أو

الدخول بواسطة حسابك بمواقع التواصل

#1

حصرياً جروب رجيم اللقيمات

بسم الله الرحمن الرحيم

السلام عليكم ورحمه الله وبركاته



كيفكم ياحلوين ايه الاخبارعساكم بخير ان شاء الله
انا لقيت نفسي فاضيه كده فقولت اعمل جروب رجيم اللقيمات اقتداء برسولنا الكريم صلي الله عليه وسلم
وليه كمان عشان انا تخينه ههههههههه وعوزاكم معايا تشجعوني ياحلوين
يلا نبدا



بسم الله الرحمن الرحيم

الاول نتعرف على اللقيمات ونعرف ايه المقصود بيها

وهو نظام غذائى لانقاص الوزن ويعتمد فى الاساس على الحديث الشريف
...

"ما ملأ ابن آدم وعاءً شراً من بطنه.بحسب ابن آدم لقيمات يقمن صلبه،فإن كان لا بد فاعلاً فثلث لطعامه وثلث لشرابه وثلث لنفسه" صدق رسول الله صلى الله عليه وسلم


تعريف اللقيمه

واللقيمه هى أى طعام أو شراب (تلت الكف أو نصف الكوب ) بحيث يعطى الطاقه الكافيه واى نوع من الطعام يمكن ان يستخدم كلقيمه



وكل لقيمة ثلاث اجزاء
(2كوب ماء...نص كوب اى مشروب .....فاللقيمة...فحبتين لوز او 5حبات سوداني)ولا نتناول شيئ بعد اللوز لمدة ساعه حتى تزداد تنشيط نقطة الهاشمى لشبع المعدة



تعريف وجبه اللا محاله

وهى الوجبه الرئيسيه بالنسبه لمعظم الناس ويمكن تناولها ظهرا أو مساءا



وللتخلص السريع من السمنه المفرطه نصحت الناس بتناول بعض الاغذيه مثل (التوت والكرز والفراوله والرمان وكذلك البتنجان والفلفل الرومى والعنب الاحمر والكرنب الاحمر والبرقوق الاحمر والارسيا


وده نظام للاسبوع الاول من الرجيم
وبعد كده هناخدعليه وهنعمله بنفسنا


اليوم الاول

6لقيمات+2 لامحاله+(1الي 5شائ او نسكافيه 1م سكر)

2كوب ماءوبعد ربع ساعة 2لقيمة معا+كوب شاى او نسكافيه(1سكر+ربع لبن)
طوال اليوم 4 لقيمات +وجبة لامحالة
وقبل النوم بساعة وجبة لامحالة

اللقيمه عباره عن
نصف سنكرز او نصف جلاكسى
او = ربع بلدى (1 توست او بيتى بان)+2فول او شريح جبن او ملعقة حلاوة او مربى
او=برتقالة –موزة –تفاحة -2يوسفى
او علبة زبادى (سادة او بالفاكهة)


وجبة لامحالة=3 اطباق:
لمن وزنها اقل من80ك=كوب وربع من اكل المنزل فى اول طبق+كوب ونصف سلاطة فى ثانى طبق+قطعة حلوى (حجم علبة الكبريت الصغيرة)فى ثالث طبق


2.لمن وزنها اكثر من 100ك=كوب ونصف من اكل المنزل فى اول طبق +كوب ونصف سلاطة فى ثانى طبق+قطعة حلوى (حجم علبة الكبريت الصغيرة)فى ثالث طبق

3.لمن وزنها بين 80-100 ك وجبة لامحالة مثل فئة 1 ووجبة لامحالة مثل فئة 2



بين كل لقيمه واخري من 2الي 4 ساعات


اليوم الثاني


2لقيمة .... 3مرات
+لا محالة...... 2مرة
+9 أكواب ماء
+(1-5 شاى او نسكافيه بكل كوب ملعقة سكر)
..................
الامحالة.........تكرر مرتين للجميع(4ساعات فارق زمنى) وفى كل مرة:
1

.لمن وزنها اقل من80ك=كوب من اكل المنزل فى اول طبق+كوب ونصف سلاطة فى ثانى طبق+قطعة حلوى (حجم علبة الكبريت الصغيرة)فى ثالث طبق

2.لمن وزنها بين 80-100 ك وجبة لامحالة مثل فئة 1 ووجبة لامحالة مثل فئة 3


3.لمن وزنها اكثر من 100ك=كوب ونصف من اكل المنزل فى اول طبق +كوب ونصف سلاطة فى ثانى طبق+قطعة حلوى (حجم علبة الكبريت الصغيرة)فى ثالث طبق



اليوم الثالث


اليوم 3 وجبات لامحالة ..بدون لقيمات.
وبذلك نتعرف على اقصى ما يمكن ان ناكله فى يوم واحد.(فى ايام العيد مثلا)
وهذا مشابه لنظامنا اليومى المعتاد(افطار -غذاء -عشاء)
كل وجبة لامحالة(كوب ونصف طعام- ومثلها شراب او سلاطة- و2ملعقة حلوى)...ولا ننسى ان الماء و الشاى يكون قبل هذه الوجبات الثلاثة بنصف ساعة





اليوم الرابع

6وجبات لقيمات...ولن نتناول اليوم وجبات لا محالة
وسوف تتكون كل لقيمة من :
1...2كوب ماء+نصف كوب اى سائل آخر
2....اللقيمة
3....قطعة حلوى صغيرة (بحجم علبة الكبريت)
4...2حبة لوز(او 5 سودانى)
ونترك 5 دقائق بين كل نقطة واخرى



اليوم الخامس

-البرنامج يشمل 6 وجبات :4لقيمات فاكهه ثم فى نهاية اليوم 2 وجبة لا محالة :نشويات وبروتين
وسوف تتكون كل لقيمة من :
1...2كوب ماء+نصف كوب اى سائل آخر
2....اللقيمة(ثمرة فاكهه او خضار)
3....قطعة حلوى صغيرة (بحجم علبة الكبريت)
4...2حبة لوز(او 5 سودانى)
ونترك 5 دقائق بين كل نقطة واخرى

وتتكون وجبتى الامحالة من(مكرونة او بتزا+بروتين) وبينهما 3 ساعات


اليوم السادس

نفس اليوم الخامس

اليوم السابع


اللقيمات تتكون من 20جم شيكولاته وتكرر 4 مرات

وجبة لامحالة (للاوزان حتى 90 )ووجبة ونصف(للاوزان 90-120)ووجبتين لما فوق ذلك



اليوم الثامن

واليوم سننشط الدهون البنية الموجودة بين الاكتاف:
1.اللقيمات تكون من البنفسجيات:كوب فراولة-توست مع ملعقة كبيرة مربى. التوت او الكرز-او...اصبع باذنجان(مخلل-او محشى –او مشوى)
2.السلاطة (فى وجبة الامحالة)بها كوب كرنب احمر
3.الامحالة :باذنجان محشى ملئ كوب ونصف
4.الحلو :3 تمرات مع مربع شيكولاته


وياريت ما ننساش الصلاه والسلام علي اشرف الخلق سيدنا محمد عليه افصل الصلاه والسلام
وعلي فكره في اول شهر رياضه خفيفه جدا عشان ما نحسش بجوع ونتعود عليالاكل



ياريت الاقي تشجيع واشتراك والله يا جماعه الحكايه شكلها سهل ان شاء الله وهناكل كل اللي نفسنا فيه وهنخس وكمان هناخد اجر كبير لاقتدائنا بالرسول الكريم
وهنمشي علي سنه المصطفي صلي الله عليه وسلم
وعلي فكره الوزن اللي هينزل مش هيرجع تاني بس الصبر وندخا نشجهع بعض
ونكتب الاسم والوزن والطول والوزن اللي نفسك فيه
وعلي فكره الميزان كل شهر عشان احنا هننزل بالراحه عشان مانرجعش تاني
بس خليكو معايا وحده وحده
مستنياكم





بياناتي
الاسم بطه
الوزن 102
الطول 157
نفسي انزل كل شهر 5 كيلو بس المهم ما يرجعوش تاني
هههههه

مستنياكم



إظهار التوقيع
توقيع : بطه
#2

افتراضي رد: جروب رجيم اللقيمات

فينكم ياحلوين مستنياكم
ان شاء الله هبداء من يوم السبت
ودلوقت انا بحاول اظبط يومي من اكل ونوم

إظهار التوقيع
توقيع : بطه
#3

افتراضي رد: جروب رجيم اللقيمات

ايه ده يابنات احبطوني
ولا رد ولا حتي دعوه اني اخس
ولا حتي حد يصلي علي الرسول عليه افضل الصلاه والسلام
انا زعلانه منكو وهعيط اهي اهي اهي

إظهار التوقيع
توقيع : بطه
#4

افتراضي رد: جروب رجيم اللقيمات

بطوط الف مبروووووك ياحبيبتى على يومياتك الجديده ايوه كده شدى الهمه عشان تخسى
إظهار التوقيع
توقيع : طافى
#5

افتراضي رد: جروب رجيم اللقيمات

كلام جميل وربنا معاكى
#6

افتراضي رد: جروب رجيم اللقيمات


المشاركة الأصلية كتبت بواسطة طافى
بطوط الف مبروووووك ياحبيبتى على يومياتك الجديده ايوه كده شدى الهمه عشان تخسى
ايه ياطافي فينك يابنتي وحشتيني كتير يارب ادعيلي

إظهار التوقيع
توقيع : بطه
#7

افتراضي رد: جروب رجيم اللقيمات


المشاركة الأصلية كتبت بواسطة rony taha
كلام جميل وربنا معاكى
تسلمي حبيبتي نورتيني

إظهار التوقيع
توقيع : بطه
#8

افتراضي رد: جروب رجيم اللقيمات


المشاركة الأصلية كتبت بواسطة بطه
ايه ده يابنات احبطوني
ولا رد ولا حتي دعوه اني اخس
ولا حتي حد يصلي علي الرسول عليه افضل الصلاه والسلام
انا زعلانه منكو وهعيط اهي اهي اهي

عليه الصلاه والسلام ربنا يقويكي يارب ونخس كلنا بصحه وعافيه يارب باذن الله

إظهار التوقيع
توقيع : لاميتا
#9

افتراضي رد: جروب رجيم اللقيمات


المشاركة الأصلية كتبت بواسطة لاميتا
عليه الصلاه والسلام ربنا يقويكي يارب ونخس كلنا بصحه وعافيه يارب باذن الله
تسلمي ياقمر نورتيني ان شاء الله هنخس علي خير يارب

إظهار التوقيع
توقيع : بطه
#10

افتراضي رد: جروب رجيم اللقيمات

بطه معلش انا اصلى الايام ديه النت مش مضبوط خالص كل شويه يقطع على العموم انا كل مابدخل بشوفك متخافيش ومتبعاكى بس انتى ليه مش بتكتبى يومياتك يا حبيبتى عشان تشجعى نفسك وتشجعى اللى حواليكى اللى حابب يشترك

يلا ابداى بهمه ونشاط ولا نسيتى احنا كنا بنعمل ايه فى الجروب بتاعنا ؟
يلا يعنى انتى عجبك جسمك هتستنى ايه تانى عشان تخسى
وعلى فكره ال30كيلو اللى انتى عايزه تنزليهم والله مش بكتير بالنسبه اللى انا بقراه فى باقى المنتديات عن ناس خسو نص وزنهم وفى ناس خسو اكتر من نص وزنهم بس بالاراده وابدئى واحده واحده يعنى كل اللقيمات كل ساعتين وانتى حددى كميها فى الاول وبعد كده لما تتعودى عليها هيبقى سهل تقلليها اكتر وهكذا ماتبئيش جامد عشان ماتتعبيش وتضطرى تسيبى الريجيم

إظهار التوقيع
توقيع : طافى
#11

افتراضي رد: جروب رجيم اللقيمات


المشاركة الأصلية كتبت بواسطة طافى
بطه معلش انا اصلى الايام ديه النت مش مضبوط خالص كل شويه يقطع على العموم انا كل مابدخل بشوفك متخافيش ومتبعاكى بس انتى ليه مش بتكتبى يومياتك يا حبيبتى عشان تشجعى نفسك وتشجعى اللى حواليكى اللى حابب يشترك

يلا ابداى بهمه ونشاط ولا نسيتى احنا كنا بنعمل ايه فى الجروب بتاعنا ؟
يلا يعنى انتى عجبك جسمك هتستنى ايه تانى عشان تخسى
وعلى فكره ال30كيلو اللى انتى عايزه تنزليهم والله مش بكتير بالنسبه اللى انا بقراه فى باقى المنتديات عن ناس خسو نص وزنهم وفى ناس خسو اكتر من نص وزنهم بس بالاراده وابدئى واحده واحده يعنى كل اللقيمات كل ساعتين وانتى حددى كميها فى الاول وبعد كده لما تتعودى عليها هيبقى سهل تقلليها اكتر وهكذا ماتبئيش جامد عشان ماتتعبيش وتضطرى تسيبى الريجيم
حبيبتي طافي انتي وحشاني كتير يلا ظبطي النت وادخلي نشجع بعض
انا الحمد لله بحاول مع رجيم اللقيمات لان انا معاه مش بحرم نفسي باكل كل حاجه بس بكميه بسيطه والفرق بين كل وجبه من 2 الي4 ساعات زي ما احس بالجوع بس وجبه الا محاله بعده 4 ساعات يعني ممكن اكل شبسي وحلويات ومكسرات وكل حاجه وان شا الله هتوزن واقول نزلت قد ايه
وانتي منوراني علي طول انتي واي عدوله تشرفني

إظهار التوقيع
توقيع : بطه
#12

افتراضي رد: جروب رجيم اللقيمات

النهارده انا فطرت كورن فليكس فتنس وحليب خالي الدسم ونسكافيه سكر ديت
إظهار التوقيع
توقيع : بطه
#13

افتراضي رد: جروب رجيم اللقيمات

ايه يابطه عايزه تخسى ليه الخسسان وحش لبط امال هتبقى بطه ايذاى
ههههه متزعليش منى انا بهزر ربنا يعينك يا قمر

إظهار التوقيع
توقيع : حبى الوحيد
#14

افتراضي رد: جروب رجيم اللقيمات


المشاركة الأصلية كتبت بواسطة بطه

حبيبتي طافي انتي وحشاني كتير يلا ظبطي النت وادخلي نشجع بعض
انا الحمد لله بحاول مع رجيم اللقيمات لان انا معاه مش بحرم نفسي باكل كل حاجه بس بكميه بسيطه والفرق بين كل وجبه من 2 الي4 ساعات زي ما احس بالجوع بس وجبه الا محاله بعده 4 ساعات يعني ممكن اكل شبسي وحلويات ومكسرات وكل حاجه وان شا الله هتوزن واقول نزلت قد ايه
وانتي منوراني علي طول انتي واي عدوله تشرفني
حلو يا بطه استمرى برافو عليكى المهم انك ماتبقيش حاسه بتعب وان شاء الله هتلاقى نتيجه وماتستعجليش انا قريت نتايج مذهله عن الريجيم ده والله يا بطه ربنا يعينك وانا كمان هستمر ونبقى نشجع بعض

إظهار التوقيع
توقيع : طافى
#15

افتراضي رد: جروب رجيم اللقيمات


المشاركة الأصلية كتبت بواسطة حبى الوحيد
ايه يابطه عايزه تخسى ليه الخسسان وحش لبط امال هتبقى بطه ايذاى
ههههه متزعليش منى انا بهزر ربنا يعينك يا قمر
ههه
لا ولا يهمك احنا منايفه ذي بعض
ادعيلي ياسكره

إظهار التوقيع
توقيع : بطه
#16

افتراضي رد: جروب رجيم اللقيمات


المشاركة الأصلية كتبت بواسطة طافى

حلو يا بطه استمرى برافو عليكى المهم انك ماتبقيش حاسه بتعب وان شاء الله هتلاقى نتيجه وماتستعجليش انا قريت نتايج مذهله عن الريجيم ده والله يا بطه ربنا يعينك وانا كمان هستمر ونبقى نشجع بعض
ربنا يعين ياطافي ويساعدنا يارب

إظهار التوقيع
توقيع : بطه
#17

افتراضي رد: جروب رجيم اللقيمات

بعد اربع ساعات اكلت موزه
وبعد ساعتين ونصف اكلت كرواسون

إظهار التوقيع
توقيع : بطه
#18

افتراضي رد: جروب رجيم اللقيمات

صباح الخير يا بطه انا جبت لك التجربه ديه لريجيم اللقيمات كنوع من التشجيع وفيه تفاصيل اكتر عن الريجيم يارب تفيدك وتفيد كل عدوله بتخل الموضوع
[حابه النهارده اهديلكم كل واحده طلبت منى الشرح الكامل لتجربتى فى ريجيم اللقيمات لان الكتب او المراجع اللى عالنت كلها للقيمات بتلخبط شويه اى حد عاوز يبدأ يطبق الريجيم وبيكون عاوز وقت كبير عشان يفهم وده بردو حصلى فى البدايه وكنت افضل اسال نفسي انا كده صح ولا غلطالمهم انا هقولكم تجربتى وأسأل الله العظيم ان فتوكات كتير يستفادو منها
ولان الحسد حق بتمنى انكم تصلو على خير الانام سيدنا محمد وتقولو ما شاء الله البدايه

انا بدأت الريجيم وانا وزنى 86 كجم
بدأت فى 1-10 -2011
ووصلت لوزن 67 فى نص شهر فبراير
ملخص للريجيم قبل ما ادخل فى التفاصيل عاوزاكو تعرفو ايه هو اصلا اللقيمات
(والكلام ده عامى من دماغى ودى خلاصه تجربتى وخبرتى مع الريجيم – يعنى مش كلام انشا ممل)

اللقيمات هو النظام النبوى اللى وصانا بيه رسول الله صلى الله عليه وسلم دى اهم نقطه لازم تحطيها فى دماغك قبل ما تبدأى اللقيمات (انتى كده بتستحضرى النيه باتباعك لرسول الله ) وبالتالى هتؤجرى وهتخسي 2×1


والحديث المشهور عن الرسول صل الله عليه وسلم
يقول صلى الله عليه وسلم
(ما ملأ ابن آدم وعاءً شراً من بطنه.بحسب ابن آدم لقيمات يقمن صلبه،فإن كان لا بد فاعلاً فثلث لطعامه وثلث لشرابه وثلث لنفسه
رواه الترمذي

اللقيمات هو نظام حياه بمعنى ان اللى بينوى يبدأه بيستمر فيه طول عمره ودى حاجه هتكون لا اراديه بعد فتره لان هيحصل تعود على كميه اكل معينه بتدخل المعده اول ما تاكليها بتلاقى نفسك خلاص مش قادره تاخدى لقمه زياده

وده اللى بيخلى كتير فى المراجع بكتب ان بيثبت الوزن مش معناه انك توصلى لوزنك وبعدين ترجعى تاكلى زى زمان لا معناه انك طبيعتك هتتغير هتلاقى نفسك بتشبعى بسرعه فبالتالى مش هتزيدى فى الوزن

طيب دلؤئتى السؤال اللى بيفرض نفسك يعنى ايه بقى اللقيمات وازاى ممكن نطبقه

ريجيم اللقيمات مش بيحدد نوعيه الاكل وده مهم فى ان اى حد باي مستوى معيشي يقدر يطبقه لان نوعيه الاكل مش هى الاساس , ولكن الاساس هو كميه الاكل
خليكو معايا ...


نرجع للاجابه على سؤالنا ازاى نطبق اللقيمات


فى اليوم ليكى 5 لقيمات ووجبه مفرحه (هابى ميل)

اللقيمات
اى نوع اكل فى حجم تلت الكف



ودى امثله :

تفاحه - موزه – برتقاله – خياريه – جزرايه (يعنى اى ثمره فاكهه او خضار ) ولو ثمره نوعها صغير زى العنب مثلا تبقا حوالى ¾ كوب منها
ربع رغيف بجبنه – قطعه بيتزا بحجم تلت الكف – قطعه كيك بحجم تلت الكف – او كرواسو – قرص – كعب غزال (يعنى اى حاجه بحجم تلت الكف )
طيب ينفع مشروبات ؟
ايوة طبعا اى كوب بيكون لقيمه يعنى كوب نسكافيه –كوب عصير – كوب شاى – كوب لبن (اى كوب لاى مشروب يعتبى لقيمه
طيب تمام كده بالنسبه للحلويات والشوكولاته؟؟
خلى بالكم انا بحكى تجربتى لان فى ناس كتير كانت بتعارضنى وانا بطبق اللقيمات لانى مثلا باكل قطعه شوكولاته كلقيمه ويقولولى كده مينفعش خلى لقيماتك صحيه وووو

بص صدقونى انا كنت مقتنعه 100% بالكلام اللى الدكتور محمد الهاشمى بيقولو ان نوعيه الاكل مش مهمه المهم الحجم

وفعلا الحمد لله طبقته ونجح معايا

افهمو من كده ان ينفع اخد نص شوكولاته سنيكرز كلقيمه – او نص مارس – او واحده شوكولاته باونتى – وهكذااااا
ممكن كمان قطعه جلاش حلو او كنافه (فاهمنى؟)


خلاص نقطه اللقيمه كده مفهومه:
نيجى بقا للهابى ميل وازاى كنت بعملها
الهابى ميل عباره عن 3 حجات مهمه واساسيه :

اولا طبق سلطه متوسط وعليه معلقه زيت زيتون

ثانيا
طبق يحتوى على طعام المنزل قسميه 3 اجزاء اول جزء 5 معالق نشويات (ارز او مكرونه او بطاطس او ربع رغيف عيش) .(بعد فتره هتحسي ان 5 معالق كتير وممكن تقللى)تانى جزء قطعه بروتين بحجم تلت الكف (ربع فرخه صغيره من غير جلد – او قطعتين لحم احمر – او سمكه – او 2 بيضه)
تالت جزء لو موجود خضار مطبوخ مثلا (فاصوليا خضرا – ملوخيه – سبانخ .....) وخليهم معلقتين بس

ثالتا طبق يحتوى على قطعه حلويات بحجم علبه الكبريت يعنى مكعب شوكولاته قطعه جلاش صغننه سعات كنت باخد معلقه صغيره شوكولاته نوتيلا

طيب عرفنا ايه هى اللقيمه وعرفنا كمان الهابى الميل
اليوم بيكون كالاتى

تصحى الصبح تاخدى كوبايتين مايه عالريق وممكن تلعبى شويه رياضه او اى حاجه فى البيت سريعه يعنى نص ساعه كده بعد المايه وبعدين الصبح مسموح ليكى الصبح بس 2 لقيمه شوفتو الكرم بئا

يعنى تاخدى مشروب ولقيمه
ممكن كوب شاى بلبن ومعاه ربع رغيف بجبنه او ببيضه
اختارى اى مشروب واى لقيمه انتى تحبيها
بعد ساعتين الى 3 ساعات فى بدايه الريجيم خليها ساعتين لان لسه المعده مش واخده عالاحجام الصغيره وبعد كده ممكن نزود ل3 ساعات

المهم بعد ساعتين اشربى كوبايه مايه وبعدين لقيمه
بعد ساعتين تانى ممكن الهابى ميل او لقيمه على حسب كل واحده ويومها بيمشي ازاى وبتتغدى امتى

لو هابى ميل يبقى قبلها بساعه خدى 3 لوزات او 5 سودانيات وامضغيهم كويس اوى وبشويش لحد ما ينعمو اوى وبعد نص ساعه تانى خدى 3لوزات او 5 سودانيات وبعد نص ساعه كلى الهابى ميل عادى
بس مهم اوى انك متشربيش مايه ابدا بعد اللوز او السودانى
اهميه اللوز او السودانى انه بينشط منطقه الشبع فى المعده لان الطعام الصلب بيبقى فى المعده مده طويله واللوز او السودانى طعام صلب فبينشط منطقه الشبع - نقطه الهاشمى للشبع ودى اكتشفها دكتور محمد الهاشمى – والفايده بئا انك تحسي بالشبع بسرعه ومعدتك متكونش اتملت بالاكل وتنشيط المنطقه دى بتخليكى تعرفى امتى تشبعى شبع حقيقي مش مجرد ملى للبطن وانك تخلصى الطبق اللى قدامك وبس

طيب خلاص كده خلصنا اللوز والوجبه المفرحه

بعد 3 ساعات بتكملى لقيماتك عادى جدا

المهم ليكى 5 لقيمات ووجبه مفرحه مش مهم وقتهم امتى ولا مين قبل مين اوك

اسئله مهمه

شرب المايه معادو بيكون امتى؟


قبل اللقيمات او قبل اكل اللوز قبل الوجبه المفرحه
وبعد اللقيمه او الهابى ميل بنص ساعه على الاقل مش قبل كده
يعنى مفيش مايه فى وسط الاكل او بعد الاكل مباشره
والسبب ان الاكل الصلب بيفضل فى المعده فتره طويله وبتحسي بالشبع فتره اطول لكن لو شربتى مايه فى وسط او بعد الاكل هيكون الطعام فى المعده اتحول لشبه سائل بالتالى مش هيبقى فى المعده فتره طويله وبالتالى فتره الشبع هتقل

معاد الهابى ميل ممكن يكون بليل ؟

مفيش اى مشكله فى معاد الهابى ميل (الكلام ده انا سمعته من الدكتور محمد الهاشمى نفسه فى فيديو ليه مع دعاء عامر)


ممكن نستبدل اللوز او السودانى باى مكسرات او اكل تانى ؟

لا اللوز او السودانى بس فقط لا غير مينفعش اى حاجه تحل محلهم (فى ايام مكنش بيكون عندى ولا لوز ولا سودانى فمكنتش باخد حاجه قبل الهابى ميل بشرب مايه وبس}

ايه هى البنفسجيات وايه فايدتها ؟
البنفسجيات هى انواع من الفاكهه والخضار زى:
الفراوله – الكرنب البنفسجى – الاراصيا – الرمان – التوت – الزبيب الغامق – البادنجان – العنب الاسود – الكريز
ودى ضروريه لفقدان الوزن ولازم تكترو منها وتاخدو منها لقيمات وده كلام نقلا عن الدكتور محمد الهاشمى عليكِ كثرة تناول اللقيمات من الأنواع التي تحتوى على مادة ( الانثو سيانين )، لأنها من أقوى مضادات الأكسدة، مشيراً إلى أنه إذا كان تلوث البيئة عامل أساسي في ضمور الدهون البنية فإن تنشيطها سيكون باستخدام مضادات الأكسدة

والدهون البنيه دى بتساعد على زياده معدل الحرق وهى بقل نتيجه التلوث واللى بيزودها البنفسجيات دى

ايه لازمه الحلويات فى الوجبه المفرحه ؟ وهل ممكن الاستغناء عنها عشان نخس بسرعه؟

الحلوى فى الوجبه المفرحه تشعر العقل بالسعاده والنشوة وبالتالى العقل هيشتغل بشكل جيد جدا وكمان هيعمل على ارسال اشارات لحرق الدهون لانك بتحققيله رغباته (خلو بالكو يا فتوكات جسمكم زكى جدا ولازم تفهمه طلباته وتحققيها عشان يبدا ينفذ اللى انتى عاوزاه مينفعش تحرميه وتعيشيه فى مجاعه هيرفض رغباتك فى انك تخسي مش هيسمعلك اتعاملى معاه انو فاهمك وانتى افهميه مش بتسمعو بنات بتقول بعمل ريجيم بقالى شهر وحارمه نفسي من الاكل وجيت اوزن نفسي لاقيتنى ثابته ؟؟ لان الجسم بيعند وبيجاف من المجاعه اللى انتى حطتيه فيها وبالتالى بخزن اى جرام دهون بيدخلوو)

هل المشروبات بدون سكر تعتبر لقيمه؟ وكام معلقه سكر مسموح بيها فى اليوم؟

لا المشروبات بدون سكر او لبن متعتبرش لقيمه يعنى يانسون بدون سكر شاى بدون سكر نسكافيه بلاك بدون سكر كل ده ميعتبرش لقيمه
امتى المشروب بيكون لقيمه لما تحطه عليه سكر او لبن او طبعا العصاير

وليكى فى اليوم 5 معالق سكر توزعيهم زى مانتى عاوزه
بس من خلال تجربتى حاولت على اد ما اقدر اقلل استهلاكى للسكر فى المشروبات كنت بشرب كل حاجه 3 معالق زمان بدات اخليهم معلقه ونص لمده اسبوع ولحد ما اتعودت على الطعم ده وبعدين خليتها معلقه وبعدين دلوئتى بشرب اى حاجه بنص معلقه او من غيييير خالص
ايه اخبار المكرونه بشاميل والمحشي والبيتزا فى الوجبه المفرحه

اليوم اللى كنت بعمل فيه مكرونه بالبشاميل مثلا كنت باخد قطعه واحده مربعه اد تلتين الكف كده ومعاها سلطه
واليبتزا باخد شريحه بيتزا واحده بردو معاها سلطه

والمحشى 5 صوابع على انهم النشويات ومعاهم قطعه دجاج مثلا وسلطه[
بس كده يا فتوكات عاوزه اقولكم بئا ان شرب المايه مهم جدا جدا جدا جداااااااااااا لانها بتساعد على انك تخسي بسرعه بصى اى حاجه بتتم فى الجسم اى عمليه حرق دهون اى تخلص من السموم والدهون بتتم فى وجود المايه فهى كمان ضروريه عشان لما تخسي باذن الله ميكونش عندك ترهل ولا شحوب
وكمان احنا طبعا بنقول انك تاكلى كل حاجه


بس عن تجربتى حاولت على ق ما اقدر اخلى اكلى قليل الدهون وصحى اكتر

يعنى مفيش مانع اكل بيتزا بس نص دقيق اسمر ونص ابيض

مفيش مانع اكل مكرونه بشاميل بس البشاميل بعمله من غير دهون

بقلل الدهون فى كل اكل بعمله بستخدم طاسات وحلل تيفال عشان ميلزقش الالكل واقدر اقلل الدهون
الحمد لله انا وزنى ثابت عند 67 بس رجعت استهبلت شويه لمده شهرين واكلت حلويات زياده فوصلت ل70 بس الحمد لله ظبطت تانى وشويه رياضه دلوئتى انا 66 ونص والحمد لله

مرتاحه جدا وباكل كل اللى نفسي ومعدتى الحمد لله مرتاحه مفيش امساك ولا اسهال
انا تحت امركم فى اى سؤال

إظهار التوقيع
توقيع : طافى
#19

افتراضي رد: جروب رجيم اللقيمات

شكرا حبيبتي طافي
علي التجربه وهي من منتدا فتكات
انا قريتها قبل كده
منوراني

إظهار التوقيع
توقيع : بطه
#20

افتراضي رد: جروب رجيم اللقيمات

الفطار اليوم
لقيمتين
رغيف لبناني من الخفيف بني ومعاه 2 معلقه ذبده فول سوداني بحيها جدا
واحد موزه ونشكافيه لايت

إظهار التوقيع
توقيع : بطه
#21

افتراضي رد: جروب رجيم اللقيمات

بعد 3 ساعات ونصف اكلت
نصف موزه ونصف كرواسون
وبعد 3 ساعات اكلت 5 معالق ارز و3 قطع بطاطس
وربع فرخه وشوريه
واليوم 2 وجبه مفرحه وبعد 4 ساعات ان شاء الله جمبري وكابوريا
وارز وشوربه جمبري وسلطه
بالكميات المحدده
وقبل النوم بساعه عصير اناناس kdd

إظهار التوقيع
توقيع : بطه
#22

افتراضي رد: جروب رجيم اللقيمات

بطه برافو عليكى يا حبيبتى ربنا معاكى ويوفقك يارب
إظهار التوقيع
توقيع : طافى
#23

افتراضي رد: جروب رجيم اللقيمات

تسلمي ياقمر
#24

افتراضي رد: جروب رجيم اللقيمات


المشاركة الأصلية كتبت بواسطة bnt alfaifi
تسلمي ياقمر
منوراني ياجميل

إظهار التوقيع
توقيع : بطه
#25

افتراضي رد: جروب رجيم اللقيمات


المشاركة الأصلية كتبت بواسطة طافى
بطه برافو عليكى يا حبيبتى ربنا معاكى ويوفقك يارب
ربنا يخليكي ليا ياجميل يا مشجعني

إظهار التوقيع
توقيع : بطه
#26

افتراضي رد: جروب رجيم اللقيمات

امبارح صيام
والنهارده كمان
الصحور عصير رمان وانا ناس
ونصف كوب شاي ببسكوت ساده

إظهار التوقيع
توقيع : بطه
#27

افتراضي رد: جروب رجيم اللقيمات

دي يابنات بعض الناس اللي خسن علي النظام ده
من الدكتور محمد الهاشمي

أحد النماذج
ويذكر الهاشمي نماذج عديدة لنجاحها مع رجيم اللقيمات:

الاستاذ أ.س كان وزنه 280 كيلو وأصبح 140 كيلو بعد عامين .

الأستاذ م.ي كان وزنه 207 وأصبح 105 بعد عام ونصف.

الآنسة ن.م كان وزنها 136 وأصبحت 90 بعد 9 شهور.

السيدة ج.م كان وزنها 176 وأصبحت 95 بعد عامين.

السيدة أ.م كان وزنها 98 وأصبحت 56 بعد 9 شهور.

الشاب ع.م كان وزنه 113 وأصبح 78 بعد 9 شهور

إظهار التوقيع
توقيع : بطه
#28

افتراضي رد: جروب رجيم اللقيمات

اليوم الفطار
كورن فليكس بالحليب
وكوب نسكافيه
وبعد 4 ساعات
رغيف عيش لبناني خفيف بوني و2 ملعقه زبده فول سوداني
وبعد ساعتين ونصف نصف تفاحه وكوب عصير
والعشاء ان شاء الله
سبيط وجمبري وارز 5 معالق وسلطه وطحينه

إظهار التوقيع
توقيع : بطه
#29

افتراضي رد: جروب رجيم اللقيمات

بطة انا توتا

ازيك الاول ياقمر

ممكن اكون معاكى ونشجع بعض

انا كمان نفسى أخس بس مش عندى عزيمة ولا ارادة خالص

إظهار التوقيع
توقيع : Tota Just Banota
#30

افتراضي رد: جروب رجيم اللقيمات

احلى لقيمات واحلى رجيممممممم ومشكوره على الموضوع
إظهار التوقيع
توقيع : تسنيم الحجازي
#31

افتراضي رد: جروب رجيم اللقيمات


المشاركة الأصلية كتبت بواسطة tota just banota
بطة انا توتا


ازيك الاول ياقمر

ممكن اكون معاكى ونشجع بعض


انا كمان نفسى أخس بس مش عندى عزيمة ولا ارادة خالص
الحمد لله ازيك ياجميل منوراني
اه طبعا ممكن سجلي الاسم والوزن والطول والهدف
وكل يوم تدخلي تكتبي الاكل بتاعك مستنياكي ياجميل

إظهار التوقيع
توقيع : بطه
#32

افتراضي رد: جروب رجيم اللقيمات


المشاركة الأصلية كتبت بواسطة تسنيم الحجازي
احلى لقيمات واحلى رجيممممممم ومشكوره على الموضوع
تسلمي ياقمر نورتيني

إظهار التوقيع
توقيع : بطه
#33

افتراضي رد: جروب رجيم اللقيمات

اليوم
الفطار كورن فيلكس وحليب ونصف كوب نسكافيه
وبعد 4 ساعات نصف كورواسون ورومانه
والعشاء مكرونه وبطاطس وفراخ بنيه في الفرن وسلطه
وعلي بالليل عصير وموزه

إظهار التوقيع
توقيع : بطه
#34

افتراضي رد: جروب رجيم اللقيمات

بسم الله الرحمن الرحيم
انارجعت تاني مع نظام القاسي الجميل
اول لقيمه نسكافيه بسكر وحليب ديت زكوبين مياه
نصف تفاحه وواحد شيكولاته و2لوز
الفرق بينهم خمس دقايق وهنكررها كل 3 او 4 ساعات بدون النسكافيه

إظهار التوقيع
توقيع : بطه
#35

افتراضي رد: جروب رجيم اللقيمات

[IMG]https://files.***- ***- *.com/signaturepics/sigpic354219_2.gif[/IMG]
إظهار التوقيع
توقيع : بطه
#36

افتراضي رد: جروب رجيم اللقيمات

اليوم مشي تمام بي اخره لخبط
يادي الخيبه ربنا يستر
يوم الخميس صيام وفطرت خفيف بس اكلت حلويات كتير بالليل

إظهار التوقيع
توقيع : بطه
#37

افتراضي رد: جروب رجيم اللقيمات

اليوم الجمعه الفطار الساعه 8
فطرت لقيمتين
اللقيمه التانيه بعد 4 ساعات ان شاء الله

إظهار التوقيع
توقيع : بطه
#38

افتراضي رد: جروب رجيم اللقيمات

بعد اربع ساعات اكلت نصف كوب ارز وسمكه وسلطه
وبالليل اكلت شيكولاته

إظهار التوقيع
توقيع : بطه
#39

افتراضي رد: جروب رجيم اللقيمات

اليوم السبت
لغبط في الفطار
بعد 5ساعات واحد كورواسون ونسكافيه
ويعد ساعتين ونصف تفاحه
وبعد ساعتين نصف كوب بليله ونصف حليب
وبالليل ارز وقطعه بطه وسلطه

إظهار التوقيع
توقيع : بطه
#40

افتراضي رد: جروب رجيم اللقيمات

اليوم 27 من شهر واحد
اللقيمه الاولي كوبين مياه وكوب نسكافيه ورقاقه وبرجر مشوي

إظهار التوقيع
توقيع : بطه
#41

افتراضي رد: جروب رجيم اللقيمات

بعد 3ساعات ونصف اكلت نصف كوب بليله ونصف حليب
وبعد ساعتين الاربع واحد كورواسون

إظهار التوقيع
توقيع : بطه
#42

افتراضي رد: جروب رجيم اللقيمات

بعد 3 ساعات ونصف اكلت ربع فرخه وكوب ماكرونه وسلطه وقطعه شيكولاته
بعد 3ساعات شويه لب وقطعه شيكولاته

إظهار التوقيع
توقيع : بطه
#43

افتراضي رد: جروب رجيم اللقيمات

اليوم 28
اللقيمه 1
الساعه 12 ونصف 2كوب مياه وكوب نسكافيه وكوب بليله بحليب قليل الدسم

إظهار التوقيع
توقيع : بطه
#44

افتراضي رد: جروب رجيم اللقيمات

شاطررررررة
يا
بطووووووووووووووط
بس بلاش شيكولاته كتير


إظهار التوقيع
توقيع : نجوم الليل
#45

افتراضي رد: جروب رجيم اللقيمات


المشاركة الأصلية كتبت بواسطة نجوم الليل
شاطررررررة

يا
بطووووووووووووووط
بس بلاش شيكولاته كتير

منوراني ياحبي
الشيكولاته تبع نظام رجيم اللقيمات

إظهار التوقيع
توقيع : بطه
#46

افتراضي رد: جروب رجيم اللقيمات

الساعه 4 اكلت كوب سلطه وربع تفاحه
إظهار التوقيع
توقيع : بطه
#47

افتراضي رد: جروب رجيم اللقيمات

الساعه 8 ونصف اكلت كل نصف ساعه 2 حبه لوز بجد تحفه بيقلل الاحساس بالجوع
و اكلت اقل من نصف كوب ارز وشويه ملوخيه
وشربه خضار وسلطه وقطعه شيكولاته
والساعه 11 ونصف اكلت كوب بليله
وطبعا شورب مياه قبل الاكل او بعده بساعه

إظهار التوقيع
توقيع : بطه
#48

افتراضي رد: جروب رجيم اللقيمات

اليوم 29
اللقيمه الاولي رقاقه ببرجر مشوي وكوب نسكافيه وطبعا مياه

إظهار التوقيع
توقيع : بطه
#49

افتراضي رد: جروب رجيم اللقيمات

انا معاكي بس انا مش تخينه بس معاكي بشجعك
لان انا ضد السمنه ومع الي عاوزه تخس لان السمنه
مش كويسه على الجسم
انتي بس شدي الهمه حتلاقينا كلنا معاكي وبنشجعك

إظهار التوقيع
توقيع : راوناالحديثي
#50

افتراضي رد: جروب رجيم اللقيمات


المشاركة الأصلية كتبت بواسطة راوناالحديثي
انا معاكي بس انا مش تخينه بس معاكي بشجعك
لان انا ضد السمنه ومع الي عاوزه تخس لان السمنه
مش كويسه على الجسم
انتي بس شدي الهمه حتلاقينا كلنا معاكي وبنشجعك
حبيبتي نورتيني واسعدني مرورك

إظهار التوقيع
توقيع : بطه
#51

افتراضي رد: جروب رجيم اللقيمات

الساعه 4 اكلت ذبادي والساعه 6 ونصف اكلت نصف تفاحه
ووقفت علي الجهاز 10 دقائق

إظهار التوقيع
توقيع : بطه
#52

افتراضي رد: جروب رجيم اللقيمات

بطوووط
كلنا بنشجعك يابطوط
بنشجع نفسنا معاكى
مستنيين الصيف
عشان نعمل مسابقات
وتطلعى الاولى يابطوووووووووط

إظهار التوقيع
توقيع : نجوم الليل
#53

افتراضي رد: جروب رجيم اللقيمات

منوراني يا نجوم يارب اطلع الاولي
ههههههه

إظهار التوقيع
توقيع : بطه
#54

افتراضي رد: جروب رجيم اللقيمات

الساعه 8 ونص اكلت ايس كريم
والساعه 12 اكلت بليله
ويارب استر وانام علي كده مع ان عقلي بيقولي كولي موزه
بس انا بقوله لا حرام عليك خنقتني ههههههه

إظهار التوقيع
توقيع : بطه
#55

افتراضي رد: جروب رجيم اللقيمات

الي "سرب الرشاقة باللقيمات.."
................
............

.1...ما هى اللقيمات؟؟

اللقيمة فى تقديري هي اى طعام او شراب قليل الحجم (في حجم ثلث الى نصف كف اليد او حجم نصف الكوب) بحيث يعطينا الطاقة ، لأن النبي صلي الله عليه وسلم قال "يقمن صلبه" أى تعطيه الطاقة الكافية لحركته ، ولم يقل تشبعه ، أى ليس من الضرورى ان يشعر الانسان بالشبع.

.....2......مما تتكون حمية اللقيمات ؟؟

تتكون حمية اللقيمات من جزئين هما:
1. حزمة اللقيمات.
2. وجبة "اللامحالة".

1. *حزمة اللقيمات: يتم تكرارها كل 3-4 ساعات تقريباوتتكون الحزمة من 3 أجزاء:

أولاً: السوائل:
.....
من 2 كوب ماء بالاضافة الى نصف كوب (شاى – قهوة – عصير – مشروبات غازية). ويفضل أن يكون اللبن المضاف للشاى أو النسكافيه خالى الدسم ، ويسمح يوميا بخمس ملاعق سكر للتحلية كحد أقصى.
ويفضل تناول السوائل قبل اللقيمات بـ 5 دقائق .

ثانيا : اللقيمات المتكررة
……….:
..... وهى عبارة عن قطعة خبز من أى نوع فى حجم كف اليد مع أى غموس مثل (2ملعقة فول – بيضة – ملعقة كبيرة جبنة من أى نوع – ملعقة كبيرة مربي أو عسل أو ملعقة كبيرة حلاوة طحينية) ،
..... أو... ثمرة فاكهة أو خضار ، فلا يوجد مانحرم منه الناس ، فيمكن تناول ثمرة موز أو 2 تين أو 5 تمرات أو ثلثى كوب عنب ، أوملئ كوب من البطيخ أو الكانتلوب ،
......أو... قطعة صغيرة من الشيكولاته " حوالى 20 جرام " ،
....أو... كوب صغير من الآيس كريم أو من الزبادى ،
.....أو.... مثلث بيتزا

ثالثاً: لقيمات حبات اللوز ..
……...
حيث ينصح بعد تناول اللقيمة بـ 5 دقائق تناول 3 حبات لوز او يمكن تناول 5 حبات فول سودانى شرط أن تمضغ مضغ غير كامل وذلك بهدف تنشيط نقطة الهاشمى لشبع المعدة ، ولا نتناول بعدها طعام أو شراب حتى تنقضى حوالى ساعتين وبذلك لا ينزل السودانى أو اللوز من أعلى المعدة فيستمر التأثير على نقطة الهاشمى لشبع المعدة لفترة طويلة.
وهذا يساعد على تنشيط مركز الشبع فى المخ حسب نظرية الهاشمى.

2. وجبة "اللامحالة"
.......
وهى الوجبة الرئيسية اليومية واسميها أيضاً "الوجبة المفرحة" أو (Happy Meal).
ويفضل ان تكون في المساء لاننى اعتبرها نوعا من المكافئة على التحكم فى النفس ،
إلا أنه يمكن تناولها ظهرا أو عند المغرب
ويمكن تناول اللقيمات بعدها.
:

فى كل وجبة لامحالة يفضل أن نضع امامنا ثلاثة أطباق حتى نتذكر قول حبيبنا صلى الله عليه وسلم "فثلث لطعامه وثلث لشرابه وثلث لنفسه":

o اما الطبق الاول(ثلث لطعامه) فهو للطعام ويجب الا يزيد حجمه على حجم ثلث المعدة ، اى اقل من 400 سم3 ...ويكفينا 350 سم3 أى مايعادل حجم كوب ونصف (أى 3 مغرفات) وهو يشمل ما يحتاجه ويحبه الإنسان من النشويات والبروتين والخضار.
وهذا هو أقصى حجم يسمح للانسان أن يتناوله في الوجبة ، لأننا لايجوز أن نخالف أمر رسول الله صلى الله عليه وسلم.

o وأما الطبق الثانى فهو للسلاطة الخضراء ....لانها تحتوى على ماء بنسبة 60% وتحدث شبعا اكثر من الماء..لذلك فهى تحقق جزء الحديث الثانى(وثلث لشرابه) ويجب الا يزيد حجمه ايضا على حجم ثلث المعدة ، اى اقل من 400 سم3 أى ما يعادل حجم كوب ونصف

الا انه يمكن تناول الماء او الحساء أو العصير بحجم كوب ونصف بدلاً من السلاطة الخضراء.

o وأما الطبق الثالث فهو يمثل(و ثلث لنفسه):ونتركه فارغا... لنذكر أنفسنا ان هدفنا الرئيسى هو ان نحى سنة حبيبنا صلى الله عليه وسلم وان انقاص الوزن آت آت تبعا لدرجة الطاعة.

o وهناك طبق فنجان شاى نضعه بعيدا وبه ملعقتان كبيرتان حلوى (وتفضل الشيكولاته لما لها من اثر تنشيطى لخلايا المخ

هذا من ناحية الاكل والشرب
اما النقطة الاهم فهى من ناحية المحبة والطاعة والتحكم و العزيمة ...وهنا نستدعى محفزات الطاعة وهى تلاوة كريمة من سورة ق وسورة الاحزاب للشيخ الحصرى رحمه الله....وتوجد على موقعى ..
تجعل الانسان ينتقل من محبة شهوة الطعام الكثير الى محبة اتباع رسول الله "فيتناول اللقيمات"راضيا مدى الحياة
وبالتالى يتناقص وزنه تدريجيا
ويتخلص من دهونه الزائدة...وان بلغت مائة كيلوجرام

إظهار التوقيع
توقيع : بطه
#56

افتراضي رد: جروب رجيم اللقيمات

وده كان منشور من منشورات الدكتور محمد الهاشمي
إظهار التوقيع
توقيع : بطه
#57

افتراضي رد: جروب رجيم اللقيمات

حلوووووو اوووى يابطة ربنا يخسسنا كلنا على خيررررررررر
إظهار التوقيع
توقيع : طافى
#58

افتراضي رد: جروب رجيم اللقيمات

يارب ياطافي نخس كلنا ان شاء الله
نورتيني ياعسل

إظهار التوقيع
توقيع : بطه
#59

افتراضي رد: جروب رجيم اللقيمات

انا اليوم الفطار
الساعه 12 ونص
2كوب ماء وكوب نسكافيه
رقاقه ومعاه بطاطس مشويه
الساعه 5 شربت ميه واكلت موزه
الساعه 8 دي بقه زودتها بلاش منها
وهشرب شائ اخضر دلوقت
واخر السهره ممكن برتقاله

إظهار التوقيع
توقيع : بطه
#60

افتراضي رد: جروب رجيم اللقيمات

اليوم فطار الساعه 9 ونصف
2كوب مياه وكوب نسكافيه
ربع رغيف بباذنجان مشوي

إظهار التوقيع
توقيع : بطه
#61

افتراضي رد: جروب رجيم اللقيمات

الساعه وحده ونصف
اكلت موزه
الساعه 4 ونصف
اكلت نصف رغيف وربع فرخه وشوربه خضار
الساعه 8 ونصف
اكلت موزه وشويه شبسي صغيرين
الساعه عشره
شربت عصير افوكادو بالعسل والمكسرات
وعندي صداع فاخدت كوب نسكافيه

إظهار التوقيع
توقيع : بطه
#62

افتراضي رد: جروب رجيم اللقيمات

الساعه 12 ونصف
كوب نسكافيه
الساعه 2
وخرجنا اكلت بره وطبعا اكلت وذوت بس حاسه اني ما اكلتش زي الاول
بجد اكلت رغيف بس يعني كنت الاول باكل اكتر وشيش طاووق وكباب وتكه وقطعه بيتزا وواحد سفن دايت انا عارفه اني ذودت بس ماعلش علي ما اتعود
وعلي الساعه 5
قطعه بيتزا صغيره
وبعدها نسكافيه
وعلي 8 اكلت موزه
وبس هقوم انام احسن

إظهار التوقيع
توقيع : بطه
#63

افتراضي رد: جروب رجيم اللقيمات

النهارده السبت
الساعه 1 كوب شاي وبسكويت ساده
الساعه 4 كوب نسكافيه
الساعه 6 وربع تفاحه

إظهار التوقيع
توقيع : بطه
#64

افتراضي رد: جروب رجيم اللقيمات

وقفت علي الجهاز20 دقيقه
إظهار التوقيع
توقيع : بطه
#65

افتراضي رد: جروب رجيم اللقيمات

الساعه 8
اكلت سلطه وقطعه لحمه ونصف كوب ارز وشويه باميه واكلت قطعه شيكولاته

إظهار التوقيع
توقيع : بطه
#66

افتراضي رد: جروب رجيم اللقيمات

اليوم الساعه 10
اكلت كوب شائ وبسكويت ساده
الساعه 2
اكلت واحد كورواسون
الساعه 4
شربت كوب نسكافيه
الساعه 6
اكلت شويه ترمس

إظهار التوقيع
توقيع : بطه
#67

افتراضي رد: جروب رجيم اللقيمات

فينكم ياحلوين وحشتوني هنا وهناك فينكم
إظهار التوقيع
توقيع : بطه
#68

افتراضي رد: جروب رجيم اللقيمات

"علم اللقيمات "

يا احباب رسول الله صلى الله عليه وسلم
يتسائل اطباء الغرب كثيرا :لماذا ينجح الطب الصينى؟
فى السنوات الاخيرة اهتم علماء الغرب بمعرفة سر نجاح اطباء الصين فى علاج مرضاهم ...لدرجة انهم كانوا يطلقون علي ذلك النجاح اسم النجاح الغامض السحرى..
ثم اكتشفوا السر وراء ذلك النجاح فى السنوات الاخيرة...
ان اطباء الصين كانوا يتعاملون مع الانسان وليس مع المرض
يتعاملون مع عقله ...وجسده...وروحانياته .......كوحدة واحده...فيسهل الشفاء
ولما كانت السمنة مرض- بل هى ام الامراض-فلكى ينجح طبيب فى تخليص مريض السمنة من بدانته...عليه ان يتعامل مع سيكولوجيته(اى عقله)ومع بدنه(اى ينظم له طعامه)ومع روحانياته(اى يركز له التوجه الدينى الذى يحفزه)...

ولهذا فاننى دائما انصح ان لا يكون تركيز علاج مريض البدانه على الميزان وحده...ولا على السعرات وحدها ...وانما لابد لكى يتخلص الانسان من بدانته نهائيا:
ان ...يستشعر ان الله تعالى سيكون معه..وسيوفقه.
وان .. يستشعر ان هناك الالاف من الناس يتحركون معه فى نفس الطريق
وان .. يستشعر انه سيصل الى هدفه مثلما وصل اكثر هؤلاء
وهذا هو ما اسعى لتعليمكم اياه فى"سرب الرشاقة باللقيمات"

ان العبرة لا تكون بالجداول:ماهو الافطار وماهو ترتيب اللقيمات ومتى وجبة الامحالة ..وما هى انواع الشراب...فهذه جميعا امرها سهل..تناولوا اى شيئ كلقيمات بكميات صغيرة...ولا تعصوا امر النبى فى حجم وجبة اللامحالة....انتهى..

وانما العبرة تكون بان ندخل تماما فى مجال طاعة الله تعالى (ولا تسرفوا) .....ورسوله (بحسب ابن آدم لقيمات) و(فان كان لا محالة)...ثم...نتفهم المقصود من هذه الاية الكريمة وهذا الحديث الشريف...ثم نحفز انفسنا ببعض الايات التى تشعرنا بدوام مراقبة الله تعالى لنا(مثل سورة ق) وتلك التى تحفزنا على كثرة الصلاة على النبى (مثل سورة الاحزاب)...ثم ندعوا ربنا ورب كل شيئ..جل فى علاه.
ان هذا الفهم الحكيم...وهذه الروح الايمانية...تخلق فى انفسنا ما يسمى :

1..بمضاد طبيعى لهرمون الجوع والشهية (الجريلين)
2..ب"الرفاهية البيئية النفسية"وهذه الرفاهية تؤدى الى زيادة افراز مادة تسمى "بروتين المخ"bdnf

ان هذا البروتين تكلمت عنه فى كتابى "علم اللقيمات" فى الفصل 51 منذ اكثر من عام وتكلمت عن كيفية تنشيطه بسماع القرآن الكريم مجودا بقراءة شيخ عموم المقارئ المصرية رحمه الله تعالى ...حتى ينفذالى مراكز السمع المخى كما كان يقرأ ايام الصحابة الكرام ...فيحدث اقوى تاثير ..على طمانينة وسكينة الانسان ....ذلك لقول الله تعالى ( الذين آمنوا وتطمئن قلوبهم بذكر الله ألا بذكر الله تطمئن القلوب. )
ولقد استفاد الكثيرين من نظريتى "محفزات الطاعه" وحققوا بها نتائج رائعة ..ولقد تكلمت عن الاسس العلمية لها ...وان كان لا يستطيع ان يقوم بها ويصبر عليها.. الا من كان اللَّهُ وَرَسُولُهُ أَحَبَّ إِلَيْهِ مِمَّا سِوَاهُمَا.
استمعوا الى... قوله تعالى: ﴿وننزّل من القرآن ما هو شفاء ورحمة للمؤمنين ولا يزيد الظالمين إلا خساراً﴾.
فالقرآن شفاء للناس من الأمراض النفسية كالحزن والقلق والاضطراب وفقدان الثقة
و القرآن رحمة للناس (فى حالتنا..الاستماع المتكرر له بانصات...ينشط بروتين المخ فهو رحمة بهم من كآبة البدانة)

والدعاء...وماأجمل ان نتأسى بالنبى فى خشوعه ودعاءه :

اللَّهُمَّ اقْسِمْ لَنَا مِنْ خَشْيَتِكَ مَا تَحُولُ بِهِ بَيْنَنَا وَبَيْنَ مَعَاصِيكَ ،
وَمِنْ طَاعَتِكَ مَا تُبَلِّغْنَا بِهِ جَنَّتَكَ ،
وَمِنَ اليَقِينِ مَا تُهَوِّنُ بِهِ عَلَيْنَا مَصَائِبَ الدُّنْيَا ،
اللَّهُمَّ مَتِّعْنَا بِأَسْمَاعِنَا ، وَأَبْصَارِنَا ، وَقُوَّاتِنَا مَا أَحْيَيْتَنَا ، وَاجْعَلْهُ الوَارِثَ مِنَّا ،
وَاجْعَلْ ثَأْرَنَا عَلَى مَنْ ظَلَمَنَا ، وَانْصُرْنَا عَلَى مَنْ عَادَانَا ،
وَلا تَجْعَلْ مُصِيبَتَنَا فِي دِينِنَا وَلا تَجْعَلْ الدُّنْيَا أَكْبَرَ هَمِّنَا ، وَلا مَبْلَغَ عِلْمِنَا ،
وَلا تُسَلِّطْ عَلَيْنَا مَنْ لا يَرْحَمْنَا.

اللَّهُمَّ إِنَّا نَسْألُكَ مُوجِبَاتِ رَحْمَتِكَ ،
وَعَزَائِمَ مَغْفِرَتِكَ ،
وَالسَّلامَةَ مِنْ كُلِّ إثْمٍ ،
وَالغَنِيمَةَ مِنْ كُلِّ بِرِّ ،
وَالفَوْزَ بِالجَنَّةِ ،
وَالنَّجَاةَ مِنَ النَّارِ .

اللهم إني أسألك فعل الخيرات ، وترك المنكرات . وحب المساكين .
.وأن تغفر لي وترحـمني .. وإذا أردت بقومٍ فتنةً ، فتوفني غير مفتون
..وأسألك حبك وحب من يحبك ، وحب عمل يقربني إلى حبك .

سوف نستشعر بعد هذا الدعاء اننا فى رفاهية نفسية عظيمة..فقد أخضعنا أنفسنا ...لرب كل شيئ ..سبحانه وتعالى.

هل يتعجب انسان بعد قرآته لهذه الدراسة ويقول
"وهل اللقيمات علم؟"
فسبحان الله العليم الحكيم الذى اوحى الى نبيه الكريم ان يعلمنا "بحسب ابن آدم لقيمات يقمن صلبه"

وسبحان الله العليم الحكيم الذى اثنى على نبيه الكريم
(( وَعَلَّمَكَ مَا لَمْ تَكُنْ تَعْلَمُ وَكَانَ فَضْلُ اللّهِ عَلَيْكَ عَظِيماً ))

ان اكبر علماء العالم فى ابحاث السمنة هذه الايام لا كلام لهم الا عن البحث عن كيفية زيادة افراز هذا ال bdnf لانه يمنع الكآبة النفسية الناتجة عن الرجيمات..كما انه يحول الدهون البيضاء(الموجوده فى الكرش والارداف)الى دهون رمادية حارقة للدهون البيضاء ...وعندما تتكون هذه الدهون الرمادية (وقد تأخذ 3 شهور) تحدث المعجزة فيزداد معدل الاحتراق بقوة وتذوب دهون الكرش والارداف بسرعة..حتى لو كانت الحالة سمنه مفرطه....

ان النظرية معروفة لهم...انما الحل موجود عندنا

إظهار التوقيع
توقيع : بطه
#69

افتراضي رد: جروب رجيم اللقيمات

وده منشورررر من الدكتور محمد الهاشمي
إظهار التوقيع
توقيع : بطه
#70

افتراضي رد: جروب رجيم اللقيمات

ده مثال علي الرجيم
يسبق كل لقيمةب 5 دقائق شرب كوب الى 2 كوب مياه+نصف كوب مشروب من أى نوع كما هو مذكور فيما يلى مع اللقيمات

وبعد كل لقيمة ب 5 دقائق 2 لوز أو 5 فول سودانى
...
لقيمة 1
كوب كورن فليكس نصف كورن فليكس + نص كوب حليب يفضل خالى الدسم
بعد 3 ساعات
لقيمة 2
نصف كوب كاكاو+ثمرة فاكهة ممكن أن تكون من أى نوع مثل
نصف مانجو _ 3 برقوق _ 2 خوخ _ 2 تين _ موزة _ تفاحة _ برتقالة _2/3 كوب عنب _ كوب فراولة _ كوب كنتلوب أو بطيخ
بعد 3 ساعات
لقيمة 3
قهوة + 20 جم شيكولاتة
بعد 3 ساعات
لقيمة 4
نصف كوب مياه غازية + سندويش بيتى بان بملعقة مربى
بعد 3 ساعات
لقيمة 5
ثمرة يوسفى ( بديل المشروب ) + كوب سلطة توتة
أمثلة لوجبة اللامحالة
ويمكن تناولها فى أى وقت من اليوم ولكن يفضل تناولها مساءا خاصة للمبتدئين

*قطعة مكرونة بالبشاميل أو رقاق فى حجم كف اليد + قطعة لحم أو ربع دجاجة متوسط + كوب ونصف سلطة خضراء + 2 ملعقة أ؟يس كريم

*كوب الا ربع أرز +2 ملعقة بابا غنوج + سمكة مشوية فى حجم كف اليد + كوب الا ربع سلطة خضراء + كوب الا ربع كولا+20 جم شيكولاتة

*كوب ونصف كبسة باللحم + كوب شوربة + نصف كوب قهوة + 2 ملعقة بسبوسة

*رغيف + نصف كوب فول بأى طريقة + كوب الا ربع سلطة خضراء + كوب الا ربع كولا+ ثمرة فاكهة صغيرة (بديل الحلو)

*كوب ونصف مكرونة باللحم المفروم + نصف كوب سلطة + نصف كوب شوربة + نصف كوب مياه غازية + قطعة جلاش قد الكبريت

* نصف رغيف + كوب بامية باللحم + كوب الا ربع سلطة + كوب الا ربع شوربة + قطعة ملبن قد الكبريت

ملحوظة يمكن استبدال المشروب مع اللقيمات بثمرة يوسفى او نصف برتقالة او برقوقة او خوخة او 3 فراولة او نصف كوب كنتلوب او بطيخ

إظهار التوقيع
توقيع : بطه
#71

افتراضي رد: جروب رجيم اللقيمات

يارب قويني يارب اشفيني من كل الامراض ومن السمنه
اللهم اهديني وارض عني وبارك في وفي احبابي

إظهار التوقيع
توقيع : بطه
#72

افتراضي رد: جروب رجيم اللقيمات

اليوم
الساعه 12
كوب شاء ببسكويت ساده

إظهار التوقيع
توقيع : بطه
#73

افتراضي رد: جروب رجيم اللقيمات

لووووووووووووووولووووووووووولي
انا فرحانه قوي انا مبسوطه انا خسيت 2 كيلو ونص
في حدود اسبوعين يارب اخس اكترررر
وكل البطات اللي زيي يخسووووووووو
يارب اعني ووفقني

إظهار التوقيع
توقيع : بطه
#74

افتراضي رد: جروب رجيم اللقيمات

بطوووووط
مبروووووووك
النوووووووول
ربنا يوفقك يارب
وتخسى 10 كيلو فى الشهر
بالتووووووووووفيق

إظهار التوقيع
توقيع : نجوم الليل
#75

افتراضي رد: جروب رجيم اللقيمات


المشاركة الأصلية كتبت بواسطة نجوم الليل
بطوووووط

مبروووووووك
النوووووووول
ربنا يوفقك يارب
وتخسى 10 كيلو فى الشهر
بالتووووووووووفيق
حبيبتي يانجوم نورتيني واسعدتيني يارب اخس يارب وانتي كمان وطافي ونوصل للي احنا عوزينه

إظهار التوقيع
توقيع : بطه
#76

افتراضي رد: جروب رجيم اللقيمات

مبروووووووووووووك
يابطوووووووووووووط
عقبال المثااالى
يلا شدى الهمه اكتر واكتر وعقبالنا كلنا

إظهار التوقيع
توقيع : طافى
#77

افتراضي رد: جروب رجيم اللقيمات


المشاركة الأصلية كتبت بواسطة طافى
مبروووووووووووووك
يابطوووووووووووووط
عقبال المثااالى
يلا شدى الهمه اكتر واكتر وعقبالنا كلنا
منوراني ياطافي ياعسل الله يبارك فيكي
يارب نخس كلنا علي خير

إظهار التوقيع
توقيع : بطه
#78

افتراضي رد: جروب رجيم اللقيمات

التقرير النهارده
الساعه 11:45
كوب نسكافيه حليب خالي الدسم و2 سكر ديت
الساعه 1:45
واحد توست و2 جبنه مثلثات لايت و3 زيتونات
الساعه 5
اقل من نصف برتقاله وموزه
الساعه 7:45
20صوباع محشي صغبر وطبق سلطه ز2قطعه لحمه
وبشرب خلطه في اي وقت
وقفت علي جهاز الكريزي فات 20 دقيقه
ورياضه المشي في البيت 30 دقيقه
وعلي الساعه 11 ان شاء الله هيكون في واحد فاكهه او ذبادي

إظهار التوقيع
توقيع : بطه
#79

افتراضي رد: جروب رجيم اللقيمات

التقرير النهارده
الساعه 1:45
كوب شائ سكر ديت وبسكويت ساده
الساعه 5:30
كيس شيبسي صغير
الساعه 7
كوب مكرونه وربع فرخه وسلطه وشوربه خضار
الساعه 9
واحده يوسفي ونصف برتقاله
الساعه 12
2 قطعه بطيخ
الرياضه 20 دقيقه علي الجهاز ومشي 15 ساعه

إظهار التوقيع
توقيع : بطه
#80

افتراضي رد: جروب رجيم اللقيمات

التقرير اليوم صيام
السحور لا يوجد
الافطار الساعه 5 ونصف
كوب
اعشاب وكوب عصير برتقال فرش
نصف كوب نسكافيه وتوسته ب 2معلقه ذبده فول سوداني
الساعه 7:45
نصف كيس شيبسي
الساعه 9:30
رغيف الاربع و7كوفته مصريه صغيره و4 معالق بطاطس مسلوقه وسلطه
الساعه 10
ونصف نصف كوب عصير برتقال
الحمد لله تقلت شويه في الخبز

وطبعا قبل الاكل بشرب ميه كتير
وكمان بشرب الخلطه ووقفت علي الجهاز 30 دقيقه

إظهار التوقيع
توقيع : بطه
#81

افتراضي رد: جروب رجيم اللقيمات

التقرير اليوم
الساعه 9
2 برجر مشوي و1ونصف خياره و4 زيتون وكوب نسكافيه
الساعه 1:45
واحد يوسفي صغيره وتفاحه الاربع
الساعه 3:45
نصف رغيف حواوشي وحوالي نصف بطاطس و5زيتون وسلطه
الساعه 7:45
كوب عصير برتقال
الساعه 9
ودي بقه الكارثه نصف كوب ميرندا
و4 قطع بيتزا
وعاقبت نفسي لعبت رياضه علي الجهاز ساعه وشويه المشكله اني دايخه وشكلي كده ياهشرب عصير ياهخد شويه بليله

إظهار التوقيع
توقيع : بطه
#82

افتراضي رد: جروب رجيم اللقيمات

التقرير اليوم
الساعه 12 ونصف
كوب نسكافيه وتوسته ز2معلقه ذبده فول سوداني
الساعه 4
ربع كوب عصير برتقال
الساعه 9 ونصف
نصف كوب ارز و2 قطعه لحم و ازيد من نصف كوب كفته مصري
وسلطه
وبعد شويه شاء اخضر
والساعه 11 وربع
اقل من نصف كوب بليله
والرياضه اليوم
20 دقيقه علي الجهاز

إظهار التوقيع
توقيع : بطه
#83

افتراضي رد: جروب رجيم اللقيمات

تقرير الخميس

السحور
الساعه 2:30
واحده يوسفي وتوسته ومعلقتين ذبده فول سوداني

الفطار
الساعه 5:45
مياه وخلطه اعشاب
2قطعه بيتزا وسط

الساعه 9 ونصف
كوب ونصف ارز وبسله وكوفته
كوب ونصف سلطه وبطيخ
قطعه صغيره شيكولاته

قبل النوم احتمال اكل ذبادي

الرياضه 40 دقيقه علي الجهاز

إظهار التوقيع
توقيع : بطه
#84

افتراضي رد: جروب رجيم اللقيمات

الحمد لله خسيت 600 جرام في اسبوع
وان شاء الله هكمل

إظهار التوقيع
توقيع : بطه
#85

افتراضي رد: جروب رجيم اللقيمات

تقرير اليوم السبت
الساعه 11وربع
كوب نسكافيه وتوسته و2ملعقه ذبده فول سوداني

الساعه 3 وربع
تفاحه الاربع

الساعه 6
نصف حووشي و3 كوفته اقل من صوباع الياد ونصف بطاطس

وعلي شويه اخد كوب بليله

وشربت الخلطه وميه كتيييير

ووقفت علي الجهاز ساعه

إظهار التوقيع
توقيع : بطه
#86

افتراضي رد: جروب رجيم اللقيمات

تقرير اليوم الاحد

الساعه 12:30
نصف كوب شاي وبسكويت ساده

الساعه 3:30
موزه ونصف برتقاله

الساعه 5:30
كوب نسكافيه

الساعه 7:30
جزره

الساعه 10:30
5معالق مكرونه وقطعه لحم وسلطه ونصف كوب سحلب

الرياضه
تمارين 20 دقيقه
والجهاز 40

إظهار التوقيع
توقيع : بطه
#87

افتراضي رد: جروب رجيم اللقيمات

تقرير يوم الاثنين

صيام
السحور لايوجد

الفطار الساعه 5:45
كوب حليب بتمر

الساعه 7:15
7 سمبوسه وربع فرخه

الساعه 9:30
كوب شاء وقطعه شعريه قد علبه الكبريت

الرياضه نصف ساعه علي الجهاز

إظهار التوقيع
توقيع : بطه
#88

افتراضي رد: جروب رجيم اللقيمات

تقرير اليوم الثلاثاء

الساعه 12:45
كوب نسكافيه وتوسته و2 ملعقه ذبده فول سوداني

الساعه 5
كوب كوكتيل

الساعه 8:30
توسته وقطعه لحم و2ملعقه ارز وسلطه وملوخيه

وبعد ساعه شائ اخضر

الرياضه
50 دقيقه علي الجهاز

إظهار التوقيع
توقيع : بطه
#89

افتراضي رد: جروب رجيم اللقيمات

بصراحه انا مش فاهمه الرجيم ده ونفسي افهمه صح
#90

افتراضي رد: جروب رجيم اللقيمات

منوراني حبيبتي ايه اللي انتي مش فهماه وانا اقولك عليه
إظهار التوقيع
توقيع : بطه
#91

افتراضي رد: جروب رجيم اللقيمات


المشاركة الأصلية كتبت بواسطة بطه
النهارده انا فطرت كورن فليكس فتنس وحليب خالي الدسم ونسكافيه سكر ديت

إظهار التوقيع
توقيع : عروس النيل
#92

افتراضي رد: جروب رجيم اللقيمات

قريت عنه من فتره . وكانت المشكله الكبيره جدا اني باجوع طبعا
اللي ساعدني بأه الميزو اورال لو تسمعو عنه .
انا جبته بسعر الجمله من وكيل يعني هو اللي بيدي للدكاتره وكمان حقن الحرق والميزوثيرابي وامريكي كمان علي فكره . وقررت بصراحه اني احاول افيد واستفيد . لأن موضوع الوكيل ده ساعدني جدا في موضوع السعر
مش حتصدقوه والله
اللي عايزه تعرف حاجه تكلمني 01147677178
انا قريت هنا موضوع عارضه الحاجات دي باسعار عاليه اوي بس ده مش حقيقي علي فكره

#93

افتراضي رد: جروب رجيم اللقيمات

يسلمووووووووو
#94

افتراضي رد: جروب رجيم اللقيمات

تسلمى يا قمر
#95

افتراضي رد: جروب رجيم اللقيمات


المشاركة الأصلية كتبت بواسطة om adm
جزاكى الله كل خير
شكرا حبيبتي نورتي ني

إظهار التوقيع
توقيع : بطه
#96

افتراضي رد: جروب رجيم اللقيمات


المشاركة الأصلية كتبت بواسطة sandybell
تسلمى يا قمر
أسعدني مرورك ياقمر

إظهار التوقيع
توقيع : بطه
#97

افتراضي رد: جروب رجيم اللقيمات

ربنا يوفقكو
#98

افتراضي رد: جروب رجيم اللقيمات

ربنا يوفقنا
#99

افتراضي رد: جروب رجيم اللقيمات

مرحبا☺☺☺☺☺
#100

افتراضي رد: جروب رجيم اللقيمات

السلام عليكم
حرب التتار - ترافيان كلاسيك
https://travianr.com/ts5/register.php?ref=106



#101

افتراضي رد: جروب رجيم اللقيمات

شكرا على الموضوع
#102

افتراضي رد: جروب رجيم اللقيمات

كيف اشترك معكم
#103

افتراضي رد: جروب رجيم اللقيمات

ميرسى كتيييييييير
#104

افتراضي رد: جروب رجيم اللقيمات

شكرااااااا حلووو كتييييييييير اووووى
#105

افتراضي رد: جروب رجيم اللقيمات

بالتوفيق موضوعك جميل


بالتوفيق موضوعك جميل


بالتوفيق موضوعك جميل


بالتوفيق موضوعك جميل

#106

افتراضي رد: جروب رجيم اللقيمات

عليه افضل الصلاه والسلام
ان شاء الله تخسى وانا معاكى يابطه
رد: جروب رجيم اللقيمات

#107

افتراضي رد: جروب رجيم اللقيمات


#108

افتراضي رد: جروب رجيم اللقيمات

صلي الله عليه وسلم وربنا معاكي ويعينك يارب

#109

افتراضي رد: جروب رجيم اللقيمات

أحلى تحية وتشجيع
#110

افتراضي رد: جروب رجيم اللقيمات

جمييييييييييييل
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
الخلاصة النهائية للرجيم الناجح ... كلي اللقيمات تخسيس طرق التخسيس وانقاص الوزن
رجيم الدكتور الهاشمى لتخسيس 10 كيلو تخسيس الرجيم والرشاقة
رجيم اللقيمات, اسرع رجيم للتخسيس , رجيم من تجربتى,رجيم اللقيمات 2024 ربي رضاك والجنة تجارب الاعضاء الشخصية
رجيم اللقيمات السريع للدكتور محمد الهاشمي بالتفصيل دوما لك الحمد طرق التخسيس وانقاص الوزن
رجيم صحى بدون جوع ЙǑŏƒ اكلات للرجيم واطباق صحية


الساعة الآن 12:47 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل