أو

الدخول بواسطة حسابك بمواقع التواصل

#1

افتراضي انا منهاره ومخنوقه ايه رايكم فى الراجل ده

السلام عليكم
ياريت يبناااااااااااااات تقراءه الموضوع للاخر استحلفكم بالله
انا يابنات مخنوقه من خطيبى ده هو دكتور بشرى فى السعوديه وعنده 47 سنه وشهور ومعاه عيال ومطلق وانا ماشيه فى 35 مطلقه لسه مخطوبين ما كملنش شهرين وعاوزه اعرف شخصيته اكتر واتعرف عليه اكتر وهو بيسافر السعوديه المهم كل شويه يرمى كلمه مره المهم بعد ماقلى هنتجوز فى الشقه الجديده وبوضب فيها خلاص جه قال لا هتجوز فى القديمه اصل الجديده لسه ماخلصتش المهم بيقولى تعالى مع اخوكى علشان تشوفى الشقه فانا رديت قلت له ماينفعش عندنا ماينفعش العروسه تروح بيت العريس المهم قبل الجواز رد وقال لا البكار بيكون عليه ولى انما انتى سايب لم تجى عادى مش عليكى ولى المهم دلوقتى بتكلم معاه فهو مستعجل اوى على الجواز وعاوز الجواز ة تمشى بسرعه وسريع مشعارفه ليه فانا بقوله لازم نتعرف على بعض اكتر وبعدين بقوله لازم نتعرف على بعض ماينفعش اتجوز دلوقتى نتجوز الاجازه التانيه رد وقال مش هنزل الا كمان 5 شهور لو رد وقال مال انتى مواليد كام قلت له ليه وهى دى مالها ومال دى قال قولى بس قلت له طب قول انت الا كام قال قولى بس قلت له شهر 8 سنه 1982 وبعدين قال انا 1970 رغم ان هو مواليد 69 وبعدين قلت له اه يعنى اكبر منى ب 13 سنه يعنى عمر تانى وبعدين قال شفتى احنا مش صغيران والعمر بيجرى ولم تضيعى من عمرك 5 شهور كمان كنت تستمتعى بيهم احسن قلت له انا شايفه نفسى لسه صغيره قال وانا ماقلتش كبيره مشعارفه اعمل ايه يابنات انا بجد منهاره وبعيط

المهم بعتله رساله قلت له فيها
انا بعتله رساله وقلتله
انا عايزه اقولك على حاجه
لا حظتيها فيك
وبتزعلنى جدا
ياريت كل واحد
يحافظ على مشاعر
التانى
لو انت عاوز تكمل معايا
ما زى
مانا عندى ظروف
انت بردو
عندك ظروف
ما نت بردو
دخل على الخمسين
وعندك اولاد
فياريت
يلاش نجرح بعض
فى كلام
وبلاش كلام
الا من تحت لتحت ده
لانى كل لم اتكلم معاكى



رد على الرساله وقااااااااااال بعتلى الرد ده

انا كتاب مفتوح وبتكلم بحسن نيه شديده وبلاش تاخدى الاموار بحساسيه شديده وانا لم لما احب اقول حاجه ما بلفش وادور حواليها عندى القوة والشجاعه انى اقولها مباشر وعمرى ماقصدت اجرح حد اى كائنا من كان فبلاش سؤ النيه والحساسيه المفرطه
وبعدين بيقول
الحياه كلها صعاب وعقبات وعايزه الا يقفز على الصعاب ويطوعها لصالح حياته ومحتاجه صبر وجلد ولازم نكون ادها ومشاكلى انا عارفها كويس وعارف حلها
ومخبتش عليكى حاجه واكيد انت سالتى الدنيا كلها واعرفتى
ان معنديش حاجه مستخبيه




لان اساس الحياه عندى الوضوح والصراحه والعيشه على ارض الوقع والرضا باللى ربنا يقسمه ونرمى الحساسيه المفرطه
وكلام الناس ورانا ونخطط للمستقبل باللى يتناسب مع ظروفنا
ونكون مقتنعين 100 فى ميه
علشان الحياه تنجح
وتستمر بدون معوقات مشعارفه ارد عليه اقول ايه


المهم يابنات بعتله رساله اعتذر وقلتله اوع تكون زعلت منى المهم بعتلى وبعدين قلىلا انا مش زعلان من ده انا زعلان من حاجه تانيه هو انتى بعتى حد من عندك يسال طليقتى عن سبب الطلاق اصل ده زعلنى اوى ان واحده راحت سالت اصحاب طليقتى على الفيس وعماله تفضح فيها وعديلى جاى يسالنى اصل هو صاحبى يقولى انت فعلا هتجوز طب والعيال هيكون مع مين وانا ماكنتش عاوز اعرفهم ان هتجوز دلوقتى انا فعلا يابنات لاقيت طليقته مسجله عنده على الفيس فانا ضفتها من حساب تانى حذفتنى فسجلت قريبتها وسالتها قلتلى ماعرفش ان هى مطلقه ولا اعرف حاجه المهم قلتلى هسالهلك راحت سالتها قلتلى طليقته بتقولك هى مش هتقول اسباب الطلاق لحد وبتقولك هى مش بتدى رقمها لحد وبتقولك مش تسالى اصحابها عن حاجه علشان مفيش حد يعرف حاجه عن حياتها الشخصيه المهم بقى بيقول ده فى واحده من عندكم فضحت طليقتى على الفيس وكلام كتير وطليقتى منعت عنى العيال وانا ما فضحتش ولا قلت حاجه انا سالت قريبتها بس سؤال وبعدين قلى هعرف ايه اخر الاخبار وارد عليكى
المهم اتصل عليه كان تليفونى مغلق جه بقالوا يومين ما تصلش عليه وبعدين انا بعتله بوست امبارح عن يوم الجمعه فهو بعتلى بوست فى صباح الخير وجمعه مباركه على الواتس المهم اتصل عليه المهم رديت عليه قلت له انا فى البلد لم ارجع هكلمك المهم لم رجعت اتصلت عليه فقلى ايه الاخبار قلت له الحمدلله واشتريت عبايه قلى حلوة قلت له ايوة قلى لونها اسود قلت له ايوة وبعدين قلت له عملت ايه فى موضوع بتاعك قلى طليقتى لسه رده عليه النهارده وخليتنى اكلم العيال النهارده وبعدين قلت له انت فعلا مطلق نهائى قلى بصى احنا مش بنعرف نكدب ولا طبعى ولا مركزى يسمحولى ان اكدب انتى سالتى وعرفتى عنى كل حاجه وعرفتى احنا مين واننا مش بنكدب وبعدين انا قعدت مع رجاله يبقى مش معقوله هكدب عليهم قلت له انا بطمئن بس علشان اوفر عليك الطريق وبعدين ضحك عالى وقلى انا هريحك انا مطلق طلاق بائن فى محكمه يعنى طلاق نهائى قلتله اصل انا مطلقه ومش بكلم طليقى خالص وعلاقتى اتقطعت بى نهائى قلى احنا بنا عيال واحنا ناس متعلمين فعادى لم نتكلم مع بعض الناس المتعلمين عندهم عادى وبعدين قلى ممكن اسالك سؤال محرج قلت له اتفضل قلى انتى جميله ومن عايله وسمعتك حلوه نوعا ما ليه ماتجوزتش لحد دلوقتى مش انتى مطلقه من 2024 قلت له لا انا رفعت خلع 2024 وفضلت سنتين الخلع علشان كان ايامها ثورة وكدا وانا رفضت ناس كتير قلى وبترفضى العرسان ليه قلتله الا يتجوز الجوازه بتاعتى ما يفكرش فى الجواز طوال عمره كانت جوازه سوده وانا انقراءه الفاتحه بتاعتى 3 مرات وفركشتها علشان عندهم عيوب كبيروبعدين قلت له انت بتسال الاسئله دى لى رد وقال مش بدل ما اعرف من بره قلى اه واتخطبتى مره وفضلت فتره كبيره قلتلها انا فركشتها فى شهر 10 قلى لا فى شهر 11 فضلت 8 شهور مخطوبه وخطيبك سمعته حلوة مش وحشه سيبته ليه قلتله كان بيكدب كتير وبيقسم كدب ومش بيصلى قلى وانت ما بتكدبش -3قلتله لا بس مش بحلف كدب وبعدين قلى انتى مدلعه السؤال ده سالوا لى كذا مره واقوله لا المهم لم سالوا لى تانى قلت له اه قلى لا انتى مش مدلعه المدلعه دى مش بتعرف تشيل مسئوليه وانتى غير كدا وبعدين قلت له لا انا قصدى مرفهه قلى لا انتى مش مرفهه قلت طوال عمرى لم بطلب من بابا حاجه بيجبهلى رد وقلى كان جبيلك عربيه كذا وبعدين بيقولى انتى بردو عشت مرحله من حياتك صعبه شويه قصده على ان ابويا كانت متجوز على امى من 25 سنه وكنا عايشين فتره بالايجار المهم بقولوا بس انت سالتنى السؤال ده كتير حتى اختك اول لم انت اتقدمت سالت زوجه خالى انا بعرف اشتغل فى البيت واطبخ ولالا قلى اصل الكلام الا وصلنى اول لم سالت عليكى قوليلى انك ما بتعرفش تطبخى خالص ولا بتعرفى فى شغل البيت وانك تقيله كدا لو البيت ولع مش فى دماغك قلتله حسبى الله ونعم الوكيل انا الحمدلله بعرف اطبخ كويس وبعرف انضف كويس بس طبعا الشغل التقيل الا هو غسيل سجاد او غسيل بطانيات لازم نجيب حد لان انا ما عديش طاقه اعملهم وبعدين بيقولى لم يكون معاك اتنين عيال مثلا قلت له لو معايا عيال طبعا ممكن اجيب حد يساعدنى وبعدين بيقولى ما حدش ضمن ظروفه ايه ممكن دلوقتى تكون الظروف متاحه انك تجيبى بعد كدا ممكن تكون ظروفك مش متاحه انك تجيبى يبقى لازم الواحد يتعلم كل حاجه علشان بعد كدا انا معايا فلوس اعيش فى فندق مش معايا يبقى انام على الرصيف انتى مقتدره دلوقتى هتجيبى ممكن بعد كدا يكون مش معاكى فانتى مش تقدرى تجيبى حد يبقى الواحد يتعلم كل حاجه انا دلوقتى مطلق بقالى كذا سنه بعمل بنفسى كل حاجه بطبخ وبغسل وبعمل كل حاجه قلت له مش بتجيب حد ليه قلى علشان انا ما بحبش حد يعملى حاجه وبعدين بيقولى لازم الواحد يتعلم كل حاجه علشان لو ظروف بعد كدا مش متاحه يبقى انا اتصرف مش اقول لا مش متعوده قلت له بنات عمى كلهم عندهم شغالات بس انا ما بحبش الشغالات ما بحبش اجيب حد يعرف اسرار بيتى بس طبعا لو شغل تقيل لازم اجيب حد وبعدين بيقولى ماحدش ضمن الظروف بيقولى شفتى خالك كان غنى جدا جدا دلوقتى عليه فلوس لبلد كلها يبقى ماحدش ضمن الظروف قلت له دانت شكلك سال وعارف كل حاجه قلى لا ما انتم مش اغارب عننا مش انتم كنت قعدته فتره فى شقه عند كذا جار خالى قصده على اننا كنا قاعدين ايجار يعنى انتم مش اغراب عننا وبعدين بيقول لازم الواحد يتعلم كل حاجه فى حياه علشان بعد كدا وبعدين بيقولى حتى بسال قالوا دولت عندهم فلوس وبيشتروا اكل من بره علطوال كل يوم كباب وكفته كباب كفته بقولهم ليه بيقولوا ناس فلوسهم كتير بس انا عمرى ما بصيت لفلوس دى انتى اول لم خالك قلى عليكى قلت له المهم حاجه عندها دين قلى اه قلت خلاص كدا وبعدين بيقولوا كل يوم كباب وكفته فانا افتكرت انك مش بتطبخى وبعدين قلت له لا انا بطبخ بس هنا فى اخواتى ممكن يكونوا مش عيزاين طبيخ فيطلبوا اكل من بره او سمك او كدا بس انا بعرف اطبخ وبعدين فى الاخر لم زهت منه قلت له لو انت مش عجبك الوضع او مش مقتنع نقول مش فى نصيب وخلاص اصلك عمال تدى كلام وتتكلم كدا وبعدين اتلخبط وقلى عادى انا بسمع ولسه ما قتنعتش بالكلام لسه بعرف وبعدين التليفون فصل شحن
لو لاقيته بعتلى رساله وبيقولى فيها انا باتصل عليكى تليفونك مغلق انا مش عايزك تخافى الحوار ده اسمه جوله فى الدماغ بنحاول نتعرف على بعض بشكل اعمق شويه راى وقناعاتى لسه ما تكونتش بتتكلون بعد فتره انا مبحكمش على الامور بسطحيه ولا بكلام الناس انا باخد وقتى لما اكون قناعاتى لاكن باحسن الظن بكل الناس وعمرى ما بصيت لحد ولا قيمته على اساس عليته ولا وضعه المادى او شهادته او شكله المقياس عندى قربه من ربنا واخلاقياته ان اكرمكم عند الله اتقاكم انا بعتذر عن اى سؤ فهم من كلامى ولو حابه نكمل الحوار انا مستنيكى ولو مش حابه انا بحترام رغبتك وتصبحى على خير



#2

افتراضي رد: انا منهاره ومخنوقه ايه رايكم فى الراجل ده

الحكاية طويلة خالص

ومكملتهاش

اكتفي بالدعاء لك يا حبيية البي

#3

افتراضي رد: انا منهاره ومخنوقه ايه رايكم فى الراجل ده

كل الي اقدر اقوله لكي اصبري ومش تستعجلي وخلي اهلك يسالوا عليه كويس
ربنا يهديلك الحال

إظهار التوقيع
توقيع : هبه شلبي
#4

افتراضي رد: انا منهاره ومخنوقه ايه رايكم فى الراجل ده


المشاركة الأصلية كتبت بواسطة الالماسه
الحكاية طويلة خالص

ومكملتهاش

اكتفي بالدعاء لك يا حبيية البي
تسلمى حبيبتى كنت اتمنى تقرائى رسالتى للاخر

#5

افتراضي رد: انا منهاره ومخنوقه ايه رايكم فى الراجل ده


المشاركة الأصلية كتبت بواسطة هبه شلبي
كل الي اقدر اقوله لكي اصبري ومش تستعجلي وخلي اهلك يسالوا عليه كويس
ربنا يهديلك الحال
حبيبتى قراتى موضوع للاخر ياريت تقرائيه للاخر وهل يقصد يعيرنى بسنى او طلاقى او حياتى

#6

افتراضي رد: انا منهاره ومخنوقه ايه رايكم فى الراجل ده


المشاركة الأصلية كتبت بواسطة عطرى الجنة
تسلمى حبيبتى كنت اتمنى تقرائى رسالتى للاخر
سامحيني يالبي

i cant

#7

افتراضي رد: انا منهاره ومخنوقه ايه رايكم فى الراجل ده

احب اقولك حاجه ربنا يصلح حالك اولا
ثانيا فيه شك من ناحيه أن هو مطلق زوجته وماحدا يعرف ازاى طيب
ثالثا ممنوع انك تحكي وتقولي انك شاطره في شغل البيت والمطبخ قوي قوي لأنه بعد الجواز هتيجي فتره تتعبي فيها وتطلبي شغاله ويقولك ساعتها اشتغلي انتى بيسستمك يعني من الاخر أنه مش هيجيب شغاله في اي وقت
ثالثا ممنوع أنه يعرف اسرار عيلتك الرجال من النوع اللي بيذل وهيعايرك بيها بعد كده
قولي انا مدلعه انا بشتغل في البيت اه بس بيجي فتره بتعب ويحتاج شغاله
هو عارف عنك كل حاجه انتى كمان اسالي واعرفي كل حاجه مش عيب وهو لو مش عاوزك تسالي يبقي اكيد فيه حاجه
ونصيحة مني ماتتسربعيش في اتمام الجواز والله يهديلك ويصلحلك الحال

إظهار التوقيع
توقيع : حياه الروح 5
#8

افتراضي رد: انا منهاره ومخنوقه ايه رايكم فى الراجل ده


المشاركة الأصلية كتبت بواسطة حياه الروح 5
احب اقولك حاجه ربنا يصلح حالك اولا
ثانيا فيه شك من ناحيه أن هو مطلق زوجته وماحدا يعرف ازاى طيب
ثالثا ممنوع انك تحكي وتقولي انك شاطره في شغل البيت والمطبخ قوي قوي لأنه بعد الجواز هتيجي فتره تتعبي فيها وتطلبي شغاله ويقولك ساعتها اشتغلي انتى بيسستمك يعني من الاخر أنه مش هيجيب شغاله في اي وقت
ثالثا ممنوع أنه يعرف اسرار عيلتك الرجال من النوع اللي بيذل وهيعايرك بيها بعد كده
قولي انا مدلعه انا بشتغل في البيت اه بس بيجي فتره بتعب ويحتاج شغاله
هو عارف عنك كل حاجه انتى كمان اسالي واعرفي كل حاجه مش عيب وهو لو مش عاوزك تسالي يبقي اكيد فيه حاجه
ونصيحة مني ماتتسربعيش في اتمام الجواز والله يهديلك ويصلحلك الحال
انا يا حبيبتى مش حكتله حاجه لاقيته عارف كل حاجه تفتكرى ارد على كلام اقوله ايه

#9

افتراضي رد: انا منهاره ومخنوقه ايه رايكم فى الراجل ده

حبيبتى انتى مريتى بظرف صعب ودا هو اللى مخليكى متوترة وخايفة صح
هو كماااان نفس الوضع
انا بصراحه شايفة ان الكلام ممكن يتقال بطريقة تانية
يعنى مثلا انتى لو تقبلتى الكلام بطريقة مرحه وهزار ماكنش هتزعلى كدة
انتى كمان خايفة من كذا حاجه
باين من كلامك وعلى فكر ة فى انواع كتير من الرجالة بيحبو الاسئلة والكلام الكتير بس انتى لو شاطرة هتقدرى تخلى زمام الامور فى ايدك

وياستى لما يجى يقولك حد قالى مش بتعرفى تتطبخى قوليلو دانا ست بيت شاطر انت لسة مادوقتش اكلى وبس ولا تحسبنى على حد ولا حاجه

برضو لما يقولك عالتنظيف والظروف قوليلو عندك حق ربنا يوسع رزقنا دايما ونقدر نعمل كل اللى عايزينو

وبالنسبة لموضوع انو بيكلم طليقتو فدا عادى جدا لان بينهم اولاد زى ماقالك طبيعى

خلاصة الموضوع احسن حاجه انك تصلى الاستخارة
واكيد ربنا هيدلك الطريق السليم

إظهار التوقيع
توقيع : ام مالك وميرنا
#10

افتراضي رد: انا منهاره ومخنوقه ايه رايكم فى الراجل ده


المشاركة الأصلية كتبت بواسطة ام مالك115
حبيبتى انتى مريتى بظرف صعب ودا هو اللى مخليكى متوترة وخايفة صح
هو كماااان نفس الوضع
انا بصراحه شايفة ان الكلام ممكن يتقال بطريقة تانية
يعنى مثلا انتى لو تقبلتى الكلام بطريقة مرحه وهزار ماكنش هتزعلى كدة
انتى كمان خايفة من كذا حاجه
باين من كلامك وعلى فكر ة فى انواع كتير من الرجالة بيحبو الاسئلة والكلام الكتير بس انتى لو شاطرة هتقدرى تخلى زمام الامور فى ايدك

وياستى لما يجى يقولك حد قالى مش بتعرفى تتطبخى قوليلو دانا ست بيت شاطر انت لسة مادوقتش اكلى وبس ولا تحسبنى على حد ولا حاجه

برضو لما يقولك عالتنظيف والظروف قوليلو عندك حق ربنا يوسع رزقنا دايما ونقدر نعمل كل اللى عايزينو

وبالنسبة لموضوع انو بيكلم طليقتو فدا عادى جدا لان بينهم اولاد زى ماقالك طبيعى

خلاصة الموضوع احسن حاجه انك تصلى الاستخارة
واكيد ربنا هيدلك الطريق السليم
حبيبتى كلامه مش بيدل على ان بيعايرنى بخالى مثلا او بسنى او بطلاقى ايه رايك فى كلامه وهل افركش الجوازة دى ولا بلاش

#11

افتراضي رد: انا منهاره ومخنوقه ايه رايكم فى الراجل ده


المشاركة الأصلية كتبت بواسطة عطرى الجنة
حبيبتى كلامه مش بيدل على ان بيعايرنى بخالى مثلا او بسنى او بطلاقى ايه رايك فى كلامه وهل افركش الجوازة دى ولا بلاش
لا متستعجليش لانى بصراحة شيفاه مناسب ليكى
بس لازم تصلى الاستخارة ضرورى جدا

إظهار التوقيع
توقيع : ام مالك وميرنا
#12

افتراضي رد: انا منهاره ومخنوقه ايه رايكم فى الراجل ده


المشاركة الأصلية كتبت بواسطة ام مالك115
لا متستعجليش لانى بصراحة شيفاه مناسب ليكى
بس لازم تصلى الاستخارة ضرورى جدا
انا حاسه ان عاوز زوجه تعيشى باقل التكاليف وتكون سوبر تنضيف حاسه ان هو بخيل

#13

افتراضي رد: انا منهاره ومخنوقه ايه رايكم فى الراجل ده


المشاركة الأصلية كتبت بواسطة عطرى الجنة
انا حاسه ان عاوز زوجه تعيشى باقل التكاليف وتكون سوبر تنضيف حاسه ان هو بخيل
حبيبتى ممكن يكون بيختبرك ويشوفك هتبقى قد المسئولية ولا لأ
متنسيش ان كان لية تجربة قبل كدة
وانتى برضو اكيد متوترة علشان كدة انا بنصحك بالاستخارة
لما تلجئى لربنا عمرة ما هيخيب ظنك حبيبتى وان شاء الله يرزقك بالزوج الصالح

إظهار التوقيع
توقيع : ام مالك وميرنا
#14

افتراضي رد: انا منهاره ومخنوقه ايه رايكم فى الراجل ده

فييييييييييييييييييييينكم يابنات
#15

افتراضي رد: انا منهاره ومخنوقه ايه رايكم فى الراجل ده

فيييييييييييينكم
#16

افتراضي رد: انا منهاره ومخنوقه ايه رايكم فى الراجل ده

معرفتش اقرائة للاخر علشان طويل
بس بقولك ربنا معاكى

إظهار التوقيع
توقيع : زهرة حبك
#17

افتراضي رد: انا منهاره ومخنوقه ايه رايكم فى الراجل ده

فييييييييييييييييييينكم يابنات
#18

افتراضي رد: انا منهاره ومخنوقه ايه رايكم فى الراجل ده

السلام عليكم
حبيبتى أنا شايفة انه مش بيعايرك خالص
هوبيتناقش معاكى
ماتستعجليش انتى وتفضلى تتكلمى معاه وتحسسيه ان موضوع السن والطلاق مقلل ثقتك فى نفسك

#19

افتراضي رد: انا منهاره ومخنوقه ايه رايكم فى الراجل ده

متعب جدااااااا وانتي خارجة من تجربة اكيد متعبة يعني هتتعبي تاني دة لسة بيدرس وينتقد ويحلل وممكن بعد كدة ميعجبوش لا انا قلقانة من الكلام وكمان اكبر بكتير استني ربنا هيعوضك بالاحسن ان شاء الله دة راي ةليكي طبعا حق الاختيار
#20

افتراضي رد: انا منهاره ومخنوقه ايه رايكم فى الراجل ده

فييييييييييييييييينكم محتاجه رايكم الشخصى
#21

افتراضي رد: انا منهاره ومخنوقه ايه رايكم فى الراجل ده

فييييييييييييييييينكم يابنات
#22

افتراضي رد: انا منهاره ومخنوقه ايه رايكم فى الراجل ده

اسالو عليه الاول قبل الجواز وربنا يهديلك الحال يارب
إظهار التوقيع
توقيع : حنين الروح123
#23

افتراضي رد: انا منهاره ومخنوقه ايه رايكم فى الراجل ده

بصي .بجد .اخلعي من الراجل ده .من كﻻمك عنه .دا واحد ﻻفف وداير وعارف كل شى دة انسان فظيع
هيتعبك والله .انتى سنك 35 لسه صغيرة يااختى مش عجزتى .وياما ناس مطلقه وبتتجوز .وبعدين باين عليكى مرفهه وبنت ناس ومش وش بهدله .وهو عايز واحده تقوله ياسي السيد وتخدمه وتخدم عياله .ومستعجل عشان هو كبير في السن وعايز يلحق يتمتع شويه .وشكله كده عايزة واحده تعمل كل
وماتتكلم ومايكون ليها طلبات .بصي ماتستعجلي خالص واسالي كويس عليه وشوفي هو طلق مراته ليه .انا بقولك اللي زى دى عايزة واحده تخدمه بس .انا لو مكانك والله مااتجوزة .ومااتجوز خالص .نقعد كدة برنسيسه ناكل كباب وكفته وسمك براحتى .واخرج واتفسح .وادلع .بﻻ رجاله بﻻ نكد .انتى مش هتقدرى علي خدمته هو وعياله يعنى قهر ومرمطه .يبقي اقعد في بيت اهلي احسن
بكرامتى .ولو ياستى عايزة تتجوزى شوفي حد يكون زيك .وسيبك من المفتح دة .احسن ماتندمى .
وبعدين انتى شوفتى كتير في جوازتك اﻻولى .يبقي تانى مرة مااستعجل .واختار صح .ولو ماعرفتى تختارى .اقعدى كده صدقينى احسن ليكى 100 مرة .والقرار ليكى في اﻻخر
ربنا يصلح حالك ويسعدك .ويرزقك باابن الحﻻل اللي يهنيكى .ويسعدك

إظهار التوقيع
توقيع : مغتربه مصريه
#24

افتراضي رد: انا منهاره ومخنوقه ايه رايكم فى الراجل ده

فيييييييييييييييينكم يابنات
#25

افتراضي رد: انا منهاره ومخنوقه ايه رايكم فى الراجل ده

بصي هو طبعه غريب شوية وطريقة كلامه فيها قلة ذوق او يمكن يكون عايز يهز ثقتك في نفسك عشان ترضي بيه وبظروفه ياحبيبتي انت مش رخيصة عشان تبقي قاعدة في حكم المتهم وعمال يسأل اسئلة بطريقة مستفزة ايه يعني لو مش بتعرفي تطبخي مانت ممكن تتعلمي عمال يقلل ثقتك في نفسك ويجرحك بالكلام وانت برده من حقك تعرفي كل حاجه تعرفي طلق مراته ليه ونظام حياته ايه وهيعجبك نظامه ولا لأ وتفكري كمان وتتشرطي انت مش رخيصة ولا ناقصك حاجه عشان تخافي من كلامه كده انا حاسه انه انسان شكاك ومش عنده ذوق وصعب العيشة معاه بس مش عايزة اظلم لاني ماعرفوش ويمكن فهمت غلط انت اختبريه وفكري شوفي هتقدري تستحمليه طول عمرك ولا لا واجمدي كده واستخيري ربنا وفكري في راحتك وسعادتك وبس وسيبك من كلام الناس وعقدهم ربنا يكتبلك الخير يا رب
#26

افتراضي رد: انا منهاره ومخنوقه ايه رايكم فى الراجل ده

حبيبتى طب ده اعمله ازاى لحد لم اخد قرار
#27

افتراضي رد: انا منهاره ومخنوقه ايه رايكم فى الراجل ده


المشاركة الأصلية كتبت بواسطة boba2
بصي هو طبعه غريب شوية وطريقة كلامه فيها قلة ذوق او يمكن يكون عايز يهز ثقتك في نفسك عشان ترضي بيه وبظروفه ياحبيبتي انت مش رخيصة عشان تبقي قاعدة في حكم المتهم وعمال يسأل اسئلة بطريقة مستفزة ايه يعني لو مش بتعرفي تطبخي مانت ممكن تتعلمي عمال يقلل ثقتك في نفسك ويجرحك بالكلام وانت برده من حقك تعرفي كل حاجه تعرفي طلق مراته ليه ونظام حياته ايه وهيعجبك نظامه ولا لأ وتفكري كمان وتتشرطي انت مش رخيصة ولا ناقصك حاجه عشان تخافي من كلامه كده انا حاسه انه انسان شكاك ومش عنده ذوق وصعب العيشة معاه بس مش عايزة اظلم لاني ماعرفوش ويمكن فهمت غلط انت اختبريه وفكري شوفي هتقدري تستحمليه طول عمرك ولا لا واجمدي كده واستخيري ربنا وفكري في راحتك وسعادتك وبس وسيبك من كلام الناس وعقدهم ربنا يكتبلك الخير يا رب
حبيبتى ده اعمله ازاى علشان اختبره ولحد لم اخد قرار

#28

افتراضي رد: انا منهاره ومخنوقه ايه رايكم فى الراجل ده

مشكورييييييييييييييين
#29

افتراضي رد: انا منهاره ومخنوقه ايه رايكم فى الراجل ده

اختبريه يعني راقبي تصرفاته كويس واسأليه نفس الاسئلة اللي بيسألهالك بس من غير ماتحسسيه انك بتردي الاسئلة واسأليه هو طلق مراته ليه وشوفي طريقة كلامه عليها عاملة ازاي وشوفي طريقته مع اهله وتصرفاته لما بيتعصب وشوفيه بخيل ولا لا يعني لو خرجتي معاه اعملي نفسك عايزة تشتري حاجه وشوفي هيعمل ايه هيعرض انه يجيبها هو ولا هيطنش وخلي اهلك يسألوا عليه كويس جدا وماتتجوزيش الا لما تتأكدي انه كويس وتثقي فيه وخليكي فاكره انك بتتجوزي عشان حياتك تبقى سعيده انت كمان مش هو بس اللي يدور على حقه وانت لا بدل ماتتكتشفي حاجات بعد الجواز وتندمي على اختيارك وادعي ربنا على طول واستخيري كتير ولو فيه خير هيبان ولو لأ ربنا هيعوضك ان شاء الله
#30

افتراضي رد: انا منهاره ومخنوقه ايه رايكم فى الراجل ده

انتي عشان مجروحة حاسة بحساسية مفرطه جداااااا
#31

افتراضي رد: انا منهاره ومخنوقه ايه رايكم فى الراجل ده

اهم حاجه انك ماتستعجليش فى الجواز وخمس شهور مش كتير لازم الاول ينزل اجازه وتقعدوا مع بعض اكتر من مره عشان تقدر ى تفهمى شخصيته والكلام فى التليفون أو على النت فى رسائل صعب أنه يخليك تعرفيه صح مش كل الناس بتعرف تعبر عن نفسها صح فى الرسائل بالعكس كتير بتتفهم غلط
#32

افتراضي رد: انا منهاره ومخنوقه ايه رايكم فى الراجل ده

ربنا يهديلك الحال
#33

افتراضي رد: انا منهاره ومخنوقه ايه رايكم فى الراجل ده

الموضوع صعب فعلا بس حاولي تخلي اهلك يسالوا عليه كويس
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
كولكشن ادوات مطبخ مختلفة ادوات مطبخ جديدة رايكم ايه يا عدولات ندى ام ادوات واجهزة منزلية
ايه رايكم في الفرش للجديد لشقتي أعطوني رايكم رودينة الارشيف والمواضيع المكررة
يوميات عدلات ومحروس كاملة هـــدوء قصص - حكايات - روايات
انتى يا عدولة عارفة يعنى ايه كل البنات تمشى تتعاكس.مش عارفة طيب تعالى:) كيوت متل التوت فتيات تحت العشرين
ايه رايكم فى الاكل البيتى ام اسلام وسيف سوق عدلات النسائي العام


الساعة الآن 09:06 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل