أو

الدخول بواسطة حسابك بمواقع التواصل

#1

جديد اعملى تقيلة وخلى خطيبك قليل الحيلة @@@@

السلام عليكم ورحمه الله وبركاته
ازيكو يا بنات يا مخطوبات انا النهارده جيا اتكلم معاكو في موضوع مهم اوي وهو ازاي تتقلي علي خطيبك بس عايزاكي تركزي معايا قوي وتفكري في كل كلمه هقولهالك عشان توصلي لانك تكوني بنت تقيله وفي نفس الوقت حبوبه ومن هنا هتخلي خطيبك قليل الحيله بس انا هقسم الموضوع نقطه نقطه وعايزه منكو تشجيع عشان اكمل الموضوع لانو طويل حبتين يلا نبتدي يا قمرايا بس في الاول كده قولي معايا
اللهم صلي علي سيدنا محمد وعلي اله وصحبه وسلم تسليما كثيرا
دايما بنسمع كلمه التقل صنعه اه فعلا زي ما النجاره صنعه والحداده صنعه والكهربا صنعه
انا بقي مش هقولك اتعلمي حداده ولا نجاره ولا صلحي مواسير ولا الكلام ده كله انا بس هقوك اتعلمي التقل طب اتعلم التقل ازاي واعمل ايه ؟؟؟؟؟؟؟
ما فيش حد بيتعلم صنعه كده من غير ما يكون معاه ادواته ومعداته اللي هتساعده علي انو يكون فعلا حامل للصنعه دي ومشهور بيها ومفيش صنايعي اتعلم من غير ما غلط عشان كده خلاص وقت الغلطات دي من النهارده وبعد ما تقري التوبيك ده انتهي عايزاكي بقي تفتحي معايا صفحه جديده وتنسي كل اللي فات وتتفاعلي معايا
ادواتك يا عدوله
ابتسامة
اولا _ الثقـــــــــــــه
ثانيا ـــ العقلانيــــــه
ثالثا ــ المسؤليـــــــه
رابعا _الحب والاخلاص
هما اربع ادوات ولاحظي اني قولت الحب والاخلاص في الاخر ود ه لسبب كبير جدا هقولك عليه بعدين
اولا " الثقه
من جواكي تثقي تمام الثقه انك حلوه وجميله وفي ميت الف واحد يتمناكي مع ذلك انتي اخترتي الشخص ده اللي هو خطيبك من ضمن الميت الف واحد دول يعني مش تقولي خايفه اقول كذا ليطير مني خايفه يبص لغيري لا مش عارف ايه
لا يا فتوكه انتي فعلا جميله وهو اللي محتاجلك ويتمنالك الرضا ترضي وهو لبسك دبلتو اذن تثقي انو مش هيبعد عنك وهتعرفي تعملي ايه في النقط اللي جيه بعد كده عشان تعززززززززززززي اللثقه دي
حطي الجمله دي في ودنك تماما
اقتباس:
"ستبقي وحيدا ولو حضنتك نساء الكون بعدي"
شوفتي بقي ثقه اكبر من كده بس ياريت ما تفهمونيش غلط مش معني كده احضان وكلام من ده ونفسر غلط لا بالله عليكو افهموني صح
معني المقوله انك لو لفيت الدنيا وروحت وجيت ولقيت اللي تكلمك واللي تبصلك وتحط في دماغك انها احسن مني لا انا الاصل وانا اللي هعشش في دماغك ومش هطلع منها ابدا
وتثقي كمان ان خطيبك ده لو لف الدنيا دي بحالها مش هيلاقي زيك ولا زي بتكو ولا زي اهلك ولا زي اخواتك
يااااااااااه ايه الكلام ده كله كل دول؟؟؟؟؟
ايوة لازم توصليلو كده يا جميييييل يعني ايه ؟؟
بنات كتير هنا تدخل تشتكي مش لاقيه كلام اقولو لخطيبي !!!!!!! حزينةطب ليه هو انتي خلصتي كل الكلام خلاص يعني مبقاش في مواضيع تفتحيها
بنت تانه تقول عايزة رساله حلوة رومانسيه ابعتها لخطيبي استغرب قوي عليها
والل تقول مبقتش لاقيه كلام اقولو وبقعد ساكته وبيقعد يقولي اتكلمي انتي ليه ساكته
؟؟؟؟؟؟
بجد بجد ليه بتسكتي وانتي عندك ميت الف موضوع ممكن تقوليه تخليه يقفل معاكي وهو حاسس انو فعلا فعلا لو لف الدنيا مش هيلاقي زيك
اول موضوع هنبدا نتكلم فيه مع خطابنا هو البيت والاهل والاخوات
هتقولي ما انا مابطلش كلام عن البيت ومشاكل البيت وماما قالت وبابا زعق واخواتي وحشين وصحابي منيلين بستين نيله
طب بالله عليكي عايزة تحكي المشكل والسلبيات دي وعايزاه ما يتغيرش معاكي
ط تعملي ايه بقي في النقطه دي
اولا " الاب تيجي كده في مره من المرات تحكيلو موقف حلو يعني مثلا
عارف يا حبيبي النهارده بابا طلب مني اكويلو الهدوم وانا كوتهم ودعالي
كتير خالص وقعد يقولي ربنا يخليكو ليا
مش عارف لما تتجوزو هعمل ايه يا بخت عرسانكو بيكو وبجد يا حبيبي حسيت دعوه بابا دي قوي وفرحت بيها
بحس انو لما بيدعيلي بيدعيلي من قلبو انا بحبو خالص ربنا يخليهولي يارب دايما حاسه انو سند ليا
وعشان كده نفسي دايما اكون عند حسن ظنو بيا ما اعملش حاجه تقلل بيه ابدا او تقلل منه مع
ان بابا ده صعب وشديد لما بيزعل من حاجه كلنا بنترعب بجد مابتكونش حاجه سهله ابد
ولو شاف حد فينا زعلان او متغير شويه بيجيبو ويقعدنا ويفضل يسأل فلان زعلان ليه ويقعد معاه ويكلمو وهكذا فهماني يا فتوكه ا
عارفه انتي عملتي ايه كده ؟؟؟؟؟؟؟
اولا
حسستيه كده من بعيد بالجو الاسري الجميل اللي في البيت وبحنيه باباكي
ثانيا
وبثقه باباكي فيكي بخوفو ان حد يزعلك وان لو خطيبك زعلك ولا عمل اي حاجه بتدايقك هيخاف من البيت لان البيت عندك حنين
زي ما نقلتيلو ثقه باباكي هو كمان هيثق فيكي
علي عكس ما تقعدي تقوليلو ده بابا ما بيسألش فينا ده بابا بيزعقلي
ده بابا ما بيسمعنيش ده انا نفسي اسيب البيت بقي وابقي معاك انتي فاكره ان الكلام ده هيفرحو بس للاسف انتي كده بتغلطي غلط كبير قوي وهيجي علي دماغك في الاخر فليه ؟؟؟؟؟؟
استحملي لو البيت عندك في اي مشكله او اي خلاف وافتكري ان دول اهلك واي عيب هتعيبيه فيهم يبقي بتعيبي نفسك اولا وبتلوثي شكلك قدامه
ده مثال علي الاب اشتغلي انتي بقي علي اخواتك علي ماماتك حسيسيه ان بتكو ده بجد مش هيلاقي زييوه
عايزه اقولك يا عدوله بمجرد ما اتخطبتي انتي كده بتبدأي حياه جديده وعودي نفسك طالما مشيتي في طريق ما ينفعش انك تفشلي والفشل ده يكون بسببك
اعملي علي قد ما تقدري في سبيل ان حياتك تمشي وتترسم زي ما انتي عايزاها
لسه في كلام كتير وافكار حلوة للمخطوبين ونقط لسه هنكمل فيها
عايزة تشجيع من حبايبي الي هو انتو وتقيم جميل كده يشجعني اني اكمل
بجد نفسي نكمل ونبقي احلي مخطوبين في الدنيا نفسي حيات كل بنت تبقي سعيده مع خطيبها
في امااااااان الله يارب
ابتسامةما تنسوش التقيييييييييم ابتسامة
,,,,


الجزء الثاني
السلام عليكم ورحمه الله وبركاته
وحشتوووووني كتييييييير اوي
هكملكوا النهارده في باقي موضوعي وهو اعملي تقيله وخلي خطيبك قليل الحيله
كنت اتكلمت عن نقطه العقلانيه واستفدنا منها ان كل واحده مخطوبه لازم تتعامل بعقلها وتاخد الامور بحكمه وما تكونش عاطفيه او رومانسيه ذياده عن اللزوم لان في مثل بيقول
لا تكن لينا فتعصر ولا تكن خشنا فتكسر
والنهارده هتكلم عن المسؤليه كتاني نقطه في الموضوع
يلا بقي صحصحولي كده وركزو معايا واللي عندها اي سؤال اي استفسار عن اي حاجه انا معاها سواء علي الخاص او هنا انا تحت امركم يا قمرات
ابتسامةالمسؤليه ابتسامة
كلمه مسؤليه لوحدها كلمه كبيره ومكلكعه ومسؤليه ايه بس اللي بنتكلم عليها دي المسؤليه مسؤليه البيت والاولاد ولما اتجوز ابقي اشيل المسؤليه انتي هتشيلينا المسؤليه من دلوقتي
بس انا عايزه اقولك ان كل حاجه بتعمليها لازم تتحملي مسؤليتها لو كانت حاجه بسيطه قد كده لو كانت اكله بتعمليها ولا صلاه بتصليها ولا كلمه حلوه او وحشه قولتيها لازم تعرفي انها مسؤليه
ولو قدرنا نعرف المسؤليه في معناها الصغير هيبقي المعني الكبير موش صعب ابدا علينا
فالخطوبه بقي بكل ما تحمله الكلمه من معني هيا مسؤليه
دايما بتخيل ان فتره الخطوبه دي عباره عن سفينه وليها شراع وفيها كل المقومات اللي هتساعدك انك تتغلبي علي كل المشاكل اللي تقابلك وانك تستغلي كل الظروف لصفك عشان السفينه دي تتمشي بسلام وتوصلك لشط الامان اللي هو شط الجواز بأذن الله وبعدها هتركبي الطياره اللي هتوديكي دنيا عايزنها تبقي جميله وفيها كل اللي نفسك تعرفيه
فانتي طبعا مسؤله عن كل الناس اللي فيها سواء بتحبيهم او لا سواء بترتاحلهم او لا انتي مسؤله عنهم وعن شخصيه كل واحد في السفينه وبذكائك لازم تتصرفي تصرف صح ابدا لا يدينك
وخطيبك معاكي في السفينه لكن هو مساعدفقط انتي بتوجهيه لما يكون في موجه عاليه يفرد الشراع يساعدك يقف جمبك مش تثوري وتتهوري وتنهاري لا انتي واقفه صامده جريئه مخك شغال بتوجهيه صح بس لو انتي فعلا شايفه ان ده الصح لازم بذكائك تقنعيه ان انتي صح ولما تخرجي من اول مشكله بسلام وبتفكيرك اعرفي انه كده هيثق فيكي وهيسلملك نفسه وحياته المشاكل ما بتخلصش ابدا وعشان نطلع من المشكله بسلام لازم نحلها بسلام ونحلها حل يرضي الطرفين وفي طبعا تضحيات وفي طموحات وفي حجات كتير اوي جوانا لازم نسعي اننا نوصل لها
ولانه المساعد بتاعك فحاولي بقدر الامكان تكوني حنينه عليه تساعديه في بعض مهامه يعني تقفي جمبه تستحملي بعض الظروف مش كلها طبعا لو عمل حاجه غلط بالراحه تساعديه وتوجهيه ازاي يعملها صح وبالتالي هيسمع كلامك وهيحس انك حنينه اوي عليه وبالتالي هيسلملك نفسه وتفكيره لتاني مره وعمره ما هيفرط فيكي ابدا لانك حسستيه انك بالرغم من انك قائد السفينه دي الا انك عايزاه هو اللي يكون المساعد هو اللي يقف جمبك هو اللي يبقي معاكي مش حد تاني بعكس ما يحس انك بتامريه وبتقوديه




لسه في كلام كتير عايزه اقوله لكل مخطوبه عشان حياتنا تكون احسن وعشان نبني بيوت قويه وتملكي قلب وعقل خطيبك
يلا بقي عايزه ارائكم في الكلام ده ولو في اي حاجه مش واضحه هوضحها ان شاء الله في اللي جي ده كلام كده مقدمه يعني هههههه طويله شويه بس اكيد هكمل الباقي يا قمرات
يارب اكون افادتكم
في امان الله
يارب



إظهار التوقيع
توقيع : ام زياد ومريم
#2

افتراضي رد: اعملى تقيلة وخلى خطيبك قليل الحيلة @@@@

شكرا
#3

افتراضي رد: اعملى تقيلة وخلى خطيبك قليل الحيلة @@@@

مشكوووورة يا قملا كلام زي الفل
إظهار التوقيع
توقيع : حبيبة نوناا
#4

افتراضي رد: اعملى تقيلة وخلى خطيبك قليل الحيلة @@@@

شكرا حبيبتي
تم نقل الموضوع لقسم فن الاتيكيت والتعامل مع الآخرين

إظهار التوقيع
توقيع : رحيق
#5

افتراضي تنبيه اداري

تم نقل الموضوع من قسم طلبات التصاميم.
بواسطة : رحيق

#6

افتراضي رد: اعملى تقيلة وخلى خطيبك قليل الحيلة @@@@

مشكورة ياقمرايا
إظهار التوقيع
توقيع : فتاة بالحياء تجملت
#7

افتراضي رد: اعملى تقيلة وخلى خطيبك قليل الحيلة @@@@

مشكورررررة موضوع رائع
#8

2131 1168499165 رد: اعملى تقيلة وخلى خطيبك قليل الحيلة @@@@

مرحبا
حابة طريقة لاكتشف ادا كان بغار علي ولا لا
بليز لا تبخلو بالرد

#9

افتراضي رد: اعملى تقيلة وخلى خطيبك قليل الحيلة @@@@

مشكوووور كتييير على الكلام الرائع
#10

افتراضي رد: اعملى تقيلة وخلى خطيبك قليل الحيلة @@@@

كلام حضرتك رائع
#11

افتراضي رد: اعملى تقيلة وخلى خطيبك قليل الحيلة @@@@

بعد ازن حضرتك انا محتاره جدا مع خطيبي
#12

افتراضي رد: اعملى تقيلة وخلى خطيبك قليل الحيلة @@@@

موضوع هايل بجد
#13

افتراضي رد: اعملى تقيلة وخلى خطيبك قليل الحيلة @@@@

صح مية مية
#14

افتراضي رد: اعملى تقيلة وخلى خطيبك قليل الحيلة @@@@


رد: اعملى تقيلة وخلى خطيبك قليل الحيلة @@@@



إظهار التوقيع
توقيع : حياه الروح 5
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
20 علامة تشير ان خطيبك ليس الزوج المناسب لك نايلية وفخر ليا الحياة الزوجية والاسرية
ملف الاكلات الصحيه هنا وبس أميرة القصر اكلات للرجيم واطباق صحية
اوعى غطا الكانز اعملى بى اجمل شماعه.طريقه عمل الشماعه السحريه.اسهل شماعه ممكن تعمليها دوما لك الحمد افكار وتجارب منزلية
بتغيرى اوى على خطيبك لا وايه هو بيستفزك طيب ورايا انا ام جنى وبس ام جنى وبس فتيات تحت العشرين
لسة مش قادرة تحبي خطيبك .. تعالوا ندي لنفسنا فرصة حنين الروح123 حوارات اجتماعية مفتوحة


الساعة الآن 01:34 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل