أو

الدخول بواسطة حسابك بمواقع التواصل

#1

129856 عندك صاحب ولد طيب تعاااااالى !!!!!

بأى شكل من الأشكال بأى ظرف مهما كان لا يجوز بأن يوجد علاقة بين البنت والولد إلا بوجود علاقة رسمية شرعية بينهم كتب كتاب او خطوبة "ويبقى فى حدود فى العلاقة فى حالة الخطوبة" !!

اصل انا معجب بها وبنحب بعض بس ظروفى متسمحش علشان كدة مش عايز اتقدم لها رسمى دلوقتى وهتقدم لما الظروف تسمح !!

اصل انا لو اتقدمت وانا لسه طالب والا انا لسه متخرج و مكونتش نفسى ابوها هيرفضنى فنفضل نكلم بعض ونخرج مع بعض من ورا اهلها لحد ما الظروف ما تسمح !!

والبنت والولد يفضلوا يكلموا بعض من ورا اهلهم وتقولهم فى البيت راحة الجامعة وتسيب المحاضرات وتروح تقعد معاه فى الكافتريا ويتمشوا و و و !!

وتكلموا من ورا اهلها وهى مستخبية تحت البطانية ووالدها اللى رباها يدخل عليها تقوله اصلى بكلم واحده صاحبتى !!

كل ده غلط ما تخلوش الشيطان يلعب بعقولكم ويقولكم لا احنا مش غلط احنا بنحب بعض ده مش حرام و احنا هنتجوز و و و و !! "هذا من كلام الشيطان !!
ومتقولوش ليا بتتفرجى على افلام عربى كتير

لو بتحبها متغلطش فى حقها وحافظ عليها وابعد لحد ما تبقى جاهز ولو ربنا كاتبهالك هترجع تلاقيها ولو رجعت ملقتهاش يبقى مكنتش من نصيبك من الأول !!
إقتنعوا إن كل شئ مكتوب ,هتقولى لأ مش هبعد احسن تضيع منى هقولك لو ربنا مش كاتبهالك هتفضلوا تكلموا بعض خمس سنين وتتخطبوا وفى يوم كتب الكتاب هتحصل مشكلة وهتبعدوا عن بعض !!

اتقوا الله وارضووه علشان يرضى عنكم ويكرمكم باللى بتتمنوه
ونصيحة لأخواتى البنات :
انتى جوهرة !! عارفة يعنى ايه جوهرة ؟؟ حافظى على نفسك !

عارف انكم كلكم نفسكم تحبوا وتتجوزا وعارف ان معظمكم بيبقى بيعمل كدة وبيصدق كلام الشباب وبتبقى نيتكم انكم عايزيين تتجوزوا ومبيبقاش نيتكم تعملوا حاجة غلط

بس معلشى ننظر شوية ونبعد عن ما يغضب الله وننتظر الحلال
صدقونى لما تبعدوا عن الغلط ربنا هيعوضكم بالخير اكتر مما تتوقعوا !!

ما تفرطيش فى نفسك وتروحى تكلمى راجل غريب من ورا اهلك !!
متفرطيش فى نفسك ومترخصهاش وتروحى تخرجى مع راجل غريب من ورا اهلك !! صونى نفسك !! علشان تبقى امنية لرجال كتير يبقوا بيتمنوا يرتبطوا بيكي !!

متخلييش الشيطان يتغلب عليكي !! هيقولك لأ بس ده محترم غير كل الشباب لأ بس ده بيحبك لأ متفرطيش فىه و و و ,بيحاول يأثر عليكي ويخليكي تستمرى فى الغلط !!

كل لحظة بتفكرى فىها فى حاجة غلط خطأ فى حق نفسك
الشخص الوحيد اللى تفكرى فيه هو اللى يجي يتقدم ويتقبل بعد كدة بقى تفكرى فيه وبحدود !!

غير كدة قلبك مقفول بأى حال من الأحوال مقفول مقفول ولو اتفتح شوية غصب عننا نقفله بالذوق بالعافية لازم نقفله ونحافظ على نفسنا ونرضى ربنا ,هنقول لنفسنا بس ده مش غلط بس ده محترم ده شيخ وال امام مسجد حتى ,,مفيش مجال ومتديش لنفسك فرصة إنك تفتحى قلبك لأى حد من غير ما يتقدم ولو القلب اتفتح تقفليه تانى بسرعة واحنا كلنا بنغلط مفيش مشكلة بس المهم نكتشف المشكلة ونفوق منها ونرجع لربنا مش نستمر فى الخطأ ونقنع نفسنا بمبررات علشان نستمر فيه وكل ده من الشيطان !!

اعرفى ان نصيبك مكتوب وحافظى على نفسك وصونيها واحفظى شرف الراجل اللى رباكى وتعب فى تربيتك ,واحفظى شرف الراجل الى ربنا كاتبه ليكي !! وبكرة هتعرفى لما تبقى قاعدة فى وسط عيالك وجوزك وتفرحى وتبتسمى وتفتكرى إنك سيبتى الغلط واستنيتي الحلال وربنا كرمك بالزوج الصالح اللى بتتمنيه وزيادة

ودايما اقول المثال بتاعى :
واحد دخل من الشباك نقلع اللى فى رجلينا ونديله على دماغه علشان يقع على رقبته و يتعلم إن بنات الناس مش لعبه والا نمسك ايديه ونساعده على الدخول ونيجي فى الآخر نبكى ونقول كلهم خاينيين ؟؟!!

مانتى اساسا رخصتى نفسك واتكلمتى ومشيتي مع حد من ورا اهلك ليه عايزاه هو يحافظ عليكي بالرغم انك محافظتيش على نفسك اساسا للأسف !

ناس هتقول عليا معقدة نفسيا و الا رجعية والا متخلفة,, هذا لا يعنيني فى شئ !! ما يعنيني هو أن أرضى ربى ويعلم الله إنى بنصحكم زى إخواتى وبنصح نفسى اولا
انا الفتاة الى أعجبت بها فى الجامعة وتمنيت الإرتباط منها لم أتحدث معها طوال "الأربع" سنوات سوى أربع أو خمس مرات "طوال أربع سنوات" وكنت أنا من أترك الحديث وأذهب سريعا حفاظا عليها وحتى لا أجعل أحدا يتحدث عنها بسوء !! وحتى لا أغضب ربى ورسولى صل الله عليه وسلم !!
واتخرجنا ولا أعرف أراضيها إلى الآن ولم ولن أحزن على ذلك لأننى مؤمنا بأن ما كتبه الله لى سيحدث ولو ربنا كاتبهالى حتى لو بعد عشر سنين هلاقيها ولو ملقتهاش يبقى ربنا مش كاتبهالى واكيد هيعوضنى بإنسانة احسن منها .




الفكرة إننا لازم نؤمن ونثق بأن كل شئ نصيب واللى ربنا كاتبه هيكون بمزاجنا او غصب عننا ,,هى دى الفكرة ,

(دا كلام شاب على جروب فى الفيس) شايفين الادب ؟؟
وأعتذر جدا عن الإطالة ولكن هذا الموضوع فى غية الأهمية والخطورة بالنسبة إلى ,وانا مش عارف انتوا هتقدروا تقرأوا كل الكلام ده والا لأ ولكنى أتمنى هذا[

انا عارفة ان فى زهقان من كلامى وهتمشى ولا هترد ولا هتعبرنى واسفة انى مملة فى طريقة لكامى بس لازم تقروه بجد


إظهار التوقيع
توقيع : ♥العدوله لولو♥
#2

افتراضي رد: عندك صاحب ولد طيب تعاااااالى !!!!!

مشكورة يا عسل
إظهار التوقيع
توقيع : مونه الامورة
#3

افتراضي رد: عندك صاحب ولد طيب تعاااااالى !!!!!

تسلمي يا حبيبتي ولا مملة ولا حاجة بالعكس
انتي افديني اوي بجد شكرا ليكي يا سكر
إظهار التوقيع
توقيع : princess_shosho
#4

افتراضي رد: عندك صاحب ولد طيب تعاااااالى !!!!!

لولو يـ لولو تسلمم ايدكـ يـ قلبي

يسلمووووووو

نــــــــــــــأيس طرح جميل
إظهار التوقيع
توقيع : بحبكm
#5

افتراضي رد: عندك صاحب ولد طيب تعاااااالى !!!!!

نورتونى
وشكراً يا شوشو على الرد الجميل ده ^_^
إظهار التوقيع
توقيع : ♥العدوله لولو♥


قد تكوني مهتمة بالمواضيع التالية ايضاً
الموضوع كاتب الموضوع المنتدى
بنك معلومات (ثقافة عامة) درة مكنونة منوعات x منوعات - مواضيع مختلفة
سؤال وجواب - معلومات عامه سوسو الامورة عالم المعرفة
الجدى الذى ولد وهو على هيئه انسان ,ماعز ولد برأس انسان سبحان الله ريموووو غرائب وطرائف
آريد ولد...آريد بنت...آريد الرضا..موضوع للنقاش ♡حنان آم بسنت♡ حوارات اجتماعية مفتوحة
سر خطير بالغرفه 37 toty bakry فرفشة عدلات


الساعة الآن 12:15 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل