أو

الدخول بواسطة حسابك بمواقع التواصل

#1

افتراضي ليلة القدر - توأم رمضان 17

ليلة القدر - توأم رمضان 17





- إيه فضل ليلة القدر وايه قصة "ألف شهر"؟

= ليلة القدر خير من ألف شهر، وكلمة ألف شهر دي عجيبة جداً.. الصحابة كانوا لا يعلموا رقم أكثر من ألف، فربنا لما يقول (خير من ألف شهر) معنى كده إنه لو كان عندهم مليون كان قال خير من مليون شهر، ولو عندهم مليار كان قال خير من مليار شهر.



- هل ليلة القدر تساوي 83 سنة فعلاً؟

= الناس بتروح تحسبها تقول لك يعني حوالي 83 سنة.. لا هو قال (خير من)، ما قالش تعادل 1000 شهر، خير بقد إيه؟ ما نعرفش، بعض العلماء بيقولوا لو الصحابة يعرفوا رقم أكتر من ألف كان نزل الكلام ده، لكنهم ما يعرفوش أكتر من كده.



- إيه اللي حصل للقرآن في ليلة القدر؟

= الليلة دي الوحيدة اللي نزل فيها القرآن كله كامل من اللوح المحفوظ للسماء الدنيا كتلة واحدة مرة واحدة، وبعد كده نزل للأرض على الرسول ﷺ منجم في 23 سنة مفرق حسب الأحداث.



- إيه الحرمان الحقيقي في الليلة دي؟

= المحروم الحقيقي هو اللي يُحرم الليلة دي، حرمان مهول إن الإنسان يحرم ليدرك، والمسألة بسيطة جداً، حط نفسك في أي مسجد وصلي مع الإمام حتى ينصرف كما قال النبي ﷺ: (من صلى مع الإمام حتى ينصرف كتب له قيام ليلة).







- ندعي نقول إيه في ليلة القدر؟

= الرسول ﷺ سُئل السؤال ده من السيدة عائشة، قال لها قولي: (اللهم إنك عفو تحب العفو فاعفو عنا)، تلات كلمات وبس، أنا شخصياً ما بزيدش عنهم طول الليلة.
في ناس بتقول (اللهم إنك عفو كريم)، لا مفيش كريم، النص كده: (اللهم إنك عفو تحب العفو)، التزم بالنص بالضبط ما تجودش، الرسول لو يعلم أفضل من كده كان قال لنا، وما تزودش كلمة ولا حرف، لأن الزيادة دي والعياذ بالله كأن الإنسان بيستدرك على الرسول ﷺ إنه ما أخدش باله وأنا أخدت بالي.




قد تكوني مهتمة بالمواضيع التالية ايضاً
الموضوع كاتب الموضوع المنتدى
من أقوال السلف في ليلة القدر امانى يسرى المنتدي الاسلامي العام
من أقوال السلف في ليلة القدر امانى يسرى المنتدي الاسلامي العام
خمس نصائح لاستغلال العشر الاواخر من رمضان وإدراك ليلة القدر الشيخ سعد العت أم أمة الله صوتيات ومرئيات اسلامية
كيف نفوز بليلة القدر ؟ أم أمة الله عدلات في رمضان
تفسير سورة القدر لابن كثير ,اروع مارتل الشيخ سعد الغامدي لسورة القدر جنا حبيبة ماما القرآن الكريم


الساعة الآن 01:36 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل