تعالو نغير حياتنا

السلام عليكم ورحمه الله وبركاته

انا مشتركه جديده فى المنتدى وحبيتو اوى وحبتكو انتو كمان عشان كده حبيت تشاركونى تجربتى اللى غيرت حياتى 180 درجه هقولكو ازاى عشان انتو كمان تعيشو السعاده اللى عيشاها واللى عايشه زيى الاول تفوق لنفسها وبيتها قبل فوات الاوان يعنى بطلو كلمه هو بيحبنى ومش هيقدر يستغنى عنى وكلمه مسيره يلف يلف ويرجعلى تانى
وانتى تسيبيه يلف من الاول ليه يا خبيتها وبعدين متتكليش ياخت على الحب ده اوى الراجل غير الست مش معنى انه بيحبك انه مش عايز يشوفك اجمل واحده فى عنيه وتغنيه عن بنات حواه كلهم حتى لو قالك انت اجمل واحده فى الدنيا يسلاااام عندك الكلمه دى احلى تثبيت وعيشى انتى بقى طب بذمتك كده انا راضيه زمتك يا شيخه احلى واحده فى الدنيا ازاى وانت كرشك مترين قدامك وصاحيه من النوم شعرك منكوش وريحه بؤك يا ساااااااااااتر وصريخ فى العيال طول النهار وهاتلى كذا وحصلى كذا وهاتك يا هرى فىودن الراجل الغلبان وفى اخر اليوم تروحى تنامى جمبه زى الجثث ولا انتى فى الدنيا

بصو انا مهقولكومش كنت ايه تخيلو اد متقدرو لان بعد الحمل والولاده بقيت فشر عبد الفتاح القصرى وجوزى ولا هو هنا ومبصدق اصول السرير يعنى الحال من بعضه وهو طول اليوم قدام الكومبيوتر يا مع اصحابه وبرده يجى ينام ميعبرنيش بصراحه صعبه عليا نفسى اوى وحياتنا اللى اتغيرت دى لحد فى قاعده صفا كده قعد يحكيلى عن الذى مضى ولاقيته بيتكلم عن حبه الاولانى وهو هيمان صوت ايه رقه ايه شياكه ايه وطبعا انا صاروخ فى دماغى بس مسكت نفسى للاخر وانا بكلم نفسى هو للدرجه دى مش حاسس بيا وهو بيتكلم عنها كده اعمل فيه ايه انط اجيب كرشه
بس الخناق مش هيجيب نتيجه وهيفكر فيها اكتر ويبعد عنى اكتر خصوصا انها لسه مستنياه على امل يزحلقنى وسعتها وقفت مع نفسى وشوفت كل عيوبى لان طالما فكر فيها يبقى العيب فيا مش فيه لو كان شاف فيا كل لحجات دى مكنش فكر فيها وبصراحه الوقتى عيشين سعداء جدا ومحتار يعملى ايه هو مسافر وكل شويه يكلمنى هبلته
عايزين تعرفو عملت ايه هقولكو بس صقفه للنبى اقصد تشجيعه كده وانا مقسمالكو الحكايه وهطير الوقتى اجبلكو اولها مستنياكوو