تورتة الكرنب حصرى من مطبخي للمبتدئات يا عدولات

تورتة الكرنب محشي الكرنب تورتة الكرنب يا عدولات
تورتة الكرنب محشي الكرنب تورتة الكرنب يا عدولات
تورتة الكرنب محشي الكرنب تورتة الكرنب يا عدولات
صباحكم / مساكم فل يا عدولاتي

النهارده للمبتدئات حنعمل مع بعض تورتة المحشي وحبدأ معاكم من الالف الي الياء من اول ما نشترى الكرنبة لحد ما تكلوها بالهنا والشفا
علي فكرة المحشي ده انا سلقت الكرنب وعملت تورتة الكرنب وطبق كرنب للحفظ كل ده في ساعة وفعلا الطريقة اللي حقولهالكم دى سهلة جداً
الاول حنبدأ بتقطيع الكرنبة حنشيل الورق الاخضر الخارجي مش حنستعمله حوالي 4 او 5 ورقات اما باقي الورق الاخضر حنستعمله نشوف بنقطع الورق ازاى
زى السكينة كده بنقطع العروق من فوق وبعدين نخلص الورقة وطبعا عارفين ان الورق بيكون ملفوف علي بعض فناخد ورقة ورقة


بعد كده نسخن المية ولما تغلي نضع كمون وشوية ملح ونضع الورق لحد ما يدبل

نطلعه ونحطه في مصفاة ونبرده

وبعدين ناخد ورقة ورقة ونقطع العرق بالشكل ده انا عندى مقص مخصوص بعمل بيه وانت كمان اعملي كده علشان ما تتعوريش من السكينة

ودى الورقةبعد ما شيلنا العرق

هنا بقي الخلطة وحتلاقوا طريقتها في الموضوع ده
https://adlat.net/showthread.php?t=179183
وهنا ضيفت عليها لحمة مفرومة

نجيب صينية ونفرد فيها الورق ورقة الاول في ارضية الصينية وبعدين باقي الورق زى الجلاش نحطه في الصينيه ونرفعه علي جوانب الصينية لحد ما نغطي جوانب الصينية كده


وبعدين نفرد كام ورقة تانيني علشان ده اللي بيديله الطعم

ثم نضع الخلطة مع اللحم المفروم ونفردها كده

وبعدين نحط فوقها ورقة ثم نقفل عليها بالورق اللي علي جوانب الصينية

وفي الاخر ورقة كبيرة نغطي بها وش الصينية

ونبدأ ننغز الصينية بحيث نخرم الورق علشان يستوى ونعمل فتحات كده في جوانب الصينية زى الصورة

وبعدين نحط صينية المحشي علي النار تسخن حوالي 5 دقائق ثم اضع الشوربة الساخنة

ونغطي الصينية ونسويها عادى لما يبدأ المحشي يتشرب اوطي عليه النار واحط تحته الشياطة
[IMG][/IMG]
ولما يستوى اقدح ملعقة سمنه بلدى واحطها عليه






وبألف هنا وشفا