سنة اولى ميكاب مش عارفة اسم اى حاجة فيهم تعالى ومتشيليش هم
صباحكم ورد وفل على عيونكم
انهاردة وانا راجعة من شغلى لقيت بنات حاطين ميكب كااااااااامل ايون كااااااامل
وانا يا خيبتى بحط بودرة خفيفة وكحل
طيب هنتعلم معنا كل اداة من ادوات المكيب ليه افرضى رحتى مناسبة وعاوزة تعملى ميكب خاص بيكى بنفسك
هنا هنتعرف على معنا كل حاجة فى عالم الميكب
اولا اساس الوجه و العيون*
1 برايمر
اسم مشتق من فعل برايم و معناه تحضير
فالبرايمر هو مستحضر لتحضير البشره قبل وضع المكياج
و عادة بيبقى شفاف او نفس لون البشره
و في برايمر خاص للعيون و دا بيثبت الشادو لمده اطول و بيظهر لونه اكتر
و في خاص للوجه كله و بيثبت المكياج لمده اطول
خليكو مركزين لنرووح الملاهى هههههههههه
2 /بيس
ومعناها قاعده او اساس
و هي بتستخدم كأساس او قاعده بنحط فوقها المكياج
و فيها منها للعين او بمعنى تاني هو بيبقى شادو كريمي ابيض بنحطه كأساس او بيس عشان يظهر الوان الشادو اكتر
في منها للوجه كله و دي بتبقى الوان احمر(زهري) - بنفسجي - اخضر ... الخ و كل حاجه و ليها استخدام
احمر : (عشان تداري الحبوب)
بنفسجي : (تستخدم في التفتيح و الاضاءه)
اخضر : (تستخدم في معادلة الاحمرار)
يا جماااله يلا تعليم بلاش
3 /كونسيلر
مصحح العيوب
في منه سائل و كريم
و هو بيتحط على الاماكن اللي فيها عيوب فقط مش على الوجه كله (لأنه تقيل)
و ميزته انه تقيل و بيستمر مده اطول
و في منه الوان كتيــــــر
درجات لون البشره الغامقه و الفاتحه بتستخدم في الكونتور (تحديد و ابراز ملامح الوجه)
الالوان زي الاخضر و الاصفر و البنفسجي بتستخدم في انها تداري العيوب
الاخضر (معادلة الاحمرار)
الاصفر (تخفي الهالات السودا)
البنفسجي (تفتيح البقع الداكنه)
انا عن نفسى بستخدم ده كتييييير وقت الزنقة
ثانيا *مساحيق تجميل الوجه*
فاونديشن
بيستخدم على الوجه كله لتوحيد اللون و ليس اخفاء العيوب
و في منه سائل - كريم - بودر
البودر فونديشن : هو كريم و بودر في نفس الوقت
يستخدم فونديشن اويل فري oil free (اساس مائي خالي من الزيوت) للبشره الدهنيه
بودر
أ- مات بودر (بدون لمعة) :
في منها انواع (بودره مائيه - بودره مضغوطه - بودره سايبه)
بودره مائيه : ميزتها انها بتستمر مده طويله و تغطيتها عاليه جدا (تستخدم في المناسبات لضررها على البشره) و بتتحط لوحدها بدون كريم تحتها
كومباكت بودر(البودره المضغوطه) : بتتحط بعد كريم الاساس لتثبيته و ليها تغطيه متوسطه و مناسبه للبشره الدهنيه اكتر
لوس بودر (البودره السايبه) : بتتحط بعد كريم الاساس لتثبيته و بتبقى خفيفه عادة لذلك تستخدم للبشره الجافه اكتر
ب- شمرينج بودر(البودره المضيئه) :
بودره فيها لمعة خفيفه بتستخدم في اضافة اضاءه للوجه
البلاشر
بلاشر بالانجليزي = روجاجو بالفرنساوي = احمر خدود بالعربي
يستخدم لاضافة مظهر حيوي و نضاره للبشره
يوضع على الخدود عادة و احيانا الانف و الدقن
في منه الوان و درجات كتير احمر - زهري - برتقالي(اورانج) - وردي - بمبي(بينك)
في بلاشر كريمي و دا بيستمر مدة اطول (و يفضل اننا نحط بعده بودر عشان مش يسيح)
و في بلاشر بودر و دا الشائع
و في منه الشيمري و المات
ثالثا *العيون*
آي شادو eye shadow
آي = عين
شادو = ظل
يعني الآي شادو هو ظل العيون او ظل الجفون
في منه عدد غير حصري من الالوان
و في منه المات و الشيمري و الجليتري
اما الانواع فهي شادو كريمي - شادو مائي - شادو مضغوط - شادو سايب
الشادو المائي : صعب الاستخدام لذلك يستخدمه المحترفون فقط
الشادو الكريمي : سهل الاستخدام و خاصة للمبتدئين
بث كده دى قواعد اساسية
يارب اكون افدتكم
إظهار التوقيع
توقيع : حنين الروح123
التوقيع لا يظهر للزوار ..
رد: سنة اولى ميكاب مش عارفة اسم اى حاجة فيهم تعالى ومتشيليش هم
إظهار التوقيع
توقيع : ميـــرنا
التوقيع لا يظهر للزوار ..
رد: سنة اولى ميكاب مش عارفة اسم اى حاجة فيهم تعالى ومتشيليش هم
إظهار التوقيع
توقيع : العدولة هدير
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| فيها حاجة حلوة ..!! | ام جنى وبس | منوعات x منوعات - مواضيع مختلفة | ||
| روايتي الاولى .. اغصان الشجر اصبحت يابسة | زوزو 24 | أقلام عدلات الذهبية | ||
| اوعو تياسو من اى حاجة ربنا كريم اوى | داليا اللقانى | فضفضة وحل المشاكل | ||
| مغتربة ومش عارفة مناهج السفارة ؟ طب تعالى | dodo modo | دردشة عدلات | ||
| حملة هاحافظ علي جوزي حبيبي الجزء2 | ندي الورد | الثقافة والتوجيهات الزوجية | ||
الساعة الآن 11:46 AM
جميع المشاركات تمثل وجهة نظر كاتبها وليس بالضرورة وجهة نظر الموقع