عدلات - مكعبات الفراخ المشويه على لفحم

عدلات (https://vb.3dlat.com/index.php)

- اطباق واكلات للاطفال (https://vb.3dlat.com/forumdisplay.php?f=15)

- - مكعبات الفراخ المشويه على لفحم (https://vb.3dlat.com/showthread.php?t=35045)

مكعبات الفراخ المشويه على لفحم

https://www.boswtol.com/sites/defaul...03/chicken.jpg
زيّني أسياخ الفراخ بشرائح الليمون

لو عايزة تعملي الفراخ بطريقة جديدة ومختلفة وكمان تقدري تقدّميها لأطفالك وتعجبهم؛ جرّبي مكعبات الفراخ المشوية على الفحم

مكعبات الفراخ المشوية
المقادير:
½ كيلو صدور فراخ مخلية ومقطّعة مكعبات
ملعقة كبيرة عصير ليمون
2 ملعقة كبيرة زبادي
ملعقة كبيرة زيت
¼ كوب خل
ملح وفلفل
شرائح ليمون للتزيين

الطريقة:
1- حطّي مكعبات الفراخ في الخل لمدة نصف ساعة، وبعد كده اشطفيها بالميه.

2- هاتي طبق غويط، وحطّي فيه الزبادي والليمون والملح والفلفل وقلّبيهم كويس مع بعض، وحطّي الفراخ في التتبيلة دي لمدة 3 ساعات.

3- بعد كده حطّي مكعبات الفراخ في أسياخ واشويها على شواية فحم، أو ممكن تدخّليها الفرن في صينية وتشغلي عليها شواية الفرن.

4- عند التقديم.. حطّي أسياخ الفراخ في طبق التقديم، وزيّنيها بشرائح الليمون.. وبالهنا والشفا.