السلام عليكم ورحمة الله وبركاته
اللهم صل وسلم وزد وبارك على اشرف الخلق اجمعين
الف مبروك علينا الجزء الجديد ويارب دايما من طاعة لطاعة متقدمين اللهم امين
اتكلمنا فى الاجزاء السابقة عن التقصير فى حياتنا
فى الصلاة ...الاذكار..........الاستغفار .........قراءة القراءن وحفظه
صلاة القيام والفجر والضحى
كانت الحاجات دى بالنسبة لنا صعبة ومستحيلة
الحمد لله بفضل الله اولا وبفضل الصحبة الصالحة حطينا ايدنا فى ايد بعض وشجعنا بعض على طاعة الله ورسوله
الحمد لله بقينا كلنا بنصلى الصلاة فى ميعادها وكمان السنن والاستغفار والصلاة على الرسول بقوا عادة عندنا اتعودنا عليهم خلاص لو راحة مشوار نستغله فى التسبيح على ايدنا وكمان الاستغفار طول اليوم دا سحر يابنات
الحمد لله قراءة القراءن والحفظ ربنا يعينا ويقوينا جميعا
صلاة الفجر والقيام الى كنا بنعتبرها صعبة اتعودنا عليها وكذلك صلاة الضحى
كل ده بفضل تشجيعنا لبعض ومنتظرين الافضل
طيب يابنات احنا الحمد لله اتغلبنا على تقصيرنا فى الصلاة والاذكار وقراءة وحفظ القراءن هل ده كفايه يعنى ايه موقفنا من جيراننا ومن زمايلنا فى الشغل ياترى بنحب لهم الخير الى بنحبه لنفسنا ولاولادناياجماعة الدين المعاملة الصلاة مش كفايه لازم نبقى كويسين
من جوانا ونحب الناس بجد ونحب لهم الخير قال رسول الله صلى الله عليه وسلم حب لاخيك ماتحب لنفسك وقال كمان لا يدخل الجنة من فى قلبه مثقال ذرة من حقد
طيب احنا راضيين على معاملتنا لازواجنا ولاولادنا ولا على طول متعصبين.........ايوة هاندرب نفسنا اننا نكون ريلاكس وهاديين[IMG]https://files.***- ***- *.com/smilies2012/smiley-shiningsmile.gif[/IMG]
طيب وبيتنا نضيف ولا يعنى رايحين نتوضا مفيش مانع شوية كلور وتايد وبمقشة خشنة وندعك الارض [IMG]https://files.***- ***- *.com/smilies2012/smiley-smile.gif[/IMG]
رايحين نطبخ نشغل سورة البقرة وماسك على وشنا او شعرنا ويلا ويبقى 3فى1[IMG]https://files.***- ***- *.com/smilies2012/smiley-laugh.gif[/IMG]
كل القصور ده هانتناوله فى موضوعنا ان شاء الله الجزء ده هايشمل
العبادة وفن معاملة الازواج والاولاد من تربية وتعامل وتغذيه وتحفيظهم القراءن
ومش هاننسى نفسنا من رياضة وترفيه وماسكات بشرة وشعر وكل ده طاعة لله
وعايزين نجدد النيه يعنى نرتاح عشان نقوم نصلى القيام
يعنى نطيع زوجنا ابتغاء مرضاة الله
قال تعالى قل ان صلاتى ونسكى ومحيايي ومماتى لله رب العالمين سورة الانعام
كمان عايزين من ضمن برنامجنا التخلى عن عادة سيئة زى الكذب والغيبة والنميمة والنفاق وعلينا بحفظ اللسان ياريت نشجع بعض ونقدر نتخلى على الصفات السيئة
شعارنا لن يسبقنى احد الجنة لن يسبقنى احد الى الله
لو الموضوع عجبكوا ماتبخلوش على بالتقييم
لسة تابعوا المشاركات الجاية فيها الجدول والذى منه
صحبه في طعة الله
رد: صحبه في طعة الله
قد تكوني مهتمة بالمواضيع التالية ايضاً