ليه تشربيني من كاسك المر( عبرات و عظات )
لا اله الا الله سيدنا ونبينا محمد صل الله عليه وعلي اله وسلم
يا حي يا قيوم برحمتك استغيث اصلح لي شأني كله ولا تكلني الي نفسي طرفه عين
موضوع النهارده مش قصه زي كل مره لا دي مواقف حصلت ليا ولغيري واكيد ليكم كلكم
ولان حصل قدامي موقف منهم امبارح لقيتني باسال نفسي السؤال ده
لما انتي عارفه ان ده بيوجع ليه مصممه توجعيني؟
اول موقف هاحكيه كان من 6 سنين ونص يعني ايام فرحي
والله العظيم انا ما شفت فرح ولا عرفت يعني ايه عروسه دي ولا حتي يعني ايه يوم صباحيه من حماتي ربنا يشفيها ويسامحها
يوم صباحيتي طلعتلي شقتي وقالتلي يلا حضري الفطار من تلاجتك للبيت كله وانزليلنا بيه تحت وانجزي عشان الساعه بقيت 8 ولسه ما فطرناش
ياااااااه بجد ده انا عروسه هاعمل الفطار للبيت كله من اول يوم
بس ده اللي حصل
حضرت الفطار ونزلت بالصينيه علي دماغي واكلوا وشربوا وبعد الاكل لميت المواعين وغسلتها وفت شغلي في البيت عادي وكاني متجوزة من 10 سنين وطبعا كان كلام حماتي ان ده سلونا وعندنا كده
و في يوم قاعدين مع بعض انا وحماتي في لحظه صفا قليل لما بتحصل لقيتها بتحكيلي وبتقولي عارفه انا عمري ما هاسامح حماتي لانها اخدتني من الدار للنار ومخليتنيش افرح ولا احس اني عروسه ولا ليوم واحد ...
طب ماهو نفسه اللي عملتيه معايا
يعني انتي موجوعه منه طب بتعملي معايا كده ليه لما انتي عارفه اني هاتوجع واعيش طول حياتي اتمني الزمن يرجع بيا واحس بفرحه العروسه ليوم واحد حتي.
انا زي ما انتو عارفين حصللي 5 مرات اجهاض قبل ما ربنا يرزقني باولادي ربنا يهديهم
وفي يوم خال جوزي عمل عمليه وكان طبعا الواجب اننا نروح نزوره وقد كان
هناك بقه قابلتني مرات خال جوزي مقابله ولا ليها اي لازمه
في الاول حطت ايدها علي بطني وضغطت اوي وهي بتسلم عليه
قلتلها فيه ايه ؟
قالتلي هو انتي مش حامل
قلتلها لا والله انا باخد موانع لان الدكتور قال نريخ الرحم كام شهر بعد 5 مرات اجهاض
قالتلي موانع ايه اخلصي شوفيلك دكتور معدول روحيله هاتيلك حتة عيل ( ده الواحده من غير عيال ما تسواش صاغ )
يارب محدش يدوق ابدا الكلمه دي بتعمل ايه في حد محتاج ضفر طفل وعمل كل اللي يتعمل عشان ربنا يرزقه يارب محدش ينحرم ابدا
انا قلتلها هاسالك سؤال
قالتلي اتفضلي
قلتلها انا سمعت ان حضرتك فضلتي 10 سنين من غير اولاد مش كده ؟
قالتلي حصل
قلتلها كنتي ماتسويش صاغ
قالتلي وهو دلوقتي زي زمان وهو انا زيك
انا بانصحك عشان خايفه عليكي حماتك تجوز جوزك واحده تجيبله عيل وانتي ما يبقاش ليكي لازمه
الكلام بيوجع اوي والست دي الفاظها جافه جدا ولكم ان تتخيلوا الوجع اللي اتسببتلي فيه
فضلت مده ابكي واتعذب من كلامها اللي زي السم
هي اكيد في 10 سنين حد سالها علي الجمل وممكن بطريقه ابشع من طريقتها وعارفه ان الكلام بيوجع طب ليه صممت تدوقني من اللي داقته ده بدال ما تقول انا جربت الالم ده حرام اعمل فيها كده وتدعيلي وخلاص
ويمكن كان قصدها تنصحني , بس تفتكروا حد سقط 5 مرات محتاج نصيحه من حد تاني انه يروح لدكتور من غير كلام يعني انا اكيد رحت لدكتور و 10
___الموقف التالت وده اللي خلاني افتكر المواقف دي
انا كنت عند خالتي من يومين بازورها عشان تعبانه ادعو لخالتي امينه ربنا يقومها بالسلامه لاولادها
وقابلت خالتي التانيه هناك وفضلنا نتكلم فباسالها فين البنات يا خالتو ليه محدش جه معاكي
قالتلي مخاصماهم
يا نهار ابيض بناتك مخاصماهم
قالتلي ايوة
ليه ؟
قالتلي كل واحده متجوزة وفي بيتها وليها راجل لزومه ايه بقه كل ما ييجو البيت يعملوا مشاكل
قلتلها هما بيروحولك كل اد ايه
قالتلي كل اسبوعين بييجوا يقضوا عندي يوم ويروحوا اخر اليوم
قلتلها طب مشاكل ايه اللي هيلحقوا يعملوها دول كده بيقعدوا ساعات مش اكتر
قالتلي اخوهمفلان كلنا عارفين انه عصبي ومبيحترمش حد و كلنا عارفين كده وانا قايلالهم لما يشتم واحده فيكم ولا يطردها عدوها ومتعلقوش قصاده وانا هابقي اراضيكم بكلمتين
بس هما كانوا بيصمموا يردوا عليه لما بيشتمهم
قلتلها اخوهم الصغير اللي هما مربيينه اللي عنده 18 سنه
قالتلي ايوة
قلتلها يشتم ويطرد اخواته البنات اللي اصغرهم عندها 30 سنه
قالتلي عادي وايه يعني ده خالك فلان ( منه لله ) كان بيضربني وهو اصغر مني كتير وكان ابويا وامي يشيلوني من تحت ايديه وشي كله دم وملامحي مش باينه لدرجه انهم كانوا مش بيعرفوا انا مين
قلتلها وكانوا بيعملوا ايه قالتلي مكانش في ايديهم غير انهم ياخدوني في حضنهم ويدعوا ربنا يهديه
قلتلها عمرك اتمنيتي ان جدي يمسكه يضربه العلقه التمام ويطرده من البيت لغايه ما يرجع لعقله ويعرف يحترم اللي اكبر منه
قالتلي اتمنيت بس مين اللي يقدر يعمل كده هو اصله كان فاير وجسمه ضخم وكانوا بيخافوا منه
يلا اهو ابنه مطلعه عليه
قلتلها شفتي بقه انتي بتغالطي نفسك ازاي
الكلام ده مر عليه سنين وسنين وانتي عمرك ما نسيتي وبتتمني يرحع بيكي الزمن و ما تسكتيش علي حقك
طب عايزة بناتك يسكتوا ليه
وايه الحكمه في انك تشوفي اصغر ولادك بيشتم بناتك وتخاصميهم كمان عشان بيدافعوا عن نفسهم او حتي بيرودا علي البيه ولي النعم
سؤال بس يا خالتوا
يعني علي كده هو راجل البيت اللي بيصرف وبيجبر البنات
قالتلي لا والله ده حتي هما اللي موسعين عليا وعلي ابوهم وهو شايل ايده من كله وعمره ما دخل عليهم بيتهم بحاجه في ايده ده لو دخل بيتهم اصلا كل كام سنه مره رغم انه شغال وكسيب و مهيص خطيبته واهلها هدايا وحاجات بس دماغه كده نعمله ايه نموته يعني اهو برضه اخوهم يستحملوة
وعلي الرغم انها اتعرضت لنفس الظلم من اخوها وعارفه الاحساس ده عامل ازاي الا انها رضت بيه لبناتها
طب ليه بنوجع بعض ؟
طب ليه مانحطش نفسنا مكان اللي قدامنا؟
ليه مانفكرش في الكلمه قبل ما نقولها؟
اترك لكم الاجابه
وفي الختام باطلب منكم انكم تدعوا لامي ربنا يتم شفاءها علي خير وما اشوفش فيها حاجه وحشه ابدا هي وبابا ويهديلي اولادي اللي مغلبنني
استودعكم الله الذي لا تضيع ودائعه
منقول
رد: ليه تشربيني من كاسك المر( عبرات و عظات )
إظهار التوقيع
توقيع : العدولة هيام
التوقيع لا يظهر للزوار ..
رد: ليه تشربيني من كاسك المر( عبرات و عظات )
إظهار التوقيع
توقيع : فتاة بالحياء تجملت
التوقيع لا يظهر للزوار ..
رد: ليه تشربيني من كاسك المر( عبرات و عظات )
إظهار التوقيع
توقيع : العدولة هيام
التوقيع لا يظهر للزوار ..
رد: ليه تشربيني من كاسك المر( عبرات و عظات )
إظهار التوقيع
توقيع : زهرة البوادي
التوقيع لا يظهر للزوار ..
رد: ليه تشربيني من كاسك المر( عبرات و عظات )
رد: ليه تشربيني من كاسك المر( عبرات و عظات )
رد: ليه تشربيني من كاسك المر( عبرات و عظات )
إظهار التوقيع
توقيع : فوفو فاطمة
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| فوازير صعبة جدا وجديدة جدا 2025 واجابتها فوازير مضحكة جدا هتمووت م الضحك | yasmen ali | الغاز وفوازير | ||
| ملك المر King of Bitter | وغارت الحوراء | الطب البديل | ||
| ليه كل حاجة مش عادى بقت عادى | عہاشہقہة الہورد | فتيات تحت العشرين | ||
| فوائد المر ..... | ♥ احبك ربى ♥ | عالم النباتات والحشرات | ||
| فوائد المر | لودي غير | الطب البديل | ||
الساعة الآن 11:42 PM
جميع المشاركات تمثل وجهة نظر كاتبها وليس بالضرورة وجهة نظر الموقع