طريقة عمل بلوزةحريمي بغرزة العنكبوت طريقة عمل بلوزةحريمي بغرزة العنكبوت
أولا
دا شكل الغرزة وباترونها
ثانيا دي بعض النماذج المصنوعة من الغرزة
الطقم
1التنورة
2 البلوزة والجاكيت
صورة الغرزة
========
الباترون
ثالثا شرح البلوزة
أنا استخدمت خيط نايلون مقاس 12 وإبرة استانلس مقاس 8 أو 1.50ملم
طبعا إن شاء الله هنعمل كل وجه في البلوزة لوحده
وهنبتدي بأخذ دوران الكمر السفلي للبلوزة عليكي ونقسم على 2
علشان نشتغل الأمام الأول
نبتدي بعمل سلسلة من مضاعفات العدد 16 ونزود سلسلة واحدة في الآخر
يعني أنا بأعملها لبنتي سن 10 سنوات فاشتغلت 112 +1 سلسلة =113
يعني كررت 16 سلسلة وهي عدد غرز وحدة العنكبوت الواحدة 7 مرات وزودت واحدة كمان في الآخر
16*7+1=113
السطر الأول
هنشتغل على السلسلة كمان سلسلتين علشان أطلع بنص عامود على الكمر كله
هيطلع معانا 112 نص عامود +السلستين الأوائل ويعتبروا بمثابة نصف عامود أيضا يكون الناتج113 غرزة على 113 سلسلة
السطر الثاني
هنطلع بسلسلة ونشتغل جنبها 3 غرز حشو هيكون الناتج 4 غرز على 4 نص عامود تحتيهم
وبعد كده 12 سلسلة ونعد بعد آخر غرزة حشو 10 نص عامود وندخل الإبرة بغرزة حشو في عاشر نص عامود
ونشتغل 6 غرزة حشو جنبها كمان هيكون الناتج 7 غرزة حشو على 7 نص عامود
ونكرر نفس الخطوات لحد قبل الآخر ب4 غرز هنعملهم 4غرزة حشو
السطر الثالث
هنلف الشغل ونطلع ب1 سلسلة وكمان 2 غرزة حشو جنبها هيكون الناتج 3 غرزة حشو
وبعدين 7 سلسلة ونشبكها بحشو في نص 12السلسلة
وكمان 7 سلسلة ونسيب 1 غرزة حشو ونشبك في تاني واحدة ونعمل جنبها كمان 4غرزة حشو هيكون الناتج 5 غرزة حشو
ونكرر نفس الكلام وفي آخر السطر 3 غرزة حشو زي بداية السطر
السطر الرابع
نطلع بسلسلة ونعمل غرزة حشو جنبها يكون الناتج 2 غرزة حشو
نعمل7 سلسلة ونشبك في السلسة تحتها قبل غرزة الحشو اللي لوحدها ونعمل كمان فوق غرزة الحشوالوحيدة غرزة حشو
وكمان غرزة حشو في السلسلة بعدهاهيكون الناتج 3 غرزة حشو
وبعدين 7 سلسلة ونسيب غرزة حشوو نشبك بعدها ونعمل2غرزة حشو هيكون الناتج 3 غرزة حشو
ونكرر نفس الكلام وفي الآخر هيكون معانا 2 غرزة حشو زي بداية السطر
على فكرة ممكن كل واحدة تشتغل الأمام لوحده والظهر لوحده في نفس الوقت علشان ما تضيعش وقت[/B]
ودلوقتي نكمل السطر الخامس
هنطلع ب 4 سلسلة ونزود عليهم كمان 7 سلسلة ونشبك بغرزة حشو في نهاية السلسة جنب غرز الحشو
ونكمل فوق غرز الحشو كمان 5 غرزة حشو ونزود كمان واحدة بعدها في السلسلة
هيكون الناتج 7 غرزة حشو
ونعمل بعدها 12 سلسلة ثم نكمل باقي السطر بنفس الطريقة 7 غرزة حشو و12 سلسلة
وفي نهاية السطر بعد 7 سلسلة هنعمل عمود بلفتين ونشبكه في غرزة الحشو اللي في السطر تحتيه
دي صورة السلاسل في البداية قبل ما نلف الشغل
ونلف الشغل ونكمل 7سلسلة في الأول و7 غرزة حشو وبعدين 12 سلسلة
ونكمل لحد الآخر ونعمل عمود بلفتين
السطر السادس
هنعمل سلسلة نطلع بيها وكمان 7 سلسلة
ونعيد نفس اللي عملناه في السطرالرابع وينتهي بغرزة حشو واحدة
دي صورة غرزة الحشو الأخيرة ونعملها في ثامن سلسلة علشان نسيب قيمة العمود اللفتين من السلسلة
السطر السابع
نطلع بغرزة حشو وجنبها كمان غرزة في السلسلة بعدها ونعمل 7 سلسلة ونكمل زي السطر الثالث
السطر الثامن
هنعمل نفس اللي عملناه في السطر الثاني
السطر التاسع
هنعمل فيه نفس اللي عملناه في السطر الأول
ونكمل كل البلوزة بنفس الطريقة لحد مكان الحردة
كده هنكون وصلنا لمكان الحردة بتاعة الابط
فاكرين الباترون الأساسي للغرزة والسطر الخامس
هنوصل لحد الأربع سلاسل وكمان 7 سلاسل ونكمل السطر للآخر لحد العامود اللفتين ونلف الشغل
وندخل ب 7 غرز منزلقة
وبعدين نعمل كمان 5 حشو جنبها
ونكمل السطر عادي للآخر ونوصل لحد الحشو الخامسة وما نكملش ونلف الشغل
دي بعد ما عملت 7 غرز المنزلقة
ونكمل لحد غرزة الحشو في أخر السطر ونلف الشغل وندخل بمنزلقة ونعمل 3 غرزة حشو
ونكمل لحد غرزة الحشو في آخر السطر ونلف الشغل
ونكمل على كده باقي الأسطر كل مرة نلف الشغل وندخل بمنزلقة من الناحيتين
لحد السطر الرابع من الباترون الأساسي
هترجعي على السلسلة الأخيرة ب 8 منزلقة وتعملي 5 حشو لأننا مش هنعمل السطر بتاع الأربع سلاسل أو العمود بلفتين
ونكرر نفس طريقة التنقيص في السطر بعده وكل مرة ندخل بمنزلقة
لحد نهاية السطر الرابع في الباترون الأساسي شوفي الأسهم في الصورة
دي حدود التنقيص وبعد كده هنطلع بالشغل عدل
في المرحلة دي هنكمل بعد السطر الرابع ونعمل السطر الخامس بأربع سلاسل وكمان سبعة يعني 11 سلسلة وتكملي السطر
وفي آخر السطر سبعة سلسلة وعمود بلفتين ونطلع بالشغل عدل زي ما كنا بنشتغل في أول البلوزة لحد مستوى حردة الرقبة
أنا اشتغلت من بداية حردة الإبط لحد حردة الرقبة حوالي 20 سطر يعني بمثابة وحدتين كاملين وسطرين واحد في الأول وواحد في الآخر
ووقفت لحد السطر التاسع في الباترون الأساسي
وكملي هيبدأ يظهر معاكي شكل الحردة كده
نيجي دلوقتي لحردة الرقبة
شوفوا كده العلامات على الوحدات والعلامة الحمراء على المنتصف تماما
هنشتغل الحردة لحد الوحدة دي ونلف الشغل ونرجع تاني لأننا هنشتغل كل كتف لوحده
بعد السطر اللي عليه السهم هترجعي لحد النقطة الحمراء وهنا هيبدأ التنقيص
هنا العلامة الخضراء دا المنتصف والحمراء دي الوحدة اللي بيتعمل فيها التنقيص
يعني كل مرة بتعملي فيها حشو بتطلعي بسلسلة وتلفي الشغل وتعملي منزلقة وبعدين تعملي حشو وتكملي السطر عادي
لحد حردة الإبط وطبعا مفيهاش تنقيص
لأنك هتطلعي حردة الإبط مستقيمة للآخر
هنا النقط الحمراء بتبين أمكان التنقيص وبعد كده هتطلعي بالشغل عدل من غير تنقيص
وهتشتغلي لحد الإرتفاع المناسب للحردة وممكن تقيسيها على أي بلوزة عندك وتوقفي الشغل
وممكن تقصي الخيط وتشبكيه من النص تاني في مكان التنقيص المقابل عند السهم الأخضر
وممكن من غير ما تقصي الخيط ترجعي بغرزة حشو لحد مكان التنقيص وتبدأي تنقصي عادي زي الجانب السابق
وترجعي من أعلى الكتف بمنزلقة وتعملي حشو تاني على حردة الرقبة لحد ما يقابل الحشو الأولاني
وتعقدي الخيط وتقصيه زي الصورة التالية
ودا الشكل النهائي للأمام وهنشتغل الخلف بنفس الطريقة
لكن الحردة هتكون أعلى مش عميقة مثل الأمام
يعني التنقيص هيبقى في سطرين
وممكن ما تنقصيش خالص وتعلي الكتف من الجنبين بغرزة حشو قبل ما تشبكي الظهر مع الأمام
منقول
إظهار التوقيع
توقيع : sho_sho
التوقيع لا يظهر للزوار ..
رد: طريقة عمل بلوزةحريمي بغرزة العنكبوت طريقة عمل بلوزةحريمي بغرزة العنكبوت
إظهار التوقيع
توقيع : الملكة نفرتيتي
التوقيع لا يظهر للزوار ..
رد: طريقة عمل بلوزةحريمي بغرزة العنكبوت طريقة عمل بلوزةحريمي بغرزة العنكبوت
رد: طريقة عمل بلوزةحريمي بغرزة العنكبوت طريقة عمل بلوزةحريمي بغرزة العنكبوت
رد: طريقة عمل بلوزةحريمي بغرزة العنكبوت طريقة عمل بلوزةحريمي بغرزة العنكبوت
إظهار التوقيع
توقيع : ندى ام
التوقيع لا يظهر للزوار ..
رد: طريقة عمل بلوزةحريمي بغرزة العنكبوت طريقة عمل بلوزةحريمي بغرزة العنكبوت
إظهار التوقيع
توقيع : sho_sho
التوقيع لا يظهر للزوار ..
رد: طريقة عمل بلوزةحريمي بغرزة العنكبوت طريقة عمل بلوزةحريمي بغرزة العنكبوت
إظهار التوقيع
توقيع : محبه لله
التوقيع لا يظهر للزوار ..
رد: طريقة عمل بلوزةحريمي بغرزة العنكبوت طريقة عمل بلوزةحريمي بغرزة العنكبوت
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| حقائق مذهلة حول العنكبوت ,, وإن أوهن البيوت لبيت العنكبوت | ام طاطو | عالم النباتات والحشرات | ||
| العنكبوت والملحد؟؟؟؟؟؟؟؟؟؟؟؟ | ايفين | عالم النباتات والحشرات | ||
| بلوزة بغرزة العنكبوت الدائرية كروشية وبترونها | zozoweza | الخياطة والكروشية والتريكو | ||
| بيت المسلم وبيت العنكبوت معجزة علمية | ام سيف 22 | الاعجاز العلمي | ||
| معلومات مدهشة عن خيوط العنكبوت | صمت الورود | عالم النباتات والحشرات | ||
الساعة الآن 11:28 AM
جميع المشاركات تمثل وجهة نظر كاتبها وليس بالضرورة وجهة نظر الموقع