حدوتة العصفورة والنخلة الطيبة لجوود ، قصص أطفال ، حدوتة هادفة لأطفالك
حدوتة العصفورة والنخلة الطيبة لجوود
حدوتة لجوود
من كام يوم جوود بنت أختي ( أربعة سنوات ) كانت عندي وعايزة تسمع حدوتة قبل النوم
وبما إنها بنوتة رقيقه ومش حتسوعب حواديتي اللي كنت بحكيها للبنين
افتكرت حدوتة تقريبا والله أعلم كانت في كتاب حواديت سلوى حجازي رحمها الله
أنا حاحكي الحدوتة بالتقريب و حاضيف بعض الإضافات للأمانة
============
العصفورة والنخلة الطيبة
كان ياما كان يا سعد يا إكرام ولا يحلى الكلام إلا بذكر النبي
عليه الصلاة والسلام
كان فيه عصفورة صغيورة بتلعب وتطير في السماء مع أصحابها الصغيرين ومرة واحده
العصافير الكبار بدأوا يجمعوا أولادهم ويندهوا عليهم علشان يعملوا العش بتاعهم قبل
هجوم الشتا
العصفورة سألت عصفورة تانيه: هو أنا لازم أعمل عش؟
ردت عليها العصفورة قالتلها : طبعا بس انتي فين مامتك؟
قالتلها العصفورة وهي زعلانه : لا معنديش
ردت العصفورة وقالتلها أنا لازم أمشي وانتي بسرعه يلا ابدأي اجمعي القش و شوفي
شجرة كبيرة تبني عشك فيها
مشت العصفورة وهي حاسه بالهوا بيخبط في جناحاتها و صوته بدأ يزيد وراحت لشجرة
المشمش قالتلها
يا شجرة المشمش يا جميلة تسمحيلي ابني عشي بين أوراقك و أغصانك؟
شجرة المشمش بصت لها بكل غضب وقالت : امشي بعيد عني مش ناقصه أنا عصفورة
تقعد تزقزق من الفجر تصحيني بدوشتها وصوتها
مشت العصفورة وهي زعلانه وصوت الهوا مخوفها
وراحت على شجرة المانجه قالتلها : يا شجرة المنجه الجميلة تسمحيلي أبني عشك بين
أغصانك و أوراقك؟
شجرة المنجه بصت لها بغضب وقالت : تعيشي في شجرتي و تاكلي ثمرتي ؟؟؟امشي من
هنا مش ناقصاكي
مشت العصفورة بتبكي مش مصدقة نفسها
بتحلم بعش يلمها
وصلت عند شجرة البرقوق وقالتها : يا شجرة البرقوق يا جميلة تسمحيلي ابني عشي بين
أغصانك و أوراقك؟
شجرة البرقوق بصت وقالت لها : امشي بعيد يا شاطرة من هنا لا بحبك ولا بحب دوشتك
مشت العصفورة الأمورة زعلانه ومش عارفه تعمل إيه وهي بتعيط
سمعتها النخلة الطيب وسألتها : مالك يا عصفورة يا جميلة من إيه زعلانه؟
العصفورة وقفت على النخلة الطيبة وقعدت تحكي لها عن اللي حصل معاها راحت النخلة
قالتلها : وبعدين الشتا قرب والرياح أصواتها بتعلى ...عندي فكرة هو أنا عمري ما
عششت عندي عصافير مش عارفه ليه بس إيه رأيك لو تبني عشك في أحضاني؟
العصفورة فرحت وقالت لها : بجد؟ بجد يا نخلة انتي طيبة قوي
ضحكت النخلة وقالت لها : يلا بسرعه اجمعي قشك علشان تلحقي تعملي عشك
طارت العصفورة بسرعة الريح وبدأت تجمع القش وهي سعيدة ومبسوطة
ورجعت جري للنخلة الطيبة وعملت العش بتاعها بسرعه و قعدت اطمنت بين حذوع
النخلة الطيبة
وفجأة زاد صوت الريح و قوته وبدأت العصفورة تخاف بس النخلة قالتلها متقلقيش يا
عصفورتي الجميلة اطمني انتي بين جذوعي مش حتأذيكي الريح أبدا إن شاء الله
عدت الريح على شجرة المشمش وشجرة البرقوق وشجرة المنجه غضبانه ضربتهم
ضربه ضربه وقعت أغصانهم و أوارقهم وثمارهم وقالت لهم: داه عقاب للي يأذي
مخلوقات ربنا
عدت الريح جنب النخلة الطيبة وبصت لها وابتسمت وقالت لها : ربي يجازيكي كل خير
على ما عملتي مع العصفورة الصغيرة
العصفورة جميلة عاشت مع النخلة بسلام ومر الشتا وجه الربيع
والعصفورة سعيدة بصداقة النخلة الطيبة وكل يوم تقف تغنيلها
يا نخلة يا عالية عند الشمس الغالية
في أوراقك لقيت دفا وحنان كبير
وتوته توته خلصت الحدوتة نمتي يا جودي يا كتكوتة؟
===========
توتة توتة خلصت الحدوتة حبايبي
ليلة سعيدة بقى
إظهار التوقيع
توقيع : نَقاء الرُّوح
التوقيع لا يظهر للزوار ..
رد: حدوتة العصفورة والنخلة الطيبة لجوود ، قصص أطفال ، حدوتة هادفة لأطفالك
إظهار التوقيع
توقيع : البرنسيسة سلسبيلة
التوقيع لا يظهر للزوار ..
رد: حدوتة العصفورة والنخلة الطيبة لجوود ، قصص أطفال ، حدوتة هادفة لأطفالك
إظهار التوقيع
توقيع : نَقاء الرُّوح
التوقيع لا يظهر للزوار ..
رد: حدوتة العصفورة والنخلة الطيبة لجوود ، قصص أطفال ، حدوتة هادفة لأطفالك
رد: حدوتة العصفورة والنخلة الطيبة لجوود ، قصص أطفال ، حدوتة هادفة لأطفالك
إظهار التوقيع
توقيع : نَقاء الرُّوح
التوقيع لا يظهر للزوار ..
رد: حدوتة العصفورة والنخلة الطيبة لجوود ، قصص أطفال ، حدوتة هادفة لأطفالك
رد: حدوتة العصفورة والنخلة الطيبة لجوود ، قصص أطفال ، حدوتة هادفة لأطفالك
إظهار التوقيع
توقيع : نَقاء الرُّوح
التوقيع لا يظهر للزوار ..
رد: حدوتة العصفورة والنخلة الطيبة لجوود ، قصص أطفال ، حدوتة هادفة لأطفالك
إظهار التوقيع
توقيع : حياه الروح 5
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| قصص للاطفال 2025 - قصص قصيرة للاطفال - قصص لتعليم الاطفال - قصص جديدة للاطفال | منة الله احمد | حواديت وقصص الاطفال | ||
| حدوتة حمار عم مرزوق ، قصص هادفة ، حدوتة للأطفال للعم مرزوق , قصص عم مرزوق | نَقاء الرُّوح | حواديت وقصص الاطفال | ||
| حدوتة الكلب الوفي ، قصص قصيرة رائعة ، حدوتة الكلب و وفائه مع المرأة الطيبة | نَقاء الرُّوح | حواديت وقصص الاطفال | ||
| الكلمة الطيبة مفتاح القلوب المغلقة . فضل الكلمة الطيبة . أثرها في نفوس الاخرين | قَمَر حبيبةْ روحِي | المنتدي الاسلامي العام | ||
| الكلمة الطيبة مفتاح القلوب | مريم بنباري | الحملات الدعوية | ||
الساعة الآن 10:44 PM
جميع المشاركات تمثل وجهة نظر كاتبها وليس بالضرورة وجهة نظر الموقع