أو

الدخول بواسطة حسابك بمواقع التواصل



https://adlat.net/showthread.php?t=365620
2378 17
#1

افتراضي محتاجه رايكم ضرورى

بسم الله الرحمن الرحيم




ازيكم ياعدولات اخباركم ايه .كل عام وانتم بخير
انا محتاجه اخد رايكم في شي .ومحتاجه نصيحتكم ليا .الموضوع ومافيه .انا متجوزة بقالي ٧ سنين وبحب جوزى جدا جدا .بس للاسف حصل بينا مشاكل كتتير .والحمد لله كنت بقدر اتغلب ع المشاكل دى وبكبر دماغي .بس كل مرة كنت بنسكت وبكبر وبطنش .بيرجع يكرر الغلط دة تانى .ودلوقتى بقا هو عايز يتجوز عليا .بحجه انى مش فهماه وانى مش بنطور من نفسي ومش بتغير وبجدد نفسي .انا ممكن اكون كدة فعلا .بس انا يابنات من الفلاحين ولينا عادات وتقاليد وتربيه مختلفه .وهو كمان من بلدى بس هو معاه كليه وانا دبلوم .ولما سافر واشتغل واتعرف علي ناس كتييير وعيشته اتغيرت خالص وبقا حاجه تانيه خالص اي واحدة تتمنى تعيش معاه .وانا طبعا محلك سر مفيش اي تغيير من ناحيتى .او مش عارفه اتغير وممكن اكون مش عايزة اتغير .دلوقتى احنا في مشاكل جامدة كل يوم يتخانق معايا علي اهيف سبب ومايكلمنى .انا قولت له تعالا نبدا صفحه جديدة وهتغير بس اصبر عليا وتعالا ننسي اللي فات قالي ماشي بس بعد يومين اتنين اتغير تانى من ناحيتى .ومعتش طايق حتي يسمع صوتى .وبقا بيقولي كلام يجرحنى .متخلفه وجاهله .وليل نهار يهددنى بالجواز .وانا والله قولت له روح اتجوز وسيبنى وروح دور علي واحدة مثقفه ومتعلمه وسبنى نربي عيالي .بس تقريبا كل مابيتعرف علي واحدة اهلها مايوافقوا عشان متجوز .هو عايزنى انا اللي اطلب الطلاق .ومن يومين بنت اخوة اتكلمت معايا وقالت ليا عمى حاكيلي كل شي .وقعدت بقا قال ايه تنصحنى واتغيرى واعملي وانا مش هخليه يتجوز عليه انا وعدته مايتجوز عليكى .هو بيتكلم معاهم اكتر منى وحاكي ليها حاجات مش بيحكيهالي .وبيقولها انتى بتفهمنى لان تفكيرهم واحد هيا كمان كارهه عيشه الفلاحين واتغيرت علي اهل بلدها .وساعات بحس انها بتغير علي عمها منى وعايزة عمها ليها لوحدها وبتقعد تهزر معاه ولما تلاقينى بهزر وشها بيتغير .وعايزاة دايما عندهم .وممكن تقول كلام يجرحنى قدامه بالهزار .هو معجب جدا بشخيصيتها لانها عندها ثقه بنفسها وغرورة وواخدة حريتها شويه يعنى بتعمل اللي عايزاة .وانا حاسه ربي يحاسبنى ان هيا من كتر كلامها معاه غيرته من ناحيتى ..هيا عارفه ان في مشاكل بينا وقالت هكلمه عشان يكون كويس معاكى .ولما كلمته وسمعت المكالمه وسمعت وهو بيكلم عليا وحش قدامه تعب قوى وجالي حاله انهيار عصبي وتشنجات وكرشه نفس .واتبهدلت .ودخلت المستشفي .حتى ماكلف نفسه وكلمنى .وهو بيكلمها طول والنهار وبيراسلها .بتقولي هو قال هيكلمك وماكلمنى .انا بجد تعبانه قوى والدنيا سودة في وشي .مش عارفه اعمل ايه



إظهار التوقيع
توقيع : مغتربه مصريه
#2

افتراضي رد: محتاجه رايكم ضرورى

موضوع حلو بارك الله فيكى
#3

افتراضي رد: محتاجه رايكم ضرورى

...
.

إظهار التوقيع
توقيع : النجمة الذهبية
#4

افتراضي رد: محتاجه رايكم ضرورى

استغرى اللع وتوبى اليه
#5

افتراضي رد: محتاجه رايكم ضرورى

بصى ياصاصا طبعا انا عارفة كل المشاكل وكل اللى انتى مريتى بية بس ياريت تقبلى كلامى ومتزعليش
الراجل لما بيحب الست بيحبها بكل حاجه فيها وحشها قبل حلوها بيستحملها زى ماهية مستحملاة معلش معذرة دا ضعيف الشخصية جدا ومعندوش استعداد يتحمل مسئولية لانه لو فكر بس مرة فى بيتو واولاده اكيد كان هيراجع نفسه علشان البيت دة ميتخربش
صلى صلاة الحاجه وادعى ربنا واستغفرية كتير والله مافى مرة استغفرت ربنا فيها الا وربنا كان بيوقف معايا ويساعدنى
ومتجيش على نفسك ومتجرحيش كرامتك اكتر من كدة وهو الخسران صدقينى صلى وادعى ربنا ربنا قادر على كل شئ ومتزعليش نفسك لو حصلك حاجه عيالك هما اللى هيتبهدلو وهيشوفو العذاب فكرى فى ولادك هما اهم من زوج انانى ميعرفش ربنا ولا بيراعيه

إظهار التوقيع
توقيع : ام مالك وميرنا
#6

افتراضي رد: محتاجه رايكم ضرورى


المشاركة الأصلية كتبت بواسطة بنوته زى عسل
موضوع حلو بارك الله فيكى
لو سمحتى ياقمر ياريت يكون الرد لائق بالموضوع او عدمه

إظهار التوقيع
توقيع : ام مالك وميرنا
#7

افتراضي رد: محتاجه رايكم ضرورى


المشاركة الأصلية كتبت بواسطة ام مالك وميرنا
لو سمحتى ياقمر ياريت يكون الرد لائق بالموضوع او عدمه
حاضر ازاى ممكن افهم

#8

افتراضي رد: محتاجه رايكم ضرورى

ربنا يهون من عنده .. استخيري ربنا وفكري اول شئ باولادك
#9

افتراضي رد: محتاجه رايكم ضرورى

شوفي اختي انا عارفة كل المشاكل االي مريتي فيها واقولك انك فعلا ظوجة صبورة و ام مكافحة
استغفري ربك كتييير 10000 مرة باليوم متلا بالقلب و اكثيري من قول لا حول ولا قوة الا بالله و ان لم يكن لك الوقت لقراءة سورة البقرة كل يوم اشغل تلاوتها في البيت كل يوم بيتك اكون فيه قرأن واعلمي ان ماكتبه لك الله هو الي حيحصل ادعي ربنا هو على كل شيء قدير
وانت من ناحيتك حاولي تغير شوي الان راحل بحب التغير حاولي تنسي الكلام الجارح الي قالو ليك بعرف انو صعب كتير بس عشان ربنا يرضي عليك وتكوني زوجة صالحة واشتري هدوم جديدة و تعطري بعطر جميل و كوني مرتاحة و انسي المشاكل الي حاصلة لنفسك اولا و ان لم يهتم بك لا تبالي به امنحي وقتك لنفسك ولولادك وعامليه بلطف وحنان واعمليه اكلات الي بحبها متلا واذ عصب عليك او قال لك شي جرحك ماتردي عليه اذهب توضي وصلي وقراي القران ترتاحي بعدها و ترجعلك طاقة الاجابية واذ قالك اريد الطلاق قوليليه حاضر امنحني بعض الوقت و ان من سوف اطلب الطلاق بس اصبر شوي وفي الفترة حاولي تستخيري ربنا الكتير كل يوم و تهتمي بنفسك كأنك عروس جديدة و لا تبالي باهانته ابدا لك و تغير لنفسك
وان شاء الله يارب يلطف به و بيغير فكرته

#10

افتراضي رد: محتاجه رايكم ضرورى

مش عارفة انصحك ازاي بصراحة !! لأن اي كلمة هنقولها هنا في المنتدى ممكن تغير حياتك للأحسن أو لا قدر الله للأسوأ
الي أقدر اقولهولك , لو عايزاه وعايزة تكملي معاه .. ابدأي اتغيري .. بس مش زي ما هو عاوز
يعني خليكي على طبيعتك .. بس قللي من الحاجات الي هو مش بيحبها .. واهتمي بنفسك وبأنوثتك عن الاول حتى لو انتي
كنت بتعملي الي علييكي وزيادة .. اتكلمي عادي زي الفلاحين .. ما كلنا فلاحين .. بس المهم تقللي نبرة الصوت شوية
وخلي نفسك هادي ف البيت .. ومتفتحيش معاه أي حاجة تخص الموضوع .. وكأن مفيش اي حاجة ..


ربنا يقدم ما فيه الخير ويصبرك .. وعموما مفيش حاجة تزعل
لو في خير في الانفصال متزعليش .. كل الي يجيبه ربنا كويس
اهم حاجة تحافظي على اولادك ..

#11

افتراضي رد: محتاجه رايكم ضرورى

شوفي طالما هو معجب بهل بنت خذي من تصرفاتها و غيري نفسك كليا يعني لو كنتي متنانه خسي و غيري لون شعرك و سويلك شوي تنظيفات بشره تغيري و ارجعي متل العروس لكن كمان لاتعطيه اي اهتمام و انصحك تقرائي كتاب الرجال من المريخ و النساء من الزهره و خذي كورسات من اكاونت اسمه عشتار وحتشوفي التغير الجذري اللي حيحصل في حياتك باذن الله وطبعا لاتنسى كل مايخرج من البيت استودعي الله قلبه و سمعه و بصره و فرجه و جميع اعضائه و ادعي كم دعوه في خاطوك يوميا و ربي ماحيردك خايبه باذن الله من يتمسك بحبل الله يجعل له مخرجا واذا حابه اساعدك كوني طالبه علم النفس لعيونك حخدمك
#12

افتراضي رد: محتاجه رايكم ضرورى

لا حول ولا قوة الا بالله العلي العظيم بصي حاولي تجدى من شكل وشعرك واهتمي بججسمك وهيئي البيت ف جو هدوء وماتتكلميش معاه لحد ماتتجدى نفسك شوفي هو الثقافة اللي بيحب يتكلم فيها مع بنت اخوة او غيرة واخلقي لنفسك جو غير الفلاحيين اللي انتي عشتية اتجدى واعملي مع الثقافة والعصر اللي هو عايش فية واقراي كتير المجالات للي بيحب يتناقش فيها هتتعبي بس هيلاحظ عليكي تغير ماتكلمهوش واشتغلي ع نفسك مع الصلاة وتشغيل القران والصبر والدعاء الرجالة عقلهم اصغر منهم وبيضحك عليهم سواء بالكلام والنفخة الكدابة او بالاغراءت اللي حللها الله سبحانه وتعالي وحاول تتغيري دايما عشان تكوني متججدة هو مش عارف يغيرك ولا يستحملك معلش اتعبي انتي لان جوزك مش عاز يساعد فساعدي واتغيري انتي وان الله مع الصابريين وهو من حقة يشوف مراته متججدة بس علية انه يفهما ويعرفها برضة حتي لو اتجوز عليكي هيشوف ف اللي اتجوزها حاجات مميزة فيكي ومش مميزة عندها لان ماكامل غير سيدنا محمد يعني الدنيا مش هتحلي ف عينة الا لما تحاولي مدي حيتك تجددى مع كل وقت وكل تفكير بيتغير لية وماتخسريش كرامتك اووي ف حاجات ولا لا
#13

افتراضي رد: محتاجه رايكم ضرورى

الملل بيدمر اي علاقة
جددي من نفسك حبي نفسك دلعيها

#14

افتراضي رد: محتاجه رايكم ضرورى

الف شكر
#15

افتراضي رد: محتاجه رايكم ضرورى

اهلا بيكى حبيبتى منورة
#16

افتراضي رد: محتاجه رايكم ضرورى

لا إله إلا الله .. هي الرجالة كده بتكبر وتجنن
والله يا حبيبتي ما عارفة أقولك ايه
ربنا يصلح الحال ويوفقك لما فيه الخير

#17

افتراضي رد: محتاجه رايكم ضرورى

00962781340500 توفل الامارات ايلتس الكويت توفل
#18

افتراضي رد: محتاجه رايكم ضرورى

حبيبتي اصبري ضغوط الحياة صعبة وكتيرة وكمان الشيطان حاولي متديش فرصة لحد يدخل بينكم وسيبك من الكلام غيري من نفسك بالفعل مش الكلام وهو هيحس لوحدة وهنبقي انتي المقربة وبكرا تشوفي ربنا يصلحلك حالك يااارب
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
كولكشن ادوات مطبخ مختلفة ادوات مطبخ جديدة رايكم ايه يا عدولات ندى ام ادوات واجهزة منزلية
ايه رايكم عفف حوارات اجتماعية مفتوحة
ايه رايكم في الفرش للجديد لشقتي أعطوني رايكم رودينة الارشيف والمواضيع المكررة
محتاجه رايكم ضرورى بالله عليكم saaau فضفضة وحل المشاكل
اعطونى رايكم يا جماعة ام رؤى منوعات x منوعات - مواضيع مختلفة


الساعة الآن 09:52 AM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل