أو

الدخول بواسطة حسابك بمواقع التواصل



https://adlat.net/showthread.php?t=371079
1676 19
#1

افتراضي مفيش حاجة جاية في السكة ولا إيه؟


مفيش حاجة جاية في السكة ولا إيه؟


- إيه يا حبيبتي، أخبارك إيه؟
إيه مفيش حاجة جاية في السكة؟
- لا والله لسه.
- ليه بس؟ ده نادية بنت عمك اللي متجوزة بعدك بـ٣ شهور بقت ما شاء الله في الشهر الرابع.

استفدتي إيه بسؤالك ده؟!
أيًا كنتي.. حماة، جارة، صاحبة، قريبة من بعيد أو قريب، أو حتى أم، الكلام ده موجّه ليكي.. استفدتي إيه؟
هي ليه الناس مش بيقدروا إن فيه حاجات في حياتنا حدوثها أو عدمه حاجة ملناش أي تدخل فيها.. يعني سؤال معلش، هل حضرتك بذلتي أي مجهود بدني أو عقلي عشان جوزك يختارك من بين كل الستات؟ أو إيه الشهادات والمؤهلات المعينة اللي خدتيها عشان تجيبي الكتاكيت الصغيرين دول؟ ولا ده كله رزق من ربنا اداهولك من غير لا حول ليكي ولا قوة؟

البنت اللي متجوزة بقالها فترة وبتتسأل السؤال ده.. الله أعلم بظروفها هي وزوجها، يمكن مش أد تحمل مسؤولية زي دي دلوقتي، يمكن ظروفهم المادية حاليًا لا تسمح، يمكن نفسهم بس لسه مفيش نصيب، يمكن فيه واحد منهم عنده مشكله وبيتعالجوا.. مليون يمكن، وفي كل الحالات أنا مش شايفة إنه يخص حضرتك في حاجة، يعني لو فيه خبر حلو وهي حابة تعرفك هتقولك من غير ما تسألي. أما لو مفيش، ليه الضغط؟ الضغط ده مبيولدش غير إحساس بالعجز وحالة من السخط وعدم الرضا على إرادة ربنا وعلى الظروف اللي ربنا بيحطنا فيها، فإزاي بتدوا نفسكم الحق إنكم تنتهكوا كامل خصوصيات البشر وتسألوا عن حاجات لو متسألتش أنا متأكدة إنها عمرها ما هتسبب أي خلل في حياتكم اليومية الطبيعية التقليدية.

ببساطة اللي جاي ده مسموش "حاجة" ولا هييجي في"السكة" ده كائن حي، روح ومسؤولية متعلقة في رقبة أهله لحد ما يبقي شخص بالغ وناضج مسؤول عن نفسه، هييجي وقت ما ربنا يقدر وجوده، وده شيء مش هيستعجله سؤالك.

الموضوع مش بيقف لحد السؤال ده بالذات، ده مجرد مثال من أسئلة كتير زي "إيه مش هنفرح بيكي ولا إيه؟" أو "لسه ملقتيش شغل من ساعتها؟"، "مش هتخاوي بنتك ولا إيه؟" كل دي أسئلة ترسخت في حياتنا وأصبح من العادي جدًا نواجهها كل يوم ومن أشخاص بيصروا على التعدي على حياتنا الخاصة.

ببساطة، لا يجوز إن حد يسألك في أي حاجة من الحاجات دي لأنها كلها رزق من عند ربنا، بتيجي من غير معاد ولا سابق علم ولا تخطيط، كلها تدبيرات ربنا وحده اللي يعلمها.





وبعدين هو مش المفروض إن دي سكتك إنتي؟ يعني من أبسط حقوقك إن إنتي اللي تحددي إيه اللي يجيلك فيها ومتسمحيش لحد يحطك في نفس القالب ويمشيكي في نفس السكة اللي مشي فيها. همّ عاوزينك تمشي فيها لأن دي السكه اللي مشيوا فيها وكانت مناسبة لظروف حياتهم، أو يمكن عشان ميعرفوش غيرها وأي حاجة هتعمليها غير كده هتكون غير مألوفة ومرفوضة بالنسبة لهم،عشان كده شوفي اللي ينفعك إنتي واللي تحبيه إنتي ومتديش الفرصة للناس يفرضوا عليكي تكوني في قالب معين شايفينه من وجهه نظرهم إن هو ده الصح.

والمشكلة هنا إن تغيير وجهة نظر جيل كامل شايف إن من حقه يعرف عنك حاجات عاوزة تحتفظي بيها لنفسك (اللي هو يعتبر من أبسط حقوقك كإنسان) هيكون شيء صعب يكاد يكون مستحيل في مجتمعنا.. لكن أضعف الإيمان يكون "بالصد" ولكن بأدب، متسمحيش لحد يعرف عنك حاجة إنتي مش عاوزاه يعرفها، دي حياتك إنتي تمشيها زي ما إنتي عاوزة، وإحنا مش في سبق، ردود زي "أنا مش حابة أتكلم في الموضوع ده" أو "ده موضوع خاص بيني وبين زوجي" مع ابتسامة لطيفة، ممكن يرحمك من تكرار سؤال زي ده، واللي يسمحلها فضولها إنها تتدخل في أمورك الشخصية اسمحي لنفسك إنك تحرجيها.. وكله بالأدب.


والحل التاني والأمل في الجيل اللي جاي إنه يتعلم ميبقاش زي الجيل اللي فات وميكررش نفس مساوئه.. خليكي في حالك وعلمي بنتك تبقى في حالها وقولي لمامتك وأختك وصاحبتك وجارتك وقريبتك تبقوا في حالكم وتسيبوا الناس في حالها.. واقتدوا بالرسول اللي قال ((من حسن إسلام المرء: تركُه ما لا يعنيه)) حديث حسن؛ رواه الترمذي وغيره.
واعرفي إن اللي عاوز يفرح بيكي بجد مبيسألكيش إنتي، بيسأل ربنا وبيدعيلك من غير ما تعرفي.

وتاني مرة حد يسألك عن أي حاجة من الحاجات دي قوليله اسأل اللي رزقك وبيرزقني.. اسأل الرزاق ربنا.. متسألنيش أنا.


بقلم/ سارة حلمي



مفيش حاجة جاية في السكة ولا إيه؟



#2

افتراضي رد: مفيش حاجة جاية في السكة ولا إيه؟

جزاكِ الله خيرا [mention=129663]امانى يسرى[/mention];

وان كان الافضل التعديل من المنشور والنشر باللغة العربية لانها الأصل وليفهم الكلام بقية اخواتنا فهنَّ لا يفهمون لهجات غيرهم وتجمعنا اللغة العربية بفضل الله جميعا

إظهار التوقيع
توقيع : أم أمة الله
#3

افتراضي رد: مفيش حاجة جاية في السكة ولا إيه؟

جزاكي الله خيرا
إظهار التوقيع
توقيع : حياه الروح 5
#4

مميز رد: مفيش حاجة جاية في السكة ولا إيه؟

لا اله الا انت سبحانك اني كنت من الظالمين
#5

افتراضي رد: مفيش حاجة جاية في السكة ولا إيه؟

طبعاً تسلمين على كلامك الذي يلمس واقع مجتمعتنا العربيه بشكل فضيع بمجرد ماترتبط البنت الكل يسال ويتدخل حتى في ادق تفاصيل الخاصه مجتمعتنا لابد ان غيرها نحن النساء وستتغير لان النساء هم اساس التغيير
إظهار التوقيع
توقيع : يارب أرزقني
#6

افتراضي رد: مفيش حاجة جاية في السكة ولا إيه؟

خالص تحياتى وفائق تقديري لكل من مر على الموضوع



للاخت @أم أمة الله
تعمدت ان اطرح هذا الموضوع فى قسم فضفضة وحل المشكلات لانى لاحظت كثير من الاخوات يكتبن بالعاميه غير ان هذا موضوع نقلته للكاتبه سارة حلمى كما هو واعتقدت ان الجميع سيفهمه لان اللهجة المصريه كل شعوب الدول العربيه يسهل عليها فهمها

تشرفت بمرورك ومرور جميع الاخوات

#7

افتراضي رد: مفيش حاجة جاية في السكة ولا إيه؟

موضوع مهم جداً واتمنى الاخوات يستفادوا منه
#8

افتراضي رد: مفيش حاجة جاية في السكة ولا إيه؟

بارك الله فيك حبيبتي
#9

افتراضي رد: مفيش حاجة جاية في السكة ولا إيه؟

موضوع رااااااااعئ
#10

افتراضي رد: مفيش حاجة جاية في السكة ولا إيه؟

اقصد رااااااائع
#11

افتراضي رد: مفيش حاجة جاية في السكة ولا إيه؟

بسم الله ولا حول ولا قوة الا بالله
#12

افتراضي رد: مفيش حاجة جاية في السكة ولا إيه؟

بسم الله ولا حول ولا قوة الا بالله ..
#13

افتراضي رد: مفيش حاجة جاية في السكة ولا إيه؟

بسم الله ولا حول ولا قوة الا بالله .......
#14

افتراضي رد: مفيش حاجة جاية في السكة ولا إيه؟

بسم الله ولا حول ولا قوة الا بالله .
#15

افتراضي رد: مفيش حاجة جاية في السكة ولا إيه؟

اللهم فررج علينا يارب وكل من قال امين
#16

افتراضي رد: مفيش حاجة جاية في السكة ولا إيه؟

اللهم فررج علينا يارب وكل من قال امين
3..

#17

افتراضي رد: مفيش حاجة جاية في السكة ولا إيه؟

لا اله الا انت سبحانك اني كنت من الظالمين
#18

افتراضي رد: مفيش حاجة جاية في السكة ولا إيه؟

لا إله إلا الله
#19

افتراضي رد: مفيش حاجة جاية في السكة ولا إيه؟

رؤعة
#20

افتراضي رد: مفيش حاجة جاية في السكة ولا إيه؟

كلام رائع شكراً لكي
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
60 سؤالا في أحكام الحيض والنفاس للشيخ بن عثيمين رحمه الله شوشو السكرة فتاوي وفقه المرأة المسلمة
سيرة الشيخ الإمام المجدد محمد بن عبد الوهاب. الرزان العقيدة الإسلامية
دليل الحاج والمعتمر والزائر على حسب الطريقة الشرعية الموافقة للسنة النبوية krimboch المنتدي الاسلامي العام
سورة الحشر تفسير سورة الحشر هبه شلبي القرآن الكريم
الى يشوف بلاوى الناس بتهون عليه بلوته مدام نونا فضفضة وحل المشاكل


الساعة الآن 01:01 AM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل