أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

لو مكاني ممكن توافقي؟

إضافة رد  أضف للمفضلة
https://vb.3dlat.com/showthread.php?t=103493
6180 22
#1

S030 لو مكاني ممكن توافقي؟

بنات انا جديدة في المنتدي بس متبعاكم من زمااااااااان

بصو بقي انا عندي 21 سنة و خريجة كلية قمة لسة متخرجة السنة دي و الحمد لله ناس كتيير بيقولو عليا امورة و في واحد كان معايا ف الكلية بيحبني موووووت و حاول يكلمني ع الموبايل بس انا رفضت علشان مش عايزة اغضب ربنا بس انا دخلت عنده ع الفيس و اتأكدت انه بيحبني جداااااااا و في واحد قريبي برضو بيحبني واضح جدا من تصرفاته بس هو مكلمنيش لغاية دلوقت علشان هو لسة خريج جديد و صعب نتخطب و انا بصراحة بحبه جدا بس مش مبيناله علشان انا خجولة اوووووووووي بس هو حاسس اني بحبه مهما حاولت اخبي اكيد بيبان عليا المهم بقي انا متقدملي عريس معاه دبلوم و غني جدا وممحترم اوي و كل الناس بتشكر فيه وواحد تاني متقدملي هو مدرس و حافظ القران كله و محضر دبلومة و ماجستير و احتمال يتعين وكيل نيابه بس في فرق شاسع في المستوي الاجتماعي بين عيلتننا و عليتهم .
انا رفضت العرسان دي علشان بحب قريبي اوي و صعب اتجوز غيره بس ماما عمالة تتخانق معايا وبتقولي انتي بضيعي الفرص من ايديكي و بكرة تكبري في السن و محدش يعبرك(هي متعرفش اني بحب قريبي و متعرفش انه بيحبني )
معلش صدعتكو معايا بس قولولي انا كدا صح ولا غلط
يارب اللي متخطبش تتخطب و اللي مخطوبه تتجوز والمتجوزة ربنا يرزقها ذريه صالحة







#2

افتراضي رد: لو مكاني ممكن توافقي؟

ايه يا بنات محدش هيعبرني و لا ايه انا عيزاكم تنصحوني ينفع اني استني حد مش ضامنة اوي انه يتقدم بس انه بموت فيه و لا اسمع كلام ماما و افكرفي العرسان اللي بيجولي

#3

افتراضي رد: لو مكاني ممكن توافقي؟

بصي لو حتعتمدي علي الحب وبس مش حتعرفي تعيشي لان الحياة مش حب وبس أنا عايزة أعرف انتي وابن عمك ماتكلمتوش ليه وايه فايدة الحب الصامت ده ؟ لازم تاخدوا خطوة لقدام يااما تشوفي حالك يابنتي عشان ده الحب اللي بيرجع للوراء أنا عاوزاكى تصلي صلاة استخارة وارضي باللي ربنا حيقسمهولك انتي قدامك ناس جد ومتقدمينلك وهو لسه واقف مكانه ان كان بيحبك لازم حيصارحك ويحاول يخلي علاقتكم رسمية زيه زي بقية الشباب حيدبر حاله عشان تتجوزوا اما لو ماعملش كده انا رأيي تشوفي الشخص المناسب في اللى اتقدمولك وتوافقي وتشيلي من دماغك خالص موضوع ابن عمك عشان مايجيش يوم وتندمى وبعدين انتي ليه مش قايلة لمامتك دي هي أقرب انسانة ممكن تدلك علي الطريق السليم صارحيها وخليكي صاحبتها هي اكتر انسانة تخاف عليكي وتبقي عايزة ليكي اللى في مصلحتك وربنا يقدملك اللي فيه الخير
إظهار التوقيع
توقيع : مايا علي
#4

افتراضي رد: لو مكاني ممكن توافقي؟

بصراحه انا معرفش انا فى حكايه بحبه وبيحبنى دى طيب وبعدين ده غلط حبيبتى
اختارى الى يدخل من الباب مش الى واقف مكانه يتفرج وميخدش خطوه ايجابيه
وبعدين انا من رايى متخديش اقل منك فى التعليم حتى لو غنى برده حيكون فيه اختلاف ثقافى وحيحس انك اعلى منه
إظهار التوقيع
توقيع : هبه شلبي
#5

افتراضي رد: لو مكاني ممكن توافقي؟

اختار صاحب الخلق والدين وسيبك من الحب لأنه لا بودي ولا بجيب
واللي بحب مابيظل واقف مكتوف الإدين لازم يتقدم خطوة للأمام اما حكاية انه يظل ساكت ومو عامل شي مالها اي مبرر
توكلي على الله وصلي استخاره وان شالله ربنا يختارلك الأفضل ولا تنسي عريس في اليد خير من عشره على الشجره الدنيا مالها امان والعمر بيجري
إظهار التوقيع
توقيع : om tareq
#6

افتراضي رد: لو مكاني ممكن توافقي؟

ربنا يكرمكم يا بنات و يريح بالكم زي ما ريحتوني ان شاء الله هصلي استخارة و ربنا يكتبلي الل فيه الخير
#7

افتراضي رد: لو مكاني ممكن توافقي؟

ان شاء الله البنات يكونو فادوكي
إظهار التوقيع
توقيع : الـمـتـألـقـة
#8

افتراضي رد: لو مكاني ممكن توافقي؟

ربنا يهديكي لما فيه الصواب وحكمي عقلك وقلبك وماتتجوزيش حد اقل منك ابدا صدقيني هاتتعبي
إظهار التوقيع
توقيع : لولو حبيب روحي
#9

افتراضي رد: لو مكاني ممكن توافقي؟

اوافق الاخت مايا بضرورة صلاة الاستخارة
فما خاب من استخار الله ودائما رددي هذا الدعاء
" اللهم اختر لي ولا تخيرني ، فان الخيرة فيما تختاره .. وما قضيت لي من امر فاجعل عاقبته لي يسرا
#10

افتراضي رد: لو مكاني ممكن توافقي؟

سيبك من الحب ياجميل لأن حب
بعد الزواج شئ تاني خالص
هتحسي بملل لما اللي بتحبيه كل
ده وبيحبك انه قلت مشاعره بعد
الزواج وده اللي دايما بيحصل وبيعمل مشاكل كتير لكن لو اتجوزتي شخص ويس تكوني مختاره بعقل وحكمه ش هتحكمي قلبك وبس
والحياة هتمشي لان فيها تعقل
صلي استخاره وشوفى ربنا هيسرلك مع مين وان شاء الله تلاقي الحب
في العشرة الطيبه والاطفال
وبيتك ومملكتك ربنا يهيئلك
اللي فيه الخير
#11

افتراضي رد: لو مكاني ممكن توافقي؟

اولا صلى صلاة استخارة وبعدين انت لسة صغيرة مافيش حاجة تجبرك انك تاخدى حد اقل منك وقريبك لو بيحبك بجد كان عمل اى حاجة علشانك وربنا يوفقك ويقدم لك الخير انت وبنات المسلمين
إظهار التوقيع
توقيع : ام سما و مايا
#12

افتراضي رد: لو مكاني ممكن توافقي؟

البنات كفو ووفو بصراحة
راجعي نفسك وشوفي انتي عايزة اية
إظهار التوقيع
توقيع : الملكة نفرتيتي
#13

افتراضي رد: لو مكاني ممكن توافقي؟

الاستخارة بتجيب من الاخر
اسأليني انا
إظهار التوقيع
توقيع : amira ali
#14

افتراضي رد: لو مكاني ممكن توافقي؟

لا انتى غلطانه و مامتك عندها حق العمر بيعدى و متزعليش منى دلوقتى ممكن بيجيلك فرص حلوه متعرفيش بعد كده هتجيلك نفس الفرص دى ولا لأ و بعدين قريبك ده ممكن يقعد 5 سنين يكون نفسه هتقدرى تستنيه و لو انتى استنيتى اهلك مش هيستنو و ممكن بكره يشتغل و يلاقى واحده فى الشغل حلوه و مع التعود و عشان كل يوم بيشوفها يحبها و يخطبها و انتى اللى هتطلعى من المولد بلا حمص
إظهار التوقيع
توقيع : snowwhitevido
#15

افتراضي رد: لو مكاني ممكن توافقي؟

بصى انتى بتقولى انك خريجة كليات قمة
واية اللى يجبرك تختارى دبلوم يا قمر
حبيبتى متخديش اقل منك بالتعليم ابدا حتى لو عندة مال قارون بيبقى عندة غيرة من تعليمك
وابعدى عن اللى واقف مكانة دة وخدى اللى شاريكى واكيد هو عارف انك خلصتى دراسة واكيد حيجيلك عرسان يبقى واقف مكانة لية وحيتحرك امتى لما تتخطبى
شوفى مصلحتك
#16

افتراضي رد: لو مكاني ممكن توافقي؟

انا اوافق راى مرمورة
#17

افتراضي رد: لو مكاني ممكن توافقي؟

ربنا ييسر أمورك ويديكي اللي فيه الخير ليكي يارب
حبيبتي صلي صلاة الاستخارة زي ما قالولك البنات
فما خاب من استخار
#18

افتراضي رد: لو مكاني ممكن توافقي؟

العدولات ردو واوفوا بصراحة وربنا يوفقك للاصلح
إظهار التوقيع
توقيع : شقاوة آنثى
#19

افتراضي رد: لو مكاني ممكن توافقي؟

والله ما شاء الله العدولات عندهم حكمة في الكلام ..كفوا و وفوا ...الله ييسرك امورك وكل المؤمنيييييييييين
#20

افتراضي رد: لو مكاني ممكن توافقي؟

حكمي عقلك وقلبك واللي مكتبلك تجوزية هتجوزيه والمهم انك تكوني راضيه
#21

افتراضي رد: لو مكاني ممكن توافقي؟

متزعليش من راي غلط
#22

افتراضي رد: لو مكاني ممكن توافقي؟

والله كلهم تحتارين بينهم مشاء الله
إظهار التوقيع
توقيع : mooni
#23

افتراضي رد: لو مكاني ممكن توافقي؟

طمنينا عليكي و ما تنسيش تفرحينا
إظهار التوقيع
توقيع : ام هنا


قد تكوني مهتمة بالمواضيع التالية ايضاً
الموضوع كاتب الموضوع المنتدى
تعملي ايه لو كنتي مكاني ......... انا مش لاقيه رد جنا حبيبة ماما سؤال وجواب
حاسة ان في واحدة هنا بتفتح مكاني Mannnar Khaled فضفضة وحل المشاكل
لو كنتوا مكاني تيه تعملوا طعم العمر سؤال وجواب


الساعة الآن 02:23 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل