أو

الدخول بواسطة حسابك بمواقع التواصل

#1

129862 الي أمهات الزنانين(واء واااااااااااااااااااااااا اااااااااااء)

السلام عليكن ورحمة الله وبركاته

الي كل الامهات الفتاتيك حبايبي
أنا النهارده جيبالكم خلاصة تجربتي مع زن بنتي
والنتيجه كانت فوق الهاااااااااااايله
أمشو ورايا أنتم تكسبوا

أنا اللي خلاني أكتب الموضوع ده أني لاقيت أمهات كتيييييييير بتسأل أزاي أتخلص من زن العيال
فقولت ألحق أقولكم لحسن تتخلصوا من العيال نفسهم(ههههههههههههه)(والله سكر)

المهم كفايه كتر رغي وندخل علي المفيد
بس قبل كده عاوزه منكم الصبر وطولت البال والاستعانه بالله عزوجل
بصوا ياحبايبي هقولكم عاللي عملته في صورة خطوات وانتم تمشوا ورايا واحده واحده(اوعو حد يتكعبل)
واللي توقع مني تقولي هي وقعت فين وأنا أشرحلها






بسم الله نبدأ

الخطوه الاولي:أول لما ابنك يزن أنزلي علي ركبك عشان تكوني في مستواه وتحطي عينك في عينه عشان التواصل بنكم

الخطوه الثانيه:تكلميه بصوت منخفض عشان الصوت العالي بيفهمه أنه انتصر عليكي وقدر يعصبك ولازم يكون صوتك بنبره حازمه عشان يعرف أنك مش بتهزري وأنك في موقع قوه مش ضعف

الخطوه الثالثه:قولي له او لها (لا كده غلط)او(لامش هنجيب الحاجه الفلانيه)او(لا مش هتروح مع فلانه)
وده عشان توضحيله سبب رفضك للزن وتكوني عرفتيه أن الحاجه اللي عاوزها مرفوضه وكمان الزن مش هيجيب نتيجه

الخطوه الثالثه:وديه بأه مهمه اووووووووي:طفلك غالبا سيستمر فالزن والبكاء
هتقومي بكل هدوء وتشيليه وتحطيه في ركنه بعيده فالبيت(منوره طبعا:مش حجرة الفئران)هههههههه
المهم يكون في مكان غير اللي انتي فيه(وتسميها مثلا مكان الزن-أو لو كان كرسي(النوتي شير)
أبشرك هنا انه هيفضل يزن بردو وكمان تون صوته هيعلي فالزن

الخطوه الرابعه :هي خطوة الصبر وطولت البال ليييييييييييه بأه (أقولك انا يا ستي)
هنا أبنك هيقوم كل شويه ويجي عنك ويزن أول ما يعمل كده تعملي ايه يا تري
أيوه هتشيليه هيله بيلا وترجعيه مكان وتقوليله بهدوء وحزم لما تخلص زن براحتك ابقي تعالي
واصبر لانه ممكن يختبر أعصابك ويفضل يزن ممكن بالساعتين
متقلقيش ده هيكون في الاول بس
عشانم هو مش متعودعلي كده منك

الخطوه الخامسه:(هي خطوة الملاحظات)

1*بصي ياحبيبتي يفضل لما تيجي تبد~ي النظام ده تكوني جالسه فالبيت ومش خارجين
2*خلي بالك ان ابنك (أذكي مما تتصوري)فأوعي يتغلب عليكي
3*// // أبنك هيحاول يزن فالشارع و عند الاقارب او فالنادي عشان تعمليله اللي هو عاوزه بس أوعي تعملي كده ونفذي الخطوات كلها بس بدل الركنه اللي فالبيت هيكون تجاهلك التام له
4*حاولي متخليش حد من الاقارب يخربو اللي عملتيه يعني لو حد موجود فهميه وخليه هو كمان يتجاهله
5*وديه مهمه اووووي:أنك في أوقات فاليوم تلعبي مع العيال ايوه وتعملو حفلات بوس وتلعبوا استغمايه(العيال اهم من الغسيل والطبيغ والكنس والترويق) وده عشان يبقي يعرفو ان الوحش لما يعمل حاجه غلط او لما يزن ماما بتزعل منه وتبعده عنا(اما في العادي ماما ديه هايله وبتلعب معانا ولو زعلت تبقي كارثه
**
وكده مش هيقدرو يزعلوا ماما





النتيجه:
بصو بقي انا تعبت من الرغي عشان كده هأكتفي أني هأقولكم النتيجه معليه كانت ايه
*في حاجه الاول عن الباشمهندس أبو ريهام (زوجي طبعا) كان بيقولي اول لما عملة النظام ده
(حرام عليكي ايه الافتري ده) بس لما شاف النتيجه بأه هوه يعمل كده كمان

ريهام بأة أول لما تزن وأنا اعمل معاها كده وأقولها روحي الانتريه عالكرسي ولما تخلصي براحتك تعالي
بأة والله متكملش دقيقتين وتيجي ساكته وتقولي خلاص يا ماما خلصت زن ومعلش يا ماما مش هعمل كده تاني
وتيجي تحضني وتبوسني
وهنا أنا بعملها حفله بوس

منقول


إظهار التوقيع
توقيع : ♥العدوله لولو♥
#2

افتراضي رد: الي أمهات الزنانين(واء واااااااااااااااااااااااا اااااااااااء)

هحاول اجرب مع ابنى جزكى الله خيرا
إظهار التوقيع
توقيع : حاملة القران
#3

افتراضي رد: الي أمهات الزنانين(واء واااااااااااااااااااااااا اااااااااااء)

ألف شكرر حبيبتي
#4

افتراضي رد: الي أمهات الزنانين(واء واااااااااااااااااااااااا اااااااااااء)

رد: الي أمهات الزنانين(واء واااااااااااااااااااااااا اااااااااااء)
إظهار التوقيع
توقيع : توتة واحلى بنوتة
#5

افتراضي رد: الي أمهات الزنانين(واء واااااااااااااااااااااااا اااااااااااء)

ههههههههههههه انت عسل ربنا يباركلك موضوع مهم


قد تكوني مهتمة بالمواضيع التالية ايضاً
الموضوع كاتب الموضوع المنتدى
لكل من يكره المدرسه ادخلى نونو حسن فتيات تحت العشرين
مدونتي ~إبتساامه~ تسنيم عادل مدونآت الاعضآء!
تجربتى مع مصيف مرسى مطروح عام 2008 الى 2025 زاهرة الياياسمين عدلات للسياحة والسفر والرحلات
رحلة الي ماليزيا وسنغافورة 2025 ام لميس الحربي عروض السياحه والسفر
قصة منقولة bassouma قصص - حكايات - روايات


الساعة الآن 12:28 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل