طريقة عمل وجبة الكنتاكى كاملةفى البيت,عمل لارز الريزو والكلو سلو والمايونيز
الكنتااااااكي والارز الريزو والكلو سلو والمايونيز كمان عملناه ف البيت
مابنجيبش حاجه من بره
اكل مطاعم نعمله ف البيت احلي واطعم منهم
يلا طلعي مهاره الشيف اللي جواكي وقومي اعملي كنتاكي
الطريقه والمقادير
هاتي فرخه وزنها مش كبير وخلي الرجل يقطعهالك ٨قطع وشيلي منها كلها الجلد واعملي فيها فتحات بسن السكينه
اغسليها كويس اوي بالملح والخل واشطفيها كويس
نحضر التتبيله ف الوقت دا
هاتي بيضه واضربيهاىبالشوكه نزلي عليها ٣ فصوص توم مفرومين ومعلقه صغيره من التوابل دي فلفل اسمر كركم كاري زعتر بابريكا وشطه حسب الرغبه كسبره ناشفه ومعلقتين نشا و نص كيس بيكنج بودر و ملح وكوب دقيق وربع كوب خل وقلبي وابداي زودي ميه لحد القوام مايوصل زي خليط الكيكه كدا بس اخف سنه
نشطف الفرخه كويس ونصفيها من الميه وننزل بيها ع الخليط اللي عملناه ونسيبها لحد وقت التسويه وكل ماتسيبيها ف الخليط يكون افضل
وقت التسويه
كوب دقيق واخلطي عليه نفس التوابل وباقي كيس البيكنج بودر والنشا وقلبيهم
هناخد قطع الفراخ من الخلطه وننزل بيها ع الدقيق اللي بالتوابل ونحرك قطع الفراخ عشان تتغلف بالدقيق من غير مانبططها عشان تدينا شكل القرمشه الحلو
وهوووووب علي زيت غزير سخن ٥ دقايق علي نار وسط و٥ دقايق علي نار اهدي شويه وطلعيها وبالف هنا
الارز الريزو والكلو سلو ع الصور
وماتنسوش تدعولنا دعوه حلوه ياحلوين انتو
وصحتين وهنا
الارز الريزو
اغسلي الرز بالكميه بتاعتك وصفيه
بصله صغيره متقطعه ناعم
معلقه صغيره عسل اسود
توابل
حله ع النار وحطي زيت وانزلي بالبصله تتشوح دقيقه وانزلي بالرز وقلبي وضيفي نص معلقه صغيره كركم وكاري وبابريكا وقرفه ناعمه وشطه لو عايزه وملح واول ماتشمي الريحه الجباره دي انزلي بالميه المناسبه كميه الارز ومعلقه عسل اسود صغيره ودوقي ضبطي الملح ويغلي ويتشرب ووطي عليه وكدا تومااام
قطع الفراخ بقا بتقطعي قطع الفراخ مكعبات او زي ماتحبي وننزلها ف معلقتين دقيق متبلين بملح وفلفل وبابريكا وكاري وكركم ومعلقه نشا وع الزيت السخن وبس كداهون
قدمي الرز بالطريقه اللي تعجبك وقطع الفراخ ع الوش وغرقيه بالكاتشاب
واللي يحب طريقه الكاتشاب بتاعي ع الجروب موجوده
وصحتين وهنا
طريقه احلي كلو سلو
كرنب مقطع وجزره مبشوره
٣ معالق كبار مايونيز ومعلقه كبيره مليانه عسل ابيض ومعلقه صغننه خل
في بوله اخلطي المايونيز مع العسل والخل وانزلي بالكرنب المتقطع وماتحطيش الجزر الا عندالتقديم او قبله بنص ساعه لانه بينزل لونه
وقلبي كويس وادعيلي
طريقه المايونيز
صفار بيضه ومعلقه خل وكوب زيت
نخلط الصفار مع الخل دقيقه بالمضرب الكهربا ونبدا ننزل بكوب الزيت سرسوب رفيع جدااااااا واحنا شغالين بالمضرب عشان القوام يربط لحد مانخلص كوبايه الزيت هتلاقي المايونيز جاهز معاكي والف هنا
إظهار التوقيع
توقيع : العدولة هدير
التوقيع لا يظهر للزوار ..
رد: طريقة عمل وجبة الكنتاكى كاملةفى البيت,عمل لارز الريزو والكلو سلو والماي
إظهار التوقيع
توقيع : أم أمة الله
التوقيع لا يظهر للزوار ..
رد: طريقة عمل وجبة الكنتاكى كاملةفى البيت,عمل لارز الريزو والكلو سلو والماي
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| الخلاصة النهائية للرجيم الناجح ... كلي اللقيمات | تخسيس | طرق التخسيس وانقاص الوزن | ||
| جدول نظام غذائي لزيادة الوزن في اسبوع 3 كيلو ، جدول غذائي صحي لزيادة الوزن | حياه الروح 5 | زيادة الوزن والتخلص من النحافة | ||
| وجبة السحور أهم من وجبة الإفطار فى شهر رمضان | ندى ام | عدلات في رمضان | ||
| اهمية وجبة الافطار بالنسبة للاطفال,وجبة الافطار واهميته لنمو الاطفال | ام الاء وبيان2 | العناية بالطفل | ||
| الرجيم الحراري لحرق الدهون, نظام الرجيم الحراري لحرق الدهون,أفضل رجيم لحرق الدهون | العدولة هدير | طرق التخسيس وانقاص الوزن | ||
الساعة الآن 11:35 PM
جميع المشاركات تمثل وجهة نظر كاتبها وليس بالضرورة وجهة نظر الموقع