أو

الدخول بواسطة حسابك بمواقع التواصل

#1

حصرياً •.♥.•عايزه نعومه...بياض..نضافه اكيد...دا مش اومو دي وصفتي•.♥.•

سلامو عليكو يا بنوتات



وحشتوني وحشتوني وحشتوني
3 وحشتوني

وها قد عدت بصاروخ ارض جو بحر نهر



احب اقول قبل ما ابدا


ان الوصفه تجربه عليا انا شخصيا
زي ما انتو عارفين انا مش بهبل وخلاص

تومام؟


يلا بقي كفايانا لوك لوك لوك وندخل ع العك
احم
اقصد الوصفه




المقادير


كوبايه عرق سوس مطحون في مطحنه الخلاط
نص كوبايه سدر مطحون
نص كوبايه رز مطحون برضو
ربع كوبايه ترمس مطحون
نص كوبايه ملح حليب
علبه صنفره بالخوخ او لو معندكيش يبقي نص كوبايه من لوشن الجسم بتاعك
حجر خفاف ناعم ( مش بتاع اصاله لانه خشن اوي )
ليفه مغربي




طريقه العمل


-المقادير دي كميه كبيره طبعا تكفي كذا مره مش هنحطها كلها مره واحده عشان النصاحه انا عارفه

اول حاجه هنخلط المقادير الناشفه كلها (المقادير ماعدا الصنفره او اللوشن) ونحطها ف برطمان زجاج
ودي هنشيلها ف التلاجه او الحمام عندنا ونطلعها للاستخدام عند الشاور ويستحسن عشان منكسلش كالعاده تتحط ف الحمام عشان ميبقاش فيه حجه



ثانيا ناخد مقدار يكفي جسمك من البرطمان (حوالي 3 معالق كبار مليانين ) ونخلطه بكميه من الصنفره او اللوشن بحيث يكون الخليط متماسك ويتقدري تفرديه علي جسمك



نيجي بقي لاهم حاجه وهيا طريقه استخدام الخلطه








اول هام انك تكوني فاتحه الدش و مجهزه الحمام ومدفياه خالص و كله بخار كده علشان مسام جلدك تتفتح بسرعه وتتشرب الخلطه اللذيذه دي


تغسلي شعرك وانتي تحت الدش
ليه بقي؟

عشان الميه تكون نازله علي جسمك تطري البلاوي اللي عليه وكانك نقعه جسمك ف ميه عشان بعد كده تتشال بسهوله مع السنفره دي

وانتي بتغسلي شعرك ارمي الليفه المغربي بتاعتك هيا والحجر الخفاف تحت رجليكيي بحيث الميه تنزل عليهم وانتي واقفه



غسلتي شعرك يا حلوه؟


ارفعيه بقي وسيبي الدش مفتوح عشان البخار يكون مالي الحمام زي ما اتفقنا
وهاتي الخلطه بتاعتك وتعالي


هتاخدي بايدك وتدهني جسمك كله بطريقه دائريه كانك بتعملي مساج
وتتكي كويس بصوابعك النونو دي علي المناطق الخشنه والسمراء في جسمك كله وتركزي عليها اوي
عند الركب
تحت الابط
الاكواع
المؤخره
تحت الصدر
المنطقه الحساسه
( ايوه متخافيش مش هتعملها حاجه بس متتغابيش ف الدعك )
وش الرجل
وكف الايد طبعا


وزعتيها؟

هتسيبيها بقي حوالي نص ساعه ل ساعه الا ربع
اول ربع ساعه ف الفتره دي هتدلكي جسمك وتتكي علي المناطق اللي قولنا عليها
بعد كده ممكن عشان تضيعي الوقت

تعملي ماسك لشعرك او حمام كريم
تدعكي كعوب رجليكي بالحجر الخفاق
او تقري مجله ميكي بقي


الوقت خلص؟

هاتي بقي الليفه المغربي اللي كانت تحت رجليكي وهاتك يا دعك دعك دعك ف جسمك كله
افتري بقي وطلعي عذابات السنين كلها انا بقولك اهو عايزين شغل رجاله
وتركزي برضو علي المناطق اللي قولنا عليها ماااااااااعادا المنطقه الحساسه متدعكيش فيها جامد
لا ادعكي براحه شويه بس بحركات دائريه كانك بتعملي مساج بس بالجامد شويه

خلصتي بالليفه ؟

ندخل ع الحجر

هتجيبي الحجر اللي مرمي برضو تحت رجليكي
مش هتدعكي المرادي يا حلوه
لا طبعا مش عايزين جروح لانه خشن طبعا


لا هتمشي علي جسمك كله بحركات دائريه متوسه لا جامده ولا حنينه يعني
لاحظي ان الحجر يكون مش خشن لا يكون ناعم ( استنعمي واحد يعني )

هتمشي زي ما قولنا دواير دواير وتركزي عند منطقه المؤخره ولامؤاخذه لان المنطقه دي بتبقي عند بعض الناس خشنه وفيها حبوب فالحجر بيظبطها

بس ناخد بالنا واحنا بنستخدم الحجر لحسن تتعوري يا قطه انا قولت اهو
وقد اعذر من انذر

خلصتي دعك وفرك ؟
بالشفا


ادخلي بقي تحت الدش واشطفي جسمك من كل دا
وتعالي بالليفه الناعمه بتاعه الشاور وحطي نقطتين شاور جيل (او شاور كريم يكون احسن) وليفي جسمك برااااااحه ونعومه كده


اشطفي جسمك وملسي عليه بقي كده

هتنبهرييي بكل ما في الكلمه من معاني بجد

بياض اييييييه ولمعان اييييييه والاهم من دا كله نعوووومه ايه
تحسي انك حته زبده كده طالعه من تحت الدش
انا عن نفسي كل ما بعمل الخلطه دي ببقي مش مصدقه ملمس ايدي من كتر النعومه والرطوبه اللي في بشرتي
بجد يا بنات احساسي تاني تاني تاني خاااااااااالص


استني هنا
لسسسسسسسسسه

هتحافظي علي كل اللي عملتيه دا يا قطه

ازاي بقي؟

هتجيبي زيت جونسون حبيب الملايين وتدهني بيه جسمك وهو لسه مبلول كده
وبعد كده تطبطبي عليه بالفوطه يادوب تاخدي الميه الزياده بس متمسحيهوش يا باتعه


واطلعي بقي وابهري اللي حواليكي ولو كنتي متجوزه ابهري جوزك بنعومتك وصفاء بشرتك وملمسك التحححححفه دا
واعيلي بقي


استنننننننو لسسسسه فيه خطوه كمان


اطلعو فوووووووووق عند التقييم وحطي تقييمك للموضوع اللي شاقيانين فيه دا يا حلوه انتي وهيا
اه
امال ايه يعني

يلا
سلامو عليكوووووووو


إظهار التوقيع
توقيع : ست الحسن
#2

افتراضي رد: •.♥.•عايزه نعومه...بياض..نضافه اكيد...دا مش اومو دي وصفتي•.♥.•

يسلمووووو
إظهار التوقيع
توقيع : ندى ام
#3

افتراضي رد: •.♥.•عايزه نعومه...بياض..نضافه اكيد...دا مش اومو دي وصفتي•.♥.•

يسلموووووو حبيبتى
إظهار التوقيع
توقيع : Frawla
#4

افتراضي رد: •.♥.•عايزه نعومه...بياض..نضافه اكيد...دا مش اومو دي وصفتي•.♥.•

تسلم الايادى

إظهار التوقيع
توقيع : المعتزة بخمارها
#5

افتراضي رد: •.♥.•عايزه نعومه...بياض..نضافه اكيد...دا مش اومو دي وصفتي•.♥.•

بارك الله فيك على الموضوع القيم والمميز
وفي إنتظار جديدك الأروع والمميز
لك مني أجمل التحيات
وكل التوفيق لك يا رب
إظهار التوقيع
توقيع : جنبك على طول خلينى
#6

افتراضي رد: •.♥.•عايزه نعومه...بياض..نضافه اكيد...دا مش اومو دي وصفتي•.♥.•

نورتونى يا قمرات
إظهار التوقيع
توقيع : ست الحسن


قد تكوني مهتمة بالمواضيع التالية ايضاً
الموضوع كاتب الموضوع المنتدى
بياض اللسان ، اسباب بياض اللسان ، طرق علاج بياض اللسان 2025 هبه شلبي العيادة الطبية


الساعة الآن 05:13 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل