تحذير من الاستخدام الخاطئ لبعض المواد فى الوصفات,تحذير فى بعض الوصفات
الخميرة:
الخميرة معروفة بفوائدها الرهيبة للبشرة بتنعم الوجه و تصفيه و توردو و اصحاب البشرة الدهنية اكتر ناس بيتسفيدو منها لانها بتعالج الحبوب و تنشفها و تخليها تروح بسرعة
لكن طبعا حضراتكم بتيجو و انتو لذاذ اوى كدة و تستخدموها غلط و تطلعلكو حبوب و تيجى يا عينى تفضحوها هنا و هيا غلبانة مالهاش ذنب و تقولو دى الخميرة وحشة
لا حبيبتى الخميرة مش بتستخدم غير مع منتجات الالبان
افضل فوائد ليها بتظهر لما تستخدميها مع اللبن و الزبادى
مع العسل لأ
لواحدها لأ
مع ماء الورد بس لأ
و ياريت ماتجيش فتوكة جميلة تتخانق معايا و تقولى طب انا عملتها مع حاجة غير منتجات الالبان و طلعت حلوة هقولها حبيتبى الى ينفع معاكى ماينفعش مع غيرك
انا بكلم على منتجات الالبان مع الخميرة بتناسب كل الناس و مش بتضر حد و لما بتسخدم مع حاجة تانية ممكن ماتعملش ضرر لكن الاغلبية اشتكو منها لما استخدموها مع حاجة غير اللبن و الزبادى .
العسل:
جينا للعسل
العسل ربنا سبحانه و تعالى ذكروا فى القراءن و قال انو فى فوائد و شفاء للناس و طبعا هوا حلو جدا جدا للبشرة لكن انتو برضو بتسخدموه غلط و انتو مش حاسين
و المصيبة الاكبر انو استخدامو الخاطئ بيبان تاثيره بعد سنين مش فى وقتها
حضراتكم بتعملو ايه بتعملو ماسك العسل بسس
و دة مصيبة سوداء و كارثة بشهادة كذا دكتور تجميل و سمعتها بودانى
الى بيحصل انو انتى بتحطى العسل على وشك بس من غير مايكون معاه حاجة يروح هوا شادد البشرة جامد جدا جدا و تيجى تشطفيه و بس
و لما تخلصى تفرحى اوى انو بشرتك اتشدت جامد و فاكرة انو كدة كويس
و دى كارثة ليه
لانو العسل بيمسك البشرة يشدها جاااااااامد جدا جدا فى خلال ربع ساعة و فجاءة تغسلى البشرة تروح البشرة راجعة زى ماكانت فى ثانية واحدة يقوم عضلات الوجه الى هيا رقيقة جدا و ضعيفة جدا تجي تترهل و تضعف
و بعد كذا سنة تلاقى التجاعيد بداءت تظهر بدرى عن معادها بسبب ايه
بسبب الاستخدام الخاطئ للعسل
غلط جدا جدا انك تعملى كدة و الى بيستخدمو الماسك دة يوقفوه فورا لانو و الله دة عن تجربة و بشهادة دكاترة فاهمين العسل مش بيستخدم لواحدو ابدا ابدا على البشرة .
دى الاستخدامات الصح للعسل
وطبعا عارفة اغلبكو هيقولو طب نبقى عملنا ايه ماحنا كدة برضو هنحطوا على وشنا هقولك لا يا حبيبى انتى هتخففى تاثيرو فى شد البشرة بنسبة كلية لانك هتحطى معاه حاجات تخليه يذوب و يخف و يدخل بشرتك يغذيها و ينورها من غير ما يشدها جامد زى لما بتحطيه لواحدو
و للعلم انو لما بيستخدم لواحدو البشرة مش بتستفاد منو بنسبة كبيرة انو غليظ جدا و بيقى قوى على المسام و مش بيخش كلو بل بالعكس بياذيها و اضرارو مش بتبان غير بعد سنين من استعمالو الخاطئ .
يبقى ممنوع منعا باتا استخدام العسل بعد كدة لواحدو .
1.بيستخدم مع الحناء البيضاء و ماء الورد و دة اكثر من رائع . 2.بيستخدم مع الزبادى و بيكون جميل جدا جدا . 3.بيستخدم مع اللبن و دة بيقبى ماسك اكثر من رائع بيخلى وشك عبارة عن لمضة من كتر الصفاء و النور الى بيكون فيه و نتجيتو بتظهر من اول مرة .
الليمون:
جينا بقى لحبيب الملايين الليمون
و طبعا لازم اتكلم عن الفتوكات الظالمين الى يعينى يمسكوه و يقعدو يقطعوا فى فرتو و يقولو دة وحش دة بيسود دة بيعمل ...
مهو يا حبيبتى بيسود لانك بتستخدميه لواحدو
للمرة المليون يا حبايبى اللليمون مش بيتخدم ابدا لواحدو خالص خالص
عايزة اكبر فائدة لليمون
بيستخدم مع الجلسرين
بيستخدم مع الفازلين
بيستخدم مع الزيوت
لكن لواحدو طبعا هيسود لانو حامى جدا جدا و بقشر الجلد تقشير رهيب و ناس كتيرة مش بتستحملو
ويكون النتيجة انو بيطلع حبوب و دة لانو بيمتص الزيوت الطبيعية للبشرة تمااما
فالى يحصل انو البشرة يا اما تسود
ياما تتطلع حبوب بسبب الجفاف الى حصل فى البشرة و الحبوب الى بتطلع بسبب الجفاف العن مليون مرة من الحبوب العادية
و نرجع نقول اللليمون وحش
لا حبيبتى استخميه مع الجلسرين خرافة و بيبيض مع الوقت .
او مع زيت اللوز المر .
و بالنسبة لاستخدامو على الوجه طبعا بيستخدم فى حمام البخار .
او انك تحطي نص ليمونة على اى ماسك تعمليه دة يعنى لو عايزة تستفيدى منو اكبر استفادة .
لكن لواحدو لألألأ .......
استخدام الزيوت :
بالنسبة لاستخدام الزيوت زى جنين القمح
زيت اللوز
ويت الزيتون و غيرها
دى مافهاش مشكلة لو هيستخدم الزيت على الجسم
يعنى لو عايزة تستخدمى زيت معين تستخدميه على الجسم لواحدو او معاه حاجة
لكن على بشرة الوجه لأ و خوصوا الى بشرتهم دهنية ليه؟؟
علشان معروف من اسمو انو .....ايه ؟
زيت و اى زيت فى الدنيا فيه نسبة دهون عالية جدا و اصحاب البشرة الدهنية طبعا مشكلة بشرتهم اساسا انو افراز الغدد الدهنية زيادة عندهم فتيجى حضرتك تجيبى اى زيت من دول و تروحى حطاه على وشك على طول لواحدو من غير مايكون معاه حاجة برضو غلط .
لانو مع الزيوت المركزة الى موجودة فى الزيت و الدهون الى موجودة فى بشرتك البشرة هتتسد و المسام تتخنق و يطلع حبوب يبقى نيلنا الدنيا .
يبقى الصح
انك لو ناوية تستخدمى اى نوع زيت للوجه
تحطى معاه اى كريم مرطب
تجيبى الكريم الى بترتاحى عليه و تاخدى ربع معلقة صغيرة من نوع الزيت الى هتستخدميه و تقلبى كويس لحد مالزيت يختلط تماما مع الكريم
و تحطيه على وشك بعد ماتنظفى بشرتك كويس
و بالنسبة للى بشرتهم دهنية تحطى طبقة خفيفة
و الى بشرتهم جافة او عادية طبقة معقولة مش كتير اوى ولا قليل اوى .
دة الاستخدام الصحيح لاى نوع زيت على الوجه
كريم جليسوليد و اصحاب البشرة الدهنية:
كريم جليسوليد اكثر من رائع
فعلا بيبيض و ينعم بطريقة غير طبيعة و حلو اوى اوى لتنعيم الايدين
لكن التحذير منو هنا لاصحاب البشرة الدهنية اوعى ثم اوعى ثم اوعى
تستخدميه على الوجه لانو برضو فيه نسبة دهون عاليه جدا
لانو بيحتوى على الفازلين و الجليسرين مع بعض و مواد تانية مرطبة
برضو لو حطيتيه على بشرة الوجه وانتى بشرتك دهنية هيطعلك حبوب بشعة و جامد جدا جدا و هتاخد وقت عقبال ماتروح لان البشرة دى مابتسحملهوش
الاسبرين:
طبعا عارفين الاسبرين بتاع الصداع الصغير دة
دة حلو جدا فعلا للوجه بيتعمل منو ماسكات و حلو اوى لحب الشباب و عن تجربة
لكن الاسبرين لو حطيه فى اى ماسك هتعمليه ماتسبيش الماسك اكثر من عشر دقائق على الوجه
لانو قوى جدا و ممكن يضر البشرة لو اتساب اكثر من كدة على الوجه هما عشر دقائق فقط .
و طبعا افضل استخدام ليه مع الزبادى .
الفازلين :
برضو سمعت من بعض الناس عن انها لما استخدمت الفازلين سود المكان مش بيضو
و دة ليه عندى سببين انو مش كل بشرة بتتقبل كل حاجة
ثانيا انكو برضو بتسخدموه غلط
الفازلين بيستخدم لواحدو فقط على الجسم مش على الوش
ثانيا افضل استخدام للفازلين
انك تضيفى عليه زيت جنين القمح و زت اللوز المر و اى مرطب للبشرة و تعصرى نص ليمونة عشان تخففى من حدة الدهون الى موجودة فيه
لكن لواحدو مش كويس لانو برضو قوى جدا على البشرة و ممنوع اصلا يستخدم لواحدو على الوجه .
كربونات الصوديوم:
دى بقى حبيبتى
وبزعل جدا جدا لما حد بيشتمها و يفترى عليها و يقول انها وحشة لانها اكثر من رائعة و فوائدها خرافة و انا شوفتها بنفسى
بتلمع الجسم و تنورو و توحد لونو بجد خراااااااااااااافة وانا شخصيا بستعملها باقلى سنة و مش ممكن استغنى عنها ابدا
و ليها اسمين تانيين:
كربوناتو
باكينج صودا
لكن شوفتو انا قولت ايه للجسسسسسسسسسم فقط
مش بتسخدم ابدا للوش يا جماعة حرام عليكو اوعو و حذارى للمرة التريليون
تستخدموها للوش
لانها حماية جدا جدا لانها مش بس بتعمل تقشير لا بتعمل صنفرة للبشرة بمعنى ادق
بتشيل اول طبقة من الجلد
تخيلو
يعنى لما بتحطيها على وشك بتشيل اول طبقة من الجلد و تمتص الزيوت الى فيه و تخليه ناشف جدا و ممكن تعمل التهاب و اساسى بتطلع حبوب و تسود
اذن مش لانها وحشة لا لانها بتسخدم للجسم بس
و حتى لما تستخدميها للجسم ماينفعش تقشرى بيها بس لازم بعديها تحطى مرطب قوى جدا او تدهنى جسمك بزيت اللوز المر لانو طبعا غنى بالمرطبات دة غير انو بيفتح لون البشرة
يعنى حتى لو استخدمتيها على الجسم لوحداها هتغمق لونو لازم معها مرطب
و للعلم دة اقوى نوع تقشير و صنفرة للجسم
اذن الكربونات للجسم بس
مش للوجه و لا الرقبة كمان يعنى تقشرى بيها جسمك و تبعدى خالص عن الرقبة و الوجه
الطماطم و الفواكه و استخدمها على البشرة:
اخر حاجة بقى موضوع استخدام بعض انواع الفواكه او الخضروات على بشرة الوجه الكلام الى هقولكم دة سمعتو من اكبر دكاترة التجميل فى العالم يعنى ناس بتفهم فعلا فى الى بتقولو
قالو انو الخضروات و الفاكهة على الوجه مش بتجيب نتيجة و لا ليها تاثير غير على نسبة صغيرة جدا من الناس و بكون نسبة الفائدة الى داخلة للبشرة لا تتعدى 10 %
و دة لانو الحاجات دى ربنا خالقها فوائدها تبان اكثر لما تتاكل لانك لما تاكليها بتتدخل الدم و تغذى الجسم فعلا فيبان نتئجه على البشرة اكثر
اذن توقفوا ارجوكم عن اسخدام الفراولة و الموز و الطماطم و غيرها من المواد دى على البشرة صدقينى افضل مليوم مرة لما تاكل طمطماية من انك تحطيها على وشك
المصيبة الاكبر انو بعض الحاجات دى لما تتحط على البشرة تتاكسد و تتفعل مع الهواء و تنتج مواد تانية و تعمل مصايب فى الوش و دة كلام ناس جربتها و قالت كدة
كللى طماطم و فراولة و موز افضل مليون مرة من انك تحطيهم على وشك و هيغذوا البشرة اكثر ملوين مرة لما تاكليهم دة و الله انو النوعية دى من الماسكات اذت ناس كتيرة جدا
اللهم بللغت اللهم فاشهد .
الاستخدام الخاطئ للماسكات بصفة عامة :
يعنى بعض البنات تجى تلاقى ماسك حلو تروح قايمة عاملها على طول من غير ماتعمل خطوات الصح الى المفروض تتعمل قبل الماسك .
اذن لو ماعملتيش كدة هتكون النتيجة انو البشرة هتتسد و هتطلع حبوب و هتغمق و مش هتستفيدى خالص نهائى من الماسك
اذن اعملى الخطوات الصح و بعدين اعلمى اى نوع ماسك انتى عايزاه
انا عندى ماتعمليش ماسك خالص ولا انك تحطى ماسك على وشك من غير ماتتبعى الخطوات .
1.تنظيف البشرة . 2.تقشير البشرة بمقشر خفيف (زى مثلا مقشر زيت الزيتون و السكر و الملح) . 3.اعملى حمام بخار عشان المسام تتفتح و تعرف تستقبل المواد الى دخللها. اخيرا يا جماعة انا خلصت و يارب ماكونش نسيت حاجة باذن الله و نصيحة عشان بس تفهمو حاجة مهمة البشرة دى انواع و ربنا خلقنا كلنا مختلفين حتى اصحاب البشرة الى من نوع واحد درجات بشرتهم مختلفة اذن الى ينفعلك مكن ماينفعش لغيرك. خلى بالك جدا وانتى بتسخدمى اى حاجة على وشك لان بشرة الوجه و ارقبة حساسة و رقيقة و عضلاتها ضعيفة ماينفعش تحطى عليها حاجة و انتى مش ضامنة نتائجها لازم . وتخليكى ذكية لما يكون حاجة بتقشر او تصنفر جامد اعرفى الاول طريقة استخدماه الصح . اتعبى نفسك شوية قبل ماتعملى اى ماسك و اعملى سيرش عليه فى جوجل شوفى الناس الى استخدمتو قالت عليه ايه قبل ماتحطيه على بشرتك عشان تاخدى خبرة و حذر قبل ماتستخدميه . انا قبل ما اعمل اى ماسك لازم اعمل سيرش عليه الاول و اشوف الناس قالت عليه ايه .يارب تستفيدو و تتعظو و تسمعوا الكلام و تبطلو تستخدمو الحاجات غلط و تخلو بالكو من بشرتكم .
موضوع طوييييييييل جداااااااااااا
لكن حقيقي مفيد جدا وبه معلومات فيمه نقلته من منتدى اخر للافادة
الرجاء منكم الدعاءلكاتبة الموضوع
جزاها الله كل الخير
إظهار التوقيع
توقيع : فتاة بالحياء تجملت
التوقيع لا يظهر للزوار ..
رد: تحذير من الاستخدام الخاطئ لبعض المواد فى الوصفات,تحذير فى بعض الوصفات
إظهار التوقيع
توقيع : الاميرة النائمه
التوقيع لا يظهر للزوار ..
رد: تحذير من الاستخدام الخاطئ لبعض المواد فى الوصفات,تحذير فى بعض الوصفات
إظهار التوقيع
توقيع : ام سيف 22
التوقيع لا يظهر للزوار ..
رد: تحذير من الاستخدام الخاطئ لبعض المواد فى الوصفات,تحذير فى بعض الوصفات
إظهار التوقيع
توقيع : ربي رضاك والجنة
التوقيع لا يظهر للزوار ..
رد: تحذير من الاستخدام الخاطئ لبعض المواد فى الوصفات,تحذير فى بعض الوصفات
إظهار التوقيع
توقيع : sηfoorћ♪'
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| تنمية المهارات الحسية لدى الأطفال المعاقين بصرياً | للجنة اسعى❤ | ذوي الاحتياجات الخاصة | ||
| خطر المضاعفات الغذائية باللحوم المعلبة وانواع من الجبن | dodo modo | العيادة الطبية | ||
| الاستخدام الخاطئ للفأرة أثناء الجلوس أمام الكمبيوتر | نواعم | منوعات x منوعات - مواضيع مختلفة | ||
الساعة الآن 08:20 PM
جميع المشاركات تمثل وجهة نظر كاتبها وليس بالضرورة وجهة نظر الموقع