أو

الدخول بواسطة حسابك بمواقع التواصل



https://adlat.net/showthread.php?t=144432
2977 15
#1

افتراضي محتارة فى حياتى

اخواتى فى النتدى الجميل...ساعدونى
قصتى طويلة مش عارفة ابدأ من فين,كنت بنت حساسة رومانسية برسم احلامى بالورد والعصافير .بفرح بنسمة الهو واحن للبحرواستنى الربيع بالشوق.
كبرت وكان اول حب فى حياتى وانا فى الثانوية.لا لم اكن احبه ولم اعره اى انتباه. كان الطالب المثالى ..رقيق,مهذب وشهم.كل ما كان يفعله هو مراقبتى واذا نظرت نحوه طأطأ راسه خجلا.كتب لى فى احدى الايام على الديسك "i love you" عندما رأتها زميلاتى انفجرن فى الضحك وصادف انه داخل الفصل .لن انسى هذه اللحظة كم كان يشعر بالالم.




انتهت هذه المرحلة دخل كلية الطب وبعد خمسة اعوام تصادفنا فى احدى المواصلات..كنت اكح بصوت عالى.لم اعرفه لكنه عرفنى .بدأ يشرح لزميله دواء للكحةوبدائله.سمعت صوته.سرحت بعيدا. كان يحاول ان يرانى جيداز نزل من السيارة وظل واقفا حتى رايته على مرمى البصر.هل لازال يحبنى؟؟؟؟
لم اعرف وبدات مرحلة جديدة من حياتى ...تزوجت على النظام التقليدى. كنت اسوأ عروسة فى الحى.وتأثر زوجى بذلك وانا ايضا.تركت العمل وفى حياتى الزوجية كنت سيئة جدا. معظم امور الزواج لم اعرفها الحياة الواقعية صدمتنى.عشت عام فى صراع مع زوجى.لكنه طيب حنون تحملنى لأبعد الحدود.لم تنته مشاكلنا. فانا برقتى وحساسيتى لا احتمل العيش مع عائلته.طوال الوقت اتذمر واشتكى.لكنه يعمل بالخارج ول يملك بيته الخاص.حاول معى العثور على عمل لى هناك كنت دائما ارسب فى المقابلات.لقد عمل جهده معى.طلب منى ان احمل مرة اخرى لكنى رفضت وغادر وهو حزين.
احيانا اعتقد انى كئيبة للغاية وانه مظلوم معى. الان اخبره بانى ساحاول السفر الى عمان ...جن جنونه
تساءل كيف ساذهب هناك وهو فى مكان اخر ؟. وماذا عن ابنى؟ لم اعرف ماذا اقول
لكن الفكرة مسيطرة عليا. اريد الهرب بعيدا لاجد ذاتى لابحث عن نفسى . انا لا استطيع ان اساعده او ابنى طالما انا فى هذا الوضع .لا اعرف حتى ان كنت احبه ام لا .لا اعرف شئ عن نفسى . اردت دوما حياة اخرى ....هل انا سيئة؟ هل هذا من حقى ؟؟ اجيبونى



#2

افتراضي رد: محتارة فى حياتى

على فكره المفروض انك تحبى جوزك هو معملش حاجه وحشه عشان تعملى كده ولو مكنتيش موافقه من الاول كنتى رفضتى لكن كده انتى بتظلمى انسان معاكى حرام عليكى اتقى الله فى جوزك وانسى حياتك القديمه
إظهار التوقيع
توقيع : جنبك على طول خلينى
#3

افتراضي رد: محتارة فى حياتى

انا قريت موضوعك وحبيت انصحك لوجة الله قبل ماتضيعى حياتك اللى كتير غيرك بيتمنوها من ايديك
كلنا بنبقى رسمين حاجات كتير فى خيالنا عن الجواز والبيت والحياه وانها بتبقى فيها استقلاليه وان انتى
المصدر الوحيد مع جوزك طبعا فى اخذ القرار وبنتفاجا بغير كده كلنا عيشنا صراعات كتير مع اجوازنا ومع نفسنا
فى بداية جوازنا لان الحقيقه هى ان الجواز مسؤليه ولازم نتحملها بكل مافيها من فرح وشقاء انتى حساسه ورومانسيه
ومن حقك تعيشى رومانسيتك ديه بس مع جوزك لانه من كلامك انسان محترم وصدقينى هو ده اللى بيتبقى للواحده بعد الجواز
لان بعد الجواز كله بيتساوى اللى متجوز عن حب مع اللى متجوز جواز تقليدى
وبعدين انتى تضمنى منين انك لو كنتى اتجوزتى اللى بتحبيه وبيحبك كان هيعاملك كويس وهيحققلك الحياه اللى انتى عايزاها؟؟؟؟؟؟
كنتى ممكن تتجوزى عن حب وبعد الجواز تتفاجى بانسان تااااااااانى خاااااااااالص غير اللى حبيتيه .ساعتها هتقولى ياريتنى اتجوزت انسان محترم ويعاملنى معامله ادميه كانسانه
وانتى ربنا بعتلك ده يبقى احمدى ربنا غيرك بيتمنى معامله حسنه من جوزك وانتى بلسانك قولتى انه بيحاول جاهدا انه يساعدك يبقى حتى لو مقدرش يكفى انك تقدرى تعبه ده عشان يريحك ويحققلك اللى انتى عايزاه
حاولى تتعلمى الصبر مش كل مايتمناه المرء يدركة
معلش انا طولت عليكى وكمان قسيت عليكى بس ربنا عالم انه لمصلحتك عشان تفوقى قبل ماتخربى حياتك قربى من جوزك وحاولو توصلو
لحلول وسط مابينكم وكمان تعيشى اللى بتتمنيه من راحه ورومانسيه مع جوزك حاولى تفكرى بايجابيه مش بسلبيه واكتئاب وياس
يارب اكون قدرت اساعدك

إظهار التوقيع
توقيع : طافى
#4

افتراضي رد: محتارة فى حياتى

المفروض انك دلوقتى متزوجة
وبتقولى ان جوزك كويس معاكى
وشكله بيحبك وكمان انى معاكى أبنك
وأذا مش كنتى قادرة تعيشى مع اهله
فى الفترة اللى هو مسافر أستأذنيه تعيشى مع اهلك انتى
أو هو لو يقدر يبعت ليكى انتى وابنه وتروحى تعيشى معاه هناك
علشان ترتاحى من المشاكل انتى وهو
ومش تحاولى تبصى للماضى تانى حتى لو كان الشخص اللى كنتى بتحبيه
او هو بيحبك لحد دلوقتى او حبه وصل لدرجة العشق مش لازم أبدا
تنظريلة بأى نظرة ومش تبصى للماضى علشان مش تتعبى
وتخربى بيتك وتبهدلى أبنك
وأرضى بلى ربنا قسمه ليكى كل واحد بياخد نصيبه واللى ربنا راضى ليه بيه
وأحمدى ربنا على نعمته عليكى فى كتير اوى غيرك اجوازهم مبهدلينهم
ومش لاقين عيشه زى عيشتك
والافضل ليكى تقربى من ربنا اوى
ومش ينفع انتى تسافرى فى مكان وجوزك يسافر فى مكان تانى
الحل الاسلم ليكى انك تقربى من ربنا
ونحمديه اوى
لان اللى بيتبطر على نعمة ربنا بتزول من وشه
وربنا يهديكى لنفسك ويهديلك جوزك ويهديكى لبيتك وأبنك
وانتى بتقولى ده حقى ولا مش حقى
حقك انك تسعدى الراجل اللى أمنك على شرفه وسمعته
وحقك انك تحبيه زى ماهو حبك واستحمل منك كتير
زى مما بتقولى
وحقك انك تحبى ابنك
واذا انتى شايفة نفسك كئيبة او مش مرتاحة
ممكن تجيبى كتب وتقرى فيها
وتثقفى نفسك مش شرط تشتغلى
كلمى صحباتك واتفقو انكو تخرجو يوم فى الاسبوع
صلة الرحم مع اهلك
خدى ابنك خرجيه واخرجى معاه
فى حاجات كتير اوى ممكن تتعمل غير الشغل على فكره
ومش تزعلى من كلامى

إظهار التوقيع
توقيع : semsemahasan
#5

افتراضي رد: محتارة فى حياتى

ربنا اداكى نعمه حافظى عليها انتى مش حاسه بيها دلوقتى لكن اذا النعمه ديه زالت منكى هتعرفى قيمتها وهتندمى واتقى الله
ومن يتقى الله يجعل له مخرجا ويرزقه من حيث لا يحتسب

إظهار التوقيع
توقيع : محبه لله
#6

افتراضي رد: محتارة فى حياتى


المشاركة الأصلية كتبت بواسطة طافى
انا قريت موضوعك وحبيت انصحك لوجة الله قبل ماتضيعى حياتك اللى كتير غيرك بيتمنوها من ايديك
كلنا بنبقى رسمين حاجات كتير فى خيالنا عن الجواز والبيت والحياه وانها بتبقى فيها استقلاليه وان انتى
المصدر الوحيد مع جوزك طبعا فى اخذ القرار وبنتفاجا بغير كده كلنا عيشنا صراعات كتير مع اجوازنا ومع نفسنا
فى بداية جوازنا لان الحقيقه هى ان الجواز مسؤليه ولازم نتحملها بكل مافيها من فرح وشقاء انتى حساسه ورومانسيه
ومن حقك تعيشى رومانسيتك ديه بس مع جوزك لانه من كلامك انسان محترم وصدقينى هو ده اللى بيتبقى للواحده بعد الجواز
لان بعد الجواز كله بيتساوى اللى متجوز عن حب مع اللى متجوز جواز تقليدى
وبعدين انتى تضمنى منين انك لو كنتى اتجوزتى اللى بتحبيه وبيحبك كان هيعاملك كويس وهيحققلك الحياه اللى انتى عايزاها؟؟؟؟؟؟
كنتى ممكن تتجوزى عن حب وبعد الجواز تتفاجى بانسان تااااااااانى خاااااااااالص غير اللى حبيتيه .ساعتها هتقولى ياريتنى اتجوزت انسان محترم ويعاملنى معامله ادميه كانسانه
وانتى ربنا بعتلك ده يبقى احمدى ربنا غيرك بيتمنى معامله حسنه من جوزك وانتى بلسانك قولتى انه بيحاول جاهدا انه يساعدك يبقى حتى لو مقدرش يكفى انك تقدرى تعبه ده عشان يريحك ويحققلك اللى انتى عايزاه
حاولى تتعلمى الصبر مش كل مايتمناه المرء يدركة
معلش انا طولت عليكى وكمان قسيت عليكى بس ربنا عالم انه لمصلحتك عشان تفوقى قبل ماتخربى حياتك قربى من جوزك وحاولو توصلو
لحلول وسط مابينكم وكمان تعيشى اللى بتتمنيه من راحه ورومانسيه مع جوزك حاولى تفكرى بايجابيه مش بسلبيه واكتئاب وياس
يارب اكون قدرت اساعدك
انا مع طافي في كل كلمة

إظهار التوقيع
توقيع : نيڨين
#7

افتراضي رد: محتارة فى حياتى

حا فظى على بيتك ما دم جو زك كو يس ربنا يصلح لكى الحا ل
#8

افتراضي رد: محتارة فى حياتى

احمدى ربنا حبيبتى وحافظى على جوزك وابنك دول نعمة من ربنا

ربنا يصلح لكى الحال

#9

افتراضي رد: محتارة فى حياتى

بصراحه طافى وسمسم قالوا الى كنت عايزه اقوله الله يفتح عليهم
حبيبتى احمدى ربنا ومتفكريش فى الماضى جوزك كويس وبيعاملك بالحسنى فيه غير بيحلموابزوج صالح وكمانمعاكى ابنك اذكرى الله وارضى بنصيبك وركزى مع ابنك

إظهار التوقيع
توقيع : هبه شلبي
#10

افتراضي رد: محتارة فى حياتى

بصى حبيبتى
مشكلتك ان نظرتك للحياه غلط
ايوه غلط
انتى باصه للحياه على انها رومانسيه وحب وكمانجات وشموع وورد طول الوقت
لا ياقمر مفيش الكلام ده خالص
الحياه بقيت اسرع من كده بمراحل غير ان اى راجل مهما كان بيصبح عملى غصب عنه عشان ضغوط الحياه والعيشه والشغل
انا عارفه انك من حقك تعيشى الرومانسيه اللى كنتى بتحلمى بيها وماله مش عيب عيشيها مع جوزك فى حدود المعقول بس متطلبيش منه انه يفضل رومانسى على طول لأن اصلا مفيش حد كده
ارضى بعيشتك حبيبتى واحمدى ربنا عليها وفوقى من وهم الرومانسيه والحنيه والكلام الفاضى ده اتعلمى ازاى تبقى عمليه ونظمى حياتك على كده ومتفكريش فى الماضى خالص شيليه من ذاكرتك نهائيا
واعرفى ان الحب الحقيقى هو اللى بيجى بالعشره والمعروف والموده والرحمه اللى ربنا قال عليهم
انما غير كده تبقى مراهقه ثانوى واعدادى
وربنا يهديلك حالك يارب ويخليلك ابنك

#11

افتراضي رد: محتارة فى حياتى

ربنا يصلحلك الاحوال على فكرة انتى من كلامك مش بتفكرى غير بنفسك وناسية ان ليكى زوج وابن لهم حقوق عليكى وانتى بتفكرى تمشى بعيد مش ينفع كدا حبيبتى اهدى كدا وبلاش تضيعى زوجك من ايدك
#12

افتراضي رد: محتارة فى حياتى

الله يصلح حالك
#13

افتراضي رد: محتارة فى حياتى

اخواتى ربنا يكرمكم
انا عارفة ان كل اللى قولتوه صحيح مفهوش خطأ...الكلام ده سمعته كتير من اخواتى البنات وحاولو معايا. انا نسيت الرومانسية والكلام ده من زمن...الموضوع انى نفسى فى حياتى الخاصة نفسى فى مكان ليا انا وابنى نفسى اعيش وانا عارفة قدراتى وليا مكان فى المجتمع
مش عايزة اقعد مستنية فى البيت وفى ناس تانى عايشة معايا بيتحكمو فى تصرفاتى
وابقى مستنية جوزى يجى من السفر يقعد معانا شهر واحد كل سنة
يمكن ما وصلتش الفكرة ليكم صح ...مش مشكلتى الحب القديم لانى اصلا ما حبتوش ....مشكلتى انى ضعت دلوقتى مش لاقية لنفسى معنى ولا قيمة ومش لاقية الحظ اللى يساعدنى.
خطوة انى اخسر جوزى حقيقية ...فعلا انا وجوزى اتخاصمنا من كام يوم وبحاول انى اصالحه لكن تعب تعب بجد
ومبقاش فى ايدى حاجة اعملها
سامحونى سامحونى وادعو لى بالفرج لانى تعبت فعلا وخايفة يكون ربنا غضبان منى وبيقولى انى مش بشكر النعم اللى انا فيها
بس انا عايزة راحة البال

#14

افتراضي رد: محتارة فى حياتى

مش عايزة اكون قاسية عليكى- بس انتى كده فعلا بتظلمى جوزك وابنك- أنا مش لاقية سبب للحيرة والتخبط اللى انتى فيهم دول- يمكن السبب هوه صدمتك فى الجواز- او عدم نجاحك فى مقابلات العمل- بس انا عايزة اقولك- ده كله مش عيب- كتير اتصدموا فى الجواز ومنهم انا- جوزك ده جوهرة- كفاية انه زى ما بتقولى مستحملك ومحتويكى- إحمدى ربنا على كل النعم اللى انتى فيها- صلى كتير واقرى قرأن عشان ربنا يهديكى على نفسك- ويبعد عنك الشيطان- ويا ريت تجاوبينى يعنى إيه الجملة اللى انتى قلتيها على نفسك دى "كنت أسوأ عروس فى الحى" - تقصدى إيه؟؟؟
فى النهاية باقولك- إرمى ورا ضهرك وانسى اى حاجة تكون ضايقتك فى الماضى- المهم الحاضر والمستقبل- ربنا يهديكى ويريح بالك

#15

افتراضي رد: محتارة فى حياتى

حتصدقينى لو قلت لك كلنا بنعيش حياة لم نكن نتمناها ،ده حقيقى ، بس هو ده اللى ربنا كتبه لنا مينفعش نعترض بس ممكن نتأقلم ونجدد ونعدل وننهض بحياتنا ونسعى ولكن(فى نفس الاطار) وحطى بين عنيكى ان اللى بيعوز كل شىء بيخسر كل شىء ، انتى انانية جدا ومعندكيش رضا ولازرة صبر،واه انتى بتسالى ادا كنتى سيئة صراحة..,ايوة ده هو السوء بعينه كل كلامك عن نفسك وماترغبينه وماتريدينه ،طب والراجل ده اللى بيحاول يراضيكى وابنك ، الطموح حلو لكن الاحلى انى ارضى ربى واتمنى عليه واحافظ على استقرارحياتى
إظهار التوقيع
توقيع : نسرين جابر
#16

افتراضي رد: محتارة فى حياتى

يارب يا حي يا قيوم اجب دعاءها و بلغ رجاءها و اجبر بخاطرها انك على كل شيء قدير
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
حياتى عذاب (روايتى الجديده الواقعيه) ريموووو أقلام عدلات الذهبية
حياتى عذاب (كامله بدون مقاطعه) ريموووو أقلام عدلات الذهبية
حبيب عمرى انا حياتى انت هبه شلبي المنتدي الادبي
اصعب ايام حياتى مسلمة مسلمة فضفضة وحل المشاكل
ليرحل من حياتى من يرحل ... ♥ احبك ربى ♥ منوعات x منوعات - مواضيع مختلفة


الساعة الآن 09:48 AM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل