أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

انا كده ظلمتها و لا لا

إضافة رد  أضف للمفضلة
https://adlat.net/showthread.php?t=187887
3158 18
#1

افتراضي انا كده ظلمتها و لا لا

السلآم عليكم




الموضوع ان دي واحده صحبتي بقالنا 10 سنين اصحاب جدا و بنحب بعض او انا اللي كنت فاكراها بتحبني عادي بنتخانق زي 2 اصحاب و نرجع نتصالح بس المره دي كانت مختلفه انا هحكيلكم الموضوع على طول المشكله بدات اخر السنه اللي فاتت ماما تعبت جدا و اغمى عليها و عرفنا بعدها ان هي عندها نزيف في المخ الحمد لله بس طبعا حاله البيت كانت صعبه جدا و اخواتي كانوا مسافرين و كان بابا معظم الوقت متعصب عشان ماما عيانه و زعلان جدا و كانوا خلااااتي علطول بيبكوا عندينا و كمان انا كان عندي امتحانات و كنت محبوسه في الاوضه معظم الوقت اعيط و ابكي من كتر الحزن اللي في البيت لوحدي من غير ما حد يشوفني و هي كانت عارفه اللي حاصل مع ماما و خلصت الامتحانات ما اتصلتش و لا مرة تسال على ماما او اي حاجه و اتصلت في اخر الاجازة بس عشان تعرف حجزتلها في الدروس بس حسيت ساعتها ان انا بالنسبه لها زي مركز الاتصالات بتاع الدروس و لما اتصلت برضه مسالتش على ماما مع ان هي عارفه ان انا لوحدي و محتاجه لحد يكون معايا الحمد لله ماما خفت بس انا اخدت موقف من صاحبتي على ان هي مسالتش على ماما خالص و لما عرفت ان انا زعلانه منها عشان كده اعتذرت كتير و فضلت تقول مبررات ملهاش منطق المهم سامحتها و نسيت بعدين لقيت بنات جايين يقولولي ان هي بتروح تقول للبنات ان اخويا بيدخل الحصص و هي قاعده عشان يبص عليها و ان هو معجب بيها مع العلم ان اخويا مسافر و مش بيجي غير في العيد بس و مبيدخلش الحصص دي غير مره في السنه عشان ياخد حاجه م الاوضه و يطلع تاني و اصلا اخويا بيشتم صاحبتي دي و بيكرهها جدا كده لوحده و لما واجهتها قالتلي البنات كدابين انا مقلتش حاجه و بعدين اعترفت ان هي عملت كده و عدا الموقف و اتصالحنا كالعاده و بعدين بابا حلف انه مش هيحجز لحد دروس تاني غيري عشان البنات اللي بيحجزلهم بيسيبوا الاساتذه لما قلتلها كده طبعا زعلت و خاصمتني و قالتلي انتوا هتضيعوني عشان احنا داخلين على تالته ثانوي و انا اقلها بابا مش راضي و الله تقولي يعني انا بالنسبالك مش مهم لحد ا تعبت منها في الاخر و قلتلها انا مش فاهمه انتي بتحاسبين على ايه و زعلت طبعا و اتخاصمنا و بعدين جات واحده زميلتي قالتلي ان هي قالتلها زميلتي اللي بحكي عنها دي ان اخوها و اختي مخطوبين في السر قلتلها انتي ايه اللي بتقولي ده بابا لو سمع الكلام ده هتحصل مصيبه و طبعا قلت لماما قالتلي متكلميهاش تاني و اقطعي كل علاقتك بيها و فعلا عملت كده و هي طبعا اعترفت ان هي قالت كده ايوة و مكنش قصدها و ماما راحت قالت لبابا كل الموضوع و طبعا منعوني عنها اني اكلمها بشكل نهائي عشان اللي قالته على اختي و انا حذفتها من ع الفيس و هي عرفت و بتروح تحكي للبنات عشان يصالحونا بس انا مستحيل اصلحها خصوصا ان اهلي منعني من كده و انا اصلا واثقه ان هي بتعمل ده كله عشان احجزلها في الدروس عشان انا اكتشفت ان هي بتاعت مصلحتها ان اسفه اني طولت عليكم بس ياريت تردوا عليا


إظهار التوقيع
توقيع : آمہوُرُهہ
#2

افتراضي رد: انا كده ظلمتها و لا لا

كويس انك بعدتى عنها
اسمعى كلام بابا وماما وسيبك منها وركزى فى مذاكرتك
والف سلامه على مامتك
إظهار التوقيع
توقيع : Frawla
#3

افتراضي رد: انا كده ظلمتها و لا لا

تسلمي ياحبيبتي على النصيحة
إظهار التوقيع
توقيع : آمہوُرُهہ
#4

افتراضي رد: انا كده ظلمتها و لا لا

دى واحده بدور على مصلحتها وكدابه كبيره وانا من راى والديك انك تقطعى صلتك بها نهائيا لانها ممكن تضرك وبعدين تعتذر لانها عارفه انك حتسامحيها .
وان شاء الله البنات تفيدك اكتر
إظهار التوقيع
توقيع : zozoweza
#5

افتراضي رد: انا كده ظلمتها و لا لا


المشاركة الأصلية كتبت بواسطة zozoweza
دى واحده بدور على مصلحتها وكدابه كبيره وانا من راى والديك انك تقطعى صلتك بها نهائيا لانها ممكن تضرك وبعدين تعتذر لانها عارفه انك حتسامحيها .
وان شاء الله البنات تفيدك اكتر


إظهار التوقيع
توقيع : آمہوُرُهہ
#6

افتراضي رد: انا كده ظلمتها و لا لا

انا مع البنات يا عسل
ربنا يهدى الحال
إظهار التوقيع
توقيع : هبه شلبي
#7

افتراضي رد: انا كده ظلمتها و لا لا

الناس بتظهر على حقيقتها فى المواقف الصعبه والسؤال عن مامتك مش هاياخد منها حاجه لو هى صاحبه بجد وبعدين من الواضح إنها بتاعة حوارات والبعد عنها أفضل .. إن شاء الله ربنا يعوضك بصديقه بجد .. ونصيحه أخويه تمهلى فى اختيار أصدقائك ولا تتسرعى فى إعطاء الثقه لأحد وربنا يوفقك فى حياتك ويطمئنك على مامتك .
إظهار التوقيع
توقيع : سمسمايه
#8

افتراضي رد: انا كده ظلمتها و لا لا

انا بتشكركم من كل قلبي يابنات
إظهار التوقيع
توقيع : آمہوُرُهہ
#9

افتراضي رد: انا كده ظلمتها و لا لا

ربنا يشافي والدتك و يستر عليكي .. ابتعدي عنها ابردلك راس .. ربي يعوضك بصديقة أفضل منها ..
#10

افتراضي رد: انا كده ظلمتها و لا لا

اسمعى كلام مامتك وباباكى هما عارفين مصلحتك اكتر من اى حد وابعدى عن صديقتك ديه وربنا هيعوضك بصديقة احسن منها ان شاء الله
إظهار التوقيع
توقيع : محبه لله
#11

افتراضي رد: انا كده ظلمتها و لا لا

انا مع البنات يا عسل
والف سلامه على مامتك
#12

افتراضي رد: انا كده ظلمتها و لا لا

البنت دي مش كويسه حبيبتي
ابعدي عنها واسمعي كلام اهلك
ربنا يخليهوملك يارب
#13

افتراضي رد: انا كده ظلمتها و لا لا

الف سلامه ع ماما
ربنايحفظلك والدتك ووالدك واخواتك
وطبعا بلا شك تقطعى علاقتك بيها
إظهار التوقيع
توقيع : ♥ احبك ربى ♥
#14

افتراضي رد: انا كده ظلمتها و لا لا

فعلا حبيبتى دى واحدة مش كويسة ابدا واحسن حجاة انك بعدتى عنها
وربنا يشفى مامتك يا قمر
إظهار التوقيع
توقيع : توتة واحلى بنوتة
#15

افتراضي رد: انا كده ظلمتها و لا لا

الف سلامةعلى مامتك واسمعى كلام مامتك وبابكى
إظهار التوقيع
توقيع : سألت الله فأعطانى
#16

افتراضي رد: انا كده ظلمتها و لا لا

اولا حمدلله على سلامته مامتك

ثانيا انتى جدعه اوى وطيبه ومتكلمهاش تانى ابدا وخلكى ورا مامتك وبابكى
#17

افتراضي رد: انا كده ظلمتها و لا لا

نفس حكايتى بس انا اكتر منك مش عارفه اعمل ايه معاهم بس فى النهايه اخويا قالى الكلام ده الا يرمينى ارميه فى اقرب مقلب زباله كل ده تحت الجزمه
إظهار التوقيع
توقيع : حجابي عفتي
#18

افتراضي رد: انا كده ظلمتها و لا لا

كويس انك بعدتي عنها ياقمر اصعب حاجة الصديق الا يبقي معاك علشان مصلحة ربنا يوفقك مع غيرها وتكون احسن بكتير
#19

افتراضي رد: انا كده ظلمتها و لا لا

الف حمدل على السلامة على مامتك
+ربنا يوفقك بصديقة افضل منها
+لازم تقطعي صداقتك بيها ياقلبي هي زي ماقالت على اختك كدة ممكن تقول عليكي كدة بردو دي صديقتك مصلحة وممكن توديكي في داهية وعارفة انك هاتسمحيها فهتعمل اكثر من كدة
+والديكي محقين استمعي لكلامهم هما عارفين مصلحتك
+ممكن تشرفيني بصداقتك ياقمر
الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل