وصفات جديده لتقديم الرنجه وكمان الترمس وحمص الشام
ممكن تزيني الطبق بقشر الليمون والبقدونسرنجة بالمسطردة
المقادير:
- 4 رنجات
- بصلة
- ¼ كوب خل
- ¼ كوب ميه
- ملح وفلفل أسود
- 2 ملعقة مسطردة
- فلفل ملون مفروم صغير
- ½ حزمة شبت مفرومة
1- أول حاجة هتنقعي الرنجة في ميه مغلية لمدة 2 : 3 دقائق علشان تنزل الميكروبات.
2- نظّفي الرنجة وانزعي منها السلسلة والجلد والرأس والذيل، واقسميها نصفين.
3- قطّعي البصل حلقات رفيعة ورصّيها فوق الرنجة.
4- اخلطي الخل والميه والفلفل الملوّن المفروم والشبت المفروم والفلفل الأسود والمسطرده واطبخيهم على النار لمدة 6 : 8 دقائق.
5- سيبي الخليط ده يبرد وصبّيه على الرنجة وغطّيها وحطيها في الثلاجة مدة كافية علشان الرنجة تتشرّب الصوص، وبالهنا والشفا.
***- ***- ***- *
عند التقديم صبّي الكريمة على الرنجة رنجة بالكريمة
المقادير:
- 4 رنجات
- 2 بصل
- ليمونة
- ½ كوب زيت
- كوب كريمة طهي
- ملعقة صغيرة سكر
- ¾ كوب عصير ليمون
1- انقعي الرنجة في ميه مغلية لمدة 2 : 3 دقائق، وبعدين نظّفيها واخليها.
2- اقسمي الرنجة نصفين وحطّيهم في قالب عميق، وحطّي بينهم شرائح رفيعة من البصل وشرائح الليمون.
3- اخلطي عصير 3 ليمونات مع السكر والزيت وصبّيهم على الرنجة.
4- غطّي الرنجة وحطّيها في الثلاجة لمدة نصف يوم أو يوم كامل.
5- طلّعيها من الثلاجة وصفّيها من السائل، وبعدين خدي 4 ملاعق كبيرة من السائل ده واخلطيه مع الكريمة.
6- عند التقديم صبّي الكريمة على شرائح الرنجة وزينيها بالبقدونس.. وبالهنا والشفا.
***- ***- ***- *
رصّي الرنجة مع البصل والجزر وصبّي عليهم الخليطرنجة بالخل والسكر
المقادير:
- 4 رنجات
- كوب خل
- كوب سكر
- 2 ثمرة جزر
- بصلة صغيرة
- 1 و½ كوب ميه
- فلفل أسود وأبيض
- 2 ملعقة صغيرة مسطردة
1- انقعي الرنجة في ميه مغلية لمدة 2 : 3 دقائق، وممكن تنقعيها في لبن علشان تتخلصي من الملح الزيادة.
2- نضّفيها واخليها بس سيبي الجلد فيها وقطّعيها لشرائح رفيعة.
3- اخلطي الميه والسكر والخل والمسطردة والفلفل، وحطّيه على النار لحد ما يغلي، وبعدين ارفعيه وسيبيه يبرد.
4- رصّي الرنجة وحلقات البصل والجزر في قالب وصبّي عليهم الخليط، بحيث إنه يغطي الرنجة كلها.
5- سيبي الرنجة في الثلاجة مدة كافية لحد ما تتشرّب من الخليط كويس، وقدّميها.. بالهنا والشفا.
***- ***- ***- *
صبّي الصوص على السلطةسلطة الرنجة
المقادير:
- 2 ثمرة جزر
- 2 ثمرة بنجر
- خيار مخلل
- فلفل أبيض
- حبة بصل صغيرة
- رنجة متوسطة مخلية
- 2 ثمرة بطاطس متوسطة
- كوب كريمة أو زبادي
- ملعقة عصير ليمون
- 2 ملعقة عصير بنجر
- سكر
- ملح
1- اسلقي البطاطس والجزر في حلة، واسلقي البنجر في حلة تانية.
2- قشّريهم وقطّعيهم مكعبات أو أي شكل تحبيه، ومعاهم البصل والخيار المخلل والرنجة واخلطيهم مع بعض.
3- اخلطي مكونات الصوص كويس وصبّيها على السلطة، وحطّي عليها مكعبات البنجر قبل التقديم على طول.. وبالهنا والشفا.
***- ***- ***- *
ممكن تقدّمي معاه عيش محمصمعجون الرنجة
المقادير:
- كيلو رنجة
- ½ كوب طحينة
- 3 ثمرات طماطم
- 2 فلفل حامي
- كمون وشطة
- عصير ليمون
- بصلة صغيرة
- زيت وخل
1- اسلقي الرنجة في ميه مغلية لمدة 2 : 3 دقيقة علشان تقتلي الميكروبات والبكتيريا.
2- نضّفيها وانزعي منها الشوك والجلد واخليها تماما وقطّعيها قطع صغيرة.
3- قطّعي عليها البصل والطماطم والفلفل وحطّي معاهم الطحينة والخل والكمون والشطة واضربيهم في الخلاط.
4- هيطلع معاكِ معجون رنجة وعند التقديم حطي عليه زيت وعصير ليمون، وقدّمي معاه عيش محمص.. وبالهنا والشفا.
ملحوظة:
ممكن تحطّي معاها البطارخ، وممكن تعملي البطارخ بالطريقة دي لوحدها من غير رنجة.
***- ***- ***- *
عند التقديم حطّي له ملح وكمون وشطة وليمونبعد ما خلصنا وصفات الرنجة، هنعرف مع بعض إزاي نحضّر الترمس وحمص الشام..
الترمس
كل اللي عليكِ إنك تشتري الترمس من عند أي عطار، بس خلّي بالك، لأن فيه نوعين من الترمس؛ نوع بلدى ونوع مستورد، والطريقة واحدة في الاتنين بس بتفرق في المدة اللي هيحتاج إنه يتنقع فيها، لأن البلدي بياخد وقت أطول، علشان كده يفضّل إنك تستخدمي المستورد علشان ما ياخدش وقت، ودي طريقته..
1- هتجيبي الترمس وتغسليه كويس، وتنقعيه في الميه لمدة 12 ساعة.
3- بعد كده حطّيه في ميه على النار وسيبيه يستوي لمدة ربع ساعة، أو لغاية ما القشرة تستوي، وبعد كده صفّيه من الميه بتاعته واشطفيه كويس، وملّحيه، وسيبيه لمدة 3 : 4 ساعات وبعد كده قدّميه.
4- عند التقديم، حطّي له خلطة من الملح والكمون والشطة والليمون.. وبالهنا والشفا.
***- ***- ***- *
قدّمي عصير ليمون مع حمص الشامحمص الشام
المقادير:
- ½ كيلو حمص
- كمون وملح وشطة
- 5 ثمرات طماطم مبشورة
- 3 فصوص ثوم مفرومين
- بصلة صغيرة
- ليمون
1- اغسلي الحمص كويس وانقعيه في الميه لمدة من 8 : 10 ساعات علشان يبقى أسهل في التسوية.
2- اغلي ميه وحطّي فيها الحمص ومعاها الثوم المفروم والطماطم المبشورة والبصل المبشور.
3- سيبيه على نار هادية لمدة نصف ساعة، ولما تحسّي إنه دخل في السوى، حطّي عليه ملح وكمون وشطة، وعند التقديم حطّي عليه عصير ليمون.. وبالهنا والشفا.
اوعوا تنسوا التقييم فاهميييين
إظهار التوقيع
توقيع : ام نيرة
التوقيع لا يظهر للزوار ..
رد: وصفات جديده لتقديم الرنجه وكمان الترمس وحمص الشام
إظهار التوقيع
توقيع : bota12
التوقيع لا يظهر للزوار ..
رد: وصفات جديده لتقديم الرنجه وكمان الترمس وحمص الشام
إظهار التوقيع
توقيع : هبه شلبي
التوقيع لا يظهر للزوار ..
رد: وصفات جديده لتقديم الرنجه وكمان الترمس وحمص الشام
إظهار التوقيع
توقيع : ام نيرة
التوقيع لا يظهر للزوار ..
رد: وصفات جديده لتقديم الرنجه وكمان الترمس وحمص الشام
رد: وصفات جديده لتقديم الرنجه وكمان الترمس وحمص الشام
إظهار التوقيع
توقيع : حياه الروح 5
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| الترمس... إكسير الشباب,خلطات به ,وفوائد مقترنة به | سحر الأمل | العناية بالجسم | ||
| طريقة عمل ترمس الحلو من مطبخ نودى كيفية عمل الترمس المر فوائد الترمس الغذائية | ندى ام | من مطبخي | ||
| الأحاديث النبوية الصحيحة في فضائل بلاد الشام و اهلها | الموجودة | المنتدي الاسلامي العام | ||
| عمل الترمس المر / عمل الترمس الحلو / كيفية عمل الترمس / طريقة عمل الترمس | Mariam Wahid | سلطات ومقبلات | ||
| طريقة عمل الترمس , طريقه تحضير عمل الترمس 2024 | Marwa El-shazly | سلطات ومقبلات | ||
الساعة الآن 08:41 PM
جميع المشاركات تمثل وجهة نظر كاتبها وليس بالضرورة وجهة نظر الموقع