أو

الدخول بواسطة حسابك بمواقع التواصل



يمكنك الآن التسجيل في عدلات. سجلي الآن وشاركي معنا وأحصلي على 100 نقطة هدية بداية تسجيلك! اربحي معنا من كتابة الموضوعات. شاركي معنا في عدلات واحصلي على نقاط تقييم لاستبدالها بدولارات!

7490 28
#1

حصرياً عايزة تعرفي فرحنا بشمال المغرب بيتعمل ازاي ادخلي وشوفي,تقاليد ومراسم حفلات الزفا

العرس الشمالي



لكل منطقة من المغرب عاداتها في اقامة حفلات الزفاف او العرس كما نسميه بالعامية,واحنا في المدن



الشمالية ,طنجة,تطوان,شفشاون(الشاون) عندنا نفس الزينة للعروس وترتيبات الزفاف تقريبا



انا ساقدم لكن شرحا وافيا للعرس الطنجي (نسبة لمدينة طنجة مسقط راسي)



ايام العرس عندنا عادة ينقسم من 4 الى 5 ايام



يوم نقش الحناء والدبيحة



يوم ليلة الحناء







يوم الحفلة الكبيرة ونسميها ظهر العروسة



ويوم الخرجة وليلة حناء العريس وفيه ياخد العريس عروسته



يوم الصبحية او الصباح كما نطلق عليه بالعامية(وهو على اهل العريس)



والان سابدا لكن المراسم وساقدم لكن الشرح الكافي والتفاصيل الكاملة



تجتمع عائلة العروس قبل حفل الزفاف ب 15 يوما كي يبداو باخراج العزومة ويبداو بالتهاليل والزغاريد



والصلاة على رسول الله ,وهذا مانقوله في كل وقت من بداية العرس وحتى نهايته



الصلاة والسلام عليك ارسول الله



لاجاه الاجاه سيدنا محمد



الله مع الجاه العالي



اتبارك الله والصلاة عليك ارسول الله



العاشقين في النبي صلو عليه



وتتبعها الزغروتة المغربية هي طويلة نوعا ما وبتختلف عن الزغروتة المصرية



وبعدها بيروحو الاشخاص المختارين عشان يعزمو الناس على الفرح



ونيجي نتكلم عن العروسة ,العروسة عندنا مابتطلعش من البيت ولا بتشوف زوجها لمدة 15 يوم



على الاقل عشان وشها ينور فيوم فرحها وبنقول عليها العروسة المسرارة



ودلوقتي نيجي على يوم




إظهار التوقيع
توقيع : ام الاء وبيان2
#2

افتراضي رد: عايزة تعرفي فرحنا بشمال المغرب بيتعمل ازاي ادخلي وشوفي,تقاليد ومراسم حفلات ا




حمام العروسة, نقش الحناء والدبيحة



في اليوم ده بتروح بدري للحمام مع شلة من البنات صديقاتها واخواتها وبنات العيلة



ودول كمان لازم تعزمهم بالاسم عشان هي اللي بتدفع عنهم ههههههه



وبياخدو معاهم حناء ومكسرات وحلويات, عشان يوزعوهم على العاملات بالحمام بعد ما يخلصو استحمام و لازم يقولو للمسؤولات انوا عندنا فرح ويعرفوهم على العروسة عشان يهتمو بها ويقدمولها عناية خاصة,وفي اغلب الاحيان يتم حجز الحمام بايام قبل الزفاف.



وبيبقى الحمام كلو منسم برائحة النعناع و يشعلو الشمع في كل مكان, وبيهللولها ويصلو على المصطفى ويزغرتولها قبل ماتدخل تستحم,وبعد ما تخلص.



وبيعملولها اقنعة من الغسول المغربي ,ويدهنولها حناء فكل جسمها عشان الحناء مفيدة للجسم,



ولما تنتهي من الغسل تلبس ملابسها الداخلية الجديدة, وقفطان مغربي ابيض مطرز



ومخصص لليوم ده, وبتحط براسها فولار خاص ,وبتلبس الشربيل في رجليها, اللي هو البلغة المغربية ومبتحطش في اليوم ده لاكحل ولا اي حاجة,وكمان لازم تلبس نقاب هي واثنين من صاحباتها عشان متتعرفش مين هي العروسة...



لازم تبقى على طبيعتها اللي طلعت منها من الحمام,ويرجعوها عالبيت بالتهاليل والزغاريد وفي اسر بتستقبل العروس بالغيطة(الطبل والزمر) ,



وفي البيت بتلاقي مكان مخصوص ليها عشان تقعد فيه, وبيبقى معمولها زي المنصة

ادخلي, ازاي, الزفا, المغرب, بشمال, بيتعمل, تعرفي, تقاليد, حفلات, عايزة, فرحنا, وشوفي, ومراسم



عشان تبقى مرتاحة وتبتديلها المختصة بنقش الحناء ,احنا بنسميها النقاشة بالعامية



والنقشة بتكون بتغطي الايدين والارجل, يعني مش خفيفة زي النقش الهندي والخليجي



وقاع الرجلين بيدهنولها بخليط الحناء.

ادخلي, ازاي, الزفا, المغرب, بشمال, بيتعمل, تعرفي, تقاليد, حفلات, عايزة, فرحنا, وشوفي, ومراسم






وبالوقت ده بيجيبوا العجل قبل ذبحو وبيزينولو قرنيه بالورد وكمان الفولار الخاص المزين بازهى الالوان, وبيحطو على ظهرو المنديل الجبلي , ولازم العيلة كلها تنزل الشارع عشان يدوروه, ووراء العجل بيبقى في شابين رافعين الاعلام (العلم المغربي),وبيدوروه واكيد بيبقى فيه الطبل والزمر ومجموعات ثانية وبيبقو يدوروه في الاحياء المحيطة, كنوع من الاعلان



والشباب بيرقصو مع الاطفال والنساء بتهلل وتكبر وتصلي على الحبيب وبتبلل الماشيين بالموكب,بماء الزهر,



وكمان بيبقى ماشي وراهم عربات متزينة ومليانة مشاريب, سكر....الخ



وهدايا للعروس.



وبعدها بيرجعوا للبيت ويذبحو العجل وسط اللمة.



والعروسة بتفضل في مكانها طول اليوم ,واهلها او صحابها بياكلوها ويشربوها



ويدللوها.



ادخلي, ازاي, الزفا, المغرب, بشمال, بيتعمل, تعرفي, تقاليد, حفلات, عايزة, فرحنا, وشوفي, ومراسم




وعندنا احنا مبيبقاش الفرح مختلط فالكل بياخد راحتوا والبنات بيرقصو



والعروسة قاعدة وبتتفرج هههههههههه



ومغطية راسها بطرحة طويلة وهي زي الساري بيغطي كل جسمها بس بيبقى شفاف يعني بيبين القفطان من تحته.



وعشان الحناء تطلع حلوة, كل شوية ومن غير ما تقشرها بيسقوهالها بالليمون مع السكر والزنجبيل



وفص ثوم بيعملوه فكوب زي السيروم ,وقبل النوم بيغطولها ايدها ورجليها بالقطن ويلبسوها قفازات وجوارب.



ونيجي دلوقتي على ....



ليلة الحناء الكبيرة



ودي بتطول شوي ومبتبتديش غير 10بالليل وممكن تخلص ل2 الصبح, وفيها العروس بتلبس قفطان ثاني باللون الابيض او الفضي او الذهبي



وبتلبس ذهبها وبتتكحل بس مابتحطش اي حاجة غير الكحل



وبتحط الطرحة وطبعا بتغطي بس شعرها بس رقبتها بتبقى باينة وبتحط الساري الطويل على راسها



وبتقعد مكانها ,وفي النهاردة بتتغدى العيلة مع بعض وكمان بتبقى فيه عزومة يا عالغدا يا عالعشا للرجالة اللي بيتعزمو من ابوها.



وبالليل تغير مرة ثانية وبتفرد شعرها وبتلبس ذهبها وبترتدي القفطان المخصص لليلة الحنا واللي بيكون محضرين منصة بنفس لونوا,



ومناديل مخصصة لليلة دي وبتبقى محطوطة على صينية مخصصة بارجل بيقى محطوط فيها لوازم الليلة دي



وهي صينية بارجل موضوع فيها زبدية فوسطها مسحوق الحناء ووسطها بيضتين واسوارة غليظة من الفضة



المنقوشة عشان بيحتاجوه بالمراسم, وكمان قالب كبير من السكر ,ومجموعة كبيرة من الشموع



وشمعتين كبيرتين ومناديل وغوانت مخصصة عشان المراسم وكمان طرحة ثانية طويلة وحقولكو ليه بعدين,



العروسة مبتكنش قاعدة قدام الناس, وكمان الصينية يعني بتكون بغرفة قاعدة وحدها حتى يتجمع المعزومين, وبعدها يروحو البنات واصحابها يجيبوها ,واثنين منهم بيحملو الصينية وبتتبعهم العروسة و الطرحة بتبقى نازلة على عينيها



وسط الزغاريد والموسيقى او الاناشيد, او فرقة مخصصة لليلة دي (الفقاير التراثية)والليلة دي بيحضرو فيها اخوات او اللي بيمثل اهل العريس.



وبتقعد العروس في المنصة المخصصة ليها, ووقتها بتوقف الموسيقى وبتييجي ست بنقولو عليها العدادة وهي



لازم تكون بتملك خامة صوتية قوية, وحافظة المراسم كلها لانها طويلة اوي, وهي عبارة عن نص زي البردة تكثر فيه الصلاة على الرسول وال بيته ,ووصايا الام لابنتها,وبتشعل الشمع وتديه للبنوتات الصغيرين والانسات اما الشمعتين الكبيرتين فبيحملوهم اللي بيقعدو على يمين ويسار العروسة , وتيجي واحدة بتكون مختارة من قبل العروسة يعني من العيلة او الصحاب المقربين منها,وشرط تكون متجوزة قبلها وعايشة بسعادة ولسة شباب ههه,عشان تتبادل معاها الطرحة يعني الطرحة اللي بتكون بالصينية العدادة بتحطها على راسها (الست المختارة),وبتوقف العروسة وبتقربها لراس صاحبتها وتقلب الطرحة اللي كانت لابساها العروسة بالطرحة اللي لابساها صاحبتها او المتجوزة يعني كانها بتديها الشعلة هههههه.


ادخلي, ازاي, الزفا, المغرب, بشمال, بيتعمل, تعرفي, تقاليد, حفلات, عايزة, فرحنا, وشوفي, ومراسم






وبترمي الطرحة اللي كانت براس العروسة للبنات عشان ييجي دورهم,زي عادة الورد,وكل ده والعد شغال وهي بترش بماء الزهر عالعروسة والبنات واكيد اللي قلبو رهيف تلاقي دموعوا ترف على خدو هههههههههه. والعروسة اه يا عيني مقلكمشي ههه......



واصلا مفيش حد مبيعيطش لانو الكلام بيقشعر بصراحة....



ولما تخلص يقومو البنات ويتناوبو على الرقص بصينية الحناء,ويقومو العروسة يدخلوها الاوضة ,عشان الناس تتعشى وتروح لانو بتخلص عادة الساعة 2 الصبح,زي ماقلتلكم في الاول,ودلوقتي جينا على اهم يوم بالفرح وهو....

إظهار التوقيع
توقيع : ام الاء وبيان2
#3

افتراضي رد: عايزة تعرفي فرحنا بشمال المغرب بيتعمل ازاي ادخلي وشوفي,تقاليد ومراسم حفلات ا



الظهر



انا الصراحة مش عارفة بيسموه بالاسم ده ليه وهو بيبتدي الساعة 6 مساءا واكيد المعازيم مبتجيش حتى الساعة 7ونص



واليوم ده لازم يكون في قاعة او صالة الافراح.



باليوم ده العروس بتتزين بزينتين اساسيتين, يعني بتييجي المزينة او الكوافيرة وليكن في علمكن انو لازم تكوني مدياها العربون قبل الفرح بسنة ,وكمان الاسم بتاعها بيفرق وكمان اسعارها ,يعني كل ماكانت مشهورة كل ما كان احسن ههههههههههه.


واول زينة بتعملهالها هي زينة الشدة وهي اللي في الصورة سموها بالاسم ده عشان العروس لازم تبقى عينيها مقفولين ومشدودة راسها وهي ثقيلة اوي ,عشان الاكسسوارات اللي فيها بتبقى من الاحجار ومن العقيق الحر.


ادخلي, ازاي, الزفا, المغرب, بشمال, بيتعمل, تعرفي, تقاليد, حفلات, عايزة, فرحنا, وشوفي, ومراسم



ودي واحدة ثانية


ادخلي, ازاي, الزفا, المغرب, بشمال, بيتعمل, تعرفي, تقاليد, حفلات, عايزة, فرحنا, وشوفي, ومراسم






وبتتصور مع العيلة والاصحاب ولوحدها, وبعدين لازم تطلع لغرفة مخصصة عشان تتصور مع عريسها لانو زي ما قلتلكم مابنختلطش ,بس في ناس بتدخل العريس يتصور مع عروستو وسط اللمة,بس قليل.



وبعدها تروح للاوضة عشان المزينة تقلعلها وتمسحلها المايكاب, عشان تحضرها لزينتها الثانية ودي بنسميها زينة الاميرة,وكل واحدة بتعملها بلون مختلف, وبتكون خفيفة شوي شوفو الصورة دي نموذج منها.

ادخلي, ازاي, الزفا, المغرب, بشمال, بيتعمل, تعرفي, تقاليد, حفلات, عايزة, فرحنا, وشوفي, ومراسم





وبتنزل عند المعازيم وكمان قبل ما يقعدوها, بيدوروها فكل زوايا الصالة عشان كل الحاضرين يشوفوها,ويصلو على النبي عليه الصلاة واالسلام ,بس المرة دي عينيها مفتوحين هههههه وبتشاورلهم ويشاورولها, وكمان اغنية يا اميرة يا بنت الامراء بتبقى ملعلعة ههه, وبعدها بيقعدوها بالمنصة تتصور, وبعدها بتقوم وتركب على المايدة وهي زي العرباية ليها اشكال والوان مختلفة وبتناسب زينتها,زي الصورة


ادخلي, ازاي, الزفا, المغرب, بشمال, بيتعمل, تعرفي, تقاليد, حفلات, عايزة, فرحنا, وشوفي, ومراسم



وبيحملوها 4 ستات مخصصين باكتافهم ويدورها في كل ا رجاء الصالة,والعروسة بتكون قاعدة متربعة ووبيحطولها فحجرها سلة مليانة شكلاطة وحلويات ,وبتبتدى ترميها على المعازيم وكمان ورد ,وبعدين الستات دول يوقفوها ويمسكو ايديها ويرقصوها من فوق , ولما يخلصو ينزلوها عالارض وييجو بنات العيلة وصحباتها ويعملو دايرة والعروس بتبقى فوسطها وهما يتناوبو على الرقص معاها على فكرة مش رقص رقص هما بس بيمسكولها ايدها ويحركوها ,عشان لو العروسة رقصت حتبقى مصيبة وحيقولو عليها انها مبتخجلش من حاجة ومتسربعة على الجواز وغيروهههه.




وبعد كدة تطلع تتصور مع زوجها واخوانها وابوها وعمامها ,وبعدها بيرجع عريسها لبيتو ,وهي كمان بترجع لبيت ابوها حتى ييجي ياخدها منو.


إظهار التوقيع
توقيع : ام الاء وبيان2
#4

افتراضي رد: عايزة تعرفي فرحنا بشمال المغرب بيتعمل ازاي ادخلي وشوفي,تقاليد ومراسم حفلات ا



يوم الخرجة (ليلة الدخلة)



اليوم ده بيكون يا بنفس ليلة الظهر يا بالليلة اللي بعدها ,عشان العريس بيعمل ليلة الحناء بتاعو يومها, واول ما تخلص يروح يجيب عروستو,بس ممكن تفضل الليلة بتاعو لغاية 4 الصبح وبعدها يروح يغير الجلابة والجبادور المغربي ويلبس الطقم بتاعو.


ادخلي, ازاي, الزفا, المغرب, بشمال, بيتعمل, تعرفي, تقاليد, حفلات, عايزة, فرحنا, وشوفي, ومراسم


عشان كدة المزينة بالعادة مبتجيش لغاية 2 الصبح او لما تتصل بيها ام العروسة ,اللي بدورها بتكون على دراية باللي بيحصل في حناء العريس,طبعا لانو اخوان وابو العروسة واعمامها بيكونو حاضرين عندو,وبعد ماتقرب الليلة تخلص ,تيجي المزينة وتلبس العروسة فستانها الابيض وتعملها التسريحة والمايكاب, ويطلعوها ويقعدوها بمكانها.


ادخلي, ازاي, الزفا, المغرب, بشمال, بيتعمل, تعرفي, تقاليد, حفلات, عايزة, فرحنا, وشوفي, ومراسم



,وعيلتها تستغل الفرصة عشان تتصور قبل ما يوصل العريس ,عشان وكمان المصورة بتعملها صور ولقطات حلوة ,بس اول ما بيتسمع زمارات وكلاكسونات العربيات,بيحطولها الطرحة على وشها, ولما ييجي اكيد بيجيب معاه الفرقة اللي بتزفهم, بس المرة دي بيدخل بنفسو عشان ياخد عروستو ,اللي بتكون قاعدة بالمكان المخصص ليها, وهو لما بيدخل بيرفعلها الطرحة,ويطبع قبلة على جبينها ويقعد يتصور معاها ومع عيلتو ,بس اكيد كلهم نسوان عشان الرجالة بتستنى ستاتهم في العربيات ,وبعدها بيقوم العريس وبيمسك ايد عروستو ويقطعو الجاتو لو فيه جاتو هههه,لانو مش الكل بيعمل الجاتو, ووبييجو يلبسوها السلهام فوق الفستان,


ادخلي, ازاي, الزفا, المغرب, بشمال, بيتعمل, تعرفي, تقاليد, حفلات, عايزة, فرحنا, وشوفي, ومراسم




عشان تكون متغطية ومبيبانش منها حاجة حتى عيونهاا ,وتدخل العربية المتزينة مع عريسها,وقبل مايروحو لبيتهم لازم يلفو في المدينة كلها, وعلى شط البحر,وفي اماكن بيلفو عليها 7 لفات ههههههه وكل العيلة وراها بيزمرو بعربياتهم,ولما توصل عالبيت لازم حماتها تستقبلها بصينية عليها حليب وتمر محشي بالفواكه الجافة, وزوجها بيشربها من الحليب وهي بتشربو وبياكلو بعض التمر ,وكمان بيوزعو لعيلتها اللي جات معاها, واللي بعدها بيروحو لحال سبيلهم وبكدة تخلص الليلة,



وفي الصبح عيلة العريس بتعمل الفطار ,يعني الحريرة والحاجات المصاحبة لفطور العرسان, وكمان العريس بيجيب لمراتو هدايا من الذهب (طفم مجوهرات, سلسال وخواتم...)بصينية وبنسميها تصبيحة العريس,وكمان العروسة بتدي هدية لعريسها ,ولاخواتو واومو وابوه ,وعادة بتكون اثوبة للقفطان المغربي او الجلابة ,وهما بيهدوها بدورهم , وعيلة العروس كمان بتيجي وتجيب فايديها فطور للعرسان,واطباق حلويات,وتشوف وتطمن على بنتها بس من غير الام,عشان بتيجي بالليل بالسهرة, وبياخدو معاهم تصبيحة العريس عشان تشوفها امها والعيلة ,وبعدها بيرجعولها في حفلة الصبحية ,ودي كمان بتتعمل في قاعة افراح,او في ناس بتعملها بالبيت.



بس بتكون على حساب اهل العريس كنوع من الفرحة بعروسة ابنهم او الكنة الجديدة,وبتيجي المزينة وتعمل زينة واحدة زي دي مثلا......


ادخلي, ازاي, الزفا, المغرب, بشمال, بيتعمل, تعرفي, تقاليد, حفلات, عايزة, فرحنا, وشوفي, ومراسم






وبعد كدة بيكون خلص حفل الزفاف بس قبل ما انسى في عادة ثانية ,انو يوم الجمعة الاول للعروس العيلتين بيتجمعو



والعروس تتزين كمان بس من غير تاج ههههههههههه




بتمنى اني اكون عرفت ابسطلكم واشرحلكم بالتدقيق وتكونو فهمتوني


وان شاء الله المرة اللي جاية اشرحلكم عن ليلة العريس, عشان هو كمان عندو عادات حلوة بجد,اه ومقلكمش العروس بتبقى تستنى وتحضر هي وعيلتها بس لما بييجي وقت حفل الزفاف بيمر الوقت طيران


لااحلل ولا اسامح لمن ينسب موضوعي لنفسه




إظهار التوقيع
توقيع : ام الاء وبيان2
#5

افتراضي رد: عايزة تعرفي فرحنا بشمال المغرب بيتعمل ازاي ادخلي وشوفي,تقاليد ومراسم حفلات ا

الله عادات حلوة اوى
العروسه عندكم بتدلع اخر دلع
تسلمى يا نوءه عالموضوع الجميل
واحلى تقييم لعيونك

إظهار التوقيع
توقيع : Frawla
#6

افتراضي رد: عايزة تعرفي فرحنا بشمال المغرب بيتعمل ازاي ادخلي وشوفي,تقاليد ومراسم حفلات ا

يسلمو يا عدولة لو سمحتي اطمسي الصور جيدا بعضها مو مطموسة

الكلمات الدليلية
ادخلي, ازاي, الزفا, المغرب, بشمال, بيتعمل, تعرفي, تقاليد, حفلات, عايزة, فرحنا, وشوفي, ومراسم

أدوات الموضوع

الانتقال السريع

قد تكوني مهتمة بالمواضيع التالية ايضاً
الموضوع كاتب الموضوع المنتدى
رحلة سياحية الى مدن المغرب .. والتعرف على سياحة المغرب ..؟؟ اماني 2011 عدلات للسياحة والسفر والرحلات



الساعة الآن 02:35 AM


جميع المشاركات تمثل وجهة نظر كاتبها وليس بالضرورة وجهة نظر الموقع


خيارات الاستايل

  • صورة خلفية
  • عرض الصفحة
  • تصميم جدول المنتدى
  • فصل الاقسام
  • صور المنتديات
  • خلفية المنتدى
  • اللون الاول
  • اللون الثاني
  • لون الروابط
  • الخط الصغير
  • اخر مشاركة
  • حجم خط الموضوع
  • طريقة عرض الردود
إرجاع الخيارات الافتراضية

التسجيل للنساء فقط

نعم أنا بنت لا أنا ولد
أو

التسجيل بواسطة حسابك بمواقع التواصل