طريقة عمل الحواوشى , الحواوشى الاسكندرانى ,الحواوشى البلدى

نحضر بوله عميقه ونضع بها الدقيق وذرة الملح والزيت واللبن البودرة وننزل عليها بالخميرة المتدوبه ونبدا نعجن العجينة بنحط المياه الدافى لحد ماتلم العجينة معاكى وتبقى ناعمة ونسيبها متغطية فى مكان دافى تخمر لمدة ساعه.

بعد كدة نبدا نجهز الحشو بتاع الحوواشى نحط كل المكونات مع بعض يتاعة الحوواشى و نقلبها كويس مع بعض نفرد العجينة ونقطعها دواير قد رغيف العيش بالظبط حشيت العجينة ووضعت قطعة اخرى عليها وبدات اقفلها جيدا (انا خرمت العجينة بالشوكة ) وندخلة العجينة على فرن 200 درجة (وسط) عشان اللحمة تستوى من جوه ولما العجينة تبقى نص سوا نحط حبة البركة عليها وندهنها بالبيض (بيضة ضربتها مع رشة ملح وفلفل اسمر ) وندخلها الفرن تانى تكمل سوا وبالف هنا.

توضع كل المكونات ما عدا اللحمه فى الكبه وتفرم خشن ثم توضع عليها الصلصه والكاتشاب والتوابل نضيف اللحمه وتقلب جيدا لتتجانس.

طبعا نكون مجهزين العيش ونفتحه نحط بالمعلقه كميه مناسبه من الخلطه جوه العيش بسويه ممكن بطريقتين :

الاولى انى اجيب طاسه واحط فيها معلقة سمنه بلدى وشوية زيت وعلى النار من فوق اسوى الحواوشى بس اغطيه واخلى النار متوسطه واقلب الارغفه عشان تتحمر من الجهتين وتاخد لون حلو وتقرمش شويه واللحمه تستوى كويس.

والطريقه التانيه انى احطهم فى صينيه فى الفرن بردو فيها سمنه وزيت واقلبهم على الجهتين حتى يتحمروا وبالف هنا ليكم.