سبب ضعف التبويض الاساسي تجربتي

ركزو معايه
اولا ضعف المبيض اول البويضه عموما ده بيسبب اجهاض
في هرمون اسمه الاستروجين ده المبيض بيفرزو اليوم ال21 من الدوره يعني بعد انتهاء التبويض
تحليل الهرمون ده بيبين اذا كان ضعف من البويضه عادي يروح بشويه منشطات او ضعف من الجذور اللي هو الهرمون
وده ليه علاج تاني غير المنشط
علاج لتقويه المبيض ورفع مستوي هرمون الاستروجين
في حاجه كمان بتكون علي المبيض من برا اسمها قشره المبيض دي المفروض تكون 1 مللي
انا لقيتها عندي 9 مللي طبعا ده بيسبب ان البويضه لما بتكون عاوزه تخرج بتضعف كتير جدا عشان تخرج برا الغشاء الخارجي للمبيض ده
الحمد لله دي كمان ليها علاج
متعملوش زيي وتسيبو الدكاتره منهم لله يهريكو منشطات لان كترها غلط اصلا

كل ده انا عرفته من الدكتور الجديد اللي متابعه معاه لانه بيسافر امريكا كتير جدا وعامل دكتوراه هناك واكيد فاهم اكتر من دكاتره مصر منهم لله

وقلت اللي من اسكندريه وعندها مشكله في الحمل او في تكمله الحمل يعني اجهاض متكرر تكلمني وانا معاها للاخر
محدش عبرني واللي انا عاوزه اساعد لاني عارفه احساس انك تكوني مستنيه امل ومره واحده متلاقيش حاجه
ربنا ميكتبه علي حد