أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

انقذوني يابنات

إضافة رد  أضف للمفضلة
https://vb.3dlat.com/showthread.php?t=41874
11442 41
#1

انقذوني يابنات

يابنات الحقوني انا اعاني من ضعف شديد في ذاكرتى لدرجه مكنتش اتخيل انى هوصلها بنسى الحلل على النار ومش بفتكر انى حاطه حاجه غير لما اشم ريحة الشياط وبعد ما اشم الريحه اجري الأول على باب الشقه علشان اسأل الجيران مين ناسي حاجه لكن المطبخ في سكتي بشوف ان المصيبه من عندي انا والموضوع بيسوء وبيتكرر ماما تبقى بتكلمنى في التليفون وتقولي على حاجه وتقفل من هنا واحس انى مش فاكره ولا كلمة من اللى قالتهالى من هنا وكمان ابقى وقفه في المطبخ واقول مثلا هروح اجيب طماطم ا برطمان الصلصه من الثلاجه وعقبال ما اوصل للثلاجه اكون نسيت انا عاوزة ايه منها وافضل فاتحه التلاجه ربع ساعه علشان افتكر واوقات ارجع تانى للمطبخ علشان اشوف وافتكر انا كنت عاوزة ايه من الثلاجه حتى حجات كتير قديمه كانت راسخه في دماغي بحاول دلوقتي افتكرها مفيش حتى درستى اتمسحت مسح من دماغي اعمل ايه يابنات الموضوع ده مقصر جدا في نفسيتي لأن ذاكرتي كانت قويه جدا محدش يعرف حاجه تقوي الذاكره طيب لو رحت لدكتور اروح لدكتور ايه مخ واعصاب ولا دكتور امراض باطنه عادي افيدوني افادكم الله


#2

افتراضي رد: انقذوني يابنات

صباح الخير عليكى يا مرمورة
متقلقيش كلنا عندنا المشكلة دى لن اسبابها بتيجى من ضغوط الحياة وانتى اكيد عندك حاجات شاغلة بالك
متقلقيش يا سكر
انتى اكيد بتحبى جوزك جدا لدرجة انك تنسى
يالا اضحكى بقى
#3

افتراضي رد: انقذوني يابنات

طيب حبيبتى متنشغليش عن اللى ع النار عشان سلامة ابنك وسلامتك واظبطى منبه او رسالة تذكير ع الموبايل كمان ده لانك بتفكرى كتير بتسهى وزى ما قالتلك نورى كلنا بننسى بس لو عندك تايمر او حاجه اظبطيه يفكرك
#4

افتراضي رد: انقذوني يابنات

صباح الفل يا جميل
المكسرات عرفت ان فى منها بينشط الذاكرة
انا هجيبلك يا قمر اية المأكولات اللى بتنشط الذاكرة وجربيها الاول ولو لقدر الله مش عملت معاكى نتيجة يبقى تروحى لدكتور وبيكون دكتور مخ واعصاب
وألف سلامة عليكى يا جميل ان شاء الله هيكون نسيان عادى زى ماحنا بنسنا حاجات كتير اوووووووووووى
مش تقلقى ولا تحطى فى بالك خالص قصة انك بتنسى كتير لان اهم شئ فى العلاج العقل
يعنى انتى لو حطيتى فى تفكيرك انك بتنسى وخلاص الموضوع بيصعب عليكى وكدة اوهمتى نفسك يعنى حالتك بتسوء انما لو فكرتى انه عادى ماهى بتحصل مع ناس كتير ان شاء الله مش هيطلع فى حاجة
إظهار التوقيع
توقيع : semsemahasan
#5

افتراضي رد: انقذوني يابنات

دى مأكولات يا قمر بس اهم حاجة طبعا قبل الاكل الاقتناع والنفسية والتفكير السليم يعنى مش توهمى نفسك انك عندك حاجة كبيرة
- السلامون : من افضل مصادر البروتين وهو غني بـ omega 3 fatty acids والتي مع زيوت السمك اساسية لوظائف المخ والاعصاب

2- زيت عباد الشمس : غني بفيتامين هـ E المضاد للاكسدة والتي تبطئ اثار تقدم السن على تاخر وظائف الذاكرة

3- العنب البري: مثله مثل زيت عباد الشمس له قدرة على تاخير ظهور اعراض الشيخوخة على الذاكرة، كما انه يساعد على تقليل نسبة السكر بالدم مما سيكون مفيد جدا لمرشى السكري

4- اللحوم الحمراء : لاحتوائه على افضل مصدر للحديد الذي يمنع ظهرو مرض الزاهيمر في حين ان اغلب الناس يعتمدون على الدجاج فان اللحوم الحمراء لها فوائد اكبر
إظهار التوقيع
توقيع : semsemahasan
#6

افتراضي رد: انقذوني يابنات

كنوز الغذاء التي تنشط المناعة وتنشط المخ وتحافظ على شباب الجسم :

1- عسل النحل ( امتنان ) ، غذاء ملكات النحل

2- زيت السمك ( كبسولات أوميجا 3 بلاس ) في الصيدليات .

3- زيت كبد الحوت .

4- زيت الزيتون .

5- زيت الزنجبيل ، زيت الينسون ( كبسولات فيردو )

6- زيت بذرة الكتان ( الزيت الحـار )

7- الفواكه و الخضر والأسماك .

8- زيت حبة البركة : ( بركة كبسولات )

9- ابتلاع فصوص الثوم المقطعة بالماء أثناء الفطار ( يسمونه فصوص السحر في روسيا )

10- أكل بصل مع العشاء .

11- أكل لحوم أو أسماك كل يوم بمقدار 200 جرام ، لأن فيها أحماض أمينية لبناء الخلايا

12- المكسرات بجميع أنواعها : ( فسدق ، لوز ، عين جمل ، سوداني ، لب )

13- ممارسة الرياضة كل يوم في الصباح ، البكور في الفجر والنوم بعد العشاء بدون سهر



وفى ناس كتير أوى بيقولوا ان السمك حلو جدا لتنشيط الذاكرة
إظهار التوقيع
توقيع : semsemahasan
#7

افتراضي رد: انقذوني يابنات

شوفي هو النسيان اصبح داء ولكل داء دواء ازا لا تياسي وحاولي اول خطوة تعرفي السبب يلي بيلهيكي عن كل شي يعني يلي شاغل فكرك ولو ما فيش بكون مش غلط لو شفتي طبيب محتص وهو بيوصفلك علاج وتمارين لتقوية الزاكره
إظهار التوقيع
توقيع : نسيم البحر
#8

افتراضي رد: انقذوني يابنات

حبيبتى مرموره الل بيحصلك ده من كثر الضغوط والمشاكل النفسيه اللى بتعانيها
الخوف والقلق والتوتر والتفكير الدايم
وانتى لسه صغيره
حاولى تريحى نفسك شويه وفوضى امرك لربنا حاولى تغيرى جوى يعنى انتى ف حاجه لمعالجه نفسيه مش عصبيه
وان شاء الله كل امور تصير للا احسن
إظهار التوقيع
توقيع : ♥ احبك ربى ♥
#9

افتراضي رد: انقذوني يابنات


المشاركة الأصلية كتبت بواسطة نورى
صباح الخير عليكى يا مرمورة
متقلقيش كلنا عندنا المشكلة دى لن اسبابها بتيجى من ضغوط الحياة وانتى اكيد عندك حاجات شاغلة بالك
متقلقيش يا سكر
انتى اكيد بتحبى جوزك جدا لدرجة انك تنسى
يالا اضحكى بقى
والله ضحكتيني فعلا ياقمر وفي ناس كتر هنا عارفين انا بضحك على ايه هههههههه مشكورة حبيبتي على اهتمامك
#10

افتراضي رد: انقذوني يابنات


المشاركة الأصلية كتبت بواسطة semsemahasan
صباح الفل يا جميل
المكسرات عرفت ان فى منها بينشط الذاكرة
انا هجيبلك يا قمر اية المأكولات اللى بتنشط الذاكرة وجربيها الاول ولو لقدر الله مش عملت معاكى نتيجة يبقى تروحى لدكتور وبيكون دكتور مخ واعصاب
وألف سلامة عليكى يا جميل ان شاء الله هيكون نسيان عادى زى ماحنا بنسنا حاجات كتير اوووووووووووى
مش تقلقى ولا تحطى فى بالك خالص قصة انك بتنسى كتير لان اهم شئ فى العلاج العقل
يعنى انتى لو حطيتى فى تفكيرك انك بتنسى وخلاص الموضوع بيصعب عليكى وكدة اوهمتى نفسك يعنى حالتك بتسوء انما لو فكرتى انه عادى ماهى بتحصل مع ناس كتير ان شاء الله مش هيطلع فى حاجة
شكرا ياسمسومتى على تعبك ده كله معايا بس حاسه ان دماغي من جواها في هوى مش عارفه اوصفلكم بس هحاول اجرب انواع من الاكلات اللي جبتيهالي والله المستعان وربنا ما يحرمنيش منك ياحبيبة قلبي
#11

افتراضي رد: انقذوني يابنات


المشاركة الأصلية كتبت بواسطة لافالانتينا
طيب حبيبتى متنشغليش عن اللى ع النار عشان سلامة ابنك وسلامتك واظبطى منبه او رسالة تذكير ع الموبايل كمان ده لانك بتفكرى كتير بتسهى وزى ما قالتلك نورى كلنا بننسى بس لو عندك تايمر او حاجه اظبطيه يفكرك
والله التايمر عندى بايظ وانا دماغي بقت عامله زى المصفه وفعلا بفكر كتير ليل ونهار لما تعبت ولولا انى عايزه اربي ابنى كنت توسلت لله يخدني ويريحني استغفر الله العظيم معلش يارونى استحمليني
#12

افتراضي رد: انقذوني يابنات


المشاركة الأصلية كتبت بواسطة مرمورة
والله ضحكتيني فعلا ياقمر وفي ناس كتر هنا عارفين انا بضحك على ايه هههههههه مشكورة حبيبتي على اهتمامك
ههههههه انا عارفة انتى بتضحكى علي أية
إظهار التوقيع
توقيع : semsemahasan
#13

افتراضي رد: انقذوني يابنات


المشاركة الأصلية كتبت بواسطة مرمورة
والله التايمر عندى بايظ وانا دماغي بقت عامله زى المصفه وفعلا بفكر كتير ليل ونهار لما تعبت ولولا انى عايزه اربي ابنى كنت توسلت لله يخدني ويريحني استغفر الله العظيم معلش يارونى استحمليني
استغفر الله العظيم أوعى تقولى كدة عيب عليكى
انتى بس حاولى مش تفكر كتير
وكمان انتى بتقولى عايزة اربى ابنى يبقى تربى ابنك وانتى قوية وواثقة فى نفسك ولا وانتى لا قدر الله تعبانة

إظهار التوقيع
توقيع : semsemahasan
#14

افتراضي رد: انقذوني يابنات


المشاركة الأصلية كتبت بواسطة نسيم البحر
شوفي هو النسيان اصبح داء ولكل داء دواء ازا لا تياسي وحاولي اول خطوة تعرفي السبب يلي بيلهيكي عن كل شي يعني يلي شاغل فكرك ولو ما فيش بكون مش غلط لو شفتي طبيب محتص وهو بيوصفلك علاج وتمارين لتقوية الزاكره
حبيبتي ايوه في اسباب طبعا وضغوط كثيره شغله فكري
لكن الموضوع تطور عندى وبقى كده في كل الأوقات سواء فكري مشغول او لأ شكرا يانسيم على ردك واهتمامك جزاكى الله خيرا
#15

افتراضي رد: انقذوني يابنات

الف سلامه عليكى ياقمر وزى مالعدولات قالوليك متشغليش فكرك وبالك بحاجه
وكبري دماغك بصى حبيبتى لولاقدر الله انتى حاسه انك فى مشاكل كبيره سيبيها علي ربنا واعرفى انك احسن من غيرك كتيييييييييير
التفكير والزعل مش هتغير شئ الا بامر الله

وكنت سمعت ان فى تمرين للنسيان ولتنشيط الذاكره وهو انك تركزى فى صوره معينه اوبرواز وتشوفى الواناته وشكله وبعدين تغمضى عنيكى وتحاولى تفتكرى كل حاجه شوفتيها فى الصوره او البرواز
وتكررى التمرين

والف سلامه ياقمر
إظهار التوقيع
توقيع : nody86
#16

افتراضي رد: انقذوني يابنات


المشاركة الأصلية كتبت بواسطة ♥ احبك ربى ♥
حبيبتى مرموره الل بيحصلك ده من كثر الضغوط والمشاكل النفسيه اللى بتعانيها
الخوف والقلق والتوتر والتفكير الدايم
وانتى لسه صغيره
حاولى تريحى نفسك شويه وفوضى امرك لربنا حاولى تغيرى جوى يعنى انتى ف حاجه لمعالجه نفسيه مش عصبيه
وان شاء الله كل امور تصير للا احسن
والله يالينا مش عارفه اخلص من الضغوط دي لكن احسن كلمه قولتيها فوضي امرك لله (وافوض امري الى الله والله بصير بالعباد) بس الموضوع ابتدى من المشاكل والضوط النفسيه لكن دلوقتى تطور انى بنسى حتى انا عايزة ايه من السوق والأكل اللي بطبخه مقاديره ايه وبيتعمل ازاي يارب اعفي عني ادعيلي يالينا ادعولي كلكم
#17

افتراضي رد: انقذوني يابنات

المشكلة دى عند أغلب الناس والحمدللة ان ربنا انعم علينا بنعمة النسيان وألاكنا بنكلم نفسنا وأنا متأكدة يا مرمورةأنك هتحولى الموضوع لصالحك وتختارى وسيلةمن وسائل المساعدة اللى قدمتها العدولات ولا نحزفلك أجابتين
#18

افتراضي رد: انقذوني يابنات

كان الله فى العون النسيان ده عندينا كلانا مش انتى بس اكيد فى حاجه شغلاكى وبتفكرى فيها على فكره انا لما بتكون فى حاجه شغلانى بنسا اسماء اولادى بس كلاى تمر وموز وان شاء الله تكون مسائله مؤقته
#19

افتراضي رد: انقذوني يابنات

كلنا ننسى إلا أنه لا تشتغلي على النار فهي خطيرة ممكن تؤدي إلى كوارث عظيمة لا قدر الله
ان شاء الله أفادوك البنات بوصفات الذاكرة
#20

افتراضي رد: انقذوني يابنات

حبيبتى مروة اولا الف سلامه عليكى ثانيا لو انتى حاسه ان الموضوع خطير روحى لدكتور غدد هيطلب منك تحليل للغده عشان يشوف افراز هرموناتها مظبوط ولا لأ لانه ساعات بيبقى افراز الغده مش مظبوط وده بيسبب النسيان والتوهان وان شاء الله خير بس متسكتيش
#21

افتراضي رد: انقذوني يابنات

بصي يا قمررر انتي فكرتيني بايام الكلية كان بيبقي عندنا حفظ كتييييييييير وكنت دائما ببحث عن حاجات تقوي الذاكرة وحقولك الخلاصة بس انتي جربي وحتشعري بالفرق دي تجربة 4 سنين كلية بصي اول حاجة في فيتامين اسمه (فيتا مكس بلس) ده ممتاز جدا ومعمول من غذاء الملكات يعني امن جدا جدا ومش موجود الا في مصر وثمنه 35 جنيه وكمان لازم تاكلي الحاجات ال حقولك عليها وحتشوفي النتيجة وحتدعيلي (تونة-زبيب-وتمر-وحمص-وعين جمل وعسل ابيض-وبيض وسلمون وموز) وكمان جنزبيل لاني قرات عنه في كتاب قديييييييم جدا مكتوب فيه ده بيساعد علي الحفظ طبعا الحاجات دي مش لازم تاخذيها كلها لا اختاري ال تحبيه وداومي عليه وعلي فكرة الفيتامين ده ال قلت لكي عليه ده بيجعلك نشيطة وبعد فترة 3شهور حتشوفي شعرك وبشرتك فيها تحسن ونضارة كمان بجد فيتامين رووووعة وشفاكي الله وعفاكي
إظهار التوقيع
توقيع : nesrinaaa
#22

افتراضي رد: انقذوني يابنات

متقلقيش حبيبتى كلنا كده متكبريش الحكايه وتضغطى نفسك بس اهم حاجه النار لا قدر الله ربنا يكرمك ويخفف عنك يا قمر
إظهار التوقيع
توقيع : هبه شلبي
#23

افتراضي رد: انقذوني يابنات

حبيتي افضل شي لتقويه الذاكره انك تاكلي جوز الي هو هين الجمل وسبحان الله مرة قريت بحث بيقول انه هاد الجوز شكله متل الدماغ وهو مفيد جدا للدماغ وخاضه الذاكره وممكن كمان تاكلي زعتر ده فظييييييع والله يسهلك يا رب
#24

افتراضي رد: انقذوني يابنات

اللي باله مشغول دايما بيبقى كده وان فهمت ان عندك ضغوط نفسية تبقي محتاجة راحة نفسية ومن هنا لحد ما تحصلي عليها ان شاء الله استخدمي المنبه والمذكرات اللي في الموبايل والتايمر وخليكي جوه المطبخ طول مانت بتطبخي هاتي كرسي واقعدي فيه اعملي حاجتك وربنا يزيح عنك وعن كل مكروب يارب
إظهار التوقيع
توقيع : رحيق
#25

افتراضي رد: انقذوني يابنات


المشاركة الأصلية كتبت بواسطة منال عبد الفتاح
المشكلة دى عند أغلب الناس والحمدللة ان ربنا انعم علينا بنعمة النسيان وألاكنا بنكلم نفسنا وأنا متأكدة يا مرمورةأنك هتحولى الموضوع لصالحك وتختارى وسيلةمن وسائل المساعدة اللى قدمتها العدولات ولا نحزفلك أجابتين
لأ احذفيلي الاربع اجبات وريحيني يامنولة وفعلا ربنا انعم علينا بنعمة النسيان بس انا نفسي اخد فرصه انى انسى هههههههههه شكرا ياقمرعلى ردك
#26

افتراضي رد: انقذوني يابنات


المشاركة الأصلية كتبت بواسطة nody86
الف سلامه عليكى ياقمر وزى مالعدولات قالوليك متشغليش فكرك وبالك بحاجه

وكبري دماغك بصى حبيبتى لولاقدر الله انتى حاسه انك فى مشاكل كبيره سيبيها علي ربنا واعرفى انك احسن من غيرك كتيييييييييير
التفكير والزعل مش هتغير شئ الا بامر الله

وكنت سمعت ان فى تمرين للنسيان ولتنشيط الذاكره وهو انك تركزى فى صوره معينه اوبرواز وتشوفى الواناته وشكله وبعدين تغمضى عنيكى وتحاولى تفتكرى كل حاجه شوفتيها فى الصوره او البرواز
وتكررى التمرين

والف سلامه ياقمر
الله يسلمك من كل شر وسوء ياحبيبتي وطبعا انا سيبها لله بس الأنسان غصب عنه بيتأثر من اللي بيحصله ان شاء الله احاول اعمل التمريين ده ويارب يجعله بفيده وجزاكي الله خيرا ياقمر
#27

افتراضي رد: انقذوني يابنات


المشاركة الأصلية كتبت بواسطة حمديه
كان الله فى العون النسيان ده عندينا كلانا مش انتى بس اكيد فى حاجه شغلاكى وبتفكرى فيها على فكره انا لما بتكون فى حاجه شغلانى بنسا اسماء اولادى بس كلاى تمر وموز وان شاء الله تكون مسائله مؤقته
ربنا يباركلك في اولادك ياحمديه دول اللي بتحمل علشانهم وبيصبرونا على مواجع الحياه شكرا ياحبيبة قلبي على ردك
#28

افتراضي رد: انقذوني يابنات


المشاركة الأصلية كتبت بواسطة ام حمزه وعمر
حبيبتى مروة اولا الف سلامه عليكى ثانيا لو انتى حاسه ان الموضوع خطير روحى لدكتور غدد هيطلب منك تحليل للغده عشان يشوف افراز هرموناتها مظبوط ولا لأ لانه ساعات بيبقى افراز الغده مش مظبوط وده بيسبب النسيان والتوهان وان شاء الله خير بس متسكتيش
والله ياام حمزة هأجل موضوع الدكتور ده شويه علشان مش عايزة اوهم نفسي وادخل في تحاليل ومتاهات هجرب الأول الحجات اللي البنات قالولى عليها والله المستعان وادعيلي بقى
#29

افتراضي رد: انقذوني يابنات


المشاركة الأصلية كتبت بواسطة nesrinaaa
بصي يا قمررر انتي فكرتيني بايام الكلية كان بيبقي عندنا حفظ كتييييييييير وكنت دائما ببحث عن حاجات تقوي الذاكرة وحقولك الخلاصة بس انتي جربي وحتشعري بالفرق دي تجربة 4 سنين كلية بصي اول حاجة في فيتامين اسمه (فيتا مكس بلس) ده ممتاز جدا ومعمول من غذاء الملكات يعني امن جدا جدا ومش موجود الا في مصر وثمنه 35 جنيه وكمان لازم تاكلي الحاجات ال حقولك عليها وحتشوفي النتيجة وحتدعيلي (تونة-زبيب-وتمر-وحمص-وعين جمل وعسل ابيض-وبيض وسلمون وموز) وكمان جنزبيل لاني قرات عنه في كتاب قديييييييم جدا مكتوب فيه ده بيساعد علي الحفظ طبعا الحاجات دي مش لازم تاخذيها كلها لا اختاري ال تحبيه وداومي عليه وعلي فكرة الفيتامين ده ال قلت لكي عليه ده بيجعلك نشيطة وبعد فترة 3شهور حتشوفي شعرك وبشرتك فيها تحسن ونضارة كمان بجد فيتامين رووووعة وشفاكي الله وعفاكي
نسرينا بجد مش عارفه اشكرك ازاى ربنا يكرمك يارب ياحبيبتيان شاء الله هنزل كمان شويه اسأل على الفيتامين ده ويارب يجعله بالفايده ليا ويجزيكي ربي عني كل الخير والصحه والبركه
#30

افتراضي رد: انقذوني يابنات


المشاركة الأصلية كتبت بواسطة هبه شلبى
متقلقيش حبيبتى كلنا كده متكبريش الحكايه وتضغطى نفسك بس اهم حاجه النار لا قدر الله ربنا يكرمك ويخفف عنك يا قمر
يارب ادعيلي ياهبه ربنا يخفف عني في كل حياتيمش في المشكلة دي وبس ومبروك على الأشراف ياحبيبتي انا اسفه نسيت اباركلك
#31

افتراضي رد: انقذوني يابنات


المشاركة الأصلية كتبت بواسطة عابره طريق
حبيتي افضل شي لتقويه الذاكره انك تاكلي جوز الي هو هين الجمل وسبحان الله مرة قريت بحث بيقول انه هاد الجوز شكله متل الدماغ وهو مفيد جدا للدماغ وخاضه الذاكره وممكن كمان تاكلي زعتر ده فظييييييع والله يسهلك يا رب
والله انا مش بحب عين الجمل بس لو مفيده اجيبها واعتبرها دواء جزاكي الله خيرا على النصيحه حبيبتي
#32

افتراضي رد: انقذوني يابنات


المشاركة الأصلية كتبت بواسطة رحيق
اللي باله مشغول دايما بيبقى كده وان فهمت ان عندك ضغوط نفسية تبقي محتاجة راحة نفسية ومن هنا لحد ما تحصلي عليها ان شاء الله استخدمي المنبه والمذكرات اللي في الموبايل والتايمر وخليكي جوه المطبخ طول مانت بتطبخي هاتي كرسي واقعدي فيه اعملي حاجتك وربنا يزيح عنك وعن كل مكروب يارب
واجيب منين الراحه النفسيه يارحيق الحمدلله على كل حال ربنا يصلح احولنا جميعا وان شاء الله اعمل بنصائحكم وربنا كريم وعفو وشكرا حبيبتي على الرد والأهتمام
#33

افتراضي رد: انقذوني يابنات

اللهم فرج كربها و ازل همها
اللهم عافها و اعف عنها

حبيبتي انتي عندك ظرووف صعبة اوي يمكن انا عارفة منها القليل! بس أوصيكِ بالصبر لأنه مفتاح الفرج !
و كما قال تعالى:إن الله مع الصابرين
و أيضا:إنما يوفى الصابرون أجرهم بغير حساب
و: إِلاَّ الَّذِينَ صَبَرُواْ وَعَمِلُواْ الصَّالِحَاتِ أُوْلَـئِكَ لَهُم مَّغْفِرَةٌ وَأَجْرٌ كَبِيرٌ
و: وَجَزَاهُم بِمَا صَبَرُوا جَنَّةً وَحَرِيرًا
و: وَاصْبِرْ وَمَا صَبْرُكَ إِلاَّ بِالله وَلاَ تَحْزَنْ عَلَيْهِمْ وَلاَ تَكُ فِي ضَيْقٍ مِّمَّا يَمْكُرُونَ
و: فَاصْبِرْ صَبْرًا جَمِيلاً
و: وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ
و غيرها الكثييير فثواب الصبر كبييييير!!
و لا تنسي :أشد الناس بلاءً الأنبياء، ثم الأمثل فالأمثل..
يُبتلى الرجل على حسب دينه، فإن كان في دينه صلابة زيد في بلائه
إظهار التوقيع
توقيع : الـمـتـألـقـة
#34

افتراضي رد: انقذوني يابنات


المشاركة الأصلية كتبت بواسطة الـــمـــتـــألـــقـــة
اللهم فرج كربها و ازل همها

اللهم عافها و اعف عنها

حبيبتي انتي عندك ظرووف صعبة اوي يمكن انا عارفة منها القليل! بس أوصيكِ بالصبر لأنه مفتاح الفرج !
و كما قال تعالى:إن الله مع الصابرين


و أيضا:
إنما يوفى الصابرون أجرهم بغير حساب
و: إِلاَّ الَّذِينَ صَبَرُواْ وَعَمِلُواْ الصَّالِحَاتِ أُوْلَـئِكَ لَهُم مَّغْفِرَةٌ وَأَجْرٌ كَبِيرٌ
و: وَجَزَاهُم بِمَا صَبَرُوا جَنَّةً وَحَرِيرًا
و: وَاصْبِرْ وَمَا صَبْرُكَ إِلاَّ بِالله وَلاَ تَحْزَنْ عَلَيْهِمْ وَلاَ تَكُ فِي ضَيْقٍ مِّمَّا يَمْكُرُونَ
و: فَاصْبِرْ صَبْرًا جَمِيلاً
و: وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِينَ
و غيرها الكثييير فثواب الصبر كبييييير!!
و لا تنسي :أشد الناس بلاءً الأنبياء، ثم الأمثل فالأمثل..
يُبتلى الرجل على حسب دينه، فإن كان في دينه صلابة زيد في بلائه

حبيتي واختى الغاليه المتألقه مش عارف اشكرك ازاي كلماتك هونت عليا كتير وربي يجعل لي مع الصبر نصر ومع لضيق فرج ومع العسر يسرا انه وليي في الدنيا والأخره وليس لي سواه
حسبي الله ونعمة الوكيل
#35

افتراضي رد: انقذوني يابنات

ربنا معاك بالنسبة لمشكلة النسيان فكثير يشكو منها واولهم انا هههههههههه
اهم حاجة توكلي على الله وارمي حملك عليه وخلي ثقتك به كبيرة وان شاء الله مش هيسيبك باذن الله ينصرك عاجلا ام اجلا
واصبري فان الله مع الصابرين تعرفي انه اللي تصبر على مشاكلها وتفوض امرها لله مبشرة بالجنة
يااختي الدنيا فانية فلاتشغلي بالك بيها كثيرا ودائما توكلي على الله واحتسبيه وسلمي له امرك وان شاء الله تنالي الجنة
ربي يشفيك ان شاء الله
إظهار التوقيع
توقيع : ايمان المقصبي
#36

افتراضي رد: انقذوني يابنات

والله انا عندي نفس المشكله بالظبط وانا حاسه بيكي يااختي صاحبه الموضوع لدرجة اني بحط الحاجه ع النار واطلع من المطبخ وافضل اقول لنفسي (متنسيش اللي علي النار.........) واكررها كذا مره وبمجرد دخولي الاوضه للاسف انسي اللي علي النار وكذا مره جوزي نبهني بس غصب عني والله مش عارفه اعمل ايه ؟؟؟؟؟؟؟؟اخر مره رحت اغلي شويه ميه علشان اعمل رضعه لابني وطبعا كالعاده سبتها علي النار وانا ولا علي بالي صدفه اكتشف زوجي الميه خلااااااااص قربت تخلص من كتر الغليان......... يالا الله المستعاناتمني من الجميع الدعاء لي ولصاحبة الموضوع فدعاء المسلم لاخيه المسلم بظهر الغيب مستجابه ان شاء الله
إظهار التوقيع
توقيع : اماني الانصاري
#37

افتراضي رد: انقذوني يابنات


المشاركة الأصلية كتبت بواسطة اماني الانصاري
والله انا عندي نفس المشكله بالظبط وانا حاسه بيكي يااختي صاحبه الموضوع لدرجة اني بحط الحاجه ع النار واطلع من المطبخ وافضل اقول لنفسي (متنسيش اللي علي النار.........) واكررها كذا مره وبمجرد دخولي الاوضه للاسف انسي اللي علي النار وكذا مره جوزي نبهني بس غصب عني والله مش عارفه اعمل ايه ؟؟؟؟؟؟؟؟اخر مره رحت اغلي شويه ميه علشان اعمل رضعه لابني وطبعا كالعاده سبتها علي النار وانا ولا علي بالي صدفه اكتشف زوجي الميه خلااااااااص قربت تخلص من كتر الغليان......... يالا الله المستعاناتمني من الجميع الدعاء لي ولصاحبة الموضوع فدعاء المسلم لاخيه المسلم بظهر الغيب مستجابه ان شاء الله
ان شاء الله ربي يشفييكن ويعافيكن
بس كله من ضغوط الحياة هيا اللي تسبب مثل هذه الحالات ربي يعين الجميع ان شاء الله
إظهار التوقيع
توقيع : ايمان المقصبي
#38

افتراضي رد: انقذوني يابنات

اكثري من الصلاه علي الرسول
#39

افتراضي رد: انقذوني يابنات

يا ريت تقولو لي اكتب موضوع ازاي مع العلم اني داخله من موبايل
#40

افتراضي رد: انقذوني يابنات

الله يكون بعونك
#41

افتراضي رد: انقذوني يابنات

رد: انقذوني يابنات
رد: انقذوني يابنات
رد: انقذوني يابنات
إظهار التوقيع
توقيع : قوت القلوب 2
#42

افتراضي رد: انقذوني يابنات

رد: انقذوني يابنات
إظهار التوقيع
توقيع : اعجبتوني


قد تكوني مهتمة بالمواضيع التالية ايضاً
الموضوع كاتب الموضوع المنتدى
يابنات بسرعه انا مصدومه من كلام العريس يجى تانى ولالالا دمعه غالية فضفضة وحل المشاكل
الحقوني يابنات جنا عضها كلب جنا حبيبة ماما فضفضة وحل المشاكل
ليه يابنات بنلبس كده #بقلمى فتاة بالحياء تجملت فتيات تحت العشرين
يابنات يابنات ياحلوات اميرة مملكة الدار منوعات x منوعات - مواضيع مختلفة
انقذوني انقذوني انقذوني om tareq منوعات x منوعات - مواضيع مختلفة


الساعة الآن 01:32 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل