اتيكيت لبس النقاب,تعرفى على اتيكيت لبس النقاب وربنا يهدينا جميعا
ربنا يثبت كل مسلمه منتقيه على لبس النقاب والالتزام به فى ابهى صوره مشرفه كونك امرأه مسلمه ...
كتير دلوقتى بشوف منتقبات " عجبي " بجد بحزن لابعد الحدود وبتكسف جدا ... كانها انا ...
بشوف منتقبات لابسين النقاب على جيب ضيق جينز ... وايشارب صغير على بدى مجسم ...
لدرجة انى شوفت منتقبه لابسه تونيك على بنطولون ...
فى منتقبات بشوفهم عبايه سوده وكله اسود فى اسود بس ماشيه بتبرق من كل الزوايا ... ولا كأنها سورى بدلة رقاصه او فستان سيواريه ... حتى السيورايه ممكن يكون اهدى عن العبايه دى .. ولا الى بيلبس النقاب عشان عيونها حلوين ... ولا الى تكحل عيونها وترسمهم " لوك خليجى .. "
البرفيوم ... بجد حراااااااااام تحطى برفيوم يتشم من على بعد ميل .. وده عليه احاديث "ن أبي موسى الأشعري قال: قال رسول الله صلى الله عليه وسلم: أيما امرأة استعطرت فمرت على قوم ليجدوا من ريحها فهي زانية.
-وعن زينب الثقفية أن النبي صلى الله عليه وسلم قال: إذا خرجت إحداكن إلى المسجد فلا تقربنّ طيبا . أخرجهما النسائي.
وعن أبي هريرة قال: قال رسول الله صلى الله عليه وسلم: أيما امرأة أصابت بخورا فلا تشهد معنا العشاء الآخرة. رواه مسلم.
وعن موسى بن يسار عن أبي هريرة: أن امرأة مرت به تعصف ريحها فقال: يا أمة الجبار المسجد تريدين؟ قالت: نعم، قال: وله تطيبت ؟ قالت: نعم، قال: فارجعي فاغتسلي فإني سمعت رسول الله صلى الله عليه وسلم يقول: ما من امرأة تخرج إلى المسجد تعصف ريحها فيقبل الله منها صلاة حتى ترجع إلى بيتها فتغتسل . أخرجه أبو داود وابن ماجه, وسبب المنع منه واضح وهو ما فيه من تحريك داعية الشهوة.
ولا النقاب القصير الى ممكن مع حبة هوا يبان وشك من الجمب او حتى من تحت ...
مش ده النقاب خالص الى تعبتى نفسك وروحك عشان ترضى به الله قبل اى حاجه ...
مش ده النقاب الى ربنا هيقبله منك ...
النقاب الى يرضى ربنا بأذن الله ....
لازم يكون مش ملفت .... ولا يثير الاشمئزاز ...
يعنى بشوف منتقبين " والله غلابه " بس برضوا بعتب عليهم ... بيلبسوا النقاب بطريقة مبهدله ... يعنى الحاجب نصه باين ... الخط الى في النص معوج ... فتحتة العين واسع اوى ... مع انهم ملتزمين كويس واللبس مش ملفت ... بس مش معنى كده ان الشياكه نهملها ... بالعكس مطلوبه عشان نوصل رساله لكل امراه تحب تلبس النقاب ... ان النقاب ستره وكمان اناقه ...
والله يابنات بشوف منتقبات شيك جدا جدا .... ومش بيكون فى لبسهم حاجه بتلمع ولا ترتر ولا تطريز ... لكن بيكونوا شيك ... بتوحيد للون اللبس ... كله اسود .... كله بنى ... كله رمادى ... مع انى افضل الاسود بس ...
يعنى النقاب يكون :
1 - لون موحود مع اللبس ...
2- انيق ومرتب ...
3 - الكماليات ... زى " الشوز ... الشنطه ... البوك... " مينفعشي نشيل شنطه مدندشه ع الاخر ... والوانات كتيييييير مع النقاب ... ولا شوز مدندش برضو ... ولا بوك .. فوشيا مع النقاب ...
انا منتقبه الحمدلله ... وعلى قد مابقدر بمنع نفسي عن العبايات المطرزه المشغوله بالترتر وكده ... وفى يوم نفسي راحت على عبايه ... فضلت ادور على واحده تكون واسعه ومفيهاش شغل ... ولقيت واحده واسعه " زى قصة الفستان .. مجسمه من فوق على واسع كلوش من تحت " وفيها تطريز على الايد بس ...
جبتها اوسع من مقاسي حبتين علشان متبقاش مجسمه من فوق ... وتنيت التطريز الى على اسورة الكم لجوه ... بقت كلها ساده والطرحه بتاعتها فيها تطريز بسيط على الطرف ... قلبت الطرحه ... وخليت التطريز من جوه ...
يعنى اوعى تتحججججججججججججى ابدا وتقولى اصل كل الى فى السوق فيه شغل ... نقى ابسط حاجه وتجنبي الشغل ده بطريقه بسيطه ...
حتى العبايه دى مش بلبسها الا فى خروجات معينه ... غير كده بلبس الادناء عشان واسع اكتر ...
الى عاوزه اوصله عشان مطولشي عليكم ...
انك طالما قرقرتى واقتنعتى انك تلبس النقاب .... يبقا البسيه صح ... عشان تعبك ميروح ع الفاضى وربنا يتقبله منك ... عشان كمان مش توصلى رساله غلط للناس عن النقاب والناس اما بتصدق تشمت وتقولك " شوف المنتقبه دى ... شوف الى عملاه فى روحها ...
إظهار التوقيع
توقيع : ام سيف 22
التوقيع لا يظهر للزوار ..
رد: اتيكيت لبس النقاب,تعرفى على اتيكيت لبس النقاب وربنا يهدينا جميعا
إظهار التوقيع
توقيع : فتاة بالحياء تجملت
التوقيع لا يظهر للزوار ..
رد: اتيكيت لبس النقاب,تعرفى على اتيكيت لبس النقاب وربنا يهدينا جميعا
إظهار التوقيع
توقيع : ام سيف 22
التوقيع لا يظهر للزوار ..
رد: اتيكيت لبس النقاب,تعرفى على اتيكيت لبس النقاب وربنا يهدينا جميعا
رد: اتيكيت لبس النقاب,تعرفى على اتيكيت لبس النقاب وربنا يهدينا جميعا
إظهار التوقيع
توقيع : جنا حبيبة ماما
التوقيع لا يظهر للزوار ..
رد: اتيكيت لبس النقاب,تعرفى على اتيكيت لبس النقاب وربنا يهدينا جميعا
إظهار التوقيع
توقيع : حياه الروح 5
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| قصة فتاة فلسطينية مع النقاب والاحتلال الاسرائيلى..رائعة جداااا | شذا الاسلام | قصص الانبياء والرسل والصحابه | ||
الساعة الآن 08:43 PM
جميع المشاركات تمثل وجهة نظر كاتبها وليس بالضرورة وجهة نظر الموقع