طريقة عمل صينية بطاطس بالكفتة

[IMG][/IMG]
.......
......
جمعه مباركة عليكو يارب جميعا
ايه رأيكو النهارده نناقش مع بعض طريقة عمل صينية كفتة بالبطاطس
[IMG][/IMG]
يلا بينا ندخل علي المقادير:-

*نصف كيلو لحم مفروم
*3 ثمرات بطاطس كبار
*4 ثمرات من البصل كبار
*معلقتين كبار معجون طماطم
*بهارات (ملح /فلفل اسمر/بهارات لحم ان وجدت)
الطريقة بالصور يابنات :-
1-نبشر 3 بصلات كبار ونضيف عليهم اللحمة والملح والفلفل الاسمر وبهارات اللحم ونضعها برف التلاجة تمسك نفسها عشان نعرف نشكلها
ودي صورة ليها بعد ماخلطتها بالي قولنا عليه
[IMG][/IMG]
2-نقشر البطاطس ونقطعها طرنشان او حلقات بس تكون سميكة شوية علشان متتهريش في السوا مع الكفته،
نغسلها كويس وننقعها في ميه ودي صورة ليها
[IMG][/IMG]
3-نطلع اللحمة المفرومة ونبدأ نشكلها اما نصبعها صوابع او نعملها قرص
بس تكون مش سميكة اوي عشان هتكش وتبقي مدورة،
انا قرصتها اسهل واسرع
ودي صورة للكمية كلها
[IMG][/IMG]
3-بعد كده نبدأ نقليها في الزيت لحد ماتتحمر معانا ويبقي شكها زي الصورة دي،شوفو كشت زي ماقولتكو ازاي وبقت مدورة
[IMG][/IMG]
4-خلصنا قليتها كده تمام ،فاكرين البصلة الرابعة الي شلينها علي جنب ،دي هنقطعها حلقات او جوليان وندعكها برشة ملح وفلفل اسمر ونفرشها في الصينية الي هنرص فيها البطاطس
5-نحط البطاطس في الصينية ونضيف معلقتين الصلصة فوقيها




6-نضيف المية لحد ماتغطي البطاطس واول ماتغلي نحط الكفته ونغطي عليها
ملحوظة:-ا1-لو حابة تضيفي مكعب مرقة دجاج تخلي بالك انك تقللي الملح علي البصل
2-كل ماتلاحظي انها شربت المية تزوديها لحسن تتحرق لحد ماتختبري البطاطس وتعرفي انها استوت
متقلقيش الكفتة هتستوي لما البطاطس بتستوي لاننا اتفقنا البطاطس سميكة
وادي الصورة لما استوت
يادوب صورتهالكو في الصينية لانهم كانو جعانين
حتي جوزي بيقولي الموبايل اكل قبيلنا
[IMG][/IMG]
كده الموضوع خلص الحمدلله
علي فكرة انا كتبت الموضوع مرتين وكل مرة اكتبه الكهربا تقطع
يعني تعبت بجد اووووووي
يارب تقدرو تعبي وتقيموني لو عجبكو الموضوع وده عشمي فيكو دايما يااحلي صحبة في امان الله
[IMG][/IMG]