فن الإيتكيت للمخطوبين
آنستي العزيزة..
لو ربنا فك عقدتك وانخطبتي.. فإليك نصائحي حتى تأخذي بخطيبك من مركب الخطوبة إلِى مثواه الأخير في قفص الزوجية السعيد..
:11_3_2[1]:
أجمل ما في الخطوبة العزايم الرومانسية على أحلى محلات أكل في البلد واللي عمرك ماراح تشوفيها بعد الزواج.. المهم نصائحي لك عند أي عزيمة مع خطيبك
1. الأول لازم تعرفي إن الشوكة والسكينة بينمسكوا من إيديهم من الطرف يعني مو من الوسط ولا من البوز متل الخنجر ولا من فوق طبعًا
2. الخبز .. أوعي تفضحينا وتقطعيه بسنانك ولا الرغيف نصين بأيدك وكل نص لقمة وعلى دحش أوعي.. الخبز بيتقطع بالسكينة بالصحن.. وبعدين بتاخدي لقمة... لقمة.. بالزور قال يعني نفسك مسدودة.. اضغطي على أعصابك جدا وبعدين لما تروَّحي.. إبقي حِشّي متل ما بدك....
3. الشوربة أبوس كعب رجلك.. بند الشوربة مهم جدًا.. الشوربة بننشرب من غير صوت أبداً.. ومن غير ماتقعدي تنفخي فيها.. متل صبي النارة تبع الأركيلة اللي بينفخ في الفحم للزبون. وطبعًا بدي ياكي تنسى تمامًا الطاسة اللي بتحطيها على تمك في البيت وتشرشري على حالك..
بالمعلقه وبدون صوت... سخنة .. نار ... كمان بدون صوت.. وبتركي تلت الطبق ع الأقل.. مو تميليه.. منشان تلهطيها لآخر نقطة......
4. الرز طبعاً بيتاكل بالشوكة أوعي إيدك تنمد ع المعلقة... وتغرفي من طبق الرز وتعبي... إوعي.. الرز بالشوكة... وكأنك بتبوسيه ... مو بتاكليه..
5. المعكرونة.. الاسباكتي كمان بالشوكة.. بتنلف على طرف الشوكة.. لحد ما تخلص وبعدين تحطيها ف تمك عالسكت.. مو تشفطي المعكرونة عود عود...
6. السمك مشكلة.. شوفي... بتفصلي اللحم عن الشوك. شلون..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. ما تقلبي السمكة.. بلا فضايح.. شيلي السلسلة بالشوكة والسكينة وحطيها جنب الصحن وكملي أكل النص التاني.. وبدال الفيلم الهندي هاد.. نصيحة.. ما تاكلي السمك أبداً.. قولي مابحب السمك ونفدي حالك..
7. البطاطا سواء مسلوقة أو مقلية أوعي تهرسيها وترميها ع الرز ويللا...... لا..لآ...لآ...بالشوكة قطعة قطعة وإنت متل ما تكوني راح تبكي من كتر ما البطاطا صعبانة عليكي..
8.. الفاكهة.. لو الفاكهة فيها بذر طلعيه من تمك على مهل وحطيه ف إيدك وهي مسكرة وبعدين في طفاية السجاير اللي على الطاولة.. أوعي ياحبيبتي من نظام التفتفة للبذر. إنسي....
وبعدين تمسكي الفوطة اللي دايمًا موجودة ع الطاولة من غير لزوم.. وتبوسيها.. قال يعني بتمسحي تمك..
وبعدين تستأذني منه لدخول الحمام لإصلاح ماكياجك
وبتدخلي الحمام وبتطالعي من الشنطة تبعيتك.. صندويشة الفلافل اللي جايبتيها معك وبالهنا والشفا --
__________________
إظهار التوقيع
توقيع : الاعلامية لينا
التوقيع لا يظهر للزوار ..
رد: فن الإيتكيت للمخطوبين
إظهار التوقيع
توقيع : المعتزة بخمارها
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| رسائل حب للمخطوبين والمرتبطين رسائل حب رومانسية للمتزوجين ارسلها لحبيبتك وارس | روزة | رسائل وتوبيكات | ||
| رسائل غزل للمخطوبين , مسجات رومانسيه اجمل الرسائل العاطفيه 2025 , رسائل غزل للمخطوبين | دوما لك الحمد | رسائل وتوبيكات | ||
| لفات هدايا ,لفات هدايا شيك , لفات هدايا للمخطوبين | Dora dode | نصائح وترتيبات | ||
| مسجات جديدة للمخطوبين رسائل حب للمخطوبين اجمل مسجات الحب والغرام2024 | روزة | رسائل وتوبيكات | ||
| أفكار للمخطوبين و المخطوبات حركات | batta adham | منوعات x منوعات - مواضيع مختلفة | ||
الساعة الآن 02:54 PM
جميع المشاركات تمثل وجهة نظر كاتبها وليس بالضرورة وجهة نظر الموقع