تعالى برمجى عقلك الباطن واعرفى ازاى تتعاملى معاه
العقل الباطن
هو مركز الحالة النفسية لينا هو اللى بتتخزن فيه الاحداث والذكريات الحلوة واللى مش حلوة وهو يعتبر الارشيف اللى بتتخزن فيه كل حاجة
يعنى ايه الكلام دة
يعنى بيخزن انا المفروض اعمل ايه لما الموقف دة يحصل ودة بيكون من غير تفكير اصلا لان برمجته بتكون من قبل كدة
زى بالزبط ما ببرمج كمبيوتر بأوامر ولما اديله الامر الكمبيوتر يعمل التاسك بتاعته
يعنى من الاخر
العقل الباطن هو الكمبيوتر اللى ربنا سبحانه وتعالى انعم علينا بيه
بس احنا ومعاكم انا للاسف مش عارفين نستخدمه ولا نتعامل معاه يعنى بنبرمجه غلط
انا مش عاوزة اطول فى المقدمة وهدخل باذن الله فى الموضوع علطول
كيفية برمجة العقل الباطن
قبل مانعرف ازاى نبرمج العقل الباطن لازم نعرف ايه هى المؤثرات اللى بتأثر فيه
هل احنا بس؟
ولا حاجات تانية ؟
مؤثرات العقل الباطن
-
انا
:انا اول مؤثر طبعا لعقلى الباطن بمشاعرى
بعواطفى
بعينى
بتخيلاتى
بدرجة ايمانى بالله
والاهم
بتصرفاتى
2-البيئة المحيطة
البيئة المحيطة بما فيها من المكان اللى عايشة فيه والاشياء الجماد الى بتعامل معاها وبـتأثر في عقلى الباطن زى
التليفزيون الراديو الكمبيوتر
الكتب والمجلات
زى الطبيعة زى البيت زى المدرسة والجامعة وهكذا كذلك
3- الاشخاص اللى بتعامل معاهم فى حياتى اليومية طبعا
طيب تمام كدة عرفت ايه هى الحاجات المؤثرة فى العقل الباطن ازاى بقة ابرمج عقلى الباطن على كل شيء جميل بحيث لما يحصل اى موقف ماتصرفش تصرف يأثر عليا بطريقة سلبية
الطريقة هى
انى اتعامل مع المؤثرات اللى قلتها فوق بطريقة تخدمنى مش طريقة تدمرنى وتأثر عليا سلبا
انى اتعامل مع عقلى الباطن كأنه حديقة بزرع فيها كل شيء جميل وبنضفها من كل شيء سلبى
طيب هل الطريقة دى سهلة
ا
لطريقة سهلة بس محتاجة صبر هننجح فيها باذن الله هى محتاجة صبر لان احنا من واحنا صغيرين احنا والناس السلبية عمالين بيرمجوا ويأثروا فى عقلنا الباطن
هل عقلى الباطن هيتبرمج علطول كدة فى يوم وليلة ولا بياخد قد ايه ؟
العقل الباطن اساس برمجته التكراااااااااار
زى طريقة الحفظ بالزبط لو قعدنا كل يوم نمسك سورة من سور القران الكريم ونقراها لمدة شهر هنكون حفظناها وبنقولها حتى واحنا مش مركزين ولا واخدين بالنا لان انا حفرتها اصلا فى عقلى الباطن وبمجرد بس ماعقلى الواعى يديله الامر انى عاوزة اقول السورة دى هيقولها منغير حتى مااركز
فالحكاية بتيجى بالتدريج والتكراااار يعنى كل مانغير مؤثر من المؤثرات اللى قلتها فوق دى عقلى الباطن هيتغير بس اهم حاجة زى ماقلنا التكرار
طيب ازاى بقة ابرمج عقلى الباطن
زى مااتفقنا بأنى احول المؤثرات اللى قلناها من مؤثرات بتدمرنى لمؤثرات بتخدمنى
1-اغير نفسى
عواطفى :احب كل الناس واحاول اخدمهم والتمسلهم الاعذار
بعينى :
انى ابص على كل حاجة حلوة اجيب صور طبيعية جميلة واتفرج عليها اغض بصرى من اى حاجة تغضب ربنا
انى ماحاولش ابص على الاماكن المزدحمة
هتقولولى ازاى مصر كلها زحمة
هقلكوا
لو انتوا راكبين الميكروباص مثلا وماشين على الكوبرى سيبكوا من العربيات والناس والزحمة وبصوا فى السما فى النيل ولو كنتوا فى اسكندرية بصوا عالبحر كل مكان فيه عالاقل حاجة حلوة
3-بتخيلاتى
اتخيل كل حاجة جميلة ونفسى تحصلى
انا عارفة وعن تجربة طريقة انى اتخيل الحاجة الحلوة الى بتحصللى دة صعبة اوى
لان كل مانتخيل حاجة حلوة بنخاف ماتحصلش والشيطان بيوسوسلنا بعكسها
لكن فيه طريقة وحل
اولا انى احول طريقة خيالى بدل ماتخيل ان نفسى الحاجة دى تحصللى اعيش الدور واتخيل ان الحاجة فعلا حصلتلى واعيش جواها يعنى امثل بالعربى
تانى حاجة
لما الاقى الوسواس هيبدأ يقللى انتى بتحلمى ومافيش كدة ويوسوسلى بأفكار سلبية ابطل تفكير وتخيل واقوم اتمشى واذكر ربنا
تالت حاجة
بدل مااقول يااااه نفسى وياريت لو كدة حصللى ادعى ان الحاجة دى تحصللى واتخيل انى قدام ربنا وربنا بيقللى اعديلى وانا هستجيب
لان دة اللى بيحصل فعلا وفلا ربنا بيقول كدة
بسم الله الرحمن الرحيم
ادعونى استجب لكم
صدق الله العظيم
ورابع حاجة والاهم
انى ادعى ربنا يبعد عنى الشيطان والوسواس ويرزقنى اليقين
يعنى ازاى
-احب نفسى
اهتم بيها
ممكن اعيش اميرة حتى لو امكانياتى المادية قليلة
اه والله
يعنى لو قمت الصبح اخدت شاور واشتريت لنفسى منتجات بسيطة بس ريحتها حلوة ومنعشة وعملت ماسكات وخدت شاور يومى وصحيت الصبح كدة وقعدت فى البلكونة ومعايا فطارى وكوباية الشاى او العصير بتاعى فى الهوا بتاع الصبح الجميل مزاجى هيتغير
لو عملت لنفسى كل كزا يوم كدة شاور حلو اقعد املا البانيوواحط شاور فيه ريحته تكون حلوة مش لازم يكون غالى بس ريحته حلوة واقعد فيه فترة واغمض عينى واسترخى مزاجى هيتغير
اشوف ايه بيفرحنى واعمله
لو حاولت اساعد الناس بأى حاجة تفيدهم بنية ان ربنا يرضا عنى هفرح
لو حسيت انى بذكر ربنا دايما واتقن عملى واتقى ربنا فى جوزى واولادى واعاملهم كويس هنام بالليل مرتاحة
لو صلحت اخلاقى واشتغلت عليها يعنى مثلا كل يوم اشوف حاجة فى اخلاقى اتدرب اغيرها واشوف انا ظالمة مين واعترزله واشوف انا واخدة حاجة من حد او عاملة ايه غلط فى حق حد واصلحها مزاجى هيتغير
2- اغير البيئة المحيطة
ازاى
بالنسبة للبيت
لو نضفت البيت وخليت ريحته حلوة وكل فترة اشتريله حاجة بسيطة والوانها جميلة ومريحة
لو غيرت نظامه كل فترة يعنى غيرت مكان العفش بطريقة جميلة
لو اشتريت بخور ريحتها جميلة وولعتها وشغلت القران البيت
البيت هيبقى كله بركة وجميل
بالنسبة
للتليفزيون والراديو والكمبيوتر والكتب
اختار الحاجة اللى بتفرج عليها لانها مؤثر قوى جددددددا فى عقلى الباطن
اختار حاجات بعيدة عن العنف
بعيدة عن الكأبة والحزن
بعيدة عن اى حاجة تغضب ربنا لان دى حاجات بتجيب الفقر فى البيت والمشاكل
اختار حاجات حلوة حتى وانا كبيرة ممكن افتح برامج وقنوات اطفال لان الوانها مريحة وحلوة ممكن افتح ناس بتتكلم فى معلومات مفيدة المعلومة اكيد هسمعها وهتفاد بيه ممكن افتح برامج دينية حلوة
ممكن افتح صور حلوة طبيعية واقعد اتأمل فى خلق ربنا سبحانه وتعالى
اهرب من اى اخبار وحشة على الفيس بوك او على التليفزيون لانها بتأثر فى عقلى الباطن منغير ماحس
اخر حاجة واهم حاجة من المؤثرات الاشخاص
الاشخاص بيتقسموا لمجموعتين
مجموعة الناس اللى معرفتى بيهم سطحية
ابعد واهرب من الاشخاص السلبيين اللى بتلاقيهم عاملينلك مشاكل وبيحولوا حياتك جحيم
ابعدى عنهم تماما
مجموعة الناس اللى مقدرش ابعد عنهم زى الاهل والزوج والعيلة
غيرى طريقة معاملتك للناس اللى فى المجموعة دى
بلاش تردى عليهم لما يزعلوكى واسكتى هتلاقيهم بعد فترة ندموا على اللى قالوه واعتزرولك
خليكى انتى دايما الكويسة وردى كويس عليهم وبحب
مش انا اللى قلت كدة
بسم الله الرحمن الرحيم
ادفع بالتى هى احسن فأذا الذى بينك وبينه عداوة كأنه ولى حميم
صدق الله العظيم
لما تلاقى حد منهم قالك رد زعلك اوى امشى بسرعة من الحتة اللى هو فيها واهدى وبلاش خناق وخصام عامليه كويس وحطى نفسك مكانه يعنى شوفى هو بيزعق ليه وزعلان ليه لو عليكى الحق صلحيه ولو مش عليكى الحق ابعدى لغاية مايكلمك اويعتزرلك
من الاخر
اهربى من المشاكل واقفلى اى طريق يوصلها ليكى الهروب احيانا مفيد لو مكانش دايما لان كل حاجة حلها فى ايد ربنا علشان كدة لو حصلت مشكلة سبيها على ربنا وابعدى انتى عنها تماما
منقول
إظهار التوقيع
توقيع : ام سيف 22
التوقيع لا يظهر للزوار ..
رد: تعالى برمجى عقلك الباطن واعرفى ازاى تتعاملى معاه
رد: تعالى برمجى عقلك الباطن واعرفى ازاى تتعاملى معاه
إظهار التوقيع
توقيع : حياه الروح 5
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| أيقظ قوة عقلك الخارقة | ريموووو | العيادة النفسية والتنمية البشرية | ||
| ماذا يفعل عقلك الباطن وانت نائم , معجزات العقل الباطن اثناء النوم | ربي رضاك والجنة | العيادة النفسية والتنمية البشرية | ||
| عقلك الباطن و كيف تستفيد منه؟ | ريموووو | العيادة النفسية والتنمية البشرية | ||
| كونى انانية مع عقلك الباطن | dodo modo | العيادة النفسية والتنمية البشرية | ||
| كيف تبرمج وتسيطر على عقلك الباطن؟!! | Mysterious_Liberty | منوعات x منوعات - مواضيع مختلفة | ||
الساعة الآن 11:47 AM
جميع المشاركات تمثل وجهة نظر كاتبها وليس بالضرورة وجهة نظر الموقع