أو

الدخول بواسطة حسابك بمواقع التواصل



https://adlat.net/showthread.php?t=282981
988 0
#1

افتراضي خطايا الدايت السبعة 2024


خطايا الدايت السبعة 2024



خطايا الدايت السبعة
الخطيئة الأولي : مش بتاكل
ناس كتير فاهمة ان الدايت معناه عدم اكل و دي مصيبة.. الدايت معناه تنظيم اكلك ومعرفة انت بتدخل جسمك ايه؟ مش انك تمنع عنه الاكل
لما مش بتاكل انت بمنتهي البساطة بتقتل عملية التمثيل الغذائي (Metabolism) و معدل الحرق (Metabolic Rate) ,, و ده بيخلي جسمك مش قادر يكسر الأكل بسرعة وهيخزن النشويات والدهون كـ دهون في الجسم وهتلاقي انك عمال تتخن اصلاً مش بتخس , اه والله
_____________________________
التانية: فاهم الـ Free غلط
الـ Free مفيش جدال انه مهم نفسياً وجسدياً للي بيعملوا دايت, بس الناس فاهماه غلط ... فاهمة ان الـ Free هو انك تدفس وشك في كل الأكل اللي انت محروم منه طول الاسبوع في الويك اند! , ولو حد سألك ايه اللي بتعمله ده ترد عليه والأكل كله في بؤك : FREE يا جماعة
اكلك لكل حاجة محروم منها في يوم واحد من صباحية ربنا لبليل كارثة وهيجي عليك بالعكس عشان انت كده بتبوظ كل تعبك خلال الأسبوع. وجبة واحدة او 2 بالكتير Free حلو اوي فـ الويك اند.... متكترش عن كده
_____________________________
التالتة: عندك دهونوفوبيا!
يعني عندك هسهس من الدهون , بتعمل الدايت وبتبقي حريص جداً انك تمحي الدهون من النظام بتاعك نهائي.. و ده غلط!
لو الدايت فيه دهون ده مش هيخليك تخين, اي دايت مفيهوش دهون بيعطل عندك قدرة الإنزيمات علي حرق الكاربوهيدرات وده معناه ان جسمك هيخزنها دهون .
كمان الدايت اللي مفيهوش دهون بيأثر بالسلب علي الـ Adipokines ودي هرمونات بتطلع من الخلايا الدهنية
هرمون منهم اسمه Adiponectin وده هرمون فعال جداً في حرق الدهون وتحسين ال Metabolism في جسمك ...
حاول الدايت بتاعك يبقي فيه كمية متوازنة من الدهون المشبعة زي (الزبدة - زيت جوز الهند) و الدهون الغير مشبعة زي ( زيت الزيتون -مكسرات - الزيت الحار )
_____________________________
الرابعة: مش بتفطر
الناس اللي بتصحي وتنزل شغلها وتسقط الفطار من حسابتها , متعملوش كده تاني




الفطار اهم وجبة في يومك, دي البنزين اللي جسمك محتاجه اول ما تصحي, هي الزار اللي بتفتح بيه معدل الحرق في الجسم,, مينفعش نهائي انك تفوتها
_____________________________
الخامسة: مش بتنام
قلة النوم ليها تأثير كارثي علي الدايت والتخسيس . قلة النوم بتزود انتاج هرمون الـ Cortisol و ده بيحفز عملية تكسير الالياف العضلية و ده معناه خسارة في الكتلة العضلية عندك.... ف بلاش بقي ونام بدري احسنلك
كمان قلة النوم هتخليك لامؤاخذة عندك حالة من النهم والفجع المستمر , هتبقي عايز تاكل جداً وبالذات النشويات.
_____________________________
السادسة: عندك Eating Amnesia
يعني ايه ده؟
يعني بتحط ايدك في بؤك لا ارادياَ و في اي وقت.. بتتفرج علي المسلسل تقوم جايب اي حاجة من التلاجة تاكلها وانت بتتفرج, مروح من الشغل تخطفلك واحدة مولتو في السريع كدة..زعلانة تقومي ضاربة بولتين ايس كريم.. ابنك مخلصش الغدا بتاعه تقومي انتي مكملاه بدل منه
حاولوا انكو تقاوموا الاغراء ده عشان انتو بدخلوا الجسم سعرات حرارية زيادة وانتوا مش حاسينها و ف الاخر هتبوظ الدايت برضه!
_____________________________
السابعة: الدايت عندك سلطة!
البنات اللي مقضينها سلطة و خس وأكل ارانب طول اليوم. الدايت مش كده خااااالص
السلطة السعرات الحرارية اللي فيها قليلة و مفيهاش نشويات ولا بروتين كفاية تقدري عن طريقهم تتحكمي فـي هرمونات الجوع اللي الجسم بينتجها...يعني برضه هتجوعوا وهتاكلوا اكتر



إظهار التوقيع
توقيع : ЙǑŏƒ
أدوات الموضوع


قد تكوني مهتمة بالمواضيع التالية ايضاً
الموضوع كاتب الموضوع المنتدى
مربى الفراوله الدايت, طريقه عمل مربى الفراوله الدايت, مربى فراوله دايت رائع ريموووو اكلات للرجيم واطباق صحية
الإعجاز العددي و العلمي المدهل في سورة الفاتحة عاشقة جواد الاعجاز العلمي
عجايب الحجاب السبعة تحايل ونصب باسم الحجاب عمر ابانا وعائشه امنا الحملات الدعوية
ملوك السعودية السبعة الذين حكموا البلاد وغارت الحوراء شخصيات وأحداث تاريخية
حملة الرد على شبهات الشيعة ضد الخلفاء والصحابة رضي الله عنهم وأرضاهم المشتاقة الى رسول الله الحملات الدعوية


الساعة الآن 03:29 PM


جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل