أو

الدخول بواسطة حسابك بمواقع التواصل

#1

حصرياً كورس انجليزى كامل معايا حصرى ومـــــجــــانـــــآ

انا ميس نودى
قررت اديكم كورس كامل للغه الانجليزيه
من الصفر حتى الاحتراف
مــــــجــــــــــانـــــــــآ
يلا مين هتشترك معايا
واول درس ليا اهو عشان التشجيع
اذا عجبك سجلى معايا بمشاركه
عشان تشجعونى اكمل معاكم
النهارده هناخد اول درس لينا من دروس الانجليزيه
كل اللى عليكم تعملوه انكم تحضروا ورقه وقلم وتنقلوا الدرس بالكلمات بتاعه عشان الحفظ والدرس اسهل مما تتخيلوا
جاهزين ؟
نبدأ بسم الله

اولا احنا بنقسم حروف الانجليزيه لقسمين او بالبلدى كل حرف ليه اخ توأم
يعنى ايه ؟
يعنى الحروف بنقسمها لحروف كبيره ودى اسمها ( capital letters)كابيتال ليترز
وده شكلهم
A.B.C,D,E,F,G,H,I,J,K,L,M,N,O,P,Q,R,S,T,U,V,W,X,Y, Z
طيب واخواتهم التوأم بنفس الترتيب اسمهم ايه ؟
اسمهم حروف صغيره ( small letters ) اسمول ليترز
وده شكلهم
a,b,c,d,e,f,g,h,i,j,k,l,m,n,o,p,q,r,s,t,u,v,w,x,y, z
تمام لحد كده ؟
طيب ايه فايده التقسيمه دى فى اللغه ؟ اقولك
فى اى كلمه انجليزيه لازم نكتب اول حرف كابيتال وباقى الحروف اسمول
نيجى بقى لتقسيمة الحروف دى فى نطق الكلمات
احنا بنقسم الحروف دى للنطق لقسمين
اولا : حروف متحركه صوتيه ( vowel letters )
هما ايه الحروف دى ( a-e-o-i-u )
اما بقية الحروف فتسمى احرف ساكنه ( consonant letters )
طيب ليه التقسيمه دى ؟ اقولك
الحروف الصوتيه دى بعدين هتفرق معاكى فى وضع ادوات التعريف والتنكير هندرسهم بعدين
مش مطلوب منك حاجه دلوقتى غير انك تحفظيهم وبس




طيب نشوف كده مثال بسيط
شوفى حرف ال ( u ) فى كلمة شمسيه ( umbrella )
بينطق ازاى آمبريلا شوفى حرف ال u ادانا نغمه
طيب بصى هنا كده فى كلمة جامعه ( university )
بينطق ازاى يونيفرستى
شوفى اتغير ازاى
طيب ليه بيتغير ؟ عشان فيه استثنائات دايما وهندرسها كلها بعدين
تمام ؟ .... تمام
________________________________
نيجى بقى لأرقامنا الانجليزيه
انا بقسمهم لأرقام فرديه من واحد لغاية عشره
بالترتيب كده اهم
واحد - اثنان - ثلاثه - اربعه - خمسه - سته - سبعه - ثمانيه - تسعه - عشره
ترجمتهم الانجليزيه
one,two,three,four,five,six,seven,eight,nine,ten

ودول للحفظ
تمام ؟ .... تمام
نيجى بقى لأرقامنا الزوجيه عاملين زى القطار بالظبط
عشان نهايتهم شبه بعض تماما بس خدوا بالكم ده القطار الصغير لسه القطر الكبير
يبدأوا بالرقمين دول ( احدى عشر واثنى عشر 11, 12 )
ترجمتهم ( eleven - twelve )
وباقى الارقام اللى هى المركبه القطار يعنى
13 و14و15و16و17و18و19
ترجمتهم الانجليزيه ايه
thirteen ,fourteen , fifteen , sixteen , seventeen

eighteen , nineteen
لاحظا كده معايا ::: اخر الارقام دى كلها بتنتهى ب ( teen )
عشان كده كنت بقولكم زى القطار تمام
ودول هتلاقوهم سهلين فى الحفظ بمجرد ما حفظتم الارقام الفرديه
بسهوله تذودوا بس نهاية القطار ليهم ( teen ) وخلاص
نيجى بقى للارقام الزوجيه الكبيره
ودى كلها بنفس النهايه برضه بس بتختلف عن اللى فاتت
يعنى دى القطار الكبير بتاعنا
اللى ارقامه
20 و 30و 40 و 50 و 60 و 70و 80 و 90
ترجمتهم ايه
بصوا كده ولاحظوا معايا
twenty , thirty , forty , fifty , sixty , seventy , eighty , ninety
طيب ننطقهم ازاى
بالترتيب
توينتى - ثيرتى - فورتى - فايفتى - سيكستى - سيفنتى - إيتى - ناينتى
ها لاحظتوا ايه ؟ تمام كده صح
انتهوا كلهم بنفس النهايه ( ty )
طيب انا عاوزة اعرف الارقام اللى فى نصهم هقولك تكتبيها ازاى
مثال انا عاوزة اكتب 57 ( فايفتى سيفن )
بصى انا نطقت ايه الاول الفايف 5 اترجمها فورا
ووراها علطول السبعه 7
ازاى يعنى ؟
57 ترجمتها ايه ؟ زى ما نطقتها تمام
fifty-seven
وتنطق فايفتى سيفن
عشان طبعا احنا بننطق الانجليزى من الشمال لليمين
وبرضه بكتبه من الشمال لليمين
وطبعا كلنا حفظنا الارقام الفرديه والزوجيه وبقى سهل علينا نركبهم ع بعض
مثال تانى
84
تكتب eighty-four
وتنطق إيتى فوور
وهكذا
فاضل معانا ايه ؟
المائه - والالف - والمليون
ترجمتهم ايه ؟
100 ( hundred هاندريد )
1000 ( thousand ساوزند )
1000000
( المليون million مليون )
تمام كده الارقام ؟

----------------
نيجى بقى للحروف المركبه فى الانجليزيه
ده للناس اللى بتتعلم قراءة الانجليزيه بطريقه صحيحه
طيب يعنى ايه حروف مركبه ؟؟؟
يعنى بيكونوا اول حرفين بيتنطقوا سوا

sh // تنطق كحرف الشين

مثال شيماء تكتب shymaa
kh // تنطق كحرف الخاء
مثال خالد تكتب khaled
gh // تنطق كحرف الغين
مثال غالى تكتب ghaly

"" ملحوظه "" فى طريقة نطق الحروف المركبه مينفعش اقرأ حرف حرف
مثال حرفين ( sh ) سوا على بعض مينفعش انطقها سها
لأ هما كده توأم ملتصق
واكيد مش كل الحروف كده
انشاء الله بعدين هعلمكم طريقة نطق الحروف بسهوله جدآآآآ
يمكن كمان من كتر سهولة الشرح مش هتصدقوا نفسكم
___________________________________
كفايه عليكم لحد كده فى الدرس الاول عشان عندكم كل اللى فات ده حفظ
نيجى بقى لكلمات الحفظ النهارده
الواجب يعنى يا حلوين
النهارده هناخد الحركات اليوميه بتاعتنا وطريقة نطقها
نبدأ بسم الله
يجرى / run ران
يجلس / sit سيت
يشرب / drink درينك
ياكل / eat أييت
ينام / sleep اسلييب
يعطى / give جيف
يمشى / walk ووك
يلعب / play بلاى
يلا كفايه كده النهارده بس خدوا بالكم
كل كلمه اتكتبت هننا فى الدرس حفظ
يعنى الحروف والارقام كلها والكلمات بتاعتنا




#2

افتراضي رد: كورس انجليزى كامل معايا حصرى ومـــــجــــانـــــآ

بالتوفيييييييييق
إظهار التوقيع
توقيع : لورا بيسان
#3

افتراضي رد: كورس انجليزى كامل معايا حصرى ومـــــجــــانـــــآ

واااو
#4

افتراضي رد: كورس انجليزى كامل معايا حصرى ومـــــجــــانـــــآ

بارك الله فيك
درس رائع جدا
تابعت معك من الاول للأخر
يستحق التقييييييييم
بنتي حابة تتابع معاك ان شاء الل [mention=102718]ميس نودى[/mention];
جزاك الله خير الجزاء

إظهار التوقيع
توقيع : طُمُوحي الجنّة
#5

افتراضي رد: كورس انجليزى كامل معايا حصرى ومـــــجــــانـــــآ

رد: كورس انجليزى كامل معايا حصرى ومـــــجــــانـــــآ
مبروك التكريم والتقييم

إظهار التوقيع
توقيع : ام الاء وبيان2
#6

افتراضي رد: كورس انجليزى كامل معايا حصرى ومـــــجــــانـــــآ

درس اكثر من رائع وبالتوفيق

إظهار التوقيع
توقيع : ام الاء وبيان2
#7

افتراضي رد: كورس انجليزى كامل معايا حصرى ومـــــجــــانـــــآ

موضوع رائع ويستحق خمس نجوم ربي يعطيك الصحة

إظهار التوقيع
توقيع : أنٌثًى ٱسًتُثًنٌٱئيّة
#8

افتراضي رد: كورس انجليزى كامل معايا حصرى ومـــــجــــانـــــآ

Excellent
#9

افتراضي رد: كورس انجليزى كامل معايا حصرى ومـــــجــــانـــــآ

تسلم ايدك جميل
إظهار التوقيع
توقيع : هبه شلبي
#10

افتراضي رد: كورس انجليزى كامل معايا حصرى ومـــــجــــانـــــآ

درس اكثر من رااائع ويستحق المتابعه
وليا الشرف بمتابعة كافة الدروس


إظهار التوقيع
توقيع : جويريه
#11

افتراضي رد: كورس انجليزى كامل معايا حصرى ومـــــجــــانـــــآ

انا هشارك
إظهار التوقيع
توقيع : دوما لك الحمد
#12

افتراضي رد: كورس انجليزى كامل معايا حصرى ومـــــجــــانـــــآ

مساء الخير من شركة Solirx كيف حالكم
#13

افتراضي رد: كورس انجليزى كامل معايا حصرى ومـــــجــــانـــــآ

بالتوفيق
بارك الله فيكى

أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
حروف انجليزي لتزيين المواضيع ، حروف انجليزى الوان مميزة ، حروف انجليزى ملونه ندى ام فواصل واكسسورات
كورس انجليزى اونلاين وانتى فى البيت الجزء الاول أمــانــدا مشاريع وافكار تجاريه
كورس انجليزى من المعهد البريطانى التعليمى تعلم اللغة الانجليزية bero 2012 لغات عدلات - تعليم لغات loghat
كورس انجليزى اونلاين وانتى فى بيتك واول محاضرتين مجانا بنوته حتة بسكوته وظائف نسائية شاغرة
ماى واى حصرى وبالمصرى معايا الكتالوج والعضوية وكروت الشحن والهدايا مين جيوكندا سوق عدلات النسائي العام


الساعة الآن 02:03 AM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل