معنديش ثقة فى نفسى......لحظة تعالى هنا حفهمك حاجة مهمة
ايوة زى مالعنوان بيقول معنديش ثقة فى نفسى
الجملة الى بنسمعها كل يوم مليوووووووون مرة
طب انتى عارفة الاول يعنى ايه ثقة فى النفس وقلة ثقتك دى بتيجى منين
ده الى حنعرفة انهاردة باذن الله مع بعض
بس قبل اى حاجة عايزة اوضح ان الثقة بالنفس ملهاش اى علاقة بالشكل او الجسم او الحلاوة
يلا نبدء
يعنى ايه الثقة بالنفس
اولا الثقة بالنفس
هيه احساسك بقيمة نفسك وقدرتك على النجاح
او قدرتك على التحكم فى انفعالاتك وتصرفاتك
ولازم نتفق ان مفيش حاجة اسمها معنديش ثقة بنفسى الثقة دى اساسى جواكى زى بالظبط الذكاء اساسى جو كل واحد بس بيكون بنسب مختلفة انما مفيش حاجة اسمها انسان غبى فى حاجة اسمها انسان نسبة ذكاؤة 10% وانسان 90%
فمثلا واحدة ثقتها بنفسها 20% وواحدة 80%
فبالتالى مافيش حاجة اسمها معنديش ثقة او ثقتى فى نفسة معدومة زى مابنسمع
بس هنا لازم نعرف ان 80% من الثقة بالنفس مكتسب يعنى من البيئة الى حواليكى
طب اية الاسباب الى ممكن تهز ثقتى بنفسى
تعالى اعرفك عليها واحدة واحدة
اسباب اهتزاز ثقتك بنفسك
السبب الاول
انك بتعتقدى ان الى قدامك شايف نقط ضعفك
يعنى مثلا كل واحد فينا عندة نقطة ضعف انتى بتتصرفى من منطلق ان الى قدامك عارفها فبالتالى ده بيقلل ثقتك فى نفسك
زى بالظبط كدة لما تكونى مثلا لابسة حاجة مش مقتنعة بيها اوى وبمجرد ان الناس تبصلك بتعتقدى انهم بيبصولك علشان شكلك مش حلو فبالتللى ثقتك بنفسك بتنعدم فى اللحظة دى
بالرغم ان ممكن الى بيبصلك عشان حاجة تانية اصلا ممكن شايفك حلوة او شيك
بس انتى عشان من جواكى عارفة ان فية عيب فيكى فبالتالى بتعتقدى ان الناس بتبصلك عشان السبب ده
مثال تانى
مثلا واحدة قلبوظة شوية انتى من جواكى شايفة ان دى نقطة ضعف وعيب فيكى فلما حد يبصلك بتقولى ايه ده بيبصلى عشان انا تخينة
انما مجاش فبالك انه ممكن يكون شايفك حلوة او محترمة او متدينة لا بصيتى للعيب الى فيكى
بالرغم ان الناس مش بيكونو عارفين نقط ضعف بعض احنا بس الى بنبقى عارفين نفسنا بس بنتعامل على اساس ان الناس عارفانا وعارفين نقط ضعفنا ومن هنا بيجى اول سبب لقلة الثقة بالنفس
السبب التانى
احتقار الذات بمعنى انك تفضلى تقولى على اى حاجة مش حقدر مش حعرف لا انا وحشة لا انا محدش حيبصلى ده غلط جدااا مفيش حاجة اسمها مش
ايوة انتى كدة بتحتقرى نفسك وبتقللى من قيمة نفسك
يعنى مثلا تعرفى تسوقى عربية متقوليش لا معرفش قولى مجربتش قبل كدة ده بيقرق كتير اووى
السبب الثالث
تعرضك لحادث وانتى صغيرة
يعنى مثلا حد استهزء بيكى قبل كدة الى احنا بنقول عليه عقدة نفسية كدة بالظبط
حد مثلا قالك انت قلبوظة اوى او انتى رفيعةاوى فدة يعملك عقدة
دى الاسباب الى بتخلى ثقتك بنفسك تقل ولو بصينا لنفسنا حتلاقى فعلا ان معظمنا كلام الناس بياثر فينا اوووى ودة الى بيسبب الازمة الى بتحصل وبتاثر عليكى وعلى حياتك كلها
طب خلصنا الاسباب عايزين حل بقى ازاى نوقف المصيبة دى
تعالى اقولك على الحلول بتاعتها
ازاى نزود من ثقتنا بنفسنا
اول حاجة
ا لازم اهم حاجة الاهداف فى حياتك مفيش حاجة اسمها عايشة كدة لله والوطن فين هدفك فى الحياة ممكن يبقى هدفك مع جوزك او اولادك مش لازم لنفسك
يبعنى ببساطة كدة انتى عايشة بتعملى ايه اسالى نفسك دلوقتى انا عايشة بعمل اية
هاتى ورقة وقلم واكتبى من اكون ...ماذا اريد......ماذا افعل.......هل وصلت لما اريد
وعلى فكرة الاهداف المكتوبة بتتحقق فعلا يعنى لما تكتبى فى ورقة انا عايزة اعمل ماسك مثلا واروق الشقة واروح السوق واروح لحماتى واكلم فلانة بتلاقى الموضوع بقى منظم اكتر
لان 90% مننا بننسى حاجات كتير فى النص من كتر المشغوليات
طبعا ده غير الاهداف طويلة المدى يعنى عايزة اعمل ماجستير واتعلم الرسم وسواقة العربيات وابقى اجتماعية اكتر وهكذا
تانى حاجة
لازم كمان يكون فى عبارات تحفيزية الى هوه حديث النفس
متسبيش نفسك تحبطك وتكسرك لو جيتى تعملى حاجة ولقيتى حاجة جواكى بتقولك مش حتقدرى ..........قوليلها ملكيش دعوة حقدر على اى حاجة
مافيش حاجة اسمها مستحيل
تالت حاجة
الاهتمام بالمظهروالنضافة دى اهم حاجة المشكلة ان ناس كتير بتفكر ان اللبس مش مهم اهم حاجة التقوى والايمان
بالعكس انتى طول مانتى نضيفة وحلوة ولبسك شيك ومكوى فانتى مثال حلو للى قدامك وبالذات
الناس المنتقبة والعبايات والفساتين زى حالاتى لازم تدى للى قدامك صورة حلوة عن الاسلام طبعا ده كمان حيزود ثقتك فى نفسك
رابع حاجة
لو اعده فى مكان ولقيتى الى حواليكى بيتكلمو على نقطة معيبة مثلا انتى مش عارفاها عارفة اول حاجة حتحسيها الاحباط والفشل
غير انك مش حتقدرى تجاريهم فى الكلام يبقى الحل اننا نقرء ونعرف بنقول ايه بالظبط
خامس حاجة
اهم حاجة احذرى المقااااااااارنة مع حد اوعى تقارنى نفسك بحد فى اى حاجة كل واحد ربنا خالقة ليه ميزة اوعى تبصى لواحدة ابدا اكيد انتى فيكى حاجة مش عندها
فلانة متجوزة اونتى لا فعلانة مخلفة وانتى لا فلانة دكتورة وانتى لا
لو بصيتى للموضوع حتلاقى انك فيكى مميزات وهيه لا
ربنا مش بيظلم حد وموزع الارزاق بالتساوى علينا كلنا بس كل واحد فية نقظة قوة فى ناحية وضعف فى ناحية ومحدش كامل
الكمال لله واحدة
سادس حاجة
انك يبقى عندك حصانة ضد التشاؤم ودى مش حتيجى الا بالاذكار وذكر الله دائما صدقينى ربنا مش بيسيب حد
اخر حاجة اوعى ثقتك بنفسك تتهز ايا كان السبب اوعى واحدة تحرق دمك انتى متجوزتيش لية لحد دلوقتى ولا مخلفتيش لية
وانتى تسيبى نفسك كدة وتيجى تعملى مناحة
والدماغ تشتغل صح انا متجوزتش لية يبقى انا وحشة
وننسى حاجات كتير اتخلقنا عشانها
الموضوع ده اناعملاة لوجة الله وعشانكو لانى بحبكو فعلا
وعارفة يعنى ايه تبقى مهزوزة ومش واقفة على ارض صلبة
وبالذات لو خارجة من تجربة فاشلة زى خطوبة مفسوخة او طلاق او مشكلة مع حد او غيرة
طول مانتى قاعدة افضلى قولى انا عندى ثقة فى نفسى
بجد دى عاملة زى التشاؤم والتفاؤل لو انتى بتضحكى حتلاقى الضحكة عدوة لى حواليكى و لو مضروبين مية جزمة
إظهار التوقيع
توقيع : ام سيف 22
التوقيع لا يظهر للزوار ..
رد: معنديش ثقة فى نفسى......لحظة تعالى هنا حفهمك حاجة مهمة
إظهار التوقيع
توقيع : sηfoorћ♪'
التوقيع لا يظهر للزوار ..
رد: معنديش ثقة فى نفسى......لحظة تعالى هنا حفهمك حاجة مهمة
إظهار التوقيع
توقيع : فتاة بالحياء تجملت
التوقيع لا يظهر للزوار ..
رد: معنديش ثقة فى نفسى......لحظة تعالى هنا حفهمك حاجة مهمة
رد: معنديش ثقة فى نفسى......لحظة تعالى هنا حفهمك حاجة مهمة
إظهار التوقيع
توقيع : زاهرة الياياسمين
التوقيع لا يظهر للزوار ..
رد: معنديش ثقة فى نفسى......لحظة تعالى هنا حفهمك حاجة مهمة
إظهار التوقيع
توقيع : koku
التوقيع لا يظهر للزوار ..
رد: معنديش ثقة فى نفسى......لحظة تعالى هنا حفهمك حاجة مهمة
إظهار التوقيع
توقيع : princess weaam
التوقيع لا يظهر للزوار ..
رد: معنديش ثقة فى نفسى......لحظة تعالى هنا حفهمك حاجة مهمة
إظهار التوقيع
توقيع : ♥ام هدير♥
التوقيع لا يظهر للزوار ..
رد: معنديش ثقة فى نفسى......لحظة تعالى هنا حفهمك حاجة مهمة
إظهار التوقيع
توقيع : حياه الروح 5
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| المجموعة الرابعة من فرش الفوتوشوب زهور و ورود للتزيين بالصور 2025 | djabba1 | ملحقات الفوتوشوب | ||
| صور لأجمل الشلالات حول العالم | رائعة | صور طبيعية | ||
| داتا وقواعد بيانات ارقام جوالات حسب طلبك واختيارك على مستوى العالم العربي | جنة الياسمين | سوق عدلات النسائي العام | ||
| كل كتب سميرة الجزائرية بروابط جديدة 2025 | djabba1 | كتب طبخ | ||
| من مواضيعي الحصرية 30 مجلة في الكروشيه بالصور | djabba1 | مكتبة عدلات | ||
الساعة الآن 08:18 PM
جميع المشاركات تمثل وجهة نظر كاتبها وليس بالضرورة وجهة نظر الموقع