أو

الدخول بواسطة حسابك بمواقع التواصل

#1

افتراضي تابع قصة بوبتى تطلب رأيكم

انا يا جماعة صاحبة قصة بوبتى تطلب رأيكم لو فاكرنها وكتبتها من عند بوبتى صاحبة علشان كان عندى مشكلة فى الميل بتاعى باختصار انا طليقى اكل فلوسى وكان صاحب نزوات تليفونيه كتيرة جدا وكان قاسى جدا جدا وناكر للجميل والحمد لله خلصت منه بس المشكله دلوقتى انه كل شويا بيستفزنى من خلال ابنى يعنى يروح ياخده من الحضانه من غير ما يقول طبعا هتقولولى نبهى على الحضانه المشكلة انه اخده مرة بالعند معايا واستفزنى واتخانقت مع صاحبة الحضانه وغيرتها ووديته حضانات تانيه بس للاسف حضانته الاولى احسن حضانه شفتها من حيث الاهتمام والتربية والالتزام وزيادة على كده بيعطى نفقه للولد 250 جنيه بس ومش عايزه ادخل فى قضايا لانى نفسى اربى ابنى تربيه سويه ويكون انسان طبيعى
وكمان احنا اتقابلنا مع بعض عند دكتور ابنى وكان اول مرة الولد يشوفنا احنا الاثنين مع بعض بعد الطلاق وطبعا الولد حاسس بس مش عارف يعبر وكان بيعمل تصرفات قطعت قلبى يعنى تعالى يا ماما اقعدى جنب بابا ويمسك ايده وعايز يمسك ايدى فى نفس الوقت وكل شويه يحول وجهىناحية ابوه وعايزنى ابص عليه ويقول يا ماما بصى لبابا
وجوزى ده ابوه وامه اتطلقوا قبل ما يتولد وكان اى مشكله بينى وبينه وانا حامل فى ابنى يقولى اللى فى بطنك ده هايتربى بعيد زى ما انا اتربيت بعيد عن ابويا وربنا هايرزقه بأب افضل منى وانا بربيكى علشان لما تتجوزى حد بعدى تعرفى تتعاملى معاه




ودلوقتى هو بيعامل الولد بكل حنان وطبعا الولد عايش معايا وانا بقوم بدور الأب والأم يعنى لازم اقسو احيانا واابقى حنونه احيانا لكن هو حنين على طول بالرغم من انى انى اللى شايله المسئوليه كلها الماديه وحتى النفسيه
عايزه اعرف رأيكم وحد يقولى اتعامل مع الشخصيه دى ازاى وجزاكم الله خيرا


#2

افتراضي رد: تابع قصة بوبتى تطلب رأيكم

لا حولة ولا قوة الا بالله

إظهار التوقيع
توقيع : نونو حسن
#3

افتراضي رد: تابع قصة بوبتى تطلب رأيكم

لا اله الا الله

يا اختى انتى لازم تقعدى مع الاب

تتفاهموا عشان مصلحه ابنكوا

يعنى تتفقى معاه يزور ابنه او ياخده مره فى الاسبوع يفسحه

ده حق الاب والابن

انا عارفه انه وراكى الويل وسرق فلوسك ولسه بيبتزك

بس لا تنسى ابنك اللى بالنص

خدى اللى بيديكى واله الغنى

بس خاولى تخليه يشعر انه اب ولازم يتحمل مسؤليه ابنه على الاقل بانه يفسحه عشان نفسيه الابن بس

وحسسيه ان اختطاف ابنكم وتعريضه للمخاطر دى حتضر بالابن اكتر من اى شئ تانى

ربنا يهدى سركم ويوفقكم
إظهار التوقيع
توقيع : ريموووو
#4

افتراضي رد: تابع قصة بوبتى تطلب رأيكم

والله ياسكاسك ارمى حمولك على الله وتوكلى عليه وقولى حسبى الله ونعم الوكيل و اصبرى ربنا هايجبلك حقك لغايه عندك وقولى بوبتى قالت
#5

افتراضي رد: تابع قصة بوبتى تطلب رأيكم

تربية الولد صعبة الله يعينك وطليقك واضح انه مش سوى

حاولى تبعدى عن استفزازاته قدر المستطاع بس لازم ابنك طبعا ميتحرمش من باباه

وانصحك تأمنى ابنك فى الحضانة بتاعته يعنى لازم تعرفيهم ان ابنك محدش يخده غيرك انتى ودى اهم حاجه

ربنا يعينك وان شاء الله بكرة الصغير يكبر ويعرف كل حاجه وكتير اطفال زيه الوالدين منفصلين وعاشو حياة سوية
#6

افتراضي رد: تابع قصة بوبتى تطلب رأيكم

مش عارفه يا سكاسك ليه وصلني من كلامك انه طليقك ده حساس جدا بس للاسف واضح انو مش بيعرف يتعامل بدليل انه كان بيقولك انا بربيكي عشان لما تتجوزي حد بعدي تعرفي تتعاملي معاه وواضح انه موضوع تربيته مع حد غير بباه ماثره عليه جدا . فيريتك كنت استحملتيه شويه كمان عشان خاطر ابنك اللي زي السكر ده ماشاء الله عليه وربنا يعينك تربيه نعم التربيه يارب .انا عارفه اني رغايه بس انا تاثرت اوي اعتقد كمان انو انتو مكملتوش بعد ما ربنا رزقك بابنك لانه يمكن كان سلوكه اتغير ومن ناحية نزواته التلفونيه اهي على الاقل كانت تلفونيه.نصيحه وانتي ادرى بظروفك مني لو ارجوكي لو تقدري ترجعيله تاني عشان خاطر ابنك بس حاولي ابنك يستاهل .ويمكن ينصلح حاله على ايدك وربنا يهديه.
#7

افتراضي رد: تابع قصة بوبتى تطلب رأيكم

الراجل دة للاسف مريض نفسى وفاقد الشىء لايعطية هو ميعرفش لللاسف يعنى اية دفء الاسرة والعائلة واللة لسة بتحبيه وعايزة ترجعيلوا عشان ابنك حاولى تتكلمى معاة وتقنعية بالراحة انة يروح لطبيب نفسى لو انتى ظروفك كويسة روحى انتى الاول للدكتور وفهمية وبعد كدة قوليلة ان الولد عندة مشكلة نفسية بسبب الطلاق وان الدكتور عايز يشوفة والدكتور بعد كدة هيتصرف ولو مش شايفة امل حاولى انتى والولد تتكيفوا على الظروف دى ويمكن ربنا يعوضك بزوج واب حنون لابنك ربنا معاكى


قد تكوني مهتمة بالمواضيع التالية ايضاً
الموضوع كاتب الموضوع المنتدى
قصة المدرسة المسكونة,قصة مرعبة,قصة2024 ربي رضاك والجنة قصص - حكايات - روايات
قصة سيدنا يوسف عليه السلام كاملة,قصة لسيدنا يوسف عليه السلام بالتفصيل ♥مبدهـ♥ قصص الانبياء والرسل والصحابه
قصة نبي الله لوط عليه السلام في القرأن,غرائب حول قصة نبي الله لوط عليه السلام,ما المستفاد من قصة نبي الله لوط عليه السلام جنا حبيبة ماما قصص الانبياء والرسل والصحابه
قصة أردوجان ... نور سقيرق مكتبة عدلات
بوبتى تطلب رائيكم بوبتى فضفضة وحل المشاكل


الساعة الآن 06:20 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل