أو

الدخول بواسطة حسابك بمواقع التواصل



عدلات

> الاقسام الأسرية

> فضفضة وحل المشاكل

زوجى واخواته والشقه

إضافة رد  أضف للمفضلة
https://adlat.net/showthread.php?t=103710
6494 24
#1

Dp309 زوجى واخواته والشقه

السلام عليكم حبيباتى
انهارده انا عاوزه اخد رايكم فى موضوع مهك جدا بس سامحونى لانه طويل شويه بس محتاجه رايكم حبيباتى
انا كنت متزوجه مع حمايا مع العلم ان حمايا عنده شقه اخرى بها حماتى واخوة زوجى وانتم طبعا عارين مدى المشاكل نتيجه الزواج مع اهل الزوج المهم اتحملت كتييييييير لان حمايا كان مقيم باستمرار معن انا وزوجى لانه كان باستمرار على خلاف مع حماتى المهم استمر الوضع ده حوالى 10 سنوات وبعدها توفى حمايا وملحقتش اشم نفسى الا ولقيت حماتى قفلت شقتها وجت هى واخوة زوجى الثلاثه وهم البنت والرجلينمع العلم ان اخو زوجى متزوج قفل شقته هو الاخر وجاء ليعيش معنا المهم زادت الخلافات على هذه الشقه واعتبروها انها ورث مع العلم انها شقه ايجار بس ايجار قديم وكانت مهجوره ومكنش يتقعد فيها وزوجى وضبها وصرف عليها فى الثمنينات مش اقل من 30 الف جنيه المهم اجتمعوا ناس من العيله وقرروا ان زوجى يعطى لاءخوته مبلغ من المال كترضيه ومنعا للمشاكل المهم المبلغ ده مكنش موجود معانا المهم كتبوا على زوجى ايصالات امانه بالمبلغ مقابل تركنا نعيش فى الشقه بدون مشاكل المهم زوجى سلم الشقه لصاحب العقار مقابل مبلغ من المال المهم زوجى اعطى امه واخوته الاربعه جزء من هذا المبلغ كترضيه ليهم وعلشان ياخذ ايصالات الامانه منهم المهم احنا اخدنا المبلغ المتبقى واخدنا شقه صغيره على قدنا ومن هنا ابتدت المشاكل تانى اخواته طلبوامنه انه يبيع هذه الشقه ووزع الفلوس جميعها كورث حسب الشرع المهم زوجى سال فى الازهر وقلولوا ان هذه الشقه ليست ورث وانك كنت مقيم مع ولدك انتى وزوجتك واولادك فمن حقك ان الشقه تكون ليك ولاسرتك المهم اه نسيت اقلكم ان اخوة زوجى قبل مكنا نسيب الشقهلما تزوجوا جوزى ساعدهم فى مستلزمات الزواج وكمان اخته لما تزوجت نزلنا انا وهو وهى وجهزناها من كل شىء امهم اخواته الرجال اخدم منه موقف وامه واخته يعنى بيعملونا اسوء معامله وبيحقدوا علينا ومستكترين علينا الراحه بعد العذاب وانا علشان بخاف الله انا وزوجى اقله متخدش فى بالك انتى بتعامل ربنا فيهم ومتحولش القسوه تيجى منك لانك اخوهم الكبير وافضل اوصيه عليهم والله واقله روح راضى امك وراضى اختك واوصيه عليهم لكن كلهم اتفقوا على زوجى الام والاخوات انه علشان يرجعوا كويسين معاه لازم نبيع الشقه اللى اويانا علشان يوزع فلوسها عليهم وهما كل واحد فيهم عنده شقه حتى امه كمان بس طمع الدنيا خلاهم مش هاين عليهم يشفونا مبسوطين والله كمان اننا كنا نحرم اولادنا ولو اخواته وامه محتاجين حاجه كنا بندهلهم وعن طيب خاطر بس للاءسف دون فائده بصراحه نا مليش اخوات غيركم ومستنيه اشوف رايكم ايه لان الموضوع ده تعبنا نفسا وياريت فيه مقدره كنا رضيناهم علشان خاطر ربنا بس للاءسف مفيش ومش عارفين نعمل ايه مستنيه رايكم حبيباتى واسفه على اللايطاله


إظهار التوقيع
توقيع : قوت القلوب 2
#2

افتراضي رد: زوجى واخواته والشقه

حبيبتي ربنا يعينك هو في ظلم في الدنيا زي ده انا باختصار مش عايزة ازود مواجعك مدام انتي وزوجك على حق واتقيتو ربنا فيهم ربنا حينصرك انشاء الله وبالنسبة للشقة لوبعتيها حتخصري كل حاجة وحيرجعو تاني زي الاول يعني مفيش فايدة وانتي يتقولي انك سألت في الازهر والشقة بقت من حقك وحق زوجك وخلي زوجك ياخذ موقف والطيبة حبيبتي في الزمن ده متمشيش وانشاء الله ينصلح الحال يارب

إظهار التوقيع
توقيع : صمت الورود
#3

افتراضي رد: زوجى واخواته والشقه

اوعي تبيعي الشقة طالما سألتي في الازهر ومعلهش راي قاسي شوية وممكن البنات يزعلو مني انتي عندك اولاد صح يبقي مش مهم الباقي خااااااااااالص انتي وجوزك وعيالك وبس الي عجه عاجبه والي مش عاجبه يقطع علاقته بيكم او ازاي امه عاوزاه يبيع الشقة وتقعدو فين في الشارع شكلك انتي وجوزك طيبين علشان كده عملو كده ولو طالو ياخدو اكل اولادكم هايخدوه خلي بالك من عيالك وجوزك والباقي ولا كانه موجود وقولي كده لجوزك مين هاينفعكم لما ولادكم ينامو في الشارع وكمان بتقولي جوزهم خلاص بقي الرحمه حلوة
الي انتي فيه ده هو الي خايفة منه لحياتي لان نفس ظروفنا واحدة ربنا يستر ماتساليش في حد حرام عليكم اولادكم هما اولي من اي حد محدش هيسال فيهم
اوعي تسيبي الشقة ربنا ييسر امورك
إظهار التوقيع
توقيع : لولو حبيب روحي
#4

افتراضي رد: زوجى واخواته والشقه

صح كلام صمت

انتوا الحق معاكم
وحرام كده يعنى
مش عشان شافوكم ساكتين وبتطيعوهم بكل حاجه يبقى خلاص
قولولهم اللى ليه حاجه يروح المحكمه
وحلنى بقى

وانتوا ماتتنازلوش عن حقكم
ده مش حقكم انتوا بس
ده حق اولادكم

هى امه دى مبتحسش؟؟

موتت الراجل وحتموتكم من بعده؟؟

ياساتر
إظهار التوقيع
توقيع : ريموووو
#5

افتراضي رد: زوجى واخواته والشقه

انا مع البنات
دول شعارهم البحر يحب الزيادة
ومهما نفذتوا طلباتهم حيطمعوا اكتر و اكتر
لانهم اتعودوا ياخدوا وبس
ولا تسالوا فيهم انتو عملتوا اللي عليكم وزيادة اوي
هما دلوقت مالهومش عندكم غير السؤال عليهم وبس
اكتر من كدة لأ والف لأ كمان
واللي مش عجبه يشرب من البحر
#6

افتراضي رد: زوجى واخواته والشقه

البنات قالوا كل الى عايزه اقوله وميهمكيش من حد حبيبتى طالما مراعيه ربنا
وربنا يهدى
إظهار التوقيع
توقيع : هبه شلبي
#7

افتراضي رد: زوجى واخواته والشقه

دا مش ورث شرعي عشان تديهم حقهم دي قوانين وضعية وبالقانون الوضعي الشقة واللي اخذتوه من حقكم , انتوا صابرين على طمعهم عشان ترضوا ربنا بس ربنا ميرضهوش الظلم , وسكوتكم طمعهم فيكم , ولو (والعياذ بالله) بعتوا الشقة وعشتم عالرصيف بررررضوا حيطلبوا حقهم في الرصيف , سيبك منهم عالم مفترية
إظهار التوقيع
توقيع : نيڨين
#8

افتراضي رد: زوجى واخواته والشقه

اشكركم حبيباتى ارائكم دى اراحتنى كثيرا وانارت الطريق امامى وان شاء الله هحاول انى اقنع زوجى وان شاء الله هخليه يقراء هذه الاراء علشان يطمن كمان وربنا ميكتب على احد الاحساس بالظلم لانه فعلا طعمه قاسى جدا بس عزائى الوحيد هو انى بتمنى رضاء الله عز وجل
إظهار التوقيع
توقيع : قوت القلوب 2
#9

افتراضي رد: زوجى واخواته والشقه

حبيبتي واضح ان جوزك طيب وعلشان اتنازل قبل كده كتير
واداهم كتير هما اعتبروا ان
اي حاجه يقدروا ياخدوها منه
بس طلما سألتم ومفيش عليكم وزر ولا هما ليهم عندكم حق شرعي
يبقى فكروا شوية في اولادكم ومتشغلش
بالكم بناس الطمع عمى قلوبهم
ومهما يخدوا مش هيحمدوا ولا هيرضوا
ولا هيشبعوا فوضوا امركم لله وسيبوا اللى يزعل يزعل وخدوا
موقف مرة يمكن يرجع لهم عقلهم
وربنا يهديهم من الضلال ده
لكن اسفه على الكلمةدي متعملوش خدكم مداس لحد مهما كان قربه
والمؤمن القوي خير واحب الى
الله من المؤمن الضعيف
وربي يهدي لكم العاصي
#10

افتراضي رد: زوجى واخواته والشقه

حبيبتي ربنا يصبرك على ماابتلاكم
اسال الله ان يرضى عنك وعنا جميعا
ومتسيبوش حقكم طالما مبتعصوش ربنا
انتوا الحق معاكم وهمة الضاهر عايزين ينكدوا عليكوا
وخلاص حبيبتي متدهمش فرصة يستغلوا طيبتكم
وربنا معاكي
إظهار التوقيع
توقيع : روزة
#11

افتراضي رد: زوجى واخواته والشقه


المشاركة الأصلية كتبت بواسطة مرمورة
حبيبتي واضح ان جوزك طيب وعلشان اتنازل قبل كده كتير
واداهم كتير هما اعتبروا ان
اي حاجه يقدروا ياخدوها منه
بس طلما سألتم ومفيش عليكم وزر ولا هما ليهم عندكم حق شرعي
يبقى فكروا شوية في اولادكم ومتشغلش
بالكم بناس الطمع عمى قلوبهم
ومهما يخدوا مش هيحمدوا ولا هيرضوا
ولا هيشبعوا فوضوا امركم لله وسيبوا اللى يزعل يزعل وخدوا
موقف مرة يمكن يرجع لهم عقلهم
وربنا يهديهم من الضلال ده
لكن اسفه على الكلمةدي متعملوش خدكم مداس لحد مهما كان قربه
والمؤمن القوي خير واحب الى
الله من المؤمن الضعيف
وربي يهدي لكم العاصي
على فكره حبيبتى هما عارفين جوزى كويس وعارفين انه عامل زى البركان وعارفين انه ممكن لو طلع فى غضبه ممكن يبعد
يعمل معاهم حاجات كتير بس هما بيستغلوا قربه من ربنا وخوفه الشديد منه دا حتى واللهى حبيبتى علشان هما مكنش ليهم حق فى الفلوس اللى اخدوها لربنا يعلم ايه اللى حصل معاهم يعنى بعيد عنكم امه اخدت الفلوس بس ربنا حرم عليها انها تصرفها على نفسها بتصرفها على التباهى على اقاربها ومعارفها ومش لوجه الله لكن علشان تقول انا بدى لفلان وعلان
واخته بعد ما اخدت الفلوس بعيد عنى اطلقت بعدها بشهر وقعدت عند امها وجوزى برضو اللى بيصرف عليها
واخوتها الاتنين واحد اصيب بمرض شديد وصرف باقى الفلوس على مرضه ومع انه مقاطع زوجى الا وان زوجى عامل له راتب شهرى بدون ميعرفه وبيرسلهوله عن طريق صديق ليهم
والتانى اللى كان سبب فى الثوره علينا ربنا خلى امه طردته من الشقه هو وزوجته واولاده لانه كان ساكن معاها فى نفس الشقه بس للاسف اللهم لا شماته مش بيتعظوا
إظهار التوقيع
توقيع : قوت القلوب 2
#12

افتراضي رد: زوجى واخواته والشقه

وبعد كل ده مش متعظين ولسه
طمعانين في زوال الدنيا
ربنا يزيدكم من نعيمه على قد
صبركم وقلبكم الكبير ده
وربنا يصبر زوجك ويصبرك
انا والله مستغربه اوى من موقف
الأم بالذات ربنا يهديهاله
ويوفقكم لما يحب ويرضى
#13

افتراضي رد: زوجى واخواته والشقه

اختي الغالية انا مريت بنفس اللي مريتي فيه يعني بيتي واهل زوجي يقولوا اعطونا حقنا فيه لكن الحمد لله خلينا ليهم حد وواجهناهم اللي لو حق يرروح ياخذوا عند الحكومة وطبعا هم ماعندهم مستمسك او شي يثبت ادعائهم الباطل وقطعنا علاقتنا فيهم حتى يعرفوا انه لايصح الا الصحيح ربنا يعينكم وهذا طمع الدنيا آخرته سخط الله والرسول يوم لاينفع مال ولا بنون
إظهار التوقيع
توقيع : حبيبي ياعراق
#14

افتراضي رد: زوجى واخواته والشقه

ياخبر بعد كل الي حصل ليهم ده مش راضيين يسكتو ربنا يوسع رزقكم حبيبتي ويسترها معاكم دنيا واخرة ويرزقكم فسيح جناته بارك الله فيكم
إظهار التوقيع
توقيع : لولو حبيب روحي
#15

افتراضي رد: زوجى واخواته والشقه

بصى حبيبتى الطيبين بالزمن دة ملهومش مكان جنب الوحشوش وانتم ناس طيبة وميهمكيش من حد يا قمر طالما انتم على يقين انكم بتعملوا الصح وكمان سالتوا الازهر
بصى لو انتم بعتوا الشقة دى مش حترتاحوا وحيطلعلكم بحاجة تانية دول طمعانين فيكم
وسورى يعنى مع احترامى يخبطم راسهم بالحيط
#16

افتراضي رد: زوجى واخواته والشقه

شوفي حبيبتي طالما الشرع والقانون معاكم يبقى انتم احق بالشقة واياكم تتركوها او تبيعوها خاصة انه ما فيش ليكم سكن ثاني
والظاهر الطيب في الايام دي ما ينفعش مع هيك عالم
وربنا يوفقك وينور طريقك و يفك كربك
إظهار التوقيع
توقيع : فلسطين
#17

افتراضي رد: زوجى واخواته والشقه

ربنا ييعينكم علي الظلم اللى وقعتم فيه اوعوا تبيعوا شقتكم مافيش أكتر من انكوا سألتوا الأزهر ومهما حتعملوا مش حتعرفوا تراضوهم هما كانوا فس منتهى الجشع وده نهايته اللهم احفظنا سيئة وبشعة مالكمش دعوة بيهم وابعدوا عن سكنهم هما لاقيين انكم علطول متنازلين عن حقوقكم ومش حيبطلوا انتوا ماشيين في السكة الصح والله يعينكم باذن الله وماتقلقوش مادام انتوا ماشيين فى طريق الحق
إظهار التوقيع
توقيع : مايا علي
#18

افتراضي رد: زوجى واخواته والشقه

دول عالم جشعه وطماعين بزياده
سيبكو منهم طالما انتو ماشيين صح
ومفيش عليكم وزر
خليكى فى بيتك وعيالك وجوزك وبس
وطنشيهم خاااااااالص
ربنا يكفيكى شر الطمع والطماعين
#19

افتراضي رد: زوجى واخواته والشقه

اسعتمونى كثيرا بارائكم ربنا يبارك فيكم جميعا واشكر تفاعلكم لمشكتى وربنا يسترها معنا جميعا
إظهار التوقيع
توقيع : قوت القلوب 2
#20

افتراضي رد: زوجى واخواته والشقه

اختي اذا كنتم تقدرو تشترو شقه تانيه
وتعطو الفلوس الاموو اعملي لان مش حترتاحي بالشقه
دي حتبقي طول عمرك في مشاكل وتبقى الشقه منفوسه
من عينهم ويارب يهدي النفوس ويحنن قلب امه عليكم
إظهار التوقيع
توقيع : العنيده1
#21

افتراضي رد: زوجى واخواته والشقه

ربنا يصلحلك الحال
#22

افتراضي رد: زوجى واخواته والشقه

كل اللي ممكن اقدمه اني اقول
ربنا معاكي لو انتي علي حق
#23

افتراضي رد: زوجى واخواته والشقه

والله يعني ده لو حتى ورث يعني يعجبهم تقعدوا في الشارع عشان كل واحد ياخد له كام ألف جنيه
حسبي الله ونعم الوكيل في الناس اللي بالشكل ده
جمدوا قلبكم شوية وسيبوهم منهم لله
ولاتسألوا عنهم كل واحد قاعد في بيته هم مش في الشارع
وربنا يصلح لكم الأحوال ان شاء الله
إظهار التوقيع
توقيع : رحيق
#24

افتراضي رد: زوجى واخواته والشقه

الله يعين
إظهار التوقيع
توقيع : جمون
#25

افتراضي رد: زوجى واخواته والشقه

ماتعبريش حد عيشي حياتك انتي وزوجك واولادك وسبيهم براحتهم وماتديهمش اي اهتمام خالص وربنا يهديلك الحال مع العلم انتي مديالهم اهتمام كبير وبتنفذوا اللي هما عاوزينه عشان كده بيتامادوا انسي عشان تقدري تعيشي


قد تكوني مهتمة بالمواضيع التالية ايضاً
الموضوع كاتب الموضوع المنتدى
صور وسائط زوجى الحبيب مسجات مصوره لزوجى الحبيب صور متحركه زوجى الحبيب ريموووو صور حب
احبك زوجى ♥ احبك ربى ♥ المنتدي الادبي
زوجى والبيت زوجى لا يحب ترك البيت زوجى لا يخرج من البيت ريموووو حوارات اجتماعية مفتوحة
زوجى مقصر فى حق بيتى,مش عارفة الفت انتباه زوجى لتقصيرة بطريقة شيك,ازاى اعرف زوجى شقاوة آنثى الثقافة والتوجيهات الزوجية
زوجى سلبى ما الحل كيف اتعامل مع سلبية زوجى شقاوة آنثى الثقافة والتوجيهات الزوجية


الساعة الآن 11:49 AM

الاتصال بنا - عدلات - الأرشيف - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل