أو

الدخول بواسطة حسابك بمواقع التواصل

#1

حصرياً بتحبي ربنا؟؟ طب ليه بعيده عنه؟؟ اومال ليه مش عايزة تدخلي دلوقتي؟؟

مبدائيا كده
انتي لو ارادتك ضعيفه مش هتكملي قرايه وهتقفلي الصفحة دلوقتي
هنسمي الدردشة دي
لحظة صلح مع ربنا ابتسامة
اول حاجه لازم نتفق عليها كلنا انك مش ملاك وانك بتعملي في اليوم الواحد ييجي 100 ذنب ولا حاجه
بس يمكن تكوني مش واخده بالك
بس ايلي متعرفهوش بقى
ان الذنب+ الذنب= جبل ذنوب




والجبل دا هيعمل سيئااااااااااااات
دا غير ان الجبل دا طااااااابق على قلبك وعامل زي الصدأ ودا هيخلي قلبك قاسي وجامد ( دا ان مبقاش كده فعلا)
انا هعمل معاكي محاولة عشان افوئك من تاني
دورك بقى انك تساعديني وتساعدي نفسك بقرايه الكلام دا ايلي مش هياخد من وقتك 12 دقيقة زي ما قولت بس هيصحيكي وينقذ مستقبلك
انا بكلمك انتي ياللي بقيتي تفوتي في الصلاة لحد ما فلتت منك خالص او قربت تفلت
ايوة انتي ياللي مصحفك بينده عليكي اهو شيفاه وهو مركون وبيقولك تعالي افتحيني وانا هشهدلك يوم القيامه يعني مش ببلاش ومع ذلك ولا همك!!!!
انتي ياللي حياتك بتضيع وبتفلت من ايدك ومخنوقه وعصبية طول الوقت
ايوة انتي ياللي لسانك بيصرخ وبيقولك حركيني ف حاجه مفيدة بدل الغيبة والنميمة خليني اذكر الله
انتي ياللي عينك بتقولك حرام عليكي انا مش عايزة اشوف مشاهد وحشه ربنا هيزعل مني بسببك
انتي ياللي سلمتي ودنك للشيطان وبقيتي تطنشي الفجر
عينك ولسانك وايدك ورجلك وودنك كل حاجه فيكي هاين عليها تتبرأ منك ورغم كل دا الملك حبيبك لسه بينده عليكي ولسه شايف فيكي الامل حتى لو انتي فقدتيه ف نفسك
انا شيفاكي ياللي بتفكري دلوقتي تقفلي الصفحه وبتقولي هقرا بعدين و لابلاش وجع دماغ معنديش وقت استني لوسمحتي بصي كده وراكي هتلاقي الشيطاااااااااااان واقف بيعملك كده
دايخةتازمالكيش دعوة
وبيتحداكي اهو وبيقولك هتقومي ومش هتقري
خليكي جدعه واغلبيه بلاش الضعف دا حرام عليكي نفسك
قولي اعوذ بالله من الشيطان الرجيم
بسم الله الرحمن الرحيم وتوكلي على الله واقري وافتحي قلبك كده معايا
بتحبي ربنا؟؟ طب ليه بعيده عنه؟؟ اومال ليه مش عايزة تدخلي دلوقتي؟؟
انا عايزة اقولك ان ربنا صبر عليكي كتييييييييير اووووي وسامحك كتير وسايبك تخبطي وتعصيه وتعملي ايلي انتي عيزاه بس خلي بالك ربنا صابر عليكي اه بس لو فكر ياخد منك او يعاقبك هيبقى عقاب شدييييد ومش هتستحمليه صدقيني
منفسكيش كده تتوبي توبة ترضي ربنا عنك للابد؟ وتصلح قلبك؟
اتوب من ايه يا نسمة انا الحمد لله احسن من غيري بصلي وبحفظ قرءان ساعات
ياستي وانتي زعلانه ليه مهما كنتي بتعملي اعمال صالحه برده حضرتك مش ملااااااااااك وبتغلطي ومحتاجه للتوبة باستمرار
وحتى لو افترضنا انك مش بتغلطي برده انتي محتاجه للتوبة لسببين
الاول : ان ربنا بيحب التوابين يعني ربنا بيحب يسمع عبده وهو بيقوله سامحني يارب والسبب التاني ان التوبة دي تجديد لطاقتك ونشاطك عشان ميحصلكيش فتور ف العباده ..فهمتي بقى؟
طيب يا نسمة الكلام دا بالنسبة للي شايفين نفسهم كويسين الحمد لله ... انما انا بقى بايظه خااااااااالص حتى الصلاة بطلتها بخيبتي .... لا والمصيبة الكبرى بقى خدي عندك كل ما اقول خلاص يارب مش هعمل كده تاني واوعده اني هتغير ... ارجع للعك تاني ويمكن ارجع اسوأ من الاول يعني كل ما اتوب ارجع مش عارفه اثبت ع التوبة لحد ما قرفت من نفسي ويئست بصراحه وحاسه ان من كتر ما ربنا زعلان مني مش هيرضي بتوبتي تاني ابدا
عَنِ النَّبِيِّ صَلَّى اللَّهُ عَلَيْهِ وَسَلَّمَ فِيمَا يَحْكِي عَنْ رَبِّهِ عَزَّ وَجَلَّ قَالَ : " أَذْنَبَ عَبْدٌ ذَنْبًا ، فَقَالَ : اللَّهُمَّ اغْفِرْ لِي ذَنْبِي
، فَقَالَ تَبَارَكَ وَتَعَالَى : أَذْنَبَ عَبْدِي ذَنْبًا ، فَعَلِمَ أَنَّ لَهُ رَبًّا يَغْفِرُ الذَّنْبَ ، وَيَأْخُذُ بِالذَّنْبِ ثُمَّ عَادَ ، فَأَذْنَبَ ، فَقَالَ : أَيْ رَبِّ اغْفِرْ لِي ذَنْبِي ، فَقَالَ تَبَارَكَ وَتَعَالَى : عَبْدِي أَذْنَبَ ذَنْبًا ، فَعَلِمَ أَنَّ لَهُ رَبًّا يَغْفِرُ الذَّنْبَ وَيَأْخُذُ بِالذَّنْبِ ، ثُمَّ عَادَ ، فَأَذْنَبَ ، فَقَالَ : أَيْ رَبِّ اغْفِرْ لِي ذَنْبِي ، فَقَالَ تَبَارَكَ وَتَعَالَى : أَذْنَبَ عَبْدِي ذَنْبًا ، فَعَلِمَ أَنَّ لَهُ رَبًّا يَغْفِرُ الذَّنْبَ ، وَيَأْخُذُ بِالذَّنْبِ اعْمَلْ مَا شِئْتَ ، فَقَدْ غَفَرْتُ لَكَ ، قَالَ عَبْدُ الْأَعْلَى : لَا أَدْرِي ، أَقَالَ فِي الثَّالِثَةِ أَوِ الرَّابِعَةِ اعْمَلْ مَا شِئْتَ "
وبصي الاية دي ( قل يا عبادي الذين اسرفوا على انفسهم لاتقنطوا من رحمة الله ان الله يغفر الذنوب جميعا انه هو الغفور الرحيم)
والاية دي : ( وقال تعالى : ( ومن يعمل سوءا أو يظلم نفسه ثم يستغفر الله يجد الله غفورا رحيما ) [ النساء : 110 ]
دا مين ايلي بيقول كده يا بنات
دا ربنا بنفسه بيقول الكلام دا فاهمه يعني ايه
بيقولك لا تقنطوا من رحمة الله
دا امر بيامرك اوعي تيئسي انه يغفرلك
حتى لو كانت ذنوبي كتير يا نسمة؟
اه والله العظيم وبحلف اهو كمان عشان تصدقي
حتى لو كل شويا اوعد ربنا واخلف وعدي بس من غير ما اقصد والله ؟
اه والله العظيم طالما بتغلطي وبترجعي عادي يابنتي ربنا ايلي خلقك وعارف ان دي طبيعتك يعني هيعذرك متخفيش بس انتي توووووووبي
بتحبي ربنا؟؟ طب ليه بعيده عنه؟؟ اومال ليه مش عايزة تدخلي دلوقتي؟؟
كلنا عارفين الحديث القدسي ايلي بيقول ان ربنا بينزل للسماء كل ليلة وينده عليكي
انتي متخيله يا بنتي ايلي بيحصل دا
مستوعباه؟
اصل لو انتي مستوعباه صح اومال بتضيعي الفرصه ليه
يعني قوليلي بصراحه بيني وبينك كده ف السر انتي مستغنية يعني؟ مش عايزة حاجه من ربنا؟
ايه يانسمة دا استغفر الله
طيب فهميني بتعملي كده ليه ردي عليا بالله عليكي حاجه تغيظ ولالا ان ربنا بجلالته ينده عليكي انتي ويقولك اطلبي انتي عايزة ايه وهعملهولك وحضرتك خخخخخخ نايمة انا باغلي
تخيلي كده المشهد ووالله والله ما اقصد تشبيه انا عايزة اقربلك الصورة ولله المثل الاعلى
تخيلي كده ان شخص ما جوزك او قريبك اوي اي حد تعرفيه اتصل بيكي دلوقتي وقالك يافلانه انا انهارده ع الساعه 1 بليل هعدي عليكي تحت الشباك عشان اخد منك كذا ودي مهمه اوي مثلا يعني وجه فعلا ف معاده وقعد ينده عليكي يافلانه وانتي نايمه او مش سامعه او سامعه ومطنشه بس مكسله تقومي شويا وراح اتصل بيكي وبرده مش بتردي شويا وطلع يخبط عليكي ع الباب وانتي برده مش بتفتحي تخيلي استمر ع الحال دا من الساعه 1 بليل لحد اذان الفجر يعني 3 ساعات ع الحال دا وانتي ولا هنا مع انك عارفه معاده كماااااااان
هيبقى رد فعله ايه؟
تفتكري هيعرفك ولا هيعبرك تاني اصلا ولا هيبقى طايقك؟ دا يوم ما هيعاتبك هيقولك لا ملكيش حجه دانا جيتلك مخصووووووووووص ومع ذلك طنشتيني فيوم ما هتحتاجيني مش هتلاقيني وهطنشك برده
انتي فاهمه انا اقصد ايه؟
تخيلي ان ربنا ايلي اكبر من اي حد رغم ايلي بتعمليه وتطنيشك دا لسه باقي عليكي وبيندهلك كل يوم ف نفس المعاد وبنفس الطريقة
بصي الحديث قال رسول الله صلى الله عليه وسلم:والذي نفسي بيده ، لو أخطأتم حتى تملأ خطاياكم ما بين السماء والأرض ، ثم استغفرتم الله لغفر لكم ، والذي نفس محمد بيده ، لو لم تخطئوا لجاء الله بقوم يخطئون ، ثم يستغفرون الله فيغفر لهم
انتي عارفه الكلام دا معناه ايه؟
ان ربنا حبيبك بيفـــــــــــــــــــرح بيكي لما يلاقيكي راجعه تجري عليه وتقولي يارب سامحني حتى لو كل شويا تغلطي عاااااااااااادي
بتحبي ربنا؟؟ طب ليه بعيده عنه؟؟ اومال ليه مش عايزة تدخلي دلوقتي؟؟
بصي الحديث الجميل اوووووووووي دا
عن عبد الله بن مسعود - رضي الله عنه - أن رسول الله - صلى الله عليه وسلم - قال : ( للهُ أشد فرحا بتوبة عبده المؤمن ، من رجل في أرض دَويّة مهلكة ، معه راحلته ، عليها طعامه وشرابه ، فنام فاستيقظ وقد ذهبت ، فطلبها حتى أدركه العطش ، ثم قال : أرجع إلى مكاني الذي كنت فيه ، فأنام حتى أموت ، فوضع رأسه على ساعده ليموت ، فاستيقظ وعنده راحلته وعليها زاده وطعامه وشرابه ، فاللهُ أشد فرحا بتوبة العبد المؤمن من هذا براحلته وزاده ) رواه مسلم .
الحديث دا له قصه يا بنات
كان في راجل مسافر على جمل في الصحراء لوحده وطبعا على الجمل دا كل الاكل والشرب بتاعه
المهم ان الراجل قال ارتاح شويا وانام ف الصحرا وساب الجمل جنبه وصحي ملقاش الجمل
طبعا دي مصيبة يعني واحد لوحده ف صحرا من غير اكل ولا شرب ولا اي حاجه يعني هيموت
راح الراجل دا حفر لنفسه حفرة وقال انام فيها لحد ما اموت وفجأة لقى الجمل قصاده
راح نط ع الجمل من الفرحه وقعد يحضنه وبص للسما وقال اللهم انت عبدي وانا ربك .. طبعا هو غلط من كتر الفرحه اصل الواحد ساعات من الفرحه مش بيعرف يقول ايه
فربنا عايز يقولنا من القصه والحديث دا ايه بقى؟
بيقول يعني شايفين الراجل دا فرحته عامله ازاي اهو ربنا بقى بتكون فرحته بينا لما نرجعله اقوى واكبر مع اننا غلطنا ف حقه كتييييير
بتحبي ربنا؟؟ طب ليه بعيده عنه؟؟ اومال ليه مش عايزة تدخلي دلوقتي؟؟
بدئتي تزهئي اهو شيفاكي قولي اعوذ بالله من الشيطان الرجيم تااااااااااني اما نشوف اخرتها مع الشيطان دا
سبحان الله يا نسمة يعني المفروض العكس المفروض يكون مدايق مننا او يتقبلنا بالعافيه ......... انما كمان يفرح ؟
هقولك ليه
بصي يا ستي
المعصية ليها لذة كبيرة فمعني انك تسيبي المعصية واللذة دي وترجعي لربنا فدا معناه بالنسبة لربنا انه غالي اوي عليكي وحتى اغلى عليكي من روحك وانك باقية عليه وان بالنسبالك الم الفراق ايلي بيحصل بينك وبين ربنا اقوى عندك من لذة المعصية
فهمتي بقى ليه ربنا بيفرح؟
بقى انتي تعرفي ان ربنا بيفرح كده بالتوبه ومتتهزيش ؟
معقوله لحد دلوقتي محركتيش لسانك وبدئتي تقولي استغفر الله سامحني ياربيارب
مستنية ايه متقوليش بكرا هتوب ولا حتى كمان 5 دقايق محدش ضامن عمره الناس بتموت فجأة ودي من علامات القيامه توبي دلوقتي فيها ايه فرصتك جت قبل ما ربنا يطبع على قلبك تاني ومتعرفيش تتوبي
قولي لنفسك خلاص كفايه انا تعبت وقلبي تعب وهو بعيد عن ربنا
قولي خلاص كل حاجه غلط بعملها مش هعملها تاني وربنا هيقويني بس انا ابدأ بالصح
قولي خلاص ندمت بجد عل حياتي الوحشه وانا بعيده عنك يارب
قولي يارب اقبلني انا مليش غيرك وعارفه اني بغلط كتير بس انت اكبر من كل دا وهتسامحني لانك وعدتني بكده وانت مش بتخلف وعدك ابدا
قولي يارب انا كل ايلي طالباه رضاك ونفسي علاقتي معاك تكون قوية
وخلي بالك اوووووووووووعي يوقعك الشيطان ف غلطه بيقع فيها الكل
متقوليش انا ذنبي كبير ربنا مش هيسامح
قولي ربنا اكبر من ذنوبي وهيسامح
مفيش حاجه ممكن توقف فرحة ربنا بعبده التائب
دا التائب حبيب الرحمن
بالله عليكي يا شيخه متستكتريش ع نفسك انك تكوني حبيبة ربنا ابتسامة
يلا بسرعه مفيش وقت للتفكير
يلا نبدا من الاول عادي ايه المشكله
انسي ايلي فات وقومي اقفي على رجلك
ابعدي الشيطان دا ايلي مكتفك وخلاكي كسلانه اوي وهيوديكي ف داهيه وف الاخر هيبيعك قصاد ربنا وهيقول انا مليش دعوة
واحده واحده انا مش بقولك قومي كسري وهدي الجبل
انا بس بقولك قومي اتوضي مهما كانت ظروفك قومي اتوضي استهدي بالله واستغفريه
ويلا كلنا نوعد ربنا سوا واحنا جماعه وربنا شاهد عل قلوبنا
يارب اوعدك ويشهد عليا لساني وقلبي ويشهد عليا الجبال والسما والارض والطيور ايلي بيسبحوك ليل نهار انا غلطت ف حقك وحق نفسي بس مليش غيرك اروحله واقف على بابه سامحني ومتتخلاش عني نفسي ارضيك اوي ومش عايزة اي حاجه غير رضاك خليك معايا وانا هثبتلك اني انسانه كويسه وهبدأ من الاول وكل ما هغلط هستغفر واتوب ودا وعد مني
ويلا كده لو انتي طاهره قومي اتوضي وصلي ركعتين بس للتوبة مش هيجرالك حاجه يعني وياسلام لو تاخدي شاور دافي كده قبل النوم وتصليهم وتنامي علطول وياسلام لو تتعودي على كده كل ليله
ولو مش هينفع تصلي استغفري كتير
فقد ثبت عنه صلى الله عليه وسلم أنه قال: من قال أستغفر الله العظيم الذي لا إله إلا هو الحي القيوم وأتوب إليه، غفر له وإن كان فر من الزحف. رواه الترمذي
لا اله الا انت سبحانك اني كنت من الظالمين
ويا جماعه انا مش عارفه احط صور خالص فى المواضيع ممكن حد يساعدنى


إظهار التوقيع
توقيع : نسمه الكون
#2

افتراضي رد: بتحبي ربنا؟؟ طب ليه بعيده عنه؟؟ اومال ليه مش عايزة تدخلي دلوقتي؟؟

لا اله الا الله
إظهار التوقيع
توقيع : نسمه الكون
#3

افتراضي رد: بتحبي ربنا؟؟ طب ليه بعيده عنه؟؟ اومال ليه مش عايزة تدخلي دلوقتي؟؟

باارك الله فيكي حبيبتي وجعله في ميزان حسناتك
إظهار التوقيع
توقيع : لولو حبيب روحي
#4

افتراضي رد: بتحبي ربنا؟؟ طب ليه بعيده عنه؟؟ اومال ليه مش عايزة تدخلي دلوقتي؟؟

بارك الله فيك
إظهار التوقيع
توقيع : امانى المصرية
#5

افتراضي رد: بتحبي ربنا؟؟ طب ليه بعيده عنه؟؟ اومال ليه مش عايزة تدخلي دلوقتي؟؟

ربنا يبارك فيكى ويجعله فى ميزان حسناتك كلامك اثر فيا اووووووووووووووى انا تقريبا كنت يأست من نفسى كل ما اتوب ارجع تانى اغضب ربنا والنهاردة كنت لسه بفكر ازاى ارجع تانى لربنا وياترى هيسامحنى ولا لا وكلامك طمنى اوووى وريحنى وحسسنى اد ايه انا غلطت ف حق ربنا ولازم فعلا اصلح الغلط دة
يااااااارب اقبل توبتى وابعد عن الشيطان وارحم ضعفى
إظهار التوقيع
توقيع : ست الحسن
#6

افتراضي رد: بتحبي ربنا؟؟ طب ليه بعيده عنه؟؟ اومال ليه مش عايزة تدخلي دلوقتي؟؟

بجد بجد بارك الله فيكى وجزاكى كل الخير فى الدنيا والاخرة وجعله فى ميزان حسناتك ياااااا رب ونفع بك الأمة الإسلام والمسلمين
إظهار التوقيع
توقيع : رضاك ربى 99
#7

افتراضي رد: بتحبي ربنا؟؟ طب ليه بعيده عنه؟؟ اومال ليه مش عايزة تدخلي دلوقتي؟؟

يعطيك العافيه وجزاك الله خير
#8

افتراضي رد: بتحبي ربنا؟؟ طب ليه بعيده عنه؟؟ اومال ليه مش عايزة تدخلي دلوقتي؟؟

موضوعك جميل , جزاكم الله خير الجزاء


سبحان الله
الحمد لله
الله اكبر
ولا اله الا الله
#9

افتراضي رد: بتحبي ربنا؟؟ طب ليه بعيده عنه؟؟ اومال ليه مش عايزة تدخلي دلوقتي؟؟

جزاكِ الله خيراً حبيبتي
إظهار التوقيع
توقيع : ضــي القمــر
#10

افتراضي رد: بتحبي ربنا؟؟ طب ليه بعيده عنه؟؟ اومال ليه مش عايزة تدخلي دلوقتي؟؟

يارب لا تحرمني حبك وقربك
#11

افتراضي رد: بتحبي ربنا؟؟ طب ليه بعيده عنه؟؟ اومال ليه مش عايزة تدخلي دلوقتي؟؟

بارك الله فيكى حبيبت قلبى
إظهار التوقيع
توقيع : زهرة حبك
#12

افتراضي رد: بتحبي ربنا؟؟ طب ليه بعيده عنه؟؟ اومال ليه مش عايزة تدخلي دلوقتي؟؟

جزاك الله خيراً
إظهار التوقيع
توقيع : ساره مصطفى
#13

افتراضي رد: بتحبي ربنا؟؟ طب ليه بعيده عنه؟؟ اومال ليه مش عايزة تدخلي دلوقتي؟؟

جْزَآَكِ الله كْلَ خْيُرَ
وِجِعُلْهَ الله فْيَ مْيُزَآَنَ حِسُنْآَتّكِ يْآَرِبَ وَلاِحْرَمُكِ الله آَلأَجْرَ وِآَلِثْوَآَبَ

إظهار التوقيع
توقيع : للجنة اسعى❤
#14

افتراضي رد: بتحبي ربنا؟؟ طب ليه بعيده عنه؟؟ اومال ليه مش عايزة تدخلي دلوقتي؟؟

انا بجد بجد مش لاقية كلمة مناسبة عشان توصف جمال وروعة موضوعك دا حتى كلمة شكرا مش هتكفي
انا بتمنالك من كل قلبي السعادة في الدنيا والاخرة و ربنا يجعله في ميزان حسناتك يارب و يحققلك كل الي بتتمنيه


قد تكوني مهتمة بالمواضيع التالية ايضاً
الموضوع كاتب الموضوع المنتدى
فوازير صعبة جدا وجديدة جدا 2025 واجابتها فوازير مضحكة جدا هتمووت م الضحك yasmen ali الغاز وفوازير


الساعة الآن 01:09 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل