا الحمام وتلعبي لعبة دوخيني يا لمونة وعشان
ترجعي كل حاجة مكانة تاخد وقت معاكي
لازم تكون ادوات النضافة الشخصية او الاستحمام تكون ملمومة في سبت واحد ع الاقل
ودي ابسط حاجة

https://upload.3dlat.com/uploads/3dl...ad18accfe8.jpg

او ممكن تستخدمي الرشاقة الكورنر بلاستيك او استنلس

https://upload.3dlat.com/uploads/3dl...fa1ac18b32.jpg



https://upload.3dlat.com/uploads/3dl...caee9fe11.jpeg



https://upload.3dlat.com/uploads/3dl...47b140451.jpeg



https://upload.3dlat.com/uploads/3dl...891285831.jpeg


https://upload.3dlat.com/uploads/3dl...b6a479d12.jpeg





https://upload.3dlat.com/uploads/3dl...759a01e65.jpeg

https://upload.3dlat.com/uploads/3dl...d0e0addd06.jpg





https://upload.3dlat.com/uploads/3dl...6fab4cd8b1.jpg



https://upload.3dlat.com/uploads/3dl...522815a119.jpg



https://upload.3dlat.com/uploads/3dl...252b0295b3.jpg

في ناس بتحط الفوط في الحمام ودا بيكون اساسي عندها
وناس بتاخد فوطتها وقت ما بتدخل تستحمى وخلاص
عادي كل واحد على حسب نظام حمامه
بس من المهم ان فوط تنشيفك الشخصية بعد كل تواليت تكون في الحمام بنظام وشياكة
وكمان رص الفوط برضو يكون منظم هتطبقيها عادي او رول

https://upload.3dlat.com/uploads/3dl...fef9c430d2.jpg


https://upload.3dlat.com/uploads/3dl...ad7e490481.jpg



كل واحد ينام ع الجنب اللي يريحه
لازم الفوطة تستخدم بشكل يومي يعني مش اطلع فوطة واستخدمها اسبوع ولما تتبل اروح
انشرها في المنشر غلط واكبر غلط
الفوطة اتبلت اه اهويها عشان احطها بسبت الغسيل واليوم التاني اطلع فوطة نضيفة
اومال ماما مشورانا بفوط كتيرة ليه (كانت هتدخل بيهم مسابقة )؟!
كمان مسألة الحمام صغير اوي كبير دي بقت واحدة
يعني حمامك صغير لازم يكون منظم ونضيف
https://upload.3dlat.com/uploads/3dl...26bdf3b10.jpeg


واللي حمامها كبير نفس النظام
تنضيف الحمام مش بياخد وقت بس لازم نركز على كل حتة فيه
طبعا مسألة تعطير الحمام
زي ما تحبي عطريه بخريه بس ما اعتقدش بعد جو النضافة ده هيكون ريحته وحشة دا كفاية
ريحة النضافة احلى من اي ريحة
كفاية انك تدخلي تاخدي شاور وترطبي جسمك وتخرجي تلاقي الحمام بعدها ريحته واو
كفاية انك تعملي بخاخة صغيرة فيها شوية ماية ورد على زيت ورد على مسك مبشور وبعد
كل بي بي ترشي المنطقة بتاعتك وتنشفيها هتلاقي الحمام وانتي ريحتكم زي الفل لمجرد نضافتك
انتي بس
طبعا فرش الحمام دا حرية شخصية

https://upload.3dlat.com/uploads/3dl...43dc2ab72.jpeg

https://upload.3dlat.com/uploads/3dl...58c12fa11.jpeg


بس دا بيدي للحمام شكل جميل ومريح
بس لااااازم دايما يكون الحمااااام نااااااااشف نااااااشف ومتهوووووووي
وخصوصا في الشتا
وخصوصا اللي عندها اطفال بيكونوا لابسين شرابات في البيت ولما بيدخلوا الحمام بينسوا يلبسوا الشبشب وبيدخلوا جري ع الحمام
وما ننساش البوتي او التوتة ونضافتها من ضمن نضافة الحمام مادام جبنا سيرة الاطفال
https://upload.3dlat.com/uploads/3dl...becb5f910.jpeg


كمان وضع باسكت في الحمام دي برضو على حسب حريتك ونظرتك لحمامك

https://adlat.net/picture.php?albumi...ictureid=11416