مخبوزاتي اي محليه حيااااااتي

[IMG][/IMG]

مساء الخير عليكو حبيباتي
دي معجنات علي طريقتي وطلعت جميلة قولو ماشاء الله
نقول بسم الله وندخل علي مقادير العجين :
*2 ونص كوب دقيق
*معلقة سكر كبيرة
*معلقة صغيرة ملح
*معلقة كبيرة خميرة
*معلقة كبيرة بيكنج بودر
*ماء دافئ
*شوية زيت
*3 معالق كبيرة لبن بودر
*معلقتين زبادي

الطريقة :
نحط الميه الدافية مع معلقة السكر والخميرة مع بعض ونسيبهم لحد ماتخمر

نحط الدقيق والملح والبيكنج بودر واللبن البودرة
وبعدين نضيف كل المكونات علي بعضها ونعجن كويس اوي اوي لمده لاتقل عن 10 دقايق
لحد مالعجينة تلم وتفك من ايدينا لوحدها
وعلي ماتخمر وتتضاعف في حجمها
انا حشيتها بيض
وجبن(شيدر _فلمنك_رومي _جبنة بفلفل) زيتون / صلصلة بيتزا او كاتشب
ودهنت الوش بيض برشه ملح ورشه سمسم وحبة بركة
وسويتها في صينية مدهونة زيت علي درجة حرارة متوسطة في الرف الوسطاني حوالي ربع ساعة او تلت
كده انا خلصت الطريقة
ندخل علي الصور يابنات
دي صورة تجميعية للكبالكااتشب والفلفل الحامي اصلي بحب احشرة بكل حاجة
[IMG][/IMG]

كده الموضوع تم بحمدلله
لو الموضوع عجبكو متبخلوش عليا بالتقييم
[IMG][/IMG]